mercredi, juin 04, 2008

تخليص الكرب بصناديق العجب، أو الشأن العمومي في مخيّلة الشباب البهّومي

البارح وأنا مروّح نسمع في الراديو في برنامج على الإذاعة الوطنيّة داخل على ما يبدو في إطار الحوار مع الشباب ويحكي على ظاهرة عزوف الشباب عن الزواج. البرنامج هذا كان من تنشيط حاتم عمارة أو حاتم بن عمارة كان مازلتو تتذكّروه، هاك اللي كان شبه منشّط في التلفزة وإلّي والحمد لله طيّروه منها إنشاء الله بلا رجعة، على الأقل في الراديو ساعات نستحملو صوتو الأحرف، باقي خير ملّي نشوفو هاك الفطشاطة العزيزة.

المفيد الشباب يحكيو على العرس كيفاش ولّى صعيب وفيه برشة حسابات، حاسيلو جاء واحد طحّان قال أنا راني مرمّاجي عمري 35 سنة، وتوّة عندي سنين ملّي عرّست وعملت دار وكرهبة جديدة وما فمّا حتى صعوبة في العرس غير بركة الشباب يتشرّط ويحبّ كلّ شيء يجيه ليديه ! برجوليّة كان المرمّاجي هذا ينعتني على المرمّة إلّي عرّس منها وعمل دار وكرهبة جديدة (مع العلم أنّها المادام متاعو ما تخدمش) خلّيني حتّى أنا نستحسن ونلمّ سويقاتي فأكون له من الشاكرين !

أما إلّي شدّ إنتباهي أكثر في الحكاية هاذي، بخلاف المرمّاجي الطحّان وحاتم بن عمارة الذي لا يقلّ عنه طحينا (قالّك ما فمّاش بلاد مسهّلة القروض السكنيّة كيف بلادنا، وهو بيدو ظاهرلي مازال ساكن في الكراء !)، إلّي شدّ إنتباهي قلت هو أنّ الشباب الحاضر وقت إلّي قالولو آشنوّة الحلول إلّي تتصوّرها لحكاية العزوف عن الزواج هاذي، قامت بنيّة منهم وقالت الحلّ يعملولنا "صندوق" على غرار صندوق 21-21 وصندوق 26-26 خاص بالشباب إلّي يحبّو "يتزوّزو" وما لقاوش كيفاش.

حاسيلو ما فهمتش آشنوّة حكايتنا في تونس مع الصنادق، ياخي كلّ شيء الحلّ متاعو في صندوق؟ عاد نزيدو نحطّوها البلاد الكلّ في صندوق ونقراو عليها الفاتحة فرد مرّة موش خير؟ أنا نتصوّر أحسن حلّ باش تتفضّ المشاكل متاع الشباب الكلّ هو أنّو منّو هكّا أيّ واحد مازال يحكي على الصنادق هاذي نحطّو والديه في صندوق ونسيّبوه يتكركب في هفهوف باهي كيما نعرف أنا فمّاش ما يفيق على نفسو ويحكي حكاية تصلح مع الرجال ما كانش يسكّر علينا جلغتو فيكون في ذلك ربح وتوفير لوقت الناس ولوقته.

حاسيلو الأفكار من النوع هذا نعتبرها دليل آخر على تفكير سطحي وجهل بالواقع وقلّة ثقافة وعجز في إستنباط الحلول، بحيث في كلّ مشكلة تصير فمّا تقريبا أربعة أو خمسة أجوبة يقدّموهالك الناس الكلّ:

- المشكلة في العقليّة (هاذي الناس الكلّ تقولها في حين بكلّهم فرد عقليّة، وإلّي يكون قدّام الميكرو يشكي مثلا من ظاهرة الكلام البذيء ملّي يخطف الدورة في راس النهج يبدى الكلمة قدّ هكّة على طول صوتو)

- لازم نعملو صندوق (ما يهمّش آشنوّة الموضوع، المفيد صندوق أو على الأقلّ كرضونة باش الأمور تمشي على ما يرام)

- لازم التوعية بخطورة ما نعرفش آشنيّة (كاينّي الناس ما تعرفش مضار التدخين والشراب والعنف والبلاء الأزرق)

- لازم نعرّفوا بما نعرفش آشنوّة من إنجازاتنا أو عاداتنا وتقاليدنا أو تاريخ بلادنا..

وغير ذلك من الأجوبة الجاهزة إلّي تمشي سواء مع الكورة أو الثقافة أو الطقس أو الفلاحة وما تزيد شيء للموضوع.

والله أنا ما نلومش على هالزغزغ إلّي ما يفقهوا من أمّها شيء على خاطر هاذوكم ضحايا التيّار التبهيمي المستفحل في النظام التعليمي، أما نلوم على برامج تحب تطرح مواضيع جديّة كيما هكّة وما تراش من ضرورة في إستدعاء ناس خبراء أو مختصّين مستقلّين يكونوا قادرين باش يطرحوا الأسئلة إلّي يمكن توجع شويّة أما على الأقلّ تساهم في بناء مشاريع أو أفكار جديّة. زعمة موش خير كان نبداو نفسحوا المجال للحوار مع الناس الكبار ذوي العلم والخبرة والرأي المخالف، والناس المشهود لهم بالكفاءة في الداخل والخارج، واللّي لقاو أنفسهم مقصيّين من الحوارات هاذي وغيرها على خاطرهم ما يضربوش البندير؟

آش باش يقول الواحد؟ الله لا تعطينا ما يغلبنا وبرّة، خاطر على ما يبدو فإنّ الأولويّة عام السنة باش تكون للإستماع لآراء الفروخ متاع 15 سنة والإستفادة من أفكارهم النيّرة في رسم مستقبل البلاد المشرق كإشراقة إبتسامة حاتم بن عمارة الصفراويّة. حاسيلو مسكين هالمستقبل آش باش يعاني...

45 commentaires:

عاشور الناجي a dit…

شنوه دورتوها الجماعة الكل إحباط اليوم


زايد حتى باش نقول لك عندك حق يا بيغ

....

Ignescence a dit…

Et puis quoi encore? quelqu'un qui vas venir nous dire qu'il s'est marié avec la prime SIVP qu'il touche et que grâce à ça il a une voiture et depuis que sa femme touche cette prime ils ont acheté une maison!
C'est quoi ce délire?

Bel Malwene a dit…

مستقبل !!!!!!!!!!!!!! شمعناهااا ؟؟ على آنا مستقبل تحكي ؟؟؟ مستقبل المرسى !!! آآآهههه وي إكيب هايلة !!!! ...
سينو يا ب.ت.ب بربي ما لقيت ما تعمل تسمع في برنامج متاع ببوش بو مصة يقدم فيه واحد رخييييص كي سلعة الشنوا ... الله يهديك ما لقيت ما تعمل ...
بربي كليمة لحاتم بن عدارة: يا حاتم يا أنيق ... تعملو بابيون مش كشطة نشاله(Papillon)

Anonyme a dit…

Au moins il y a Forum sur Mosaique FM (de 15h à 17h ken sada9ni rabbi) tous les jours sauf Jeudi et weekend.

J'aime pas forcément cette radio, mais dans cette émission (dans au moins 60% des cas), les sujets sont pas mals, les gens discutent bien (plus au moins) et parfois on invoque des responsables qui ne tombent pas forcément dans la langue de bois.

Bel Malwene a dit…

مستقبل !!!!!!!!!!!!!! شمعناهااا ؟؟ على آنا مستقبل تحكي ؟؟؟ مستقبل المرسى !!! آآآهههه وي إكيب هايلة !!!! ...
سينو يا ب.ت.ب بربي ما لقيت ما تعمل تسمع في برنامج متاع ببوش بو مصة يقدم فيه واحد رخييييص كي سلعة الشنوا ... الله يهديك ما لقيت ما تعمل ...
بربي كليمة لحاتم بن عدارة: يا حاتم يا أنيق ... تعملو بابيون مش كشطة نشاله(Papillon)

mourad a dit…

hors sujet:
c koi cet histoir de nabil chagra 1
manifestant de metlawi mort hier?
li a info?

Anonyme a dit…

Chouf rou7ek kifech ta7ki ya big ! winti tjs tu critique fil 3bed! Chouf rou7ek apré tkalam! Klem elkol saben fil 3bed pour faire linteressan! Ma3almoukech fi darkom ili moch béhi tetkalam fil 3bed et tsabehom wra dhharhom! ta7ki 3la dokhan wdra chnouwa! Mahout chouf rou7ek t3adi kol lila bil birra ! wala metghachach 3la khater eltaw ma3arasset ! ti ken bchahritek wmanajmtech tlamad bech t3aress wala khater floussek mechiya fi malaya3ni !!!7aja okhra elfroukh ili ta7ki 3lihom au moin tkalmou moch kifek inti ta7ki wra pseudo !! ekher 7aja ! chbik kif ta7ki on dirai inti ta3raf kol chay wlokhrin maya3rfou chay ! tu te croi le géni du siècle ! ness elkol behiyem et inti ta3raf kol chay ! malla inti 7assilou !

Anonyme a dit…

ahhh nsit 7aja ma9olthech! les juristes elkol madhroubin fi rwe7hom aya rabi m3ak ;);););)

زبايبي a dit…
Ce commentaire a été supprimé par un administrateur du blog.
Big Trap Boy a dit…

@ dernier commentateur:

بلاش كلام زايد يعيّش خويا الوبش

@ anonyme:

سامحني أختي أما راهو موش على خاطرني ما عرّستش بيك إنتي بالذات معناها راهو ما عنديش فلوس باش نعرّس هههه

أما البيرّة راني عندي 6 أشهر بطّلتها وولّيت نصلّي الفجر حاضر في الجامع، بون مانيش مثبّت 6 أشهرة وإلاّ 6 أيّام، حاسيلو كان تحبّني نعرّس بيك أهوكة إنتي خلّصلي البلعة وأنا عليّا بيت النوم، ومانيش نقصد في الموبيليا

ههههه

ta77an btb a dit…

c'est incroyable.
J'ai pas compris pourquoi bcp de commentateur anonymes s'en prennent a btb
Il s'agit d'un blog PERSONNEL,ceci dit il a le droit de dire tous ce qu'il lui vient par la tete
Si vous voulez lire les commentaires mesurés et qui ne contiennent pas de grossiertés,vous n'avez qu'a acheter les journaux boudourou..
laissez le s'exprimer sans juger sa personne.
Ce n'est qu'un blogueur donc ses avis ne vont pas vous porter préjudice,essayez de vous occuper de ceux qui veulent vous enterrer vivant c mieux.

Gouverneur de Normalland a dit…

@BTB

أنا نقترح صندوق جديد اسمه
2525
باش الشباب يرجعوا بقروضاته الديون المتخلدة في ذمتهم من
2626 et 21 21

@anonyme

أنا نتصور كيف ما قلت"ب.ت.ب عندو شهرية يلمد بيها" في ...حق ,,,تلمد في حق شنوة يا بيق ؟؟؟؟؟
ههههههه 

hanene a dit…

@مراد
صحيح
الشاب نبيل شقره توفي يوم الأثنين بعد الزوال في المتلوي
و قد دهسته سيارة حرس كانت تطارده على اثر مسيرة

ACDC a dit…

Sondou9 6969 pour tomber amoureux sans se regarder dans les yeux et pour un marriage qui boulverse les tendances.

Anonyme a dit…

d'abor ya big je tai pa demandé de mepouser deja fedda menek kol youm 9odemi ! wken 3al bal3a je croi pa bech tahbat elmoustawa mra techrilik birra;) ama ken 3al farch miséléch rajli mkafini!

Anonyme a dit…

a ta7an btb! bon ma3andi man9oul min esmek dhaher kol chay!

brastos a dit…

حاتم بن عماره
!!!!!
:):):)
صدّقني توّ اربعه و الا خمسه سنين ناسيه جمله
:)
هاك فكّرتني فيه
:)

Anonyme a dit…

ايا سيدي تعرفوش كيفاش، يا جماعة البلوقوسفير، هاني جيتكم راغبة في ولد الحسب و النسب، شمس الضحى و بدر الدجي، خوكم البيق....
هاو ولد الضاحية الجنوبية كيفي و ظاهر فيه جوريست كيفي زادة
و برا نعرسو و ربي معانا

titof a dit…

البيغ يا قاهر العذارى ههههههه
ماني قتلك كي تمشي لعبد الله معاتش تخلي معلومات عليك اهيكة خلطة عليك لهنا واش باش يفصلها
وين وليت تصلي في معمل الشراب الي في باب سعدون
ههههه

BUTTERFLY a dit…

ay ay ay ay malla fdhaya7 :D winti titof tansa7 fih :D fibeli bik tobet ???

hnani a dit…

ya jema3a rahi 3ini touja3 wa mayilzimich nakra barcha wintouma chaditouni allah yahdikom hahaha

BUTTERFLY a dit…

chkoun chadek! mafibelich :S

Anonyme a dit…

ya hagar chbehom el mramajeya wel frou5

Anonyme a dit…

سي حاتم بن عمارة يكن في المروج وجاري فيه المسخ حاسيلو الدنيا هذي أحوال

mandela a dit…

ti chbih ejjaw bda yefsed fi darek ya btb...lkollou min ta7t ras echi5 titof 7afidhaho allah wa ra3ah!
pour ceux illy mgalleg'hom klem lbig raw errajel ma 9alkomch a9rawli bissif...illy karrez mil blog hedha ma 3adech yji y5alli 5rah wra anonyme weygatta3
a propos 7iwar echabeb docteur fathi ettouzri 3amel dirassa heyla 3al mawdhou3 miselech ken ta3mlou 3liha talla...
une derniere choz pour le jeun decedé a metlawi arreter de dire nimporte kwa!tfol dharbetou isuzu mich karhebet 7arass wmich swite a une manif...

hanene a dit…

@mandela
tout le monde va bien à "atce" station de metro "mandela"!!! ou bien tu voudrais que j'en dise plus!

BIBI a dit…

Tous ces commentaires, et personne n'a parlé du sujet du poste sauf si c'était pas l'objet principal de l'intervention. Moi, j'ai envie de parler du mariage et pourquoi on se marie de plus en plus tard en Tunisie.. ce qui n'est pas forcément une mauvaise chose, comme ça, les deux parties ya3mlou 39alhom!!
Si les jeunes veulent se faciliter la vie, ils n'ont qu'à changer un peu de menalité (je suis désolée BTB, mais oui, c'est toujours une histoire de mentalité)..
Si les jeunes mariés 7asb 3adetna we ta9alidn lazem youd5lou fi jdid.. ils vont jamais s'en sortir. A part la fête qui coûte la peau des fesses, il faut acheter tous les meubles, tous l'électro ménager, changer même de garde-robe !!!!
Si, on se mariait avec ce qu'on a et acheter au fur et à mesure, les jeunes pourraient se marier plus facilement et ne pas s'endetter au près des banques.
D'ailleurs, les jeunes tunisiens qui se rencontrent à l'étranger dépassent ça généralement et suivent la mode d'ici..Ils se marient en Tunisie et rentrent dans leur pays d'adoption sans forcément déménager de leur studio d'étudiant.Ils attendent d'avoir les moyens pour améliorer leur niveau de vie. Mais en Tunisie, comme tout le monde surveille tout le monde..c'est pas évident!!
Par ailleurs, l'argent n'est pas la seule raison, il y a aussi les études qui sont de plus en plus longues surtout côté féminin et ça ce n'est pas pour me déplaire!!
PS: @BTB, je viens d'apprendre que tu étais juriste.."les grands esprits se rencontrent"
;-)

mandela a dit…

@ hanene
ya 7out inty ya 7out

titof a dit…

@mandela
تكعبرلي فيها مع خويا البيغ يا فاسد باش هكاكة يخلالكم الجو كفار صافين اما دويو انا ربي خلقني باش نبر عليكمكيما عمل للعلمانين وحيد سلعة اعمل للمسلمين وحيد كيفو
و اعمل كيفو
و حفظني الله
ههههههههههههههه
اهوك عاشور رقدت عليه في مدونتي هو ولاد حومتك
ههههههههههه

Anonyme a dit…

Voici mon commentaire réédité
à l'attention de si Achour lénajjah Allah qui ne me laisse plus commenté sur son blog en tant qu'anonyme, ainsi qu'au jeune (18 ans Scodentp):

Scodento, tu es encore jeune - n'entre pas dans ce jeux des moulhidines - Achor neji le **** et son ami imed hbib sont des pions qui utilisent les ahadiths israelites, pour essayer d'influencer les jeunes issues de la génération du Med Charfi qui n'ont aucune idée sur le vrai Islam: L'islam que la Tunisie en a été tjs le porte drapeau .Pour Achour Neji, lé najjaho allah, je lui dis encore etre un athé veut dire ne pas croire aux religions, mais vous vous n'attaquez pas les religions, vous attaquez l'islam....., vous n'attaquez pas dieu, mais vous vous moquez d'Allah............, vous n'attaquez pas les prophétes, mais vous dénigrez Mohamed.......Donc nous comprenons vraiment que vous etes un pion, ou pire un bloggeur 'sponsorisé'

L'anonyme qui suit le ** Achour lénajjah allah

Anonyme a dit…

J'ai voulu commenté le commentaire de la dame qui a "heurté" BTB. En fait, je ne défends pas BTB. C'est vrai qu'il donne presque toujours l'image du self-confident jusqu'à l'excessivité et du connaisseur jusqu'à l'ignorance. Peut être qu'il le fait sans le savoir et peut être que sa façon de parler nous fait tromper tous. À mon avis, il faut le connaitre en personne pour "juger" ce comportement (et encore juger est à mettre entre deux guillemets parce que personne n'est un Dieu parfait et infaillible qui détient toutes les vérités). Je voudrais faire remarquer aux gens comment tous nos problèmes peuvent être simplifiés en une question de mentalité foutue. Ce symptome du "General Mentality Failure" a malheureusement touché tout le pays du sommet de l'état jusqu'au simple citoyen. La dame ou demoiselle vient de tenter d'intimider BTB pour un comportement personnel ismou el bal3a. On descend trop le niveau de débat là. Dieu sait que je suis contre el bal3a tout type confondu et ce par convictions personnelles. Toutefois, si X la légitimise et fait son bal3a chez lui, en n'incitant personne à le suivre, je dis bien que ça relève de sa liberté personnelle et de sa vie personnelle. Personne ne peut lui priver de cela. C'est vrai qu'il est appréciable de donner un conseil quand on apperçoit un comportement incorrect. Cependant, cela ne donne jamais le droit à quiconque de juger la personne. Et même de point de vue religieux, c'est Dieu, le seul, qui est apte de le juger. Comment voulez-vous vous mettre à la place de Dieu pour juger les gens ??? Ceci est une erreur grave qui a craché tout notre système social et moral. Nous avons une mauvaise appréciation de la notion de liberté, une mauvaise définition de la morale, une mauvaise compréhension des valeurs religieuses et universelles, etc etc. Et ceci est très grave !

Je me permets aussi de commenter le contenu du post. En fait, c'est la première chose que j'ai lu dans mon lit en se réveillant ce matin et je suis tout à fait d'accord avec les idées directrices de ce text. En fait, les gens qui ont mis en place l'idée de forum de la jeunesse et cie, se sont mis à table avant de commencer avec les soit-disons jeunes et ont dressé une liste de question prédefinie et l'ensemle des réponses "PASSE-PARTOUT" qu'il faudrait avoir. Un petit tour sur le site de l'affaire avec un regard analytique vous donnera la preuve sur ce que je dis. J'ai aussi des collègues encore considérés jeunes (moi je ne le suis plus depuis une année ! hahaha... Ils m'ont epargné, Merci bcp) qui ont participé et ils m'ont raconté des trucs hallucinantes sur le dialogue et la langue de blenz utilisée dans ces rencontres (c'est maintenant que j'ai compris pourquoi il y a un problème dans l'approvisionnement mondial en bois, hahaha...).

Pour le maçon (j'espère qu'il est m3allem !), c'est clair qu'il s'agit du "t7ine gratuit et du coffin plein de bassesse" ! Un calcul rapide vous donnera une idée sur cette grosse supercherie: il a 35 ans, supposons qu'il travaille depuis 15 ans à la raison de 11 mois / 12 soit environ 330 jours /an. Disons il touche 15 DT/jour donc ses revenues sont de l'ordre de 15 * 330 * 15 = 75000 DT. Supposons qu'il a une maison ordinaire de type (S+2) et cela coûte environ 65000 DT. Il a une voiture cha3biya de 10 ans d'age donc à peu près 10000 DT et il a fait un mariage ordinaire aussi donc ch9af w sil3a 10000 DT. Le total est de 85000 DT ! Si on suppose que ce ta77an (7achekom) vivait en parasite sur quelqu'un d'autre (les parents par exemple) qui lui payent tout (nourritue, logement, habits, argent de poche, etc) pendant cette période, il n'arrivera pas à acquérir tous les biens qu'il déclarait de son travail parce que tout simplement c'est impossible. En plus, remarquons que j'ai gonflé son chiffre de revenue et diminuer celui des dépenses. A vous donc de conclure... Personnellement, j'ai un doctorat et un travail satisfaisant dans un pays étranger et je n'ai pas pu acquérir tout ces biens et en plus de marier. Alors que lui sa77a lih ... 3al le9weda ;)

De nos jours, le problème d'argent est celui déterminent dans l'affaire de mariage surtout avec la mentalité de merde que nous avons. C'est pour cela que lefsed, la prostitution, concubinage et cie ont augmenté en flêche en Tunisie sur tout avec une éducation nulle et une attaque massive contre tout ce qui relêve de l'identité arabo-musulmane et religieuse du pays...

En conclusion, loumour mete3jebch w barra, rabbi tostir w akahaw !!!

الــبوهــــالـــي a dit…

يا بيغ ... شنوّه حكاية هالصندوق الجديد هاذي .. صلّي عالنّبي .. انا راهي الـ
fiche de paie
متاعي ما عادش فيها بلاصة للقصص
:)

Anonyme a dit…

franchement bravo BTB pour ce post, vraiment t'as touché l'essentiel. Une génération d'ignorants, de décervelés,...la bêtise n'a pas de limite en Tunisie. Moi je rejoins celui qui a demandé un "sandouk" pour le mariage, le 6969, les tunisiens pourront gouter au plaisir de la vie. un autre sandouk 1661 pour la bierre (bal3a blech pour tous),on distribura des carnets comme en URSS et tout le monde aura droit au 1661. avec une 1661 et un bon 69, ils risqueront peut être de changer de mentalité, mais même ça, c'est pas gagné

noushka a dit…

@l'anonyme qui suit Achour: c quoi le rapport avec le post, si d autres bloggeurs ne te laissent plus commenter et à mon avis 3andhom alf 7a9, 3lech timrjelna fi 9loubna avec cette leçon de morale.
pourquoi ils critiquent surtt l islam, et ben c est pas de leur faute, milli sghar wahna nasm3ou fard 7keyet, on nous bourre le crane avec ettarbya el islamya, tt petit on devait apprendre kil bheyem des versets dont on ignorait completement le sens, les donneurs de leçon kima 7adhrtek yitl3oulna min koll blassa donc c normal qu ils connaissent plus l islam que les autres religions: ils peuvent parler en connaissance de cause.
@BTB:
le mariage ne devrait pas etre un but en lui meme, ama ça doit etre sympa ken tekhedh mra tochreb, bal3a m3aha et sexe gratuit.

Anonyme a dit…

un excellent post BTB..personnelement, je trouve que t as raison sur presque tous les points. A Montreal, ils ont fait un soi-disant forum avec les jeunes. Ils ont invites juste des etudiants boursiers du gouvernement..ces jeunes etaient a deux doigts de dire que la tunisie est mieux que le canada (selon ma source qui etait presente)...wallahi chey ye3mel el3ar..

Dr.Gnitekram a dit…

Hatem ben 3mara walla ya3mel fi baramej ta3ti fel houloul, ken lka hall el rouhou khyr w houa nhar elkoll hatest kes birra fi outil ezzahra yoghzorlou, ken hkelhom 3ala manefe3 el birra lel houroub mel mashekel ken khyr au moins fel ham 3andek matekhtar...bellehi mazel ykou Elouuu lel talifoun et puis 3am lahbib ellamsi mezel de ce monde? lol 3andi barsha mama3tech el idhe3a lol

Anonyme a dit…

Moi je te dis bravo pour tout le blog...barrédtli 3la galbi :D

Anonyme a dit…

bellehi matha beya n3allak 3la 7keyet el 3ers: ena mouaten (anonyme) je touche un salaire assez haut par rapport a la moyenne... ou borjouleya el 3ers ettraditionnel mte3na gatta3li ja... et pour vous rassurer ma femme n'est pas fille de ministre walla d'un m3allem quiconque ... bech ijini banney (et je respecte beaucoup toput travailleur tunisien ) ikolli elli ca va, oumourou wadh'7a ou elli el mochkla fi echchabeb... ti ena ken mouch ca y est ennes el kol sam3et ou ettofla 3ajbetni, rani battalt 3andi modda !!!

Anonyme a dit…

Brabbi ya mouaten (anonyme) same7ni bech nenchdik y3ayech 5ouya:

Ye5i bellehi mazzel femma bnet ness ye3jbou fi Tounes ?? éna fi beli elkolhom wellow 97** min hak el3am w 7atta eljil aljadid 9a3ed yet3allem fih fil mektib idha fetou elfout w me cherbouch déjà fi le7lib mte3 ommou ??? :-)

Ti brabbi 5alli 3zeha sket w fuck all ette77ana wel le97** elkol (7achekom w 7achea elli meyestehilch)...

foued elgafsi a dit…

@hanene
ya 7anene nabil chagra allah yar7mou w yegferlou sa7bi barcha amma ma dharbatouch karhebt chorta dharbetou dmax mta3 essence geddem el caféteriya wana 7adher .. allah yar7mou

Anonyme a dit…

notre pays c baladou al sanadik, baladou al isticharat al watanya, baladou al lijan(lijan al yakhadha hachakom lijan al saba"mouch mta3 il mrama mta3 il thin"lijan al hay"waktili ahna mouta...

BUTTERFLY a dit…

@ anonyme illi dekhel fi bnet tounes saben, bnet tounes walet som3ethom mchouma a cause de qui za3ma tnajam t9oli???? mahou min amthélik ili fi ay blassa iti7 i9oul bnet tounes bihom wa3lihom 7atta lin ay bléd wekhdha bnet tounes bnadhariya ili 3andek?winti kifech 3rafthom.... dort 3lihom ka3ba ka3ba thabat?? barra fi9 3la wadh3ek inti wamthelik?? ya anonyme 3andek okhtek? je crois ken 3andek rak kamalet sabitha hiya ;)
@ big: inti kol com iji fih kelma blida chwaya tna7ih ama ce com matnajamch tna7ih?? 3ejbek leklem??

samsoum a dit…
Ce commentaire a été supprimé par l'auteur.
Anonyme a dit…

tawa fhemt 3léch khdha prix "el radio el fodhi" ! brabi ya jma3a i3dhrouh ma tansawich eli houwa kla dharba kbira w man3ouh mil talfza tawa akther min 15 sna kén 93ad fiha rahou sawir el mléyen ama rani mana3refchi 3lech man3ouh? nawrouna 3ayechkom

nawfel a dit…

el 7keya el koll hiya : "9illet le7wa" kima 9aal el magherbi !