mardi, novembre 14, 2006

راديو موزاريق، أو صوت العشرة ملايين بوهالي



اليوم حوالي الساعة السابعة، وأنا راكب في سيارة واحد من أصحابي لقيت نفسي مجبور باش نسمع الراديو الأولى في تونس من حيث الشعبية، والشعبية هاذي اللّي نحكي عليها هي نفس الشعبية اللّي سمّاو بيها الأحياء الشعبية باش ما يقولوش أحياء الهمّ والميزيريا. أنا في العادة كيف نبدى في الخردة متاعي نسمع كاسات- ما عنديش قارئ الأقراص الليزرية أم-بي-3 كيفكم نعرف-، أما ملّي الكاسات ما عادش تخدم ولّيت نتلزّ ساعات باش نسمع الراديو. أما الحكاية ما طوّلتش ياسر على خاطر إكتشفت اللّي صوت الموتور والعجل عندو على أعصابي مفعول أبرك بياسر من مفعول القنوات اللي يتم بثّها على موجات الأثير متاع تونس. بين قوسين تعجبني هاذي كلمة موجات الأثير، ولو أنا عمري ما فهمت والديه هالأثير هذا آش ينجّم يكون.

حاسيلو ما نطوّلوهاش وهي قصيرة، اليوم نسمع في موزاييك المحنونة، حصة طويلة عريضة أسمع ياللّي ما تسمعش، على اللاعب السابق للنادي الإفريقي صبري البوهالي، حاسيلو ما نحكيلكمش، تاليفونات تخبط على الهواء يطلبو في أفراد عائلتو وأصحابو، و جابو أختو تحكي والعائلة الكلّ وجبدو على كل كبيرة وصغيرة من تاريخ حياتو الكروية والخاصة من نهارة اللي تخلق لليوم وللمستقبل، وما ناقص كان باش يحكيو على ملابسو الداخلية وأمورو الجنسية، تقولش الراجل فتح الأندلس ولاّ تحصّل على جائزة نوبل للسلام. تي هو مسكين حتى في الكورة ما كانش حاجة.، آش يهمّنا فيه وفي أمور حياتو الخاصة؟ ياخي هذا الكلّ زعمة نحنا حكينا في المواضيع اللّي تهمنا الكل وما بقالنا كان سي صبري البوهالي باش نحكيو عليه؟ أحنا كمواطنين تونسيين عايشين مع بعضنا في البلاد هاذي آش يعنيلنا الحياة الخاصة متاع كوارجي متقاعد كيما صبري البوهالي ولاّ حتى طارق ذياب؟ آش يهمنا فيه؟ ما عندناش مشاغل- باش ما نقولش مشاكل- أخرى في البلاد وإلا ّ حتّى في العالم نحكيو عليها؟

أنا مشكلتي ماهيش في الراجل اللي جابوه هو بيدو أما في الأهمية اللّي عاطينها لمواضيع فارغة في إذاعة زعمة زعمة خاصة وباش تحسن من المشهد الإعلامي الوطني كيما يقولو ، ياخي زادت كبّتلو السعد متاع بوه

بالله قولولي، بعد ما باش نعملو حصّة لصبري البوهالي ولنبيل الكوكي وللكوارجية المتقاعدين الكلّ، على آشنوة باش تقعدو تحكيو باش ما تقولو شيء؟ باش تعملو حصة على الحياة الخاصة للسيد اللي يبيع في الكاكي في الستاد ولاّ على ولد خالة جار مولى الباش اللّي غطّاو بيه في العرس متاع عبد الحميد الهرقال؟؟

يا موزاييك راكم غلّبتو عليّا بالتفاهات متاعكم، يا خويا كي ما فمّاش مواضيع تنجمو تحكيو فيها سكّرو علينا جلغكم وخلّيوها راديو موسيقى صافية. آشنوّة هالريق البارد؟ آشنوّة هاك العلّة بوبكر اللي يستخايل روحو منشّط وهو يخدم ستاندارديست متاع مراهقات ناقصين حنان، ويبدى يبدّل في صوتو كيف أمّ البويا لاعب فيها باري وايت؟ آشنوّة هالمساطة؟ آشنوّة هالتخلّف؟

أنا ظاهرلي اللي بالنسبة لجماعة الموزاييك، اليوم مع السّبعة متاع العشية ، البوهالي ما كانش هو صبري البوهالي الكوارجي اللّي في الستوديو، ربي يوجّهو للخير وإنشالله ما ياخوش في خاطرو منّي، أما البوهالي الصحيح هوما العشرة ملاين تونسي اللي تستبله فيهم هالإذاعة وتتوجّهلهم ببرامج من النوع هذا، تقولشي عليهم يعملو في حصّة تنشيط في سبيطار المختلّين عقليّا، موش في بلاد محترمة إستقلت عندها خمسين سنة

Extraits du site de Mosaique Fm:
Sabri Bouheli:
... Il a fait partie du plateau de Sport Show du mardi 14 novembre 2006. Et durant 3 heures, tu as écouté les moments les plus forts de sa carrière et de sa vie privée aussi bien sur..

Un show qu'il ne fallait pas rater ! Sous aucun prétexte...


لا، ويقولو فيها بالفمّ والملا زادة: ثلاثة سوايع يا بوقلب... والله لا تحشمو


22 commentaires:

Malek a dit…

t9oul enti essera9 rata7ni mel radio??:)))

Perso., je veux commencer par tuer ce connard Boubakr, il tape sur mes nerfs si je l'écoute pour juste une seconde par hasard!

النسر الأسود a dit…

فرهدت لي على قلبي يا بيغ يا ولد خالتي
:-)

المزاريق ..هذي من أخطر أسلحة الدُمَّار الشامل اللي تبلينا بيه في هالعهد الجديد السعيد..، تي بالله من غير ما نطوّلوها وهي قصيرة..كيف نعرفوا شكونه مولاها وعلاش كان هو خذا رخصة اذاعة خاصّة وموش غيره؟ ، وكيف نشوفوا المادّة اللي تقدّم فيها ونقارنوا ها بمستوى الشبيبة التاعبة من "عند ربّي" _ومن عند وزارة التبهيم العالي بالأخصّ_ اللي مغرومين بيها ..توّ نفهموا علاش واحد وشقة كيما بوبكر ولّى "ستار" وملاعبي متاع كورة _وزيد متواضع الإمكانيّات_كيما صبري البوهالي..تكلّم في الإذاعة مباشرة أكثر ممّا تكلّموه زعماء أحزاب المعارضة القانونيّة (من غير ما نحكيوا على الغير مُعترف بيهم وبما فيهم المناضل بالرسمي واللي يخدم طيّاب في المطهرة متاع البرلمان) بكلّهم منذ 19 عام...


وان شاء الله هذاكه حدّ الباس وبرّه...

Anonyme a dit…

BT autant je comprends très bien que tu n'aimes pas mosaiques Fm et que tu trouves leurs programmes nuls, et je partage ton avis d'ailleurs. Mais par contre il ne faut pas oublier que c'est une radio purement commerciale qui n'a nullement pour objectif de cultiver les gens, mais c'est tout simplement l'audimat qu'elle cherche à fructifier pour pouvoir vendre des espaces publicitaires et faire de l'argent et des profits. C'est le principe de tout média commercial privé tout comme TF1 et plein d'autres qui sont aujourd'hui prets à passer des conneries inamiginables tant que le télespectateur regarde ou l'auditeur écoute.
Et d'ailleurs il y a un tas de chaines arabes satellitaire qui fait quasiment la meme chose.
Maintenant dire que Mosaique Fm nous raconte des conneries à longueur de journées ça me choque moins que notre ERTT TV7, supposée incarner le service public, sui elle passe en access prime time une émission aussi nulle de Sami El Fehri.
Mais bon tout ça est rien du tout comparé à ceux que font ceux qui dirigent ces établissements

Big Trap Boy a dit…

والله ذكرتني بفكرة نسيت باش نكتبها، وكلامك صحيح في جزء منو، على خاطرو يفترض أنو التوانسة في أغلبيتهم يحبو البرامج المتخلفة ويكرهو البرامج اللي تحكي على همومهم ومشاغلهم بصفة موضوعية ومحترمة، وهذا ماهوش صحيح أو على الأقل مازال ما ثبتش أنو غالط، على خاطر مازلنا ما جربناهاش الحكاية هاذي، ياخويا هات نجربوها ونشوفو كان الناس تسمع الراديو وإلاّ لا

من ناحية أخرى اللي كنت باش نكتبو في البوست ونسيت هو أنّي ما نقولش اللي قنوات القطاع العام أحسن وأرقى وأقرب للمواطن، أما هاذوكم مساكن معروفين علاش أمورهم تاعبة وعندهم مشاكل أخرى تتعلق بكونهم قطاع عام، يعني كيما الكار الصفراء، ما نستناش منها باش تكون كيفها كيف التاكسي وعندها حسابات أخرى

أما كيف تلقى تاكسي، ياكل منّك في الخبز، يهزك بالفلوس ويزيد يستبهلك، ياسر بصراحة.

توّة إنت تعتقد أنو فمّا أغلبية في تونس تحب تعدّي ثلاثة سوايع تسمع في قصة حياة صبري البوهالي؟ ما نظنّش وصلنا للدرجة هاذي

kaiser a dit…

يعطيك الصحة. فرغت قلبي معاك. إلّي كرهتو في موزايك كيفاه يحكيو ضربة عربي ضربة سوري وساعة ساعة انقليز قال شنوّة يتكلمو بالتونسي.

نهار إلّي التونسي يولّي يحكي هكّة أنا معادش نحكي معاه

samitriani a dit…

Merci bigtrapboy mille merci ... comme c deja dit ce n'est pas la faute à mozaique mais aux gens qui l'ecoutent. Je pense aussi que le ministère de la culture a sa part d'erreur ...
vive RTCI multicultrelle :p

Anonyme a dit…

ما عندي ما نقول أكثر من هذا كان يعطيك الصحة ليك و الإخوة إلي وافقوك في الإضافات متاعهم

Sam a dit…

si elle devient 100% musique ils nous rendraient le plus grand des services.

il est drôle leur "sous aucun prétexte", moi j'en avais un, j'avais mieux à faire

walid a dit…

ce qui est plus interessant c ta question sur 'alathir'!!!
voila une idée sur ce terme (ether) et un lien pour mieux voir
"Jusqu’à la fin du dix-neuvième siècle, la propagation des ondes à travers l’éther solide élastique sera un thème de recherche, d’abord en optique physique, ..."
http://fr.wikipedia.org/wiki/%C3%89ther_(physique)
A part ça je dirai que nous vivons à l'ere du "normal" je dirai don "normal sa7bi" w yé mwarrini ijil illi tali3 kiféch béch iwalli...ahawka rotana 7anaba3l w moza fm

Anonyme a dit…

@BTB. d'accord avec ton opinion. seulement on ne veut changer que les choses qu'on aime et non pas les choses qui nous indifférent. moi j'aurais mis autre chose ou éteint la radio.

bribech a dit…

Au moins Mosaique a un site web ;) Achkili 3ala 7al les autres chaines de radio.... ay ay ay ay rassiiiiiiiiiiiiiiiii

bribech a dit…

Je connais kelkun qui travaille a la fameuse chaine mosaique et elle m'a demande une fois de suggester des changement ou faire des remarques. Le problem elle s'occupe de leur web site donc elle a rien a faire avec les trucs ki mettent en air, mais je vais lui faire lire vos commentaires comme meme. Si ca te derrange pas BTB bien sur!!!
Elle a dit une fois, juste apres kils ont met une nouvelle live web cam dans leur studio, ils ont eu beaucoup de problems due a notre peuple excellente civilisation. Chaque fois kil y a une presentatrice en air, les gens (les mecs surtout pour ne pas dire les pervaires)commencaient a appeller et envoyaient des messages genre "tra warina ta poitrine et j'en passe...." tawa belahi chnowa tssamiweh hetha????? la fille me disait tawa hethom 3bed mta3 web cam wela radio jimla???????????????????????
Don't get me wrong i ever liked Mosaique fm but hey i don't have that much of a choice unless i'm in the "Cap bon" where i can get Italian radio channels. eventhough i don't understand italian, i prefered to any arab radio channel. Peace.

bribech a dit…

@Kaiser: "نهار إلّي التونسي يولّي يحكي هكّة أنا معادش نحكي معاه ". desole mais je ne suis pas d'accord du tt avec ce ke tu as dit. Et alors on parle pas ke l'arab en Tunisie, c pas notre faute kon est francophone, ou bi/tri-langue.... D'ailleur si t'as remarque dans tt les tn-blogs tt le monde ecrit en francais, Arab ou Anglais. mela m3adich ta7ki m3ana hata na7na???????? Honetement je suis heureux d'avoir la capacite de parler 3 langues, khir min jme3it il 5alij ki ne peuvent meme pas differencier entre le P et le B... BEBSI COLA, wela tunisian beoble... haka khir????????

Big Trap Boy a dit…

@ Bribech:

Non ça ne me dérangerait pas du tout que ton amie lise cet article, au contraire.

Sinon pour les pervers je suis sûr qu'il y'en a partout. Toi qui es aux USA t'as dû entendre Howard Stern au moins une fois, c'est pas une raison pour généraliser. C'est peut être aussi une façon -certes pas trés civilisée- pour ces gens de manifester leur mépris et leur irrespect pour le niveau trés de la radio. Je ne sais pas, je dis juste peut-être, mais ça reste un problème à part.

bribech a dit…

Howard Stern hahahahahaha lui c un perver de luxe ;) but his show is %100 meant for that (it's expected from every viewer and listner.....)
Anyways, je suis tres d'accord avec toi apropos du manque de la creativite dans notre media fi tunis.... t'as vu l'idee derriere "prison break" 9alou mossalssal masri wela il sbou3i de ramadan........... mon point c ke deja kon je mets la chaine de 94.1 (si je me souviens bien) je sais keske je vais ecouter, kolha Bull Shit, des tonnes de conneries, donc j'attends kil mettent de la musique et tt le reste kils disent de5il mena 7arej mina.... c grave je l'avoues, la radio est le parfait moyen de passer des messages... des messages ki nous servent dans la vie ou la societe pas de la biography de il bouheli wela nansi wela x ou y.... en plus je penses ke c pas la faute des presentateurs seul (c sur kil y a le bon, le moins bon et le terrible kifma Boubaker & Co) mais c la personne ki a ecrit ou developper c idees a la con. encore pire le fait de l'accepter, de le valider et finalement l'executer et le faire passer en air. Yekhi boubaker tla3 behi wahdou il tal3a ou stad3a il bouheli ou 3mal 9a3da fil studio??Je penses ke mosaique essaient de capter leurs audience du foot, durant la coupe du monde ils ont fait un program "t9i9a mondial" meme si parfois elle durait 7 min je penses ke c assez suffisant comme temp de passer de l'information du mondial ama 3 heures ca doit etre l'hisoire du foot entiere et encore.....

مصعب a dit…

شبيها موزاييك معجبتكشي ساعة حليلتهم
:P
ساعة مرة يجيبولنا هيفاء وهبي مرة ننونسة
الحق يذكر انو مش مقصرين
:P

لا اخطانا من الفدلكة توا ,موزاييك ليها الحق تعدي الي تحب وتجيب الي تحب
هي اذاعة خاصة وليها الحق تكون ليها اجندة خاصة واهداف خاصة

تصحيح: موزاييك اف ام تبث على العاصمة ,نابل ,بنزرت
هاي على الاقل معلومة ممكن تفرحك :D

naufrage a dit…

cette radio (comme certains programmes télévisés), Affadit considérablement le goût du beau, le goût du drôle en habituant ses auditeurs à n‘apprécier que les chansons qu’ils ont mille fois entendues, à ne rire qu’aux gags qu’ils ont mille fois vu exécuter par les mêmes individus elle impose le goût des "Fades retrouvailles"

ze mek3ara a dit…

une fois qqun ma dit: tu sais ce qui a fait le succées de mosaique?
je lui ai dis: c'est une radio qui a su accrocher la masse populaire grace a ses chansons w za3ma les djeunes in..
alors il ma répondu: non elle a réussi parce qu'elle a su comment faire intéragir des gens bêtes...

l'esprit brigadier a dit…

ils se font du fric, ils sont professionnels ils ont su profiter de simplicite des gens surtout des 15 25 ans. c une radio poubelle mais ça marche tres bien. c un esprit americain quoi.
a la limite je trouve les presentateurs plus professionnels que ceux de la rtci qui se veut la radio "select".
morale: si t con enjoy mosaique fm sinon
sinon achete toi des cassettes

nejma a dit…

@BTB
je te remercieeeeeeeee barredtli ala kalbi.je n'ai jamais vu de plus nul à comparer avec RMC que j'entends dans ma voiture pas constamment claire avec le tchhh...continuel des interférences...mais je préfére de loin qu'à écouter une médiocrité pareille.
je te REMERCIEEEE...

YASMINA a dit…

Allah yarham weldik fi hel post!!

Amel L. a dit…

Ya3tik essa7a fi kol kelma 9olt'ha
Je sais pas pourkoi on ne cherche pas à faire mieux..et on excelle qu'à copier la médiocrité.
Peu après Mosaique, ici au sahel c créé une radio qui me rappelle e'ri9 mta3 mosaique!
il ne suffit pas d'avoir de jeunes peudo-marrants ou un peu de musiques, ou des dit débats pour attirer les gens. On veut un radio qui réfléchit nos rêves nos espoires..
Et là il sont tous à côté de plaque!
Vive le Mp3 et les blogs!