mardi, avril 15, 2008

! فيلم "الحادثة"، فيلم قصير موش خايب، خسارة يدوم ساعة ونصف


نهار الأحد العشيّة مشيت للسينما باش نشوف الفيلم "الحادثة"، موش على خاطر الإعلانات المعلّقة في كلّ بلاصة في تونس العاصمة فيها تصويرة متاع بنيّة ساقيها عريانة، ولكن بالأساس على خاطر سمعت أخبار على أنّ الفيلم هذا تمّ منعه من القاعات، عاد قلت برّى نشوف علاش منعوه وعلاش بطّلوا المنع وسيّبوه.

الحقيقة الفيلم ماكانش معفّط كيما أفلام تونسيّة أخرى تتسمّى كوارث بالمقارنة مع هذا، ولكن ما نخبّيش عليكم ما لقيتش ما يستحقّ في الفيلم هذا، لا أنّو باش يتم منعه من القاعات، ولا أنّك باش تمشي تعدّي ساعة ونص وتدفع أربعة دينارات باش تتفرّج فيه.

من غير ما نطوّل يمكن المشكل اللّي خلّى يتمّ حديث على المنع، هو أنّو الفيلم هذا فيه شخصيّة متاع بوليس سلعة من هاك النّوع إلّي مغروم برشة بالسلطة إلى حدّ التسلّط وقلّة الحياء، وفي آخر الحكاية تطلع مرتو "أهلا وسهلا"، يعني "يرحم عمّي"، وهو في حدّ ذاتو ماهوش "سكوندال" كبير، يعني يصير في أكبر العائلات، سواء كانو حنوشة أو غيرهم.

الحكاية متاع الفيلم ماهيش "حولة" حسب المعايير الوطنيّة للحوَل، لكن حسب رأيي فإنّ الفيلم هذا كان ينجّم في أقصى الحالات يكون فيلم قصير حلو، يعني كلّ شيء صار فيه ينجّم المخرج يختزلو في ربع ساعة، نصف ساعة على أقصى تقدير. بالطبيعة المخرج جبّد في الحوارات الفارغة والمشاهد الزايدة باش يخلط يردّو فيلم سينمائي طويل ويضربني في هاك الأربعة دنانس، بصحّتو !

من حيث الشكل تصوير المشاهد كان مقبول عموما، ولكن الموسيقى كانت أوّلا مزعجة جدّا وثانيا لا علاقة ببرشة مشاهد، وثالثا ورابعا مزعجة وتوجع الوذنين وخايبة ياسر. من جهة أخرى الشخصيّات جات مسقطة وباهتة وغير واقعيّة، يعني "ستيريوتيـبـي" ياسر، وزيد الحوارات كيما قلت مجبودة من الحيط كيما الشخصيّات، كما أنّ الفيلم لم يخلو من بعض الأخطاء متاع الهوّاة، بحيث أنّ المخرج ما إنتبهش مثلا إلى أنّ المرا كيف تولد ما تبداش خارجة من الكلينيك وجهها ضارب الماكياج "سيس دوس" تقولش عروسة وما عليها حتى علامة متاع تعب الولادة، كما أنّو ما إنتبهش خاصّة إلى أنّو الرضيع (نقصد الطفل الرضيع موش فعل الرضيع) ما ينجّمش يرضع صدر أمّو من فوق "السوتيان"، حاجة بديهيّة خاصّة بالنسبة لمخرج ذكر، هكّا وإلاّ لا لولاد؟ بالطبيعة ما فهمتش زادة كيفاش حوار في تاكسي ينجّم يدوم درجين والكرهبة تجري على مسافة ما تفوتش ميتين ميترو ما بين مطعم "جو شامبس" ومقهى "الكروازات" في البحيرة، وكأنّي بالمخرج يصوّر في الفيلم لمشاهدين ما يعرفوش تونس.

المخرج هذا بالمناسبة هو سي رشيد فرشيو، شقيق محامي الأعمال المعروف، ولئن كان شقيق لاباس عليه (وربّي يزيدو) كيما الأستاذ فرشيو ينجّم يعاون أيّ إنسان باش يولّي مخرج موش دوني فإنّي ما فهمتش علاش في آخر الفيلم جاء ذكر إسم "مكتب فرشيو للمحاماة" في وسط القائمة متاع الفنانين والتقنيّين وموش حتى في قائمة الأطراف إلّي توجّهلها بالشكر على دعمها كيما وزارة الثقافة. ياخي الأستاذ بعث مع خوه زوز محامين متربّصين شدّو الميكروفونات ولمّوا "الماتريال" وإلاّ لازم ديما ندخّلوا ريق العروشات والعائلات في كلّ شيء؟

على فكرة، "التاكسيست" بطل الفيلم هذا كان هو بيدو بطل الفيلم-المسرحيّة "جنون" والفيلم-الكاراكوز "هي وهو"، هاك الممثّل "درا شسمو بن جمعة" أو "دي نيرو" السينما التونسيّة الجديد، وبصراحة ماذا بيّا نفهم السرّ وراء هالإستحواذ على الشاشة الكبيرة من طرف هالوجيّه على خاطر تمثيلو تاعب شويّة. يمكن دور المتخلّف ذهنيّا مشى معاه في فيلم "جنون" بما أنّو ما يتطلّب كان شويّة تبهليل وقلبان عينين، أما بخلاف هذا ما ريتش ما يستدعي وجوده في كلّ فيلم تونسي يخرج في القاعات. "دايور" المرّة الأخرى جابوه الطفل هذا في قناة "حنبعل" صابغ شوشتو بالأصفر ويحكي في إطار الحوار مع الشباب ويعطي في نصائح للشباب باش يتفائل ويفرض وجوده وغيرها من النصائح بودورو.. بصراحة يا شسمك ما نعرفش بالضبط آشكون فرض علينا وجودك إنتي بالذات، أما إذا كان الشباب باش يفرض علينا وجودو كيما فرضت علينا إنتي خليقتك في الأفلام فإنّي نقول السماح، ما حاجتناش !

ملاحظة أخيرة نحبّ نتوجّه بيها للإخوان السينمائيين إلّي ياخذو في الدعم من وزارة الثقافة، بالله يا جماعة المرّة الجاية في آخر الفيلم كيف باش تشكروا الأطراف اللي عاونتكم ما عادش تكتبوا وزارة الثقافة وتسكتوا، زيدوها "وزارة الثقافة والشعب التونسي سخيّ الكرم إلّي تبرّعلنا عبرها بفلوسو باش نعملوا هالشبه فيلم ونقولوا رانا فنّانين". هكّاكة على الأقل يكون فمّا إحترام، ولو شكلي، للجمهور !

49 commentaires:

exmouslem a dit…

أهم حاجة أنه ما تمنعش أولا

و ما تقص منو شيئ ثانيا


أخطر حاجة هي الرقابة المتخلفة خصوصا كيف تحط شلة معقدة و مكبوتة جنسيا كيف برشه ناس علقتلك على موضوع صحافة العار و تحميل مؤولية الإغتصاب للمرا قال شنوه هي شمخرجها من دارها ولا شبيها لابسه هكه و أنا فحل ما نجمش نشد روحي

للأسف ها المرضى ثمة منهم برشه و قاعدين يزيدوا و خفت يوصلوا لمواقع كيما الرقابة السينمائية


هاذاكا علاش مهما كان الفيلم تاعب فانو باهي كي خرج و ما رجناش لتالي في تونس كيما يتمناو برشه ناس مرضى بالكبت و التخلف

exmouslem a dit…

توضيح ، تعليقي مبني على خبر منع الفلم بسبب مشاهد ساخنة قريتو في ايلاف و كتبه مراسلها من تونس

و هذا لو كان صار كانت تكون نكسة خرى و رجوع لتالي كي بول الجمل و لو أحنا فعلا راجعين لتلي من هاك النهار

أما ساعة ساعة فرج

Massir a dit…

Bonjour,
Je n'ai pas vu le film, mais l'autre jour à la radio, j'ai entendu dire que certaines scènes ont été censurées, en particulier un baiser un peu torride. Info ou intox, je ne pourrais dire.

Med Ali Ben Jemaa a ces derniers temps les cheveux teints pour les besoins du film qu'il tourne actuellement "Cinecitta".

Pour ce qui est du film "Hia w'houa", j'ai un avis complètement différent du tien.

tikaaa a dit…

borjouleya... (tout le monde pensera que je suis un genre de "kharray fel kif" amma nnnnormal) ena ken nelka namna3 din weldin el filmouet mte3na el kol ....
menech mta3 cinema...
c'est pas notre specialite'...

depuis pres de 20 ans, depuis l'avenement de "LE film", l'extraordinaire, le film qui a relance' le mouvement artistique et culturel tunisien, le film qui a chamboule' toutes les perceptions artistiques et creatives de la societe' arabe mediterranneenne et mondiale... "le 3asfour sta7" .. ou a7na vraiment ma 3rafnech kifech na3mlou 7aja okhra,

ya khouya es-cinema mouch mta3 bledna ... a7na kweyin fi barcha 7weyej okhra (kima el bis ou ezzarbout ou dharben ellougha) ... tant mieux... yezzi ... men ghir ma nenbzou rwe7na

ena franchement j'ai jure' il ya quelques annees elli ma 3adech n3atteb cinema fih film tounsi... mais malheureusement depuis que je suis fiance', j'ai faillit a mon jurement... rabbi isama7ni ... wallahi dhourouf...

Remarque ... film kosksi bel bouri, iouja3 fi erras amma mouch khayeb barcha ( production: 7 millions d'euro men 3and el francis, au moins c'est pas notre argent)

Big Trap Boy a dit…

@ Massir:

الإختلاف ديما باهي

بالنسبة لشوشتو المصبوغة بالأصفر هذا راهو كان مجرّد وصف فقط على خاطر هذا داخل في حريّتو الشخصيّة، يصبغ كيما يحبّ ماهوش مشكل
:)

lami a dit…

awal haja nahna ma3andnach tha9afa mta3 aflam 3ala 5ater société mta3na la ta3ref tontoj la ta3ref tetfarrej
9bal ma tontej film wala hata tatla3 belfekra mta3ou tal9ahom ekhtarou lmomathlin w 9asmou leflous mta3 lmezanya elli 3tatha lewzara 5% lelfilm wel ba9i mabinethom wem ba3ed ka3wer wa3ti la3wer
welli yetfarjou, tal9ah dakhel b9offa afkar natna (double sens ma3naha mel extreme lel extreme) 9bal mayetfarrej hatha kan machi yetfarrej aslan...
ama 3al momathlin yama 3bad kabchet w 3ebdet ettalfza w cinema et wa3 wa3 wa3 et mba3ed hel sorra hatta el khit matel9ahech yti7 3ala rassou ama sghir yo93ed dima sghir yekdheb kedhba w ysadde9ha yeskhayel rou7ou kber w howa m3addinha 3lih ti taw yekteb el maktoub we t9oulou ti sesmou howa hadhaka elli kan yeskhayel rouhou ymathel w ywali men banet kana
heya lahkaya el kol marhouna fi k3ibtin mezyanin 3andhom za3ma za3ma les muscles wel 9boul taw ytakiw el ba9i
bref, ejjabana men hak el 3am t3abbat be "cinema" ettounsya 3ala khater lewzara meskina wa9fetlha om n3ouch fel bab win tebda nawya bach tjib sghir tsamih film wala mousalsel to9tolhoulha hathya om n3ouch wala ach ysamiyouha donc allah ghaleb mafamach hal
mahou el kollou 5ayel fi khayel...
annastou, lamia

mandela a dit…

@btb
wallahi -wal 3ohdato 3ala wallahi- chakek -wa inna ba3dha adhanni ithm-innou 7keyet il man3 we tsansir tal3ouna biha mil 7it bech ness tehtam bha chibh chibh film wtemchi tetfarej kima 3mal albataba.
wbien sur vue ennaje7 mta3 5amsoun chkounou hal ma5rej wala lmo5rej illy ma y7ebech ykoun victime essansra...

tikaaa a dit…

a7na 3anna crise mta3 aflem ... berraghm elli a7na akwa 3bed fi "ettaflim" ... kol youm filmouet mouch normal fil kahwa mta3 7oumetna ... et je suppose un peu partout en tunisie.
3anna thakafat ettaflim tres develeoppee'.

amma khsara, el moumaththlin el kbar ou al moufallmin al 3oudhama' ma ielkawech ech koun inammilhom mawhebet'hom ou iwass3elhom Ja3... je veux dire iwass3elhom el efek koddemhom

Anonyme a dit…

@ BTB
ana mafibelich bik te3mil kritik mte3 cinema zeda..laken mafhimtech elfilm behi:الحقيقة الفيلم ماكانش معفّط كيما أفلام تونسيّة أخرى تتسمّى كوارث بالمقارنة مع هذا
ou bien el film 5ayeb? :الموسيقى كانت أوّلا مزعجة جدّا وثانيا لا علاقة ببرشة مشاهد، وثالثا ورابعا مزعجة وتوجع الوذنين وخايبة ياسر. من جهة أخرى الشخصيّات جات مسقطة وباهتة وغير واقعيّة، يعني "ستيريوتيـبـي" ياسر، وزيد الحوارات كيما قلت مجبودة من الحيط كيما الشخصيّات، كما أنّ الفيلم لم يخلو من بعض الأخطاء
bbrabi fahimni..ech 93ad fih elfilm ken
elmousika
el7iwar
cha5siyet
fih a5taa2 mte3 howet..bkolhoum ma3ijboukch???
critiker un film mahouchi hazen we nafdhan..

lami a dit…

@ BIG TRAP BOYS
puisque t'as eu l'opportunité de regarder le film, pense tu que l'affiche du film est bien faite walla tbalbiz?
:)

Big Trap Boy a dit…

@ anonyme:

الفيلم خايب، لكن ماهوش أخيب فيلم في تاريخ السينما التونسيّة

هاذاكا إسمو
la relativité

أما كان باش تحكي في المطلق، فهو فيلم ما يجي شيء

فهمت توّة آش معناه كلامي؟

@ Lami:

l'affiche du film mezyéna en tant que telle (ya3ni une belle photo), ama elle n'a rien à voir avec l'histoire du film, elle n'est pas du tout représentative et je crois qu'on a surtout cherché à faire du racollage en montrant les jambes (pas si belles que ça) de l'actrice
:)

C'est toi qui a réalisé cette affiche ou koi?

lami a dit…
Ce commentaire a été supprimé par l'auteur.
tifok! a dit…

wallahi 7atta ana manich 3aref ché m3ajebhom fih hal moumathil ! ama fi beli mahouch awwal wa7ed yetfradh al cinéma, yodhhorli el mo5rjin ne veulent pas prendre le risque d'engager un acteur mouch ma3rouf.... ti mahi oumour fluss fi le55er, sinon ma3adech yal9aw bech ya3mlunna aflem masstin kima hakka et à ce moment twalli mochkla fil bled :-D

-tifok!

Emma Benji a dit…

HAhaha
même si je partage pas ton avis sur Mohamed Ali Ben Jemaa que je trouve excellent; je trouve des remarques et tes commentaires tres droles?
El hak je n'ai pas vu hiya w houa, ni l'accident... mais bon je ne pense pas que ce soit le pire des films tunisiens... yézina add, avoue que tu exageres un peu
:-))

lami a dit…

@ Big Trap Boy:
a3oudhou bellah !!!
bien sur que non,
mais d'une part, j'ai voulu savoir si elle a une relation avec l'idée du film
et d'autre part j'ai voulu que tu complète ton article parceque t'as pas commenté l'affiche
comme ça tout est complet et parfait ;-)
NB: pour les jambes (belles ou non) haw jay essif w taw tetfarrej en direct et sur et certain tu trouvera une gamme bien diversifiée, tbarkallah variété ti howa fi chta echatti, les jupes chber fou9 errokba (la mouch hakka samahni ghlot) 9isou mel fou9 si chber.... ti hassilou, efrez 3ala kifek w ka7el kima t9oul enti, 3ala kifek.

:))

charismatic a dit…

il y aussi Lotfi 3ibdili "notre james dean" et la success story tunisienne !!

Béhi ki faya9thom 3ala rwah7om..car apparemment jéd 3léhom et fi bélhom de grands artistes ma sarouch fi tounis !!

Pauvre cinema tunisien...aucune simplicité, aucun génie et complètement à côté de la plaque..yi9ali9 akthir milli yifarhid !!

Je partage ton avis et qui sait ?.. peut qu'un jour BTB essaie le cinéma et nous fait totalement révolutionner le cinéma tunisien !!

A propos zéda..Eka "néjib bil9adhi" mta3 kahloucha ma famach rihtou ha léyémet..je me demande qu'est ce qu'il est en train de concocter...hédhéka par contre madhi !!

foued a dit…

tu as raison btb de souligner que c'est le fric du citoyen que l'on dilapide. parceque cinephile( ou plutot maso ce jour la) je me suis tape une fois 2 films de ferchiou :
"yusra" et "automne86". ya emmimti
quelle cataplasme ce type! ces films etaient des horrrreurs! ce type n'a aucune culture cinema et n'a rien a dire et pourtant le ministere d la culture lui accordé 300.000 dinars.
vous savez a part 3ou 4 personnes les "cineastes" en tunisie sont des escrocs.

TOUMA a dit…

@ charismatic:

el kolhom fard Cie, bdaw m3a b3adhom
déjà aucun d'eux a suivi des études cinématographiques, mouch ma3naha enou lazem ykounou 9arin fel majal hadaya ama zeda ya ma7asen essodaf najib bel 9adhi économie, lotfi Abdelli danseur, w mohamed ali ben jem3a allahou a3lem 3lih 9allek 3isami ettakwin fel majel
elli momken nfasrouh enhom l9aw lehnaynet w jaou fi hal "khedma" betbi3a melloul sodfa wem ba3ed kabchou fiha sinon rah kol wahed chad sane3tou loula wala 9raha melli howa sghir.
bon, tsawer ya sidi ben sidi na3mlou debat wala programme fih hal lo3ros mta3 ettamthil fi tounes (ben jem3aa et Cie) wel moumathlin mta3 syrie mathalan elli houma men fard jil. za3ma ach ynajem ysir? wechkoun elli bach yban eli 3andou fi mokhou akther.
el fan 3andna walla a3ref kifech twalli barbou w ta3ref tahki loughet chware3 we t3allem kelmtin techniques bach matkounech dhaye3 fiha wakahaou
hathaka 3lah 7atta aflamna ma7abitch to5rej meznou9 wel 7ouem el 3arbi wel 7ammamet (jam3 7ammem) wel l biran.
hatta ki na3mlou haja mta3 tarikh wala ra9ya chwaya matala3ch 3lina w yetmanikou 3liha la3bad.
bellahi el wa7ed ach bech ya7ki w ach bach y5alli
w dima labes
:)

charismatic a dit…

Perso nista3rif ib film barka tounsi :
" Farda wou l9at okhtha "
Ce film 9ad ma nitfarrij fih ma nichba3ch minnou !!
Tawa ki toghlit wou todkhil il film tounsi fil cinema t9oul hal 3amla illi 3maltha wou tistanna wa9tech youfa bech titfarhid !!

samsoum a dit…

@BTB: Il ya des soutiens faits spécialement pour les femmes qui allaitent. Ils ont une petite ouverture au niveau de téton :)) Ti hakka tawwa :))) lool

Der Kameltreiber, Ladeeni ولد الصحرا a dit…

بربي الأوخيان اللي وجعولنا روسني و عينينا بهالكتيبة العوجة تونسي لسوري راهو خرج إختراع اسمه ياملي تنجم تكتب بالعربي و بالتونسي بالحروف العربية بكل سهولة

اكتب الكلمة بالسوري كيما تنطقها وهوا وحده يحولها ديراكت للعربي

http://www.yamli.com/editor/

برجولية علاش المدونين اللي يكتبو بالتونسي مايعملو تدوينة يشرحو فيها الاختراع التحفون و يرحمونا من الكتيبة العوجة

منداف a dit…

ياbig يعطيك الصحة طلعت منداف كبير

nadia a dit…

c vrai ce que dit foued. la plupart c des escroc.ali labidi pour fair 3 fims a recu 900.000 dinars.aucun de ces film n'est reste 1 jour en progection

Big Trap Boy a dit…

@ Samsoum :

C'est justement pour ne pas avoir à connaitre ce genre de détails que je ne me suis pas marié :))

Sinon winek ya rajél ma 3adéch ettoll?

TOUMA a dit…
Ce commentaire a été supprimé par l'auteur.
TOUMA a dit…

@ BIG TRAP BOY:

bonjour Big
je veux tirer ton attention sur un livre qui a causé tant de débats et discussions en Egypte "L’amour et le sexe dans la vie du Prophète"


http://islamiquementincorrect.blogspot.com/2008/03/besnat-rashed-la-vie-sexuelle-du.html


el madam hathi elli 3amlet m3aha el Arabia mo9abla nharet essebt elli fat sadret fetwa dhedha belmaout wel 9atl
w heya par contre ensana dhahra motadayna w 3andha mena el 3elm wel ma3rfa makhalaha fel mo9abla tsaket el mo9addem mta3 elbarnamej bkol mante9 w torbia w a5la9.
mel 7ajet elli 9aletha ennou heya 5arjet lektab hatha bach twari ennou errasoul salla allah alih ensan 3adi 3andou chahawat wa zawjat w na7na la3rab wel moslmin ensina ennou na7na ne3bdou fi rabbi w wallina ne3bdou fi errasoul donc on ne doit pas n2alhou errasoul
secondo, 9atlek puisque na7na 3orban 7atta el 7ayat ejjensia 3andna wallat mot5alfa w 7ayawania ledhalek w men mabde2 ennou errasoul yelzem ntab3ou sontou fala 7araja fel hadith 3an 7ayatou ejjensia "sexuelle", de même 3al9et 3al fetwa elli 3amlouha le9atlha w 9alet ennou heya kharjet ktab yna9ech w yatra7 afkar w 7a9a2e9 w makharjetch chay 9alet lela3bad ytab9ouh bessif. welli ftaw ma3tawhach hatta el forsa enha tet3ada 3ala mahkma char3ya walla yet9admoulha bech yna9chouha ma3a el3elm ennou ktabha maraj3ou kolha maraje3 dinia ma3roufa jeddan
w se2let la3bad edha heya a7a9 belmaout 3ala ktab yna9ech w yatra7 7a9a2e9 men 3bad ftat bta7lil errachwa w riba w erdha3 kabir!!!
w barcha 7ajat okhra, hassilou ana ma9ritech lektab ama madam errasoul 9odwat el mojtama3 el2islami w yelzem ntab3ouh fi kolchay 3alach khayfin lha darja melehdith 3ala el côté ejjensi fi hayat errasoul salla allah alih tout simplement 3ala khater maynajmouch yetsawrouh fi des situations un peu intime ?!!!
wa3lah hakka lemra bach yara7loulha be3morha, m3arsa , w bdarha tawa 3ad masr el kol tlawej 3liha bech to9telha.
9oul w heya ach lazha, ama elwahed zeda marrat men montala9 3elmi w fekri mo3ayan yal9a rouhou makhnou9 kan mayetkallamch w maysayabch afkarou. tawa haou walla el 3abd ki ykhamem yo9tlouh
9ra 9ra 9ra 9ra, w9atlouh
inchallah yehdihom rabbi w yarj3ou fel fetwa elli kharjouha, mahom mestansin houma.
à toi

Anonyme a dit…

Brass khouya barmaj article 3al "les interventions" wil pistonet au niveau khidma, rani bech ntarcha9. Za3ma injustice mte3 dinya welle ecnouwa???????????

exmouslem a dit…

بجاه ربي ها اللغة الي طلعتو بيها هنا اش اسمها ؟

كيفاش تتقرى و فاش قام تكتبو بيها ؟


مستعايرين من حروف العربي ؟

اكتبوا بلغة أخرى أما مفهومة


موش كي الغراب الي نسى مشيته و ما تعلمش مشية الحجل


فصار أقبح الطير مشيا


على رأي ابن المقفع


نعرف كل حد حر يكتب حتى بالعبري ولا بالهيروغليفي أو حتى بالأبجدية البونيقية لكن من حقي ننقد و نقول رايي زاده

مع احترامي للي علقوا الكل أما

9ra

شيلزمني نقراها ؟ تسعة راء ؟


علاش ها العجة دارجة و سوري و طليان و اعداد و تحب لك ساعة باش تفهمـ ، ما تعرفش تكتب بالعربي و الا بلغة أخرى كيف قدر عليك ربي

ومدونات من الفها ليائها مكتوبة هكا ؟


أزمة انتماء
هوية

أزمة حقيقية عميقة عمق جرح الأصول النازف

سأكون أول من ينادي بالغاء اللغة العربية كلغة رسمية على أن نستبدلها بلغة العلم

الانجليزية



أما لغة المراهقين هذه فمرض آخر من أمراض الهوية تماما كمرض الببغاءات التي كررت دون فهم الحمد لله الذي هدانا للاسلام و ما كنا لنهتدي لولا أن هدانا الله

Anonyme a dit…

a ex mouslem
chbik da5il fiha forka we 3oud 7tab???
kol mawdou3 da5il fih rabbi we moselmin mte3 ednya elkol??enti 3andek 3o9da ismha :islem
on exprime ce probleme de deux facons differentes:
1-on parle pas la-dessus du tout..
2-ou bien on n'a pas d'autre sujet ke ce sujet(kif elmakbout)
nous avons marre de tes masturbations ex-religieuses!!!!

مسلم سابق a dit…

كيف حيرك برشه الاسلام و حرقك عليه الحليب اتكلم بلغته عاد من حينك


لغة مقدسة و لغة أهل الجنة


زعمه من ملاحظتي الاخرة ما شديت كان حكاية الاسلام ؟

و زيد أنا مسمي روحي مسلم سابق تقول لي انت معقد من الاسلام ؟

هاذا حد عقلك ؟

رد فعلك انت زاده يدخل في نطاق جرح الهوية النازف هيا انست بعقلك

Anonyme a dit…

a ex mouslim
non seulement mouslim sabi9 mais en plus miboun..

مسلم سابق a dit…

مع انك انونيم نكرة جبان

ومع ذلك باش نجاوبك مع احترامي لصاحب المدونة و اعتذاري مسبقا و كان تحب ياتراب فسخ الكل شوف


يا فرخ


أولا انت ما نكتنيش سابق باش تقول ميبون


ثانيا الي يهبط لمستوى الكلام عالوبنة عادة هو الي حاسس بنقص في رجولته


ثالثا المارك الي كيفك هوما الي كفروني في دين رب محمد بجهلهم فوق جهل الجاهلين


رابعا و موش أخيرا السب الواطي الشخصي موش غريب عليكم من جملة العقد و الأمراض متاعكم

ربي يشفي

Anonyme a dit…

ex-3o9ad
we m3a dhelik fe anta miboun min 7aythou la tedrii..

Anonyme a dit…

الرّبيع الأسود
و
الـــــــــدّب الأبيض
الفيلم الي ما حبش يوفى
*
بالله يا إسترافقنســــــــــــــــا
أعطيه ها الفيلم الصّغير يخرجو ...إدّبر بيه راسو
حتى إرّوح



لست هنا لأكون شاهدا على العصر، بل ناقدا له ، فلذلك الزمان رجاله منهم من مازال يقبع داخل سجون الدكتاتورية و منهم من قضى نحبه و منهم من تخلى على أمر كان في ذلك الوقت أمرا جليلا. لست هنا لأكتب شيئ غريب علينا و على ديارنا و ربما لست الرّجل المناسب لأكتب في شيئ لم امارسه و لم أكن طرفا فيه، بل إني هنا لآكتب شيئا يتجاوز السياسة لأدخل في عالم الأنسان، هذه الشخصية الي جرّمت رغم كل ما قدمته لوطن إنفض القوم من حوله منذ زمان.

غابت الشمس و بدى الضلام يحط بمعطفه على هذا الحي الميت الحي حقيقة. جنود السطوح مازلت في أماكنها و لم تغادر ...و الأشرات الضوئية كانت و مازلت متاوصلة. و كأن شيئ سيحدث هذه الليلة و لكن من أين لي بذلك. نزلت من فوق السطوح لأدخل على السيدة : حليمة ( الشخصية الثانية). حليمة إمرأة بدينة و لم تتجاوز بعد الخامس و الأربعين. دخلت بيتها. بدى لي جميلا و متواضعا و لا يدعو لآي إثارة. حليمة ذات وجه جميل، حادة العينين، سريعة الحركة. هذه المرأة أم لأربعة أطفال كلّهم ذكور. أحدهم مازال فوق سطح المنزل في إنتضار أحد الأيشارة الضوئية. ما راعني هو أن السيد حليمة كانت بصدد طبخ شيئ يتجاوز بكثير عدد أفراد العائلة.

حليمة ما كانتش الطّباخة الوحيدة و لكن كانو معاها برشة نساء : من ناحية أنهم متحجبات لا. نساء تونسيات عاديات جدا لا أكثر و لا اقل. المديرة الكبيرة ما إتكون كان حليمة ...المرا شادة زمام الأمور ...و إتحضر في شقائل الكسكسي ...على ما حسبت اكثر من خمسة و عشرين. عشاء يعمل ستة و ستين كيف. ثم بنات في البيت الأخرى إبرجو في الدلاع ...بنات صبايا ما زالو. صغار و حلوات ...كيف كيف عاديات ...الّكلهم يتحركو ..حتى وحدة ما هي قاعدة و إلا تحكي عللى شيئ موش داخل في التحضير للحفلة و إلا موش عارف أش باش إصير الليلة. ثم كميونة باشية مراكية موش بعيد على الدّار...من تالي إلكلها مسكرة ...إتجيب الشبه و لكن في راسي ..قلت محظرينها باش إهزو العشاء ؟ لكن وين باش إهزوه و إشكونهم الضياف و أنا ما نسمع لا في دربوكة و لا في مزود ؟ الحي ساكت جملة ...و لا حاجة إتقول ثم فرح و صعيب باش إكون عرس فس الوقت هاذا ...الأولاد قريب باش يدخلو يقرو ...و الصيف إتعدى و ما عاد منو حتى شيئ.

قشور الدّلاع في الحي إتقول غوصات ...و الضغار مازالو يلعبو في الكورة ...في الليل: حي ما إناموش و لا يرتاحو ...الناس هذه وجوها وجوه شقاء مساكن ...برشة ناس مازال كي مروحة من الخدمة . وقت الي تقرب الكاميرا من الوجوه هذه إتحس بيها بشوشة ...سعيدة ...ثم فرح ف عيون الناس ...هاهو سي العروسي إنزل من على البسكليت و دخل إلى النهج متاعهم ...و في قلب الشارع ...إتجي بنيتو الصغيرة ...زنوبة عارضتو تجري فرحانة ...بابا جا ...بابا جـــأ. ركبها على البسكليت و فرح بيها ...و جبدت من جيبو قرطاس حلوى و مدّلها تاكل.
سي العروسي يخدم مراماجي ...دخل الدوير ! دخلت أوراه ...المر عندو السيدة فوزية حضرلتو الماء باش يتوضى و إيصلي المغرب ....زنوبة ما فارقتوش ...تلعب بالماء بجنبو . وقت الي أركع ، ركعت معاه زينب ...و من بعد قعد وين لازمو باس يسجد ...و ما أوسع بالو ...جات أمها خذاتها من عند بوها و حطت العشاء في إنتضار إنو إيصلي النوافل متاعـــــو. زينب قعدت عند امها ما إتحركتش ...كمل سي العروسي الصلاة متاعو ...سلّم على زوجتو ...و قالها ...الليلة باش نتعشى البره ...الجماعة مضيفيني....يا عروسي ...خطانا من المشاكل و أخطاني من الأجتماعات ...!!!!!!

ثم إجتماع الليلة ...الخوانجية عاملين إجتماع و لازمني إنصورو ...و كيفاش باش تلقاهم ؟ حي فيه نص مليون ساكن ...في أنا دار و في أنا نهج ...ساهلة العملية هذه، باش إتنجم إتصور الشيئ هاذا لازمك أتكون أما جن مع الجنون إما الرّجل الشبح.

العساسة متع السطوح لازم إكون عندهم شكل هندسي معين حتى أكونو قايمين بواجبهم على ما أحسن ما يرام. البلايس متاعهم ما هيش محطوطة على هدى إنما الشيئ وراه مهندسين كبار و ناس تعرف تقرى و تكبت الأشرات الشوئية ...أطلع يا قاسم للسطّح و اقرأ الأيشارت و حللّ السياسة و علم التنظيم...يا جماعة صدقوني عامل أوبتيك و لكن اللّيـــــز متع الخوانجية أمر إحير. كي إتشوفو من بعيد الشكل الي عاملاتو الأيشارت الضؤئية و العساسة ...تعرفو الي الشيئ هاذا أفوت خيال المخرج و أفوت خيال الحاكم التونسي و إفوت خيال العفاطة متع الساسة ...الخوانجية يتعملو في علم الفلك يا بابا باش يعملو السيكيرتي متع الأجتماعات متاعهم ...العساسة و المصابيح الي في إيدهم إشكلو برشة أشكال معروفة في علم الفلك الي إتشكلّها النجوم و إتسافر على ضوء القمرة الرّجال. صحة للمهندسين و صحة للفكر وقت الي يوصل باش إعجز أكبر المحلّلين السياسين.

الأشكال الهندسية الي شوفتها و شكلتها حركة المصابيح الكهرابائية عطانني النقطة السّخنة الليلة هذه ...و الأجتماع باش إكون في دار عمّك زايد. هنا الخوانجية و العسة متاعهم ما فهموش الضوء متع العدسة متع الكامرا متع قاسم كيفاش جاء ...و واحد منهم عطاني الأشارة الي حاجتي بيها ...هنا حبيت إنقول الي الخوانجية رغم التنظيم متاعهم الكبير في ذلك الوقت كان ساهل الأختراق متاعهم ....و أخترقتهم المخابرات التونسية على جميع الأصعدة من القيادة إلى حتى القواعد و الفرق الخاصة. و بالضبط الخوانجية أخترقو النضام التونسي من رأسه حتى قدميه. بقى الي الواحد لازمو أقولو ...أنو في الوقت هذالك و إلى يوما هذا لم يوجد في التاريخ التونسي تنطيم سياسي أقوى من الخوانجية ...في الوقت هذاك الخوانجية أخرجو أعز الأفلام و أعز المسرحيات ...الثقافة التونسية الكل كان تحت الأيمارة متاعهم ...حتى من رياض الطفال و الكشافة و الشّعب متع الحزب الحاكم كانت تابعة للخوانجية ...إنعم الشيئ هذا ربما برشة جماعة و إلى يومنا هذا خايفه إنها تحكي عليه ...غير أنه كان تاريخ يشرف الشعب التونسي البسيط الي إعتقد و ما زال يعتقد في الأفكار متع الأسلامين ...لأن النهضة في ذالك الوقت و تجربتها السياسة كانت أقوى من الحاكم التونسي بخمسين مرّة...الحكومة التونسية كانت كي الهجالة ...مطلقة من الشعب و لا واحد منهم عندو قدر و لا والي و لا وزير قادر إنو أحل فمو ...الشعب التونسي أختار إنو يمشي مع الخوانجية ...الناس هاذوكم عرفو كيفاش إطّروه ...و كيفاش يقعدو معاه و كيفاش يشربو الشاي في ديار الناس ...و لذلك الناس حمتهم و حبتهم و أعطاو فيهم الثيقة. شعبية الأمراء كانت إتفوق شعبية بورقيبة الي في أخر عمرو ولى عجوز خارف ما عاد ما يعرف ما أقول و ما يعرف ما يعمل.

من بعيد نسمع في البندير إقربع !!!! ثم إتقول حظرة ...قلت نمشي إنصور الحظرة و الليلة فراقها صباح. و كل ما نقرب العسّة تكثر و لكن حتى شيئ ما إخليه إتشك في حاجة ...حظرة رابخة و البندير ما طاحش و البخور إعجعج ...الكرهبة الباشي الي كانت مراكية قدام دار عصام فلاح، شوفتها مراكية في دار الحظرة ...العشاء جيئ به إلى هنا ...و الأجتماع ما إكون كان هوني . المهم من بره حظرة و من الّداخل ...إجتماع مجلس الشورى.

أنا هوني نكتب في الشعب التونسي و الناس الي إمشات مشاف كبيرة في نضالها السياسي و اليوم مساكن إمطيشين في الحبوسات ...ما حاجتيش باش نحكي عل النهضة و القيادة متاعها و أش باش يعملو و أش باش إدبرو في أمورهم ...قاسم هوني باش يحكي على البعد الأنساني متع الحركة الشبية التونسة أو بالأحرى على الحرب الباردة في ذلك الوقت. عندهم و إلا ما عندهم الحق باش يجتمو ؟ هذا أمر ما إناقشوش داخل جمهورية قاسم لأني أعطي الحرية لكل إنسان باش إنضر و إقول أش إحب. في الفيلم هذا ما نيش قاعد إنحاسب في الخوانجية و لكن نتحدث بطريقة الصورة على فترة ، بل اكبر تجربة سياسية في تونسي ، بعد فرحات حشاد و صالح بن يوسف. التجربة متع الدّساترة ماكانتش تجربة إنما كانت خفقات متتالية و في كل مرّة تنقذهم فرانسا ...لأنهم ناس ما عندهم شخصية وطنية إنما إذيال لا أكثر و لا أقل و إلي يومنا هذا. حكومة متوسدة فرانسا و متفرشة الأسلام و إتعفس في الشعب التونسي. الدساترة ...ناس معبية قلوبهم بالحقد على كل ما هو عربي و كل ما هو أسلام ...أربعة من الناس : الي إتقولهولهم فرانسا يعملوه ...لا أكثر و لا اقل. إتبعو إتبع كالحمير و لذلك ما كانش عندهم فكر و غلا كتلب و إلا شعراء ...أبدا و لا تلقى واحد من الصحاح دخل معاهم ...كان الي إلحس و كان الي يسرق و كان الي ينهب في الشعب التونسي .


إنخليكم الليلة ساهرين في الحظرة و لكن في الأمر إجتماع مجلس الشورى ...المهم الحظرة للصباح و غدوة كان عشنا ...إنكمل الرّحلة مع الرّبيع الأسود . الي حبيت إنقولو فيه لبرشة معارضين، الي الحكاية لازمها تبدى من الأول و التقيم لازمو يتعاود، بالعربي المساجين السياسين الي اليوم موجودين في الحبوسات لازمنا نعطوهم الحياة من جديد بطريقة أخرى و عبر نقد ذاتي للحركة الوطنية جملة و تفصيلا. البكاء على الأطلال ...إنتهى و باش نبدو في حاجة جديدة لازمنا قبل كل نفهو الحقبة الي إتعدات فصلا فصلا.

مشكلة الخوانجية تتمثل في حاجتين : القواعد متع الأخوانجية ما كانتش قواعدة مسيسة إنما قواعد متربصة لا أكثر و لا اقل ...و الفصل الثاني متع الخوانجية : هو أنو القيادة كانت خايفة ياسر من اليسار المسكين خوفا بدون مبرر. و هذا راجع أكثر شيئ لقواعد ضاغطة على قيادتها بدون أدنى تفكير في أنو الوطن كان يجب |أن يكون للجميع. اليوم و أحنا تحت نير الأستعمار ما إربح حد وحتى الدكتاتورية متع بن علي في أخر زمانها باش إيصير فيها كما صار في الخوانجية عام التسعينات...التاريخ هذا درس و الي ما هوش حاب يفهمو يخرجو منو يدى فارغة و أخرى لا شيئ فيها.

عيوني يا صحوبة ....عيوني وجعوني و لازمني نرقد الليلة ...و الليلة الجاية كان حب ربي و يطلع الصباح ...و نبدى في قصة الحب الي باش إكون البطل متاعها الفلاح.

قاسم

Anonyme a dit…

أخي الكريم نحن مجموعة من ... نتبابع جميعا كتاباتك في مقر عملنا و ننوه بها و لكن لو سمحت رجائنا منك أن تبتعد عن بعض الألفاظ التي لا تتسق مع قيمنا واخلاقنا حتى نظل نقرأ لك دون حرج

مسلم سابق a dit…

أخي الكريم نحن مجموعة من ثلاث نقاط و لا أجرؤ أن أكتب اسمي و مع ذلك أمتلك من الصفاقة ما يجعلني أطلب منك أن تكتب على مزاجي أنا بوصفي صاحب أخلاق مرهفة و عطاي دروس في الأدب

:)))

ربي يصبرك يا بيغ

;)

مسلم سابق a dit…

قاسم

انزع اليسار


و انزع فكرة الدولة الطايحة لقمة سايغة في 6 نوفمبر و ما حد كان موجود كان الخوانجية و الزين سبقهم



موش صحيح تحليلك غير في أن اليسار و المعارضة القانونية كانت نمر من ورق أما الخوانجية كانوا مشروع فاشل غير قابل للتحقيق أصلا



و مازالو لليوم كذلك



أثق في الله أولا و في الزين ثانيا مازال كشطة و اربط و فقيه ارهاب و طامع في حويجة من عند الي يعطي ثالثا و مريض رابعا كيف الظواهري الكل كلاب

رئيس دكتاتوري مدى الحياة على حزبه و يكتب بأكثر من اسم و يكفر و يهدد بتبلصيم و تمثيليات انتخاب و كلام على حرية و الشعب تحب ولا تكره رغم انه بدى يتدروش أما مازال ما تخونجش

Anonyme a dit…

ahla

brabbi 3lech hakka ?? 7ata eli ken y7eb yetfarej fih el film tayarthelou..n7eb n9olk 7aja ya si..w brabi la tefhemni belghalet: echkoun dharbk 3la idek w 9allek imchi? t9oulch 3aml mziyya. tawa bilehi enti weli kifk t7ebbou el cinema tetawer wenti mista5sir 4 dinarat fil 3am fi film tounsi.. ena nittafi9 m3ak fi ennou el moustawa 3la 9addou ema ma fiha bes ki ta3mel enti w ghirek mziyya w temchiw tetfarjou ta3mlouha blech t5arnin t9oulch kol youm ta3tiw fi 4 dinarat lel tha9afa..w en plus el ta3ali9 el habta w ch3rou asfer w bebe yardha3 w soutien wel 5rom el kol a3fiwna minhom..5ater ma yfidou b chay..en tt cas, nchallah el marra jeya trawa7 far7an.. NEDRA

Anonyme a dit…

@ nadra
..bravo..7atit elni9at 3al 7rouf..merci

Anonyme a dit…

@ex-mouchlem
rabbi saberna na7na les lecteurs 3lik..crois tu en donnant un nom comme:ex-mochlem kont 3areft brou7ik?detrempe toi tu es un inconnu surtout sans islam..
elislam ya bhim mahouchi din fa9at houwa intima2 we3i a une culture et une civilisation ki a participer bichahedit asyedik fi el7adhara ely enti tista3mel fiha..elar9am ely tista3mel fiha we biha i5ter3ou hal jihez jaya min el7adhara ely enti 7achim minha..ama lechkoun t7ar9is ya maret la3ma2!!zeyed ya weldi mouch 9otlik rak miboun min 7aythou la tedri??

Big Trap Boy a dit…

@ Nedra:

نحبّ انبّهك أوّلا أنّو تعليقك هذا ينجّم يرشّحك بحظوظ وافرة لجائزة الكشطة الذهبيّة متاع شهر أفريل

سامحني أختي العزيزة، الأربعة دينارات وإلاّ حتى الميتين فرنك يسالهملي فرشيو وإلاّ تسالهملي الثقافة؟؟ بالكشي عاملين علينا مزيّة؟؟؟

فمّا فرق كبير يا آنسة ما بين الثقافة وبين التمعّش من الثقافة، وكان فوق هذا المتمعّشين باش يولّيو فوق النقد ولازمنا نبندرولهم نقلّك راهو يبطى في الهبطة

مازلنا نسمعوا

Anonyme a dit…

نحبّ انبّهك أوّل...brabbi 9olli enti chkounek 7atta tnabeh fil 3bed?we twezi3 fil kchott..ye5i kol we7id ye5afik elra2y ta3tuh kachta?5alik domo9rati we 5ali kol we7id ye3abber 3ala ray2you..

Big Trap Boy a dit…

شكرا على الأسئلة متاعك الخشبيّة يا شسمك

ما تخرجش على الموضوع بركة

Anonyme a dit…

in takalama ale2imou,fe5ayrou ijabetihi sokouton..

Anonyme a dit…

انا يا سي بيغ ما نعرفش شنيا حتا هالكشطة الذهبية الي تحكي عليها وهاذي ثاني مرة ندخل للمدونة متاعك يعني كون متسامح شوية واقبل الاختلاف في الراي كيما انا محترمة رايك. ونحب نقلك انو اي الثقافة تسالهملك الاربعة دينارات. وكان ما تحبش تعطيهم ما يجبرك حد ما تخافش . والطريق بش تحقق حاجة تزيد في ثقافة مجموعة ما طويلة وتمر برشا مراحل كيف ما التمعش وفي الدنيا هاذي بلاش تضحيات ما تخلط الى شي.والمشكلة انو نحنا شعب ما يعرفشي يضحي ولازم كل حاجة بمقابلها.يحب الديمقراطية من غير طريحة ويحب يسلكها في الدنيا من غير تعب وديما ما فيها باس،علاش لا مانضحيوش، اما انا ما نضحيش خاطيني... الحاصل، اذا كان نستحق الكشطة الذهبية ميسالش، المهم عبرت على رايي

:-) Nedra

Big Trap Boy a dit…

والله يا للاّ نادرة آش باش نقلّك؟
أوّلا مرحبا بيك وبزيارتك الثانية وإنشالله ماهيش الأخيرة، وبرأيك المخالف زادة ما فيها باس، أما زادة ما تجيش تقوللي ما عندكش الحق باش تنقد فيلم أمورو تاعبة قال شنوّة لازم نعاونو الثقافة

قبل ما ننسى، بالنسبة للكشطة الذهبيّة تلقى تفسيرها هنا:

http://trapboy.blogspot.com/2007/09/blog-post_19.html

أمّا بالنسبة للثقافة تسالني راهو موش صحيح، وأنّي نعاون الثقافة ما يعنيش أنّو أيّ كاراكوز يجي يتمنيك عليّا. إلّي يحبّ يعاون الثقافة لازمو يساهم باش الناس إلّي متطفّلة على الثقافة والمتمعّشة منها تبعد وتخلّي المجال للناس إلّي عندها مواهب وآراء ومواقف جديدة وما لقاتش آشكون يعطيها لا دعم مادّي ولا معنوي، وهذا عادي كيف تبدى الكعكة متاع الدعم مقسومة على المتطفّلين والمتسلّقين والإنتهازيين

هيّا يزّيني من الكلمات إلّي توفى ب"إين" راني ما نحملهاش برشة

نهارك زين
;)

Massir a dit…

Finalement, je suis allée voir ce film et je l'ai trouvé pas mal.

L'accident.... quel accident?

athens a dit…

خويا حقك في نقد اي فيلم والتعبير عن وجهة نظرك و هي اساس الديمقراطية المهم انتى انتقدة الفيلم وهذا حقك الجماعة ما هيش فاهمة الي النقد يحسن من الوضع السينما التونسية الي تملك قدرات قوية و الدخول في نقاش كلام زايد ولا ناقص يطيح شوية المستوى المهم حلوا صفحة على فايس بوك لنقد السينما التونسية على الاقل باش نهزوا المستواى و هوني يلعب كل واحد دوروا لتوعية المواطن التونسي على السينما التونسية و له مجرا

Anonyme a dit…

خويا حقك في نقد اي فيلم والتعبير عن وجهة نظرك و هي اساس الديمقراطية المهم انتى انتقدة الفيلم وهذا حقك الجماعة ما هيش فاهمة الي النقد يحسن من الوضع السينما التونسية الي تملك قدرات قوية و الدخول في نقاش كلام زايد ولا ناقص يطيح شوية المستوى المهم حلوا صفحة على فايس بوك لنقد السينما التونسية على الاقل باش نهزوا المستواى و هوني يلعب كل واحد دوروا لتوعية المواطن التونسي على السينما التونسية و له مجرا