mardi, avril 29, 2008

...مدوّنتي على صفحات "الطريق الجديد" من جديد، أما المرّة هاذي ماسطة شويّة

علمت ببريد إلكتروني وصلني نهار الجمعة وجاوبت عليه نهار البارح أنّها جريدة "الطريق الجديد" تنوي نشر البوست إلّي كنت كتبتو لهنا تحت عنوان "تكسير العظام في اختيار منظومة الكنام"، ولكن على ما يبدو فإنهم الجماعة في الطريق الجديد تذكّروا باش يشاوروني إمخّر شويّة المرّة هاذي، يعني بعد ما طبعوا الجريدة، وهذا علاش قلتهم ميسالش مع إبدائي لتحفّظ من مسألة تكرار نشر المقالات متاعي في جريدة حزبيّة متاع حزب ما تربطنيش بيه أيّ علاقة عضويّة ولا حتّى فكريّة مع إحترامي الشديد لكلّ الأحزاب الديمقراطيّة الناشطة في البلاد وخارجها.

قلت عاد ما فيها باس، حتى كان شاوروني بعد فوات الأوان، خاصة وأنهم عملوا حركة لطيفة المرّة إلّي فاتت بنشر صفحة كاملة تحكي على المدوّنة متاعي. لكن المرّة هاذي، وخاصة البارح بعد ما إطّلعت على عدد الأسبوع هذا من الجريدة المعنيّة لاحظت أنّها بعض الأمور ما تعجبش، وهو ما استوجب منّي التدوينة الحاليّة لتوضيح بعض الأشياء للقرّاء متاع المدوّنة وللإخوان المحترمين في "الطريق الجديد".

أوّلا وقبل كلّ شيء، مع تجديد إحترامي للجريدة المعنيّة فإنّي مانيش صحفي في الطريق الجديد وما نكتبش للطريق الجديد، وما نكتب بالمناسبة لأيّ حدّ بخلاف نفسي المتواضعة وكلّ من راودته نفسه الأمّارة بالسوء باش يجي يزور المدوّنة ويقراها، وبالتالي فإنّو ظهرلي من غير اللائق أنّهم يحطّوا عنوان البوست متاعي في الصفحة الأولى دون الإشارة في نفس الصفحة إلى أنّو ماهوش مقال متاع الجريدة وإنّما منقول من مصدر آخر ما عندو بيها حتى علاقة.

هاذي يمكن تبدو لكم جزئيّة ما لها معنى ولكن أنا نعتبرها مهمّة على خاطر إستعمال عنوان يجلب (على الأقلّ شويّة) الإنتباه كيما "تكسير العظام في اختيار منظومة الكنام" في الصفحة الأولى ينجّم أيّ إنسان عندو مرض سوء النيّة المزمن كيفي يعتبرو من قبيل الغورة على أفكار الغير وإستخدامها في أغراض تسويقيّة للجريدة هاذي، وبالطبيعة مانيش باش نقدّم حكم مسبّق وندخل في صدور الناس باش نعرف نواياها، أما كيما نقولوا فيها "كلّ واحد شيطانو في مكتوبو"…

من جهة ثانية المقال نفسو جاء من غير رابط أو عنوان إلكتروني لا للمدوّنة ولا للتدوينة ولا أيّ شيء يدلّ على مصدرها بخلاف إسم المدوّنة المكتوب بالغالط وبالمقلوب. هذا يمكن مجرّد قلّة إنتباه لا غير، ولكن ما فيها باس الإنتباه في الدنيا هاذي، على الأقل باش يمكن لقارئ الجريدة يرجع للمصدر الأصلي للتدوينة ويحطّها في إطارها.

ثالثا وأخيرا نحبّ نعاود نأكّد أنّي ما عندي حتى علاقة عضويّة ولا فكريّة بحتّى حزب من الأحزاب السياسيّة الموجودة حاليّا في تونس، وزيد حتى كان ندخل نهار للريق هذا فإنّها المدوّنة هاذي باش تقعد ما عندها حتى علاقة بحتى مجموعة أو حزب اللهمّ حزب الديك، وذلك لما له من مرجعيّة نضاليّة وأسبقيّة تاريخيّة في نحت معالم هذا الشعب العريق، وإلّي على ماهو عريق ريحة ظبابطو فاحت في كلّ وسائل النقل العمومي.

وبناءا على ما سبق فإنّي أعلم الجميع أنّه ليس من بين مشاريعي المستقبليّة دخول عالم الصحافة الورقيّة، وحتى كان قدّر نهار ربّي عليّا فإنّها ماهيش باش تكون صحافة حزبيّة، على خاطر أنا مواطن بسيط ولا حزب ليّا، وفي إنتظار أنّو ربّي ينوب علينا وعليكم بالحريّة والديموقراطيّة، ندعو جميع الوخيّان في الصحافة باش يحافظو على الأقلّ على درجة من الحرفيّة، يرحم والديكم ووالديّا.

37 commentaires:

Tounssi fi bariz a dit…

Bravo BTB ;-)
j'aime bien te lire

Anonyme a dit…

Ya BTB Ya 5awwwwwaf!!!!!!
:))
oft la ychilouk?????

Fontomas a dit…

Je suis d'accord que tu exprime ton mécontentement du plagiat de ce journal parce s'en est un même s'ils t'ont demandé l'autorisation qui était tardive, mais je comprends pas pourquoi t'a répété autant de fois que tu n'avait aucun lien quelqu'il soit avec ce "7isb" (ils sont pathétiques nos "a7séb" tu ne peux jamais cerner leur idéologie politique ou même spirituelle :p ), sauf si tu as des raisons "spéciales" pour le faire, là ça devient compréhensibles, je ne me permettrais pas de te traiter de lâche ou autre parce qu'au fond c'est légitime ce que tu fais : tu ne veux qu'on te colle aucune étiquette et préserve ainsi ton indépendance.
Je sais j'en fais trop je pars toujours dans un monologue bizarre :p, j'y peux rien je suis tout seul devant un écran!!!

Big Trap Boy a dit…

@ tounssi fi bériz:

merci ou marahbé

@ anonyme:

هاني نرعش في حالة
:)

لا أما الحقيقة ما نحبّش الأمور تختلط على القارئ متاع المدوّنة

مثلا ما فمّاش علاش باش نكون أقرب للطريق الجديد منّو للموقف أو حتّى للحريّة، هذا هو لا غير

Big Trap Boy a dit…

@ fantomas:

هاك طرحت السؤال ووصلت للجواب الصحيح وحدك
:)

Anonyme a dit…

klaem ma39oul..

titof a dit…

@big inti bach tmch fi sa9in

Big Trap Boy a dit…

@ titof:

wenti bech icheddouk kif el bendir!

loool

titof a dit…

za3ma mouch kima 3alam

Bloton a dit…

Si tu continues à poster à ce rythme et avec cette qualité, tu peux sortir un livre sous forme de recueil comme ceux de Tahar Fazaa. Mais bon les tunisiens et les livres, ce ne sont pas les meilleurs amis du monde!

Big Trap Boy a dit…

وقتها لازم أنا نعطي فيك تقرير باهي باش يفرحو بيك
هههه

هيّا رتّب السيرة معايا وإلاّ مشّي حويجة
:p

titof a dit…

w enti 5alitli blasa bach na3mel fiha kel 7aja hhhhhhhhh
asm3a 3ada mtrachech
ama bl7a9 man7ebkchi tmchi fi sa9in

Big Trap Boy a dit…

@ titof:

هههه
ما تخافش صاحبك راجل، وزيد على هذا ماك تعرف فيراج الترجّي: ما نخافو من الموت ينعن بوها والرجوع لربّ العالمين

:))

titof a dit…

لا حاكم لاولو تو ففنكورو
ولي يبوجي معانا تت****أمو
برا ربي معاك يا البيغ ويطيح بيك ولاد الحلال

خليّل a dit…
Ce commentaire a été supprimé par l'auteur.
خليّل a dit…

فسختوا على خاطر حرف
labes 3alik ya BTB

Big Trap Boy a dit…

@ خليّل:

هذا سؤال وإلاّ سؤال إنكاري؟

هههه

على كلّ حال هاني لاباس والحمد لله، يسئل عليك كلّ خير يا خويا

titof a dit…
Ce commentaire a été supprimé par l'auteur.
ahmad a dit…

ettajdid qui edite "tariq eljadid"
( ex- p.c.t.) ont herité de cette sale habitude de vouloir utiliser les autres.ils sont en perte de vitesse depuis 20ans surtout a gauche ou le "poct" et "chabbi" raflent tout. ils font tout pour se remettre à flot, avec peu de resultats.ils se rabattent sur les succes des autres et essayent de manipuler tout ce qui peut leur sembler interessant.un bemol a ce que je dis. ils sont moins infeodes que les partis en "carton"(wihda chaabia,ittihad wihdawi, ichtirakiyyin dimokratiyin,)

mandela a dit…

تي شنية يا أيها الب ت ب وقيلا تكبست برسمي المرة هذي
هو راو عندك إريزون كي توريهم العين شبه الحمراء ساعة ساعة اما يا خويا وبصراحة الرفاق التجديديين شايخين بيك وقريب يحطولك كواترو بجنب حمد ابراهيم وإنتي قرستهم بها الرد
ربي يهديك حا سيلوا ونستنا في حويجة على زيارة ساركوزي ومرتو و سيتو حويجة على الحاجة كارلا بروني
انستو يا رفيق

tikaaa a dit…

bellehi ya TRAP ou bien ceux qui en savent??ces partis politique d'OPPOSITION, est ce qu'ils ont des programmes politique et economiques et tout le bordel qui suit..
ou bien c'est "Dr NO" (film 007 kdim) i7eb ia7kiou 3lih a l'etranger???

(excusez mon ignorance a ce sujet)

mandela a dit…

@ ahmed
يا بابا وحدة وحدة أما هي القوش إلي تحكي عليها أولا الب د ب أو حزب الشابي مع إحترامي ليهم ما همش يسار يا بابا وما يلزمكش تنسا إنو الحاج نجيب الشابي قال بالصوت العالي أنا مسلم أنا لست لائكي هكذا وبالنسبة للبوكت أو حزب العمال فيلزمهم يراجعوا رواحهم ويقولونا كيفاش حزب شويوعي يحط يديه في يدين صاحب الكشطة الذهبية الشيخ راشد حفظه الله و رعاه
دونك يا صديقي خلي الناس تخدم على رواحها وما تبديش تلقي في الأحكام المسبقة والمسقطة جزافا حلوة جزافا أه رانا نفهموا زادة في البوليتيك

mandela a dit…

@tikaa
هو الأحزاب الكل عندها برامج بما فيها حزب الديك أما البروقلام كل حزب وبرنامجو وكل طرف يحب يخبي وراقوا ما دام ما ينجمش يوصلها كيما يلزم توا للشعب وبصراحة سؤال كيما هذا يلزموا بوست خاص وبعدوا بالضبط تلقا الباشي في الدورة

titof a dit…

@mandla
أهلا بخويا منديلا توينك هالغيبة
أنا قلت ربي بعثلو شوفارولد حلالمتع نقل ريفي يجري في 180 عمل معاه الواجب عل المنطق العادم متاعو
هيا مرحبا بيك وأقعد عاقل متجبدش عالدين هاني نعس عليك

Clandestino a dit…

فعلا يا البي تي بي

احنا شعب الضبوط
par excellence

mandela a dit…

@titof
ahla bik ya mta3 l7roub ljihawiya..
wallahi chedda b3adh'ha bel 5idmaechfe3a ya rsoula...

zabratfromgeneva a dit…

و الله يا تربا ماعجبتنيش في هذي
توا تونس نيوز كي تنشرلك مقالاتك تكرز عليهم بالضبط اما الطريق الجديد تجيبها بفيانة؟؟؟؟؟؟

titof a dit…

@mandela
منديلا شكونو الزبراط معاكم ولا معانا

mandela a dit…

@titof
zabrat ema ya3ti 7a9 rabbi...wmara y9im ellil wmara y9im fi rabbha lethen!

zabratfromgeneva a dit…

rien compris

عاشور الناجي a dit…
Ce commentaire a été supprimé par un administrateur du blog.
titof a dit…
Ce commentaire a été supprimé par un administrateur du blog.
Big Trap Boy a dit…

@ عاشور ناجي:

عندك تدوينة بدر لنشر هذا النوع من التعليقات

@ titof:

موش لازم تسبّ إنتي وتكلّف روحك، هاني جابد المقص عليك وعليه

ههههه

عاشور الناجي a dit…

عندك الحق يا بيغ


فسخ أمه ها التعليق

ذنبكم في رقبتكم ما أنا إلا رسول ألا هل بلغت الله فاشهد

:))


هو بيناتنا نستغل في مدونتك باش نعمل إشهار لمدونتي لين ينوب ربي و تتحط في تن بلوغ مع الكبارات و الكبير ربي


الطريق الجديد موش خير مني
;)




لا بالحق أخطانا من الفدلكة و فسخ أي تعليق خارج نص تدوينتك هذا حقك

Adnen Mansar a dit…

tu peux avoir raison de te révolter contre cette manière de tariq jadid, moi je crois que, au delà du manque de courtoisie, ils sont intelligents ces gens, ils ont compris (pas comme les autres journaux boudourou que tu connais) que le web renferme un discours tout à fait différent de celui qu'ils produisent très souvent. ils ont voulu en faire profiter un autre public. de ce côté, c'est de bonne guerre, n'est-ce pas??

samitriani a dit…

Comment ca imprimer puis demander l'avis ???

A ta place, je porte plainte en justice et je fais une negociation avec les gars pour te payer le prix du plagiat .. el marra el jeya !!

سفيان a dit…

والله غريب ها النقاش.. صحيح ثمة نقص فيما يخص عدم كتابة عنوان المدونة بالصحيح أو الاشارة لبريد بيغ تراب. هذا صحيح. أما ما تنساش الي مش الناس الكل تُدخل للانترنات وتلوج في المدونات. ثمة جمهور تونسي يقرى كان في الجرايد. وكي تجي جريدة تكسر الرقابة وتنشر مقالات ما تسعاش جرايد أخرى باش تنشرها خاطرها حرشة ياسر عليها، يبدو أنو أمر ما هو شرير برشة. ومش لازم الواحد يكون متلائم 100 في 100 مع الخط التحريري متاع الجريدة هذيكا. سي نون يلقى روحو وحدو.