vendredi, juillet 25, 2008

من بلادي، مذكّرات مواطن عادي


من بين الأشياء إلّي نتأسّف عليها دائما هي أنّ طبيعة خدمتي ما تسمحليش بمطالعة عدد كافي من الكتب الخارجة عن ميدان إختصاصي المهني، على خاطر بالرغم أنّي نعدّي جزء كبير من وقتي يا نقرى في حاجة يا نكتب في حاجة، فإنّ قراءاتي الخارجة عن إطار العمل قاعدة تتراجع من حيث الكمّ والوقت إلّي إنّجم نسخّرو ليها وذلك كلّما زادت إلتزاماتي المهنيّة. بالطبيعة الواحد ما ينجّمش يتمنّى على ربّي ينوب عليه بنعمة البطالة على خاطر دعوة كيما هاذي تنجّم تكون مستجابة خاصّة في الظروف متاعنا، والواحد يقول كلمة عليها ملك وكلمة عليها شيطان، ولكن زادة ما ينجّمش يطلب الزبدة وفلوس الزبدة كيما يقولو الفرنسيس.

اليوم باش نرجّعلكم فقرة "خير جليس" إلّي باش نحاول نقدّم فيها كتاب خاصّ شويّة بما أنّه لصديق شخصي ولو كانت علاقتنا إفتراضيّة بحتة، وهو كذلك من أصدقاء المدوّنة الأوفياء وساعات يشرّفنا بتعليق بين الفيّة والأخرى. بالطبيعة فهمتو أنّي نحكي على سي خميّس الخيّاطي وكتابو الجديد إلّي سبق أن حكات عليه بعض المدوّنات "مذكّرات مواطن عادي" وعنوانه الكامل بالفرنسيّة « De mon pays, journal d’un citoyen ordinaire ».

الحقيقة خونا خميّس طلب منّي باش نعطي رأيي في الكتاب، وهنا نقول أنّو عمل مخاطرة كبيرة تتطلّب برشة شجاعة فكريّة على خاطرني نتصوّرو يعرف إلّي إذا كان الكتاب باش يظهرلي "كعبة لا" فإنّي مانيش باش نتردّد قبل ما نقول رأيي فيه على الملأ، وبالتالي باش نعملّو إشهار خايب عند الجمهور العريض إلّي يقرى المدوّنة. لحسن الحظ فإنّ إنطباعي على الكتاب كان إيجابي جدّا، وبالتالي باش نقعدو حبيّبات مع سي خميّس، ولو أنا متأكّد أنّ رحابة صدره تتقبّل النقد، سواء البنّاء منه أو الدهّان.

الكتاب كيما قلت عجبني برشة، موش فقط على خاطر صاحبو ذكر المدوّنة متاعي عند التطرّق لبعض المواضيع إلّي كنت أعطيت فيها رأيي المتواضع، ولكن لأنّه كتاب يمسّ من قريب الواقع متاعنا، ويطرح مسائل جديّة وظواهر إجتماعيّة تحمّم القلب دون أن يسقط في فخّ المثقّف إلّي يحكي من برجه العاجي وبنظريّاته المتأكّد منها بلغة ما يفهمها كان هو. صحيح سي خميّس عندو لغة وأسلوب كتابة بالفرنسيّة ماهوش متاح للخضّار متاع حومتكم باش يفهمها، ولكنو رغم ذلك ألّف كتاب خفيف الظل يمزج بين كثر الهمّ إلّي يضحّك وبين الواقع اليومي وما يقرأ فيه الإنسان الواعي من علامات التخلّف والتأخّر المتخبّية أحيانا وراء قناع الحداثة والتطوّر وأحيانا أخرى خلف جبّة التديّن والورع والتقوى.

الباهي في الكتاب هذا هو أنّك تنجّم تقراه كيما تقرى مدوّنة، دايور حسّيت أنّ صاحب الكتاب كتبو إستجابة لحاجته الملحّة باش "يفضفض" على الدُمّار إلّي قاعد يشوف فيه كمواطن عادي في بلادنا جربوعستان العزيزة، كما لو كان يكتب في مدوّنته الشخصيّة، يعني بكلّ ما في التجربة التدوينيّة من طابع فردي ومتجرّد، وهو ما يزيد يعطي للكتاب هذا نكهة خاصّة.

فمّة بالطبيعة حاجات عجبتني أكثر من حاجات في الكتاب هذا، وفمّا زادة حاجات ما عجبتنيش، وهنا نخصّ بالذكر الطريقة إلّي تمّت بيها طباعة الكتاب من طرف دار النشر واللّي تفوح منها رائحة التقشّف، بحيث الكتاب كان يستاهل حسب رأيي "mise en page" أشبّ من هكّة (الصفحة تكاد تكون مكتوبة بلاش "مارج" يعني بلاش هامش) وخاصّة نوعيّة ورق الغلاف تكون في مستوى المضمون(الكتاب كيف تحلّو ما عادش يحبّ يتسكّر!)، ولكن هذي بكلّها ماهي إلاّ أمور شكليّة، وسعر الكتاب، بفضل التقشّف هذا من طرف الناشر، تنجّم تقول كان في متناول الجميع (8 دنانير قبل الزيادة الإخّرة متاع الإيسونس).

خلاصة القول الكتاب فعلا يستحقّ القراءة وخاصّة يدعو للتفكير في مصير بلاد قاعدة تشهد في تراجع جماعي للذوق وللقيم وللحريّات وللتعليم والمعمار والثقافة وغيرها من الميادين إلّي أتى عليها الفكر الجربوعي المعاصر فتركها كالعصف المأكول.

هيّا عيدكم مبروك بمناسبة الإحتفال بذكرى قيام الجمهوريّة الجربوعيّة وإلى اللقاء.

30 commentaires:

Anonyme a dit…

3awda maymouna ya btb le salef annachat alma3houd, wnchalah yarja3 elblog hadha kima 7abineh awel mara.. kil 3ad dima totroz, walahi chahitni bech na9rah...

Anonyme a dit…

تونس " تز خر " بطاقات كبيرة منهم السيد هذا اللي حطم الرقم القياسي في إنتمائه لجربوعستان نخليك مع الرابط و للحديث بقية

http://www.nediessadaka.kokoom.com/ab.htm

Anonyme a dit…


لو كان كتابه هذا كيف الي قبله تسريب الرمل و الا اش اسمه الي الكتاب الكل و السيد يزابي بالكوموند و يهز و ينفظ هاهو هذا ما أخيب لحيته هاهو هذا شاشيته معوجة هاهو الآخر يتكلم بال'غ' السماح يا بيغ أما راني حطيت ديجا 10 دنانير باش نقرأ التفاهات متاع هالعبقري الناقد ...

Anonyme a dit…

ahla trap boy, 7loua 7arbou3estan ama brabbi beddel hattasmia ltwalli fiha 7sassiet 3la khater thamma bo93a fi tounes esmha boujarbou3 ken ta3ref (30km 3la sfax) wennas elli men ghadi nom de famille mta3hom jarbou3i mella ki t9oul jouherzat jarbou3estan yemchi fi balhom eljoumhouria mta3hom :-) walla comme koi tu ue moke d'eux alors bech netfadaw elkhalt ta3mel mzeya baddelha ljemhouriat RATtestan walla hatta FIRANestan wdomtom :-))))

Anonyme a dit…

Salutations
brabi on voit, entend, et emet souvent des critiques et c'est normal car y a de la matiere comme on dit à jarbou3estene la bien aimée. Mais ca serait bien si pour changer j'entendais des solutions parfois ou au moins des ébauches, des idées ou des reflexions susceptibles de faire changer les chauses meme au niveau du cercle relativement restreint du blog. Tbarkallah je concidere ceux qui passent souvent dans le coin comme une certaine elite alors voyons ce qu'on peut faire !
un premier pas a été franchi avec BTB car il a osé sortir du silence et dépasser cette barriere delicate du tout-est-tabou-a-jarbou3estene avec subtilité, une certaine maturité dans le sujet nous permettrait peut etre de faire un nouveau pas.
7ata ken tzappiwni normal raw, barraw 3la rwé7kom ma walahi c'est un sursaut de patriotisme qui me pousse a reecrire cela et probablement me faire re-zapper
liletkom zina!

Anonyme a dit…

الكتاب ضاهر من عنوانو..ستيل جريدة بلادي في سنوات 70..السيد شفناه في تلفزة,من داخلو مهزوز وما ينجمش يطرح سؤال واقف على ساقيه كيفاش ينجم يكتب كتاب?نقصد كتيب..
بربي منين باش إنشدوها توا? من الخوانجية و إلا من ثقافوت متع عقاب الزمان?!!
كل تيار فكري عندو خوانجية متاعو ..و الكاتب متع ها الكتيب خوانجي علماني..ثم سيادتك يا سي ب ت ب- ثقافتك صحيح تفوت برشة ثقافة الخضار لكنها تحت مستوى الجزار.. ..

Anonyme a dit…

Ya BTB, 9addech machélik essayed bech ta3millou du publipostage? :)
Sinon inti sraft sraft w ma demna fi itar itta5allof, kammil atb3ilna ilkteb wé a3tina lien 5alli ndownloadiwéh wé nittha9fou chwayya.

Anonyme a dit…

إنتي إلي شاد لكتاب?
هام صوابعك كحل

3amrouch a dit…

ب.ت.ب
تو فهمتك شحبيت تقول كيف جبدت على فاتورة ستافيم وكيفاش تكلفتلك شحم يهود حكاية تصليح الكرهبة هههههه عندك الحق الدنيا غلات خويا
بعد اذنك بالطبيعة حبيت نعلم "صديقك" متع الرمل انو زميلو سليم بوخذير تم الافراج عنو مؤخرا فمبيها باس يمشي يطلب منو السماح ويكب عليه ويبوس خوه ههههههه

Anonyme a dit…

j'ai lu moi aussi le livre de Khmayess Khayati avec beaucoup de plaisir et d'intérêt. ces chroniques qui ressemblent à des pastiches où l'humour au vitriol est le maitre mot, se laissent lire facilement. certains y voient un genre littéraire mineur mais je leur conseillerais de lire "Comment voyager avec un saumon" d'Umberto Ecoq; un philosophe érudit qui parle de films pornos, de foot, du petit chaperon rouge passé à la sauce du "polittically correct" de l'oncle Sam...ça vaut son pesant d'or. en journaliste de son état Khmayes Khayati a une sainte horreur de l'écriture dite savante, sans doute dans un souci de lisibilité et de proximité. et c'est pas plus mal parce que ces chroniques à mi chemin entre le journalisme et le journal intime brossent sans avoir l'air d'y toucher la politique du nivellement par le bas, de l'enlaidissement de la ville et de ses habitants, et le règne de la médiocrité et de la culture abrutissante, la dangereuse alliance du politique avec le fait religieux, la déliquescence d'un pays en ruine à tous les niveaux! sinon pour la mise en page et la qualité du papier je tiens à dire que c'est un livre publié à compte d'auteur donc il faut être heureux qu'il existe ce bouquin en ces temps de disette culturelle!!!

Anonyme a dit…

BTB hak tla3t ka7louch.:)

Anonyme a dit…

Avec une couverture pareille !! Je doute que le contenu sois aussi intéressant que ça, de plus que les voix rouspétant la chute libre qu'on vit en Tunisie doivent aussi nous montrer leur savoir faire en matière d'analyse et de rationalisme, de quoi proposer des alternatives et des solutions. Je voulais dire à Rym que le créativité n'est pas liée au budget en matière d'édition, alors si on on ne sait pas comment assurer la vente d'un livre, il faut faire appel au gens de domaine pour la conception de sa couverture.

Anonyme a dit…

j'ai aimé cette phrase
الكتاب كيف تحلّو ما عادش يحبّ يتسكّر

!

Anonyme a dit…

a gafsi
a gafsa vous ressemblez au suédois ou quoi?

Big Trap Boy a dit…

أكثر حاجة نستغربها هي عجز برشة من ناس في أنّهم يفصلو ما بين خلافاتهم مع الأشخاص أو تقييمهم لإنسان معيّن ولمواقفو وما بين كتاب يحمل أفكار تنجم تناقشها بمعزل عن صاحبها آشكون

بالنسبة لعمروش صحيح، عطاني خمسين مليون باش نكتب البوست هذا، تحبّ نسلّفك؟

هههه

Big Trap Boy a dit…

بالله إلّي يتصوّر أنو عندي وقت باش نحكي معاه في السخافات يمشي يعكي طريحة لترمتو خير. هيّا نخلّيكم توّة ماشي نبحّر

Anonyme a dit…

@المعلقين اللي يراهم معلقين(بفتح العين)
التعاليق الكل نتفهمها الا حكاية الصوابع الكحل...ملا مستوى,,,معناها المهم فالحكاية صوابع السيد ولا الكتاب اللي شراه و قراه و حكالكم عليه.يا و الله احوال
@amrouch
Franchement,plus mauvaise foi que ca tu meurs.
@BTB
و الله غلطتك موش غلطتهم....لازم تشري الكتب و تحكي و تفسر و تكسر نمك...دورها كورة و موزاريق اخطاك بلا كتب,,,اللي قراو ماتو هههههههه,ولا تعرفشي كيفاش عدي الجلم و اجبد الشاس.
برا عوم فالبحر و خلي الجرابع تعوم فالجهل.

Anonyme a dit…

yé gafsi


kenek 3al btb rahou avocat w 9ari w oumourou henia w mahouch yestanna fi
chheyed men 3andek wala men 3and ghirou 3la mostaweh..
Amma zabrat ahawka errajel rekech fi swissra ye5dem w ya9ra 3lé rou7ou ma3neha habbit nfassarlek elli enti jarbou3 jey t9ala9 fina bel 3ou9ad mta3 enna9s elli la majorité mta3 le3bed hné mahomch concernés behom.
brabbi barra hell commerce mta3 39areb fi gafsa fammachi ma tna7ilek waldik wa7da menhom w nerte7ou mel awbech elli kifek fel bled.
ama na3rfek r5iss w bech to93ed tmedd fi wejhek dima.

Big Trap Boy a dit…

من بين الأفكار الهامّة إلّي ناقشها الكتاب هذا فكرة إنعدام الذوق، يعني ما يسمّى بلغتي أنا بالتقوعير والتجوبير، وهو أمر ما عندو حتى علاقة بالإنتماء الجهوي

الحكاية هاذي بالفعل قاعد نلاحظ فيها كلّ يوم، سواء لهنا في المدوّنة أو في الحياة اليوميّة

بجاه ربّي كان فمّا آشكون عندو فكرة حول سبل مقاومة الظاهرة هاذي وتنمية الذوق السليم عند البشر يعمل مزيّة ويفيدنا بيها

كيفاش تنجّم تعلّم الإنسان الذوق؟ كيفاش تردّ الإنسان يعرف يعيش بمعنى "لو سافوار فيفر" كيما يقولو بالفرنسيّة؟؟

فعلا مشكلة عويصة

Anonyme a dit…

عندي اقتراح فيه نوع من التشدد لكن ينجم يعطي نتائج ايجابية : وكان نعملوا معسكرات اجبارية لتهذيب الأذواق المرهّزة... بطبيعة الحال لازم شكون يجرّبهم، لذلك نقترح يهزّو من قد يكون قدوة، نبداو مثلا بمجموعة من المسهولين على قناواتنا التلفزيّة والاذاعيّة : "الفترينة" ومن بعد وزارة الثقافة وهكذا دواليك.... ولاّ زعمة الّي فيه طبّة ما تتخبّى؟؟

Anonyme a dit…

@BTB:
la solution c'est les armes! buter dix à vingt personnes par jour en toute tranquillité et tu rentres avec le sentiment du devoir accompli! j'en rêve! tu vois Michael Douglas dans "chute libre" qui pète un boulon et qui se transforme en tueur urbain! c'est le kif absolu!

Anonyme a dit…

@alopex:
ça sent la vengeance personnelle!hihihi! ech 3malt fi 7yetek et j'attends toujours le mail! sinon le politicamente pericoloso tla3 7aja luxe bezliz!

Anonyme a dit…

hi
bellahi fammechi possibilite nal9aw likteb hadhaya fi amarica!!! w illa nordriweh online??
no berrasmi, madhabyna na9rawah w nit3arrfou 3ala fa7weh 5sousann illi taswira mte3 likteb tfassar barcha 7weyej tzid t5allik curious barcha
wa chokrann!!

Anonyme a dit…

rym
ki inti takrah li daraja hethi ettwansa 3lach ma temchich t3ich fi blad o5ra ki suede mathalan hawka kolhom 3andhom thaw9 w met7athrin ,3lach to93id toktel fina lehna
9ad ma 9rit l B.T.B w ma t3allemtech kifech tfadlek l taw
M

Anonyme a dit…

Anonyme a dit…
yé gafsi


kenek 3al btb rahou avocat w 9ari w oumourou henia w mahouch yestanna fi
chheyed men 3andek wala men 3and ghirou 3la mostaweh..
Amma zabrat ahawka errajel rekech fi swissra ye5dem w ya9ra 3lé rou7ou ma3neha habbit nfassarlek elli enti jarbou3 jey t9ala9 fina bel 3ou9ad mta3 enna9s elli la majorité mta3 le3bed hné mahomch concernés behom.
brabbi barra hell commerce mta3 39areb fi gafsa fammachi ma tna7ilek waldik wa7da menhom w nerte7ou mel awbech elli kifek fel bled.
ama na3rfek r5iss w bech to93ed tmedd fi wejhek dima.


يظهرلي حتى في بلاد الجرابع الواحد مرات يبدى عندو حق الرد
يا سي انونيم يعيشك لازم تفرق ما بين المستوى التعليمي والمستوى الثقافي راهم حاجتين بعاد برشة على بعضهم,معنتها موش كل محامي متثقف وموش كل خضار جاهل،وبالمناسبة نحب نعلمك انها الناس الكلها قارية ومتعلمة دايور مبروك عليّ الاستاذية في العلوم الموسيقة السنة وان شاء الله الماستار على قريب وعين الحاسود فيها ****...بالنسبة للزبراط والله ما نعرفو وما يهمنيش بش نعرفو سواء راكش في السويس والا البرمة هذي حاجة ماعندهاش حتى دلالة,خويا العزيز موش عفسة راهو الركوش في بلاد الناس والّي يحب يفرض روحه يفرضها في بلاده موش بلادات الناس
بالنسبة للكلام اللي قلته نترفع على المستوى هذا خويا العزيز خاطر ساهل برشة بش تعاير واحد من وراء الكلافيي خاصة كيف تبدى انونيم,اذن هاو بش نسكت انا فماش ما تحشم على روحك وان لم تستح فافعل ما تشاء
اخيرا نعتذر على الخروج عن الموضوع
ربي معاكم وانستو

Anonyme a dit…

a gafsi
je suis l'anonyme qui t'a dit des méchancetés..
Bon je tiens a m'excuser avant tout,tu sais pas a quel point j'ai aimé ton dernier commentaire..
Sinon je te souhaite une bonne continuation pour ta carrière académique..A vrai dire, contrairement a toi je trouve que big trap boy est une exeption parmi les blogueurs parce qu'il est a la fois cultivé et drole..Meme si tu pense le contraire,ce n'est pas juste de lui coller toutes ces injures..Après tout ce n'est qu'un bénévole dont le travail fait beaucoup de plaisir à pas mal de gens..Je vais te contredire pourtant sur un seul point,quitter son pays et aller tenter sa chance ailleurs est légitime pour moi et les arguments ne manquent pas..
Toutes mes excuses une autre fois et j'espère que tu deviendras un très bon musicien.Bonne journée.

3amrouch a dit…

ب.ت.ب
خبر عاجل
ترزينا في "سوزان تميم" شلطوها وقصولها راسها
حلم اخر من احلامي يتحطم على صخرة الواقع هههههههه

eagleeyez a dit…

@Gafsi et Anonyme, : vraiment va fait chaud au coeur de vos voir enfin reconcillier de facon civiliser, ca m'as fait enormement plaisir de lire vos derniers poste, au moins on recent que vos etes malgré vos different, nass mo7tarmine, moch kif barcha yejiw lena (5alini saket 5ir), mana ela blad wa7da.

@rym : ti nestana fe ton email ya kazi, enti j'ai l'impression de ton connaitre (t'es cineaste n'est ce pas ?)

@BTB : encore merci pour le travail que tu fais bech terta9i bejarbou3estan (ma3an dhed el behama, wel 5wamjiya, we jraba3, wel emarek lem9alba)

b3athtlek email recement, 3ala fekra, mais je suppose que tu recois plein, en tout cas j'attend ta reponse bouha ;)

@ tout le monde : on ne juge pas un livre de son titre, ni de son auteur !!!

Anonyme a dit…

خويا الانونيم اعتذارك مقبول و ان شاء الله اخيان وما صار شيء..ديجا ما تغششتش من كلامك اما تصدمت شوي من الاندفاع متعك في الاول قولش بيناتنا مشاكل قديمة...حاصيلو مشكور وربي يستر وخلافنا لا يفسد للود قضية
انستو

Anonyme a dit…

salut

un livre que tout le monde doit posséder

se trouve sur
www.infos-banks.over-blog.net

bonne lecture