lundi, mai 21, 2007

إنشراح النفوس وتمييز المعزة من البركوس في تـقاريـــر دافــوس



بسم الله الرحيم الرحمان و سبحان الذي خلق الأرض والبنيان وقسمها إلى دول وبلدان ووزع عليها عباده من بني الإنسان، فجعل منها الدول المتقدمة والدول الزبالة، وخلق الشعوب الراقية فجعلها في أحسن حالة، وخلق الشعوب الفقيرة المسالة، فجعل كروشها فارغة و وجوهها مذبالة، وجعل من بينهم جميعا الصالحين والحثالة.

أما بعد يا جماعة يا مرحومي الوالدين نحب نحكيلكم على مسألة حيرت بالي وخلاتني ما نعرفش كيفاش نوصف حالي. توة أنا كنت قانع باللي ربّي كتبهولي ومن قبل ما نتولد سطّرهولي. ومن بين الأشياء اللي إقتنعت بيها بطول المدّة هي أنو مقدّر عليّ باش نعيش في البلاد هاذي اللي جاية تحت إيطاليا وفوق إفريقيا، مكتوب رب العالمين باش نحبّها ونقبلها بعيوبها وكل ما فيها، بما أنها هي بلادي وما عنديش ما نغيّر في حكم الله. هي صحيح ماهيش السويد وإلاّ سويسرا، والعيوب متاعها ظاهرة أكثر من محاسنها، أما تعدّي روحها، ماهيش دونية، وكيما يقولوها: شدّ مشومك لا يجيك ما أشوم منـّو، والطماع يبات ساري.

أنا ما نتمنى لبلادي كان كل خيرمهما تكون الظروف، أما زادة بصراحة ماعادش طامع برشة باش نخلط على النهار اللي تولّي بلادي كيف هاك البلدان اللي تحلم بيها الناس، متاع الإيروب ولاّ لاميريك، ياخي آش جابنا ليهم بجاه ربّي؟ يمكن بعد 100 سنة، 700 سنة، يمكن، أما توة توّة، ظاهرلي يبطى شوية. القناعة هاذي خلاتني مرتاح البال ومطمان، لدرجة أني وليت نتقلق كيف نسمع واحد من جماعة البوليتيك يحكيلي على اللحاق بركب الدول المتقدمة، ونحسّو يشوط بالقوي، ياخويا قيلنا خلينا رايضين، فاش قام الجري في الفارغ؟ ياخي كورس بسكلاتات هي باش نقعدو نحاوزو في البلدان؟هانا راكشين في بلاصتنا والبلاد اللي تحب تبرطع تبرطع وربي معاها. حاسيلو المفيد، واللي خلاني نكتب البوست هذا، هو أنو الإطمئنان و "الكونفور" النفسي اللي كنت فيه بدا يدخل بعضو ويضيّع مراجعو من نهار اللّي بديت نتبّع في التقارير اللي يعملها منتدى دافوس على تونس.



آه، كيف العادة، فقرة "بوز" باش نعرّفو المفاهيم. آشنوة منتدى دافوس وآشنوة التقارير اللي يعمل فيها؟ منتدى دافوس هذا هو منظمة دولية مستقلة تجمع كبار رجال الأعمال والسياسيين في العالم وتهدف حسب كلامها للمساعدة على التنمية والتقدم في العالم. المنظمة هاذي عندها صيت عالمي كبير وسمعة متميزة بحيث كلمتها مسموعة في العالم الكلّ، وسمّاوها دافوس على خاطرها تعقد منتدى سنوي في سويسرا في بلاصة إسمها دافوس في الجبال السوسرية حيث أقرب فقير يكون على مسافة ما تقلش على الـ50000 كيلومتر. الله أعلم علاش..

المفيد هنا هو أنها منظمة منتدى دافوس الإقتصادي تصدر سنويا تقارير على الوضعية الإقتصادية في العالم وتقوم بترتيب لدول العالم حسب المعايير المختلفة متاع التطور الإقتصادي، وتنجّمو تطمئنو من حيث أنهم الناس هاذوما ماهمش بعابص كبّار في الحساب وعلوم الإقتصاد، بحيث تلقى عندهم ناس متحصلة على جائزة نوبل قاعدين يحسبولك بالضبط قداش من شكارة زبلة يخرجو كل يوم من حي الإنطلاقة، يعني ماهوش كلام فارغ من الناحية العلمية.

باهي تقول إنتي وين المشكل كي هي هكّا؟ المشكل اللي باش يهبلني هو أنها تقارير منتدى دافوس قاعدة تصنّف فينا توة عندها مدّة في تصنيف باهي برشة يشكّك الواحد في روحو، يعني عبارة على جمعية مستانسة تلعب على الشيشة لقات روحها تلعب على الطلوع وهي ما عينهاش. بالله شوفو معايا:

عام 2006، في تصنيف الدول حسب القدرة التنافسية متاع إقتصادها -يعني آشكون الإقتصاد اللي ينجم يتنافس مع البلدان الأخرى ويكسّرلهم خلايقهم في إطار العولمة- تقول إنتي قدّاش جيناعلى 155 بلاد؟ جينا 100؟ 90؟ 80؟ لا، جينا يا سيدي 58، والأغرب من هذا جايين قبل برشة بلدان متقدمة كيف الصين -91- وإيطاليا -70- وتركيا وما نحكيش على البلدان العربية والإفريقية

أخطانا من الترتيب هذا، في ترتيب البلدان في ميدان إستعمال تكنولوجيات المعلومات والإتصال جينا 31 عالميا، والثانين في العرب، وقبل شدّ عندك: الهند، تشيكيا، المغرب ، تركيا و... إيطاليا مرة أخرى اللي جات في المرتبة 45

واللّه شيئ يفرّح تقول إنت؟ هو من ناحية يفرّح يفرّح، أما يا خويا كيف نحنا في هالخير والنعمة، آشبيني عمري ما سمعت بحتى طليان شدّوه على فلوكة جاينا حارق باش يحسّن من وضعيتو؟ كيف نحنا ولّينا خير من الطلاين إمّالا علاش هالميزيريا اللي قاعد نشوف فيها والكيران الصفراء والروايح المنتنة والمهبّلة والطلاّب في الكياسات كيف البطاطا؟ ياخي دافوس هذا جاء وشاف بعينيه وإلاّ قالولو وسمع بوذنيه؟ بصراحة شيئ يهبّل، ياخي توة باش نولّيو متطورين قبل وقتنا بالسيف علينا؟

لهنا، باش نكونو واقعيين وما نفرحوش أكثر من اللازم، لازمنا نحاولو باش نفهمو معنى الترتيب الباهي هذا، وأنا من ناحيتي حاولت باش نتصل بمنظمة منتدى دافوس ونستفسر على الحكاية، ياخي جاوبني واحد إسمو ويليام ولد اللـّبّة صاحب كتاب "قيس قبل ما تغيص و كيّل قبل ما تميّل" وقاللي يا خويا الباهي، بالنسبة للتقرير متاع القدرة التنافسية هاذاكا راهوصارت غلطة في العنوان عملوها في المطبعة، على خاطرو ما يحكيش على القدرة التنافسية متاع الإقتصاد وإنما على قدرة رب العالمين، بحيث حسبنا فيه شكون أكثر الناس اللي عايشة بالقدرة، ياخي لقيناكم من أكثر البلدان اللي ماشية هكّاكة، بقر الله في زرع الله، يهزكم الواد و تقولو العام صابة. أما التقرير متاع التكنولوجيات والإتصال اللي تحكي عليه راهو خاطينا ماهوش متاعنا، الناس تقول عليه تقرير دافوس أما هو راهو تقرير عاملو واحد إسمو الهادي "دغفوس"،
يسكن شيرة جبنيانة ويخدم كاتب عمومي، والناس تقرا التقارير متاعو تستخايلها تقارير دافوس وهي تقارير دغفوس. شكرت سي ويليام على توضيحاتو وقلتلو يسلّملي على أمو اللبّة. كي تجي تشوف أنا كنت شاكك في حاجة كيما هكة من الأول أما الثبات باهي.

على كل حال
، ومهما كان تفسير المسألة، أنا نقترح كي هي هكّا أنّو الترتيب متاع دافوس هذا نستعملوه لحاجة تصلح، مثلا قلت علاش ما نعملوش منّو لافتات كبيرة ونحطّو منها برشة كعبات في وسط البحر، على الأقل خلّي جماعة الحرقة كيف يقراوها في ثنيتهم لإيطاليا يعملو الدورة ويرجعو، علاش ماشين بالله لبلاد أمورها تاعبة وحالها أتعس من حالنا؟ يرجعو لبلادهم على أرواحهم ويتمتعوا بالقدرة التنافسية وبالتكنولوجيات متاع المعلومات ومجتمع المعرفة كيف ما نحنا عاملين اللهم صلي على النبي، آشبينا؟ خمسة والخميس علينا. الحاسيلو كيف ما يقولو ناس زمان: النبي النبي، زيدصلّي عالنبي، وأشطح ربي معاك



23 commentaires:

Anonyme a dit…

يعطيك الصحة

ونفرحو بيك برشة لو كان تشاركنا شوية هنا

http://talaba.forumactif.fr

ليد في اليد وربي يسهل

24Faubourg a dit…

wahdek ya BTB, WAHDEEEEEK ;))

Anonyme a dit…

Très beau texte .. belle satire
Bravo..

Tarek طارق a dit…

إكستراووردينار... نمشي نلوج على كتاب "قيس قبل ما تغيص و كيّل قبل ما تميّل"

Téméraire a dit…

Nheb inzid ne3lmek, Illi ettakarir Ettanmawiya rahi tji men 3and "Wzir el Miziria wel Far3na".

Anonyme a dit…

blida yessir hal faza !!!

berrasmy el ness el koll oumourha mzammra we dezza feha : enness
el koll 7assdionna!
a7na khyr min el 3rab (yikDheeeebb)we khyr millOUROP (le yabtaa chwayy),
7assilou dima ken inty elly tfayyaqHomm min les reves en rose!

Ah , maww yemchiwecch ejjme3a ywalliww cheddin essaf 3la sfaretna fi Franssa we italya, we barra 3add el kollha twally t7ibb dikhdemm fi bled el qodra ettenefousiyya we nwalliww 3anna JEAM MARIE LE PEN, we na3mlou jaww ki lfransiss ywalliww y3ayytouna "YA RACISTE" !
wa7na nqoulou : NON C´EST PAS VRAI , C´est que , bon chai pas , de toute facon il faut s´intégrer dans la sociéte et respecter les lois de la république : ti ma3neha el kidheb wessirqa wel fazet el koll mte3na...

Anonyme a dit…

n7ib nsalle7 ahamm faza : jean marie le pen moch JEAM.
ti lee yimchich yetghacheichh errajell.

Anonyme a dit…

Allah ysamhek ya BTB
Malla khayel khasb andak
Y a oueldi khalli el harraka ghafline ma fibelhomch b hetha,makanech taoua yokoodou ma yaharkouch ou tetaaba lebled aalina

SSssSSssSS a dit…

yékh it7ebb la racaille tasma3 illi wallina mhaffèt barcha ?? akhtana ya weldi ahawka sarkozy ya3ref yet3amel m3ahom, khallina essa3a nkamlou net9addmou w ba3ed taw nriglou oumour okhra.
Ya weldi a7sen 7aja bel ketma 7atta tekteb ek ketba w tjedd 3lina el koll el kethba.

Davos rahou Ghaffas w ta9arirou me5ethha min Tunis 7 w la presse ...

Anonyme a dit…

excellent..

ya BIG, notre beau pays : mahlak min barra , we echnakwelek min eddakhel....we hanou dima zahiin we ferhanin ...wedima kol chay ala ahsan ma thamma fil aalem..

contunue ya Big..avec plaisir de vous lire , tes textes sont vraiment HOT.

Anonyme a dit…

Moch normal ka3bet el Post hédha, ma9tla dho7k :-) :-) ba9i nlawjou 3la les titres pimpants a7na, wel rassmi rabbi yjibou !!

Nizar Amamou a dit…

Ya BTB akhtak men دافوس chouf el classement mta3 el FIFA assa7 ettlayna les 1er et tounes 48! c'est pour ca femma barcha har9a lettalien !

Anonyme a dit…

ah brass weeldikk 3leh tfayyeq fiyya minnoum ya BTB !

ti konnechy 3amloin jaww bil VICE 3la eddouwall edh3aff kima Franssa , tawwa tla3na ka3ba lee . Am ena me nsaddqch bourjouliyya a7na dawla qwyya we 3anna jam3iyett (noqsedd charikett) qwiyya.

Ah titdhakkrou ki touness t3addy fil talfza fi ness ya7kiww fi cheri3 el hbib bourguiba qallek Fransa ghayra minna we tattakyy fi notre liberte de presse ... ya walla a7well mall douwall mdharr7a !

Anonyme a dit…

encore une fois tu es très agréable à lire cher BTB....je pense que le jour où notre pays ferait partie des pays developpés, ce serait le jour où le peuple prendra réelement le pouvoir ...d'ici là je te souhaite et je me souhaite Bon Courage !!!!!

Takkou a dit…

Je ne peux qu'applaudir. Une Standing ovation de ma part ;)

Anonyme a dit…

Wallah j'aimerais comprendre comment ce classement est établi

cmoi a dit…

haya immella ched 3andi hethi

جدل جديد حول فتوى لمفتي مصر حول التبرك ببول الرسول
الأزهر يوقف صاحب فتوى "إرضاع زميل العمل" عن عمله بالجامعة


دبي، القاهرة- العربية.نت وسيد زايد

قرر المجلس الأعلى للأزهر ايقاف رئيس قسم الحديث بكلية أصول الدين بالقاهرة الدكتور عزت عطية عن عمله وإحالته إلي مجلس التأديب للتحقيق معه حول فتواه "جواز إرضاع الموظفة لزمليها في العمل لمنع وجودهما في خلوة شرعية".

وجاء القرار في وقت شنّ وزير الأوقاف المصري محمود حمدي زقزوق هجوماً عنيفاً على فتوى أخرى لمفتي مصر الدكتور علي جمعة، أكد فيها أن الصحابة كانوا يتبركون بشرب "بول" الرسول صلى الله عليه وسلم.


وأصدر المجلس الأعلى للأزهر -وهو أعلى جهة إدارية تابعة لمشيخة الأزهر في مصر- بيانا نقلته صحيفة "الشرق الأوسط" الثلاثاء 22-5-2007، اعتبر فيه أن ما جاء على لسان عطية "يتنافى مع مبادئ الدين الإسلامي الحنيف ويخالف مبادئ التربية والأخلاق ويسيء إلى الأزهر كمؤسسة إسلامية مرموقة".

وأجرت "العربية.نت" اتصالا هاتفيا بالدكتور عزت عطية بعد قرار الإيقاف وإحالته إلي لجنة التحقيق المشكلة من علماء بالأزهر إلا أنه رفض الحديث معللاً ذلك بالضرر الذي تسبب له جراء نشر هذه الفتوى على نطاق واسع، وأكد أنه لا يرغب بالحديث لأحد ويستعد الآن للمثول أمام لجنة التحقيق.

من ناحية أخرى ذكر مصدر بالأزهر لـ"العربية.نت" أن الدكتور عزت عطية سيخضع خلال الأيام القادمة لجلسات تحقيق سرية مع الدكتور أحمد الطيب رئيس جامعة الأزهر، بعدها سيمثل أمام مجلس التأديب بالجامعة الذي يرأسه الدكتور الطيب وبعضوية الدكتور عبد الله النجار كعضو شرعي والدكتور حامد أبو طالب عميد كلية الشريعة والقانون بالأزهر كعضو قانوني. وتوقع المصدر أن يتم اقالة د.عزت من منصبه الحالي كرئيس لقسم الحديث بكلية أصول الدين بالأزهر على إثر هذه القضية.

وما زال الموضوع معروضا على مجمع البحوث الإسلامية بتكليف من شيخ الأزهر الدكتور محمد سيد طنطاوي لتحديد "الموقف الشرعي من تلك القضية"، التي كاد الجدل حولها أن يتحول إلى "حرب منشورات"، بين العلماء وشارك فيها طلاب بجامعة الأزهر، خاصة بعد أن تناقلتها وسائل إعلام محلية وعربية.

جاء قرار الوقف بعد يوم من إصدار الدكتور عطية بيانا تراجع فيه عن فتواه، قائلا إن "ما أثير من كلام حول موضوع ارضاع الكبير وما صرحت به إنما كان نقلا عن بعض الأئمة مثل ابن حزم وابن تيمية وابن القيم والشوكاني وأمين خطاب وما استخلصته من كلام ابن حجر رحمه الله.. ومع هذا فالرأي عندي أن الرضاعة في الصغر هي التي يثبت بها التحريم كما قال الأئمة الأربعة. وأن "موضوع ارضاع الكبير كان واقعة خاصة لضرورة، وما أفتيت به كان مجرد اجتهاد"، وأضاف: "بناء على ما تدارسته مع إخواني من العلماء فأنا أعتذر عما بدر مني قبل ذلك وأرجع عن هذا الرأي الذي يخالف الجمهور".

وقال عطية في الفتوى التي تراجع عنها إن "الشرع يجيز لأحد البالغين (رجل أو امرأة) اللذين تضطرهما الظروف للبقاء في خلوة أن يرضع أحدهما من والدة أو أخت الطرف الآخر، لكي يصبحا أخوين في الرضاعة، وبالتالي تحريم العلاقة الجنسية بينهما".


انقسام علماء الأزهر

لكن يبدو أن قرار الوقف لم ينهِ القضية، إذ اختلفت ردود فعل علماء الأزهر حوله، خاصة مع تراجع صاحب الفتوى عن فتواه. ونقلت صحيفة "الخليج" الاماراتية الثلاثاء 22-5-2007 عن عضو مجمع البحوث عبد المعطي البيومي رأيه بأن الاعتذار السريع عن الفتوى كان كافياً، "لأن الرجوع عن الحق فضيلة". وقال: "طالما اخطأ العالم واعترف بذلك فواجبنا أن نتعامل بالرحمة والرفق معه، فكل بني آدم خطاؤون وخير الخطائين التوابون، هكذا أخبرنا رسول الله صلى الله عليه وسلم، فضلا عن آيات قرآنية كثيرة تدعو إلى كظم الغيظ والعفو".

واعتبرت العميدة السابقة لكلية الدراسات الإسلامية والعربية في جامعة الأزهر سعاد صالح أن "الخطأ في الفتوى شيء وارد، وقد أخطأت في بعض الفتاوى وتراجعت عنها وليس في هذا عيب، لأن الخطأ الحقيقي هو الإصرار على الخطأ، أما الرجوع والاعتذار كما فعل الدكتور عزت فهذا أمر محمود".

لكن وزير الاوقاف أيد القرار، مؤكدا "حرص المؤسسة الدينية في مصر على القيام بدورها فى التوعية الدينية الصحيحة وتصحيح أي مفاهيم شاذة نتيجة الخلط الذي
تحدثه فوضى الفتاوى".

وأوضح زقزوق في بيان أصدره "ان فوضى الفتاوى وعدم انسجامها مع العقل والفطرة الإنسانية أكثر خطرا على الإسلام من خصومه"، واصفا هذه الفتوى ومثيلاتها بأنها
"تمثل انحدارا في الفكر الديني، الذي ينير العقول ويسمو بفكر المسلمين ولا يجرهم إلى التخلف والجهل ومنافاة قواعد الذوق العام". كما طالب العلماء والدعاة الذين يتصدون للإفتاء بأحكام عقولهم في كل ما يقولونه ويقرأونه كي يتفق ذلك مع العقل وصحيح الدين والابتعاد عما يشكك الناس في دينهم، والعمل على تصحيح المفاهيم
الخاطئة لدى العامة خاصة ما يتعلق بالجانب السلوكي وحثهم على العمل والإنتاج.


فتوى "شرب بول الرسول"

من جهة ثانية، هاجم وزير الأوقاف المصري الفتوى التي تحدثت عن "شرب بول الرسول"، معتبراً إياها "إساءة واضحة للنبي صاحب الدعوة، الذي كان نقياً في كل
شيء ولا يقبل مطلقاً بهذه التخاريف".

واعتبر زقزوق، الذي تحدث في افتتاح الدورة التدريبية السابعة للأئمة القدامي في مسجد النور في مدينة العباسية بمصر، أن "الموضة الجديدة هذه الأيام هي الإساءة للإسلام من أبنائه وأتباعه"، حسب ما نقلت صحيفة "المصري اليوم" الثلاثاء 22-5-2007.

وأضاف زقزوق: "ليس كل ما هو موجود في الكتب التراثية القديمة صحيح ومسلم به وإنما لابد أن نعمل عقولنا فيما نقرأ، فقد نجد في هذه الكتب أشياء تخالف العقل الإنساني فلا يجب أن نقولها أو يذكرها أي داعية لأنها تسيء للرسول صلى الله عليه وسلم إساءة بالسنة وهو بريء من كل هذا الغثاء، الذي يقال عنه براءة الذئب من دم ابن يعقوب وعلينا أن نتقي الله في هذا الدين وفي الرسول صلى الله عليه وسلم ونختار ما نقوله للناس".

وتساءل: "هل انتهت كل المشاكل في العالم الإسلامي ولم يعد غير فتاوي "التبرك بشرب بول" الرسول و"إرضاع الكبير"؟ هذه الفتاوي تمثل انحداراً شديداً وتدفع الناس
للتخلف والجهل كما أنها لم تراع وتحترم قواعد الذوق العام ونحن نربأ بالدين أن يصل لهذا الحد".

Anonyme a dit…

el tounsi par défaut fel les genes mta3ou 3andou case mta3 el 7ar9a ltaliya activée, bel la5as ki yebda 9ari 12 sné raiuno w yebda ychouff fakel bnet msalli 3annibi, elli houma mel studiohett mta3 el rai ma yo5rjouch en fait w ybaytouhom kel kséwi m3al9ine fi cintrouett fel glass.. 7Assilou allah yehdi ma 5la9
ama famma ta9rir a5or na3rech ken "daghfouss" 7kalekchi 3lih, haw bech ne7kilek 3lih ana "el manfouss" ( 5omsa w garn ghzel ) elli par exemple tounes 3and'ha ajad "ostoul" mta3 kraheb (ya rassoul ellah, o5ti jett men fransa tel9a porsche cayenne serie tounsi cha3ra lastan9tet), w yodhherli elli el ta9rir hedha maynajjem ychakkek fih 7ad vue elli sa3a sa3a fi feu rouge tel9a ka3btine X5 w ka3ba Hamer, thlatha bayoumett w 45 sayyara cha3biya el serie mta3hom may9ellech 3al '120', w malgré ça, el kirane el sfor dima mbal3ine, wel metrouett dima retard... w normal.. :)

Anonyme a dit…

berrasmy ye 3imed ya khouya : WE nouuuurmal .

Maw el bledd ki omm el bouya : tchabbeh el barcha boldenn fi nafss el waqt !

maww sa3att twally touness BEVERLY HILLS we sa3at ki yebrakikk we7idd twally tchabbah el Johannesbourg fil ijramm, we ki yqollek portier me todkhelich ken b couple waqtha kayyenekk fi el 7oudoudd Masr-israeyyll. We ki timchy lel baladiyya we tchouf essaff twally keyenikk fi Zimbabwe. Bon 3ad ki titfarrej fi tv ghady 3ad keyenikk fil SUEDE.

tawwa ki tijma3 eddouwall hedhy el koll moch tilqa illy y3ich feha el koll a la fois me ykoun ken RICHE, mela c normal annek tilqa el krahebb hedhy el koll.

Isma3 : a3azz faza, elly el AUDI Q7 chreha we7edd we habbitha el tounes qball Davis Beckham , ya walla a7well ken yesma33 David ella me yihbel.

الكاتب a dit…

حبّيت نشكرك يا بيغ يا ولد خالتي على هالضحكة الليلية المدوّية اللي تسبّبت لي فيها

:-)

باقيها، منتدى دافوس يبقى منتدى للأغنياء..وأغلب الأغنياء ما تهمّهم كان الفلوس وكيف يحكيوا على الإستثمار والتنافس والخ..يخمّموا في الشركات موش في اللي يركبوا في الكيران الصفر والاّ اللي يبداوا يقانصوا في الكماين في كياس سوسة باش ينقبوا الكادرة متاع كميونة ماشية للطليان ويتخبّاوا في وسطها...

Anonyme a dit…

bravo
sallimli ala wiliam wild il llabba illi kan ma kallikchi 3ala il 7kaya rak ma jakich immoun
encore bravo et zidna minou

Unknown a dit…

إخواني حاولو لربي باش تكتبو يا إما بالعربي وإلا بالفرنسية آما كي تكتبو بالعربي المفرنس راكو تتعّبونا في القراية متا مساجاتكم, مع الشكر
Mes cher frères, essayer s'il vous plait d'écrire vos messages soit en Arabe soit en Français car lorsque vous utiliser les caractères latin pour vous exprimer en arabe ça nous fatigue lors de la lecture tels que 9 et ق, 3 et ع...etc Merci d'avance
Meziane

Anonyme a dit…

Magnifique!!!Mes respects.