lundi, novembre 27, 2006

أسـلـحـة الــحـمــار الـشّــامــل




زغرتي يا مرا، هاي جات الإعانة!

... آش باش نقول؟ والله حرت المرّة هاذي، غلبوني، صحّة ليهم!!

كاني بهامة ما نجّمتهاش، وكانو خبث ما قدّيتوش، وكانو قلّة حياء ما قدرتش عليها... الماينة يا جرايد تونس، إنتوما أقوى بياسر من قدراتي العقليّة. ما فهمتكمش، الله غالب!

قبل الجزيرة والسي آن آن، وقبل قضاة التحقيق، وقبل الأمم المتحدة، ولجان التحقيق اللبنانية والدولية، وقبل المخابرات متاع العالم الكلّ، جريدة الشروق في بالها بآشكون إغتال بيار جميّل، الوزير اللبناني اللّي مازالو كيف قتلوه!! سبحان الله، أنا بصراحة ولاّ عندي شك اللّي جريدة الشروق هي اللّي قتلتّو الراجل، على كثر ماهي متأكدة من كلامها في الوقت اللّي حتّى مصدر لا في لبنان ولا في باكستان ما حكى بالثقة هاذي على الفاعل اللي قتل الوزير اللبناني.

الشروق تعرف، و "تكشف" من مصادرها الخاصة، آشكون اللّي خطّط للعملية هاذي، وآشكون نفّـذها، وعلاش نفّـذها زادة، وتقول أنّ القرار متاع الإغتيال تقرر في إجتماع جعجع بضبّاط أمريكيين وإسرائيليين -ملاّ صدفة- وأنّو اللّي نفّـذ الإغتيال هو قائد القوات اللبنانية الطامع في منصب الرئاسة. علاش لا؟ وعلاش موش سفّاح نابل وإلاّ العربي الماطري؟

لاحظو أنّ الخبر من حيث الشكل مكتوب بالخط العريض جدّا، يعني حابّينو يظهر كأهم خبر في الجريدة، وزيد باش الناس اللّي ما يحملوش العوج- كيفي أنا- ما ينجّموش يفضحو هالكذب المفروش على الطريق العام، أهوكا يستعملو كيف العادة نقطة إستفهام في آخر الخبر الرّنان، باش حتّى كان خرج الخبر الصحيح من غدوة، وطلع سفّاح نابل إستعرف أنّو هو صاحب العملة، يقولولنا لااااا، أحنا ما قلناش، أحنا حطّينا نقطة إستفهام وما كذبناش على القرّاء الكرام. وبالطبيعة هالنوع من الممارسات الرخيصة ما لازمهاش تتعدّى علينا، على خاطر اللي يقول "تكشف"، ماهوش قاعد يطرح في سؤال، وزيد صيغة الجملة اللي مكتوب بيها الخبر مافيها حتى إشارة إلى ما يفيد معنى الإستفهام، والنيّة واضحة اللّي كاتب العنوان حابّو يظهر وكأنّو مسلّمة وحقيقة مفروغ منها للقارئ.

بالطبيعة الشروق ماهيش أبهم من البهامة كيما ينجّم يظهرلكم من أوّل وهلة، والحكاية عندها تفسير معروف موش لازم نحكيو فيه ونقولو هوني بير، خاصة وأنّ العنوان الأوّل متاع جريدة "الصّريح" لنفس اليوم كان هو نفس الخبر السخيف هاذا، مع إختلاف بسيط هو أنّ الصريح تنسب الخبر لـ"جريدة فلسطينية" وموش لـ"مصادر لبنانية".

مفيد الهدرة هو أنّ جرائد كيما هاذي ما عندهاش حتّى ربع غرام من الإحترام لذكاء المواطن ، وللأسف فمّا ناس مستواها تاعب شويّة تقرى في هالشوالق هاذي وتصدّق أخبار من النوع هذا، اللّي ما يزّيش ما عندها أي أساس من الصحّة وزيد تحبّ تمرّر من ورائها أفكار سياسية متخلّفة تتماشى مع الخيال الشعبي المهووس بالأمريكان واليهود، وتزيد تساهم في ترسيخ الجهل والتخلّف عند البسطاء، أكثر ماهو سعدهم مكبوب. الصحافة من النوع هذا أنا نعتبرها أخطر من أمريكا ومن إسرائيل، ونعتبرها فعلا أسلحة الحمار الشامل ، على خاطرها تساهم في تحمير المواطن، أي في تحوّلو التدريجي إلى حمار كامل الصفات، كيما يقول العلاّمة الكبير نصرالدين بن مختار: "تريك تراك تركّ، نهّاقجي ويصكّ"

حاسيلو ناس ماهيش حابّة تحشم على رواحها، أعطيه يـبـيع الكواغذ متاعو المحشية بالإشهار ويحطّ الفليّسات في جيبو، ولا يهمّولا في اللّي باش يقرى ولا في الذنب الكبير اللّي قاعد يعمل فيه في حقّ البلاد اللّي ناس تحبّ تقدّم بيها، وناس تحبّ ترجع بيها التالي.

17 commentaires:

zizou from Djerba a dit…

Le comble elli el Jarida Number one fi Souria informe le peuple Syrien selon Achourouk et Alsarih. et Dites moi apres que Souria n'a rien avoir avec ces meurtres

zizou from Djerba a dit…

http://www.tishreen.info/_first.asp?
FileName=80372319200611260241262

Tarek a dit…

zizou, ton raisonnement pour culpabiliser la Syrie n'est pas tres different de celui de chourouk. je vais meme pas commenter sur le torchon a 350 millimes, si je me rappelle bien

Slaim a dit…

Extravanga! Tes posts me font chaud au coeur!

Continue 3aych 5ouya :-)

Anonyme a dit…

@Tarek, c'est comme meme etonnant que les journaux du gouvernement syrien ne trouvent pour defense que de citer le Chou9ou9 ou Chourou9. Je ne croyais pas vraiment que c'etait la Syrie qui est derriere ca car c'est tellement bete vu que tout le monde les attends au tournant, mais hier en lisant le journal syrien citant notre torchon national,ca m'a vraiment surpris!!
BTB, comme d'habitude droit au but, wa7dek ya batal :-)

darkman a dit…

@exelent BTB,farhedli a3la kalbi.el we7ed bech iteflek men hetha edomar.Pauvre nous, tout le monde nous prend pour des imbéciles, des moins que rien ça a commencé avec Bourguiba (notre père!!!)Et ça continue encore a nous prendre pour de la merde. essaber ou barra. le peuple est leurrer

Mira a dit…

ti bellehi jek ejdid :p
abdéha bel tembri el mlassa9 3al imin mel fou9 wenti habet :P

ama mabldek hihih

Mira a dit…

famma?

MetallicNaddou a dit…

@big trap boy: barradtli 3la 9albi w5ay !!

wallahi kothr il ham y4a7ak, tawa jarayidna walleou reference au point que la syrie informe son peuple en citant nos journaux ? tawa n9atta3 cha3ri walla nzid nistanna chouaya ?

de toute façon, quel que soit le vrai coupable dans cette affaire, c'est un grand merdier international, et les réponses faciles ne doivent pas empêcher d'aller plus loin pour démêler tout ça , pourvu que ça débouche quelque part et que ça s'arrête

->> AntikoR <<- a dit…

ti hawka 9al chnouwa, 3anna sou7oufiyin mottal3in o fahmin o 9wiiin 9wiin 9wiin fi ta7lilet isiyesiya

Kristou a dit…

Raremant les gros titres de ce type de journaux ne finissent pas par un point d'interrogation !!..Au moins ils ont une certaine concience professionnelle...Châpeau

Anonyme a dit…

je vous donnes qqc informations sur "Al shourouk".. D'abord ce "journal" (malgres qu'il ne merite pas de le nommer comme ca) a ete créer par Mr AMRI qui etait un des militants du Partie BAAS en tunisie.. Jusqu'a maintenat les dirigents de ce ..... sont des anciens baasistes pro-iraq.. car pour ceux qui ne connaissent pas il y a des baasiste iraq et baasiste syrie... Apres ce qui s'est passé pour le regime de Saddam Houssein, la majorite de ces personnes sont devenu avec la syrie et c'est pour ca qu'ils pretendent tjr qu'ils sont des nationalistes arabes malgres qu'ils n'ont rien avec cette idee noble...

Allah yehdi ma 5la9 wma 3lina ken nosbrou ya jme3a

Massir a dit…

Bravo, tu as tout compris.
Ou ana nibki ma3k 3la Tounes.

Amel L. a dit…

@BTB: Zeyed M3ak..!!
ça fait un bail que j'ai pas lu un de ces torchons..il ne mérite même pas qu'on s'attardent sur leurs titres bidons.
@chanfara: une fois j'ai entendu à la radio un rédacteur en chef d'un de ces journaux..je me souviens plus duquel ptr Echourouk (c la référence, chez nous malgès tout ce qu'on peut dire :p)..Il défendait leur travail et leur "efforts"..son argumentation m'a fait rire..9a3din nhamchou f'journalisme fi bledna wakkahaw..
wetji fi rass hek'emzammer elli machi fi belou bech yet'tha99af en lisant tel ou tel article!
A7ayet wbarra!
@Slaim: tu as raison de ne plus considerer le journalisme comme un métier noble..si ça se résume à produire des torchons , n'importe qui peut le faire ;)

zizou from Djerba a dit…

Il nous a fallu la premiere guerre du golfe pour se rendre compte de la propagande que ces journaux sont en train d'injecter dans notre societe!
Et encore !!! une majorite de tunisiens est toujours Pro Saddam et Bachar!

mkarrez a dit…

aya 9olna assalamou 3alaykom.
wallahi ya jma3a ces torchons me manquent tellement. wallahi c'est une grâcequi nous est offerte par le bon dieux sans qu'en on a conscience.avec le stress de la vie pseudo-moderne et les titres des infos qui nous tombent sur le tête de gauche et de droite, ma fiha bass law kan el wa7ed ifarhed rou7ou bka3ba chourou9 walla ka3ba sari7 en sirotant un cappucin ma7rou9 en s'assoyant sur une demi-chaise. ça défoule énormément wallah, surtout les articles genre: challata sadi9ahou min ajli sijara....et j'en passe.
ti l'article hadha yetsamma 7atta chay 9oddam ce que je considère comme le sommet de ce qu'on appelle "no comment": une fois je feuilletais "a5bar el joumhouria"...ah pardon "a5bar el mamlka" :P, et dans une de ses pages il y avait un article twill 3ridh iloum fih ettwansa 3ala 7kayett eddagaza wel 3arrafa, et imaginez ce qu'il y avait juste en bas !!! 3 histoires soit-disant véridiques qui servaient comme des annonces de publicité pour 3 différents dajjala.

chkoun zad........

Kameltreiber a dit…

يا ولدي زايد

العريبة كان الحكاية مافيهاش مؤامرة و يهود و أمريكان و الغرب , عمرهم ما يصدقوها

اللوم على وسائل الاعلام بالدرجة الأولى اللي قاعدة تجع هذه الحماقات


خوكم ولد الصحراء