samedi, août 18, 2007

لا تسقطوا "الباسبور" الأخضر من يدي



علمنا أخيرا بخبر سعيد ألا وهو سحب الجنسية التونسية من السيدة سهى الطويل أرملة ياسر عرفات، ونحن إذ نشيد بهذا الإجراء ونشكر كل من ساهم فيه من قريب أو بعيد وندعو إلى تعميمه على أساس أنّ كلّ مرأة ما تعرفش اتطيّب السلاطة المشويّة والكسكسي بالعصبان والمرمز ما تستاهلش باش "تتمتـّع" بجنسيّة بلادنا العريقة، فإنّنا نتوجّه إلى كل من يعنيه الأمر باش يساهم في ترسيخ هذا التوجّه الحميد لتنظيف البلاد من العناصر الزايدة عن اللزوم وسحب الجنسيّة من جميع الزنوس وذلك بداية بقائمة الأشخاص التالي ذكرهم مع الأسباب المبيّنة أسفله: ا

عصام الشوّالي بتهمة التشهدير الزايد عن اللزوم على قنوات أجنبيّة

- سمير الوافي بتهمة المساطة والركاكة وقلة الحياء المبالغ فيها

- علي بومنيجل بتهمة إنتحال صفة حارس مرمى والتسبّب في أمراض ضغط الدم والسكر لحوالي 5 ملايين من الأبرياء

- الطفلة اللي بزنست عليها البارح وما حبّتش تعطيني نومرو التاليفون متاعها بتهمة التفريط في الثروات الطبيعية الوطنيّة

- واحد إسمو محسن نسالو فلوس ما رجّعهمليش بتهمة القلبة الموصوفة

- واحد آخر إسمو ياسين على خاطر ما نحملوش هكّاكة من عند ربّي، آشنوة المشكلة مادام الجنسيّة ولاّت لعبة؟

مع الإشارة إلى أن هذه القائمة ليست نهائية وقابلة للتحيين في كل زمان ومكان سواء بالزيادة أو بالنقصان

هذا مع الدعوة الأكيدة إلى دراسة إمكانيّة منح الجنسية التونسية لكلّ من الشعبين الشقيقين السويدي والسويسري وسحبها من هذا الشعب الجبري بأكمله بما في ذلك من الخير واليمن والبركة على هذه البلاد

أخيرا أتقدم بجزيل الشكر لكل من يساهم في توسيع رقعة هذه المبادرة الطيبة - وهي على فكرة رقعة صحيحة - لتنظيف البلاد من كل الأشكال العادمة، ولكم في ذلك سديد النظر

والسلام عليكم ورحمة الله وبركاته



17 commentaires:

الكاتب a dit…

لووووول يا بيغ يا عظيم
:-)

أمّا بيناتنا ظاهرلي عدّهم باش يسحبوا منّك المواطنة (ماتعجبنيش كلمة جنسية..ماهاش في بقعتها) عن قريب على رقعتك الصحيحة

:-P

Anonyme a dit…
Ce commentaire a été supprimé par l'auteur.
Anonyme a dit…

صباح الخير بيغ
ياسر أغلاط في هاك المساز اللى ألغيتو
اما توة عرفت كى تغبر راك اتحضر في حاجة
باهي ميسالش انحو الزنسيّة للزنس خو مرت خويا يحب ياخذني بالسيف.:)

Bizguellif a dit…

بلاهي نحب نزيد الحجام متاعي في الليستا متاع العباد اللي ما تستاهلش الجنسية شنية لوثائق اللازمة

venus a dit…

il faut ajouter aussi, toute l'équipe qui travaille à Tunis 7 et hannibal...

Nayzek a dit…

brabbi zidou el9ahwéji ta3 el 7ouma 3al f7am lemdharre7 elli i7ott fih fel chicha, et lel 9hawi elli yet3adda fihom soum el chicha 3 dinars (mana7kiwech 3lé Dar lemdina fel 9asba elli fiha el chicha eb 10 dinars, mouléha yelzem enna77iwlou el jensia wenzidou entarrdouh avec un gros pieds au derrière)

brabbi n7eb nes2el souél, kif madame souha na77aelha el jensia, chkoun bihom hék elmafrakh elli bech ya9raw fi, elli i9ollek, l'école internationale de carthage wmen adraak ? :s

Anonyme a dit…

si les suisses et les suedois acceptent de nous donner leur nationalité ma famma 7atta mouchkol mar7bé fi kol wa9t :))

Anonyme a dit…

ياخي مشروع مدرسة قرطاج الدولية مزال ماشي ولا بطلوه؟

Big Trap Boy a dit…

@ النسر الأسود:

أهلا بالنسر، وينك ما عادش تظهر؟

توة هكا ما لقيت ما تستفايللي؟

على كل حال المواطنة أقوى شوية من الجنسية، ولهذا ماهوش أكيد أنّو أي واحد عندو جنسية تبدى عندو المواطنة بالمعنى الكامل والصحيح

آش خص كان يسحبو منّا الجنسية ويعطيونا في عوضها المواطنة، حتى على نهارين ولاّ ثلاثة نجرّبوها يزّي


@ arabicca:

صباح النور يا عينيا، ما عاش اللي ياخذك بالسيف وأنا حي.
:))

@ bizguellif:

من غير حتى وثائق يا ولدي، أعمل مطلب على ورق عادي وأبعثو وربي يجيبك في الصواب، وأهوكا شوف في الخارج كان لقيت حجام يعجبك أتوة نزيدو نعطيوه الجنسية ونورمااال

@ venus:

La liste est encore à compléter bien sûr! Jmé3it el Télé el kollhom inchallah béch na3tiouhom nationalité fi el Togo ou Namibia eb 9odret rabbi

Big Trap Boy a dit…

@ l'alchimiste:

Hathéka elli bik? Ya wéldi el 9ahwéjia wel serveurét el koll taw na3tiouhom le dzéyer walla lybia, ma yasl7oulnéch!

Bénnesba lel frou5 essaghar elli kénou béch ya9raou fel el madrsa mta3 Carthage ma t5aféch 3lihom, elkollhom ouléd krozz ou mosta9bélhom mathmoun, juste ya9raw pour la forme. Ebki 3al zawwéli elli kifi ou kifek, 3ala 5ater comme c'est connu, fi tounés, "ta9ra walla et***ek, tatla3 kén ki ebbayyék" :))

P.S: Oui je sais que j'ai promis que je ne dirais plus le mot "krozz" sur le blog ama ici on est dans les commentaires donc je peux dire "krozz" comme je veux puisque c'est moi qui fait la modération ici :)) Ma7léh el abus de pouvoir 7asilou!! :))

Big Trap Boy a dit…

@ Tarek:

7asb ma sma3t 9allék el bi3a etfarkchét, ya3ni la madrsa ou la wéthni. Ya wéldi khalli el oumour héthi lennéss elli tefhém fiha.

Ennés héthom ya3mlou boite de nuit, centre commercial, promotion immobilière, wallahi sa77a, ama oumour mta3 9raya ou 3ouloum apparamment 9wéyya 3ala m5a5hom chwayya :))

Anonyme a dit…

j'ai un concept de tele réalité esmou
"qui va perdre la nationalité?"
chaque semaine les telespectateurs pourront voter par sms au 87187 pour sauver leur candidat prefere. le nom du producteur est tenu secret

Anonyme a dit…

yamma hanna wkhayti, tawa hakka ya BTB, hayartli el mouaje3: HAYA SIDI ZID 3ANDEK:
1- tous les portier de calypso quim'ont pas laisser entré a cause sans avoir payer 15dt sans conso comprise,
2- tous les portier de BORA BORA illi n...uni fi 30dt pour une soirée de merde + el dj mta3 nharet el jom3aa 18 aout illi mouziktou ki ech bech ykoul fommi
3- tous les connard illi yhebbou 3al flous soit disant bech yissou 3al voitire fil lil,
4- au connard qui conduisais une polo blanche sur l'autauroute en roulant a 70km/h
....
ahhhhhhhhhhhhhhhhhh

Anonyme a dit…

yamma hanna wkhayti, tawa hakka ya BTB, hayartli el mouaje3: HAYA SIDI ZID 3ANDEK:
1- tous les portier de calypso quim'ont pas laisser entré a cause sans avoir payer 15dt sans conso comprise,
2- tous les portier de BORA BORA illi n...uni fi 30dt pour une soirée de merde + el dj mta3 nharet el jom3aa 18 aout illi mouziktou ki ech bech ykoul fommi
3- tous les connard illi yhebbou 3al flous soit disant bech yissou 3al voitire fil lil,
4- au connard qui conduisais une polo blanche sur l'autauroute en roulant a 70km/h
....
ahhhhhhhhhhhhhhhhhh

Anonyme a dit…

enna ina7i izensiya 3la rou7i isme7 ya ness fadit min 9ou7** el 7ayet el tounsiya,
isme7 ma tchidouch fiya barcha wouuuuuh

Neodallo a dit…

1. Lijma3et il virage ta3 jam3iyettes el koura el koll
2. Littaksyette ouellouagettes elli fasdou essou9ane fill blad
3. Lil boulissya ta3 el mourour boudourou
4. lijma3et lidaratte el ma ya3rfou kan arja3 ghoudwa
5. ...
Isma3 yezzi hakka, 3addazza hadhi mouch bach you9'3ed fil blad 7add..

Anonyme a dit…

Ahla bikom

Niqtare7 inna77iww el zinsyya il:

TOUT LE STUFF TECHNIQUE DE LA FEDERATION TUNISIENNE DE FOOTBALL, meme le stuff administratif ...