jeudi, juin 28, 2007

Playlist Of The Week




1) جاك برال في أغنية الجعّة الممتازة

Chanson française of the week. C'est ce que j'appelle faire un bonne transition entre deux posts!



2) جورج وصوف - سهرت الليل

Chanson arabe of the week. Un petit flashback :)



3) Michael Jackson - Beat it



Du sultan du tarab au roi de la pop. Flashback of the week.



4) Freestyle de Lil Wayne (live on BET)

Je me suis coupé en 4 pour retrouver ce freestyle en audio. Freestyle of the year!



5) Fat Joe feat. Lil Wayne - Make it Rain

Rap hit of the week



6) Booba feat. Nessbeal - Baby

Rap français of the week, âmes sensibles et féministes ardues s'abstenir



7) Jay-Z - Oh My God!



On termine avec le king of New York, j'avais à choisir entre 3 titres de Jay-Z, j'ai pris celui là.



Bonne semaine à tous!


mercredi, juin 27, 2007

Amours d'été: Me and my bitch






D'ici Ramadan il y'aura toujours une bonne raison de boire une bière!

Allez un toast à la libérté, tchin tchin! :p

lundi, juin 25, 2007

Le 1er Juillet, je blogue pour la libérté d'expression - يوم 1 جويلية أدوّن من أجل حريّة التعبير







En 1859, dans son célèbre essai "De la libérté", John Stuart Mill disait ceci:


" S'il est mauvais de faire taire l'expression d'une opinion, c'est que c'est un vol commis contre la race humaine; la postérité, comme la présente génération ; contre ceux qui ne sont pas d'accord avec cette opinion plus encore que ceux qui la tiennent pour exacte. Si elle l'est, ils sont privés de l'occasion d'échanger erreur contre vérité. Si elle est fausse, ils perdent ce qui est presque un bénéfice aussi grand, une perception plus claire et une impression plus vivante de la vérité, produite par sa collision avec l'erreur."


Je me joins donc à l'appel de A.L.G.Y et de Samsoum et j'appelle les autres bloggeurs à être nombreux à participer comme on l'a fait pour l'action Maghreb. Chacun à sa manière on va bloguer pour la libérté en général et pour la libérté d'expression en particulier. J'avais émis quelques réserves sur le blog de Samsoum sur des questions de forme mais je crois que sur le principe on est tous d'accord sur le besoin vital de libérté ressenti par chacun de nous. J'éspère surtout, comme l'avait souhaité Tarek Kahlaoui, que la journée sera une occasion pour dépasser les slogans aussi usés qu'inutiles, pour aboutir à une réflexion collective et un débat sérieux sur la question.

Ayya annestou, il fait trop chaud pour rester planté devant le pc :)


vendredi, juin 22, 2007

Playlist Of The Week

Semaine riche en musique il faut dire! J'ai dû choisir entre les titres à mettre ici, et voilà mes 7 titres de la semaine:


1) Korn -Another brick in the wall



Ma reprise rock of the week, Korn reprennent Pink Floyd. (Une version House est aussi sortie cette année, j'ai bien apprécié aussi). J'émetterais tout de même une petite réserve quant aux paroles: We don't need no thought control, but we definetely still need some education! :)



2) أم كلثوم - أمل حياتي

C'est juste le premier extrait de la chanson (7 minutes) , j'aurais jamais eu le temps de l'écouter en entier. On devrait vendre ce genre de chansons en vrac de nos jours pour mieux les commercialiser, sinon c'est un vrai régal:
أمل حياتي، يا حب غالي ما ينتهيش
يا أحلى غنوة سمعها قلبي ولا تتنسيش
خذ عمري كلّو، بسّ النهار ده خلّيني أعيش
وسيبني أحلم سبني، يا ريت زماني ما يصحّينيش
3azama 3ala 3azama ya sétt!! :D



3) Amy Winehouse - Back to Black



J'ai découvert cette chanteuse grâce à une trés chère amie. C'est assez délicieux il faut l'admettre, j'ai vraiment adoré. Coup de coeur of the week.



4) Gnarls Barkley - Suicide



Mon autre folie soul 3ati 3ala el Jazz of the week :p



5) The Game - My Turn

Sans aucun doute le tube de la semaine. The Game prend du poid sur la scéne hip-hop et Los Angeles n'a rien vu de tel depuis un certain Tupac Shakur.



6) Lil Wayne - Shooter



C'est devenu un classique de la playlist, Lil Wayne of the week!



7) Styles P - The real Styles P.

Styles P, hardcore parmi les hardcore, délivre le freestyle of the week. Satanique moi? Tu parles! :D



jeudi, juin 21, 2007

ســبّــهم، لا تلوم عليهم ولا تعاتبهم




أهلا ومرحبا، هيّا سيدي هاني رجعت، ما تقولوش يتعزز ولاّ حاجة. الكونكسيون متاعي قصّوهالي أولاد الحرام توّة عندها نهارين مانيش عارف لواش، كان على الفلوس ضربوها على قلوبهم -يرّاهم مشومين-، يمكن من السخانة، تي حاسيلو ما عليناش، أتو نرجع نحكي على البيعة المقطعة متاع الأنترنات هاذي المرة الجاية.

اليوم كيف رجعتلي الكونكسيون عملت طلّة على التونيـ-صفار، قلت نلقاهشي اخضار ولاّ حتّى احمار (إحمار يعني ولاّ أحمر موش بمعنى "البهيم" حاشاكم)، وإلاّ تطلعشي فاتتني حملة من الحملات متاعنا الهايلة في هالنهارين اللي عدّيتهم في العزلة الرقمية. أكاهو عاد من حينك نلقاها الدنيا كلات بعضها والبلوقو-صفير كلا على راسو كيف العادة من عند اللّي يسوا وخاصة من عند اللي ما يسواش. المرّة هاذي الصحافة التونسية في اللعبة والجماعة طلعوا يعبدو في الشيطان. أما يطلع منكم يا سيدي، وأنا نقول هاكا نادية آشبيها ديما تحكي درا كيفاش ياخي طلعت منهم هي زادة

بون، باش نحكيو بالجديّات شويّة، أنا ما نلومش على الصحفي المعاق ولا على الجريدة المتخلفة اللي كتبوا المقال ونشروه أما بصراحة باش نلوم على "الزملاء" المدونين اللي وصّلوا رواحهم للحالة هاذي. توّة قدّاش من واحد يجي يعفس فيكم ويسمّعكم الكلام وإنتوما باقي جايبينها ديبلوماسية وثقافة وحوار الحضارات مع ناس هوكش ما تفهم كان بالسطاكة. حتى المرّة الأخرى كيف قلت خلّي نشدّ واحد من هالأوباش نربّيه وإنّحّيلو والديه، الناس الكلّ ولاّتـلي حمام سلام ولاّ هي سفراء النوايا الحسنة، في صلّي عالنبي، في سيّب علينا، في حسيبو مولاه... نقعدشي نستنـّا في نهار القيامة أنا باش نخلص مع العباد؟ ماهو حسيـبو مولاه في الآخرة وأنا نتحاسب معاه في الدنيا، وين المشكل؟

المفيد والمغزى من الحكاية، إذا كان تحبّو يبدا فمّا مغزى بالطبيعة ما كانش موش لازم، هو أنّها برشة مفاهيم لازم الواحد يراجعها ويعمللها "إيفالياسيون"، يعني تقييم، ومنها حكاية أنّك تكون إنسان مسالم ودوبك دوب روحك وقت اللي إنتي عايش مع عباد أقرب للذيوبة أو حتى للثعالب على خاطر ريحتها أنتن من الذيب. توّة واحد لا يعرفك لا عمرو حكى معاك يجيك نهار يقولّك "صباح الخير، إنتي راك تعبد في الشيطان"، بجاه ربّي آش عندك ما تفهّمو وإلاّ تحكي معاه؟ ماك كبّلو قهوة على راسو فمّاش ما يفيق، ولاّ أعطيه دماغ باهي على خشمو ولاّ كان ما نجّمتش مشطة في محاشمو وديما تمشي، آشنوّة المانع؟ ياخويا كيف قدّر عليك ربّي وطلعت الله غالب عليك، ياخويا ماك على الأقـلّ شبّعو سبّ وبزاق على وجهو، إي نعم، سبّ جدّ والديه والبريمة في العرق الأول متاع تراب بوه، يكذب عليك اللي يقوللك موش باهي ولاّ عيب، يا ولدي راك في تونس تعيش، فيق على روحك

أنا شخصيّا قاعد نطرح في السؤال على روحي عندي مدّة وما لقيت حتى جواب مقنع، السؤال هو علاش العنف ماهوش باهي؟؟ بالطبيعة العنف ماهوش باهي بالنسبة للناس اللي ما عندهاش جهد باش تستعملو، يعني كيف يقول المثل: اللي ما خلطش على العنب يقول مرّ، ولاّ حاجة هكّا، أما بالنسبة للناس العاديّة ما لقيت حتى مانع باش كيف إنسان يتعدّى عليك أنّك تشدّ تخبّطو كيف القرنيطة، موش باش تربّيه وإلاّ باش ما يعاودش صنعتو، أما "جيست" باش تفرهد على روحك وتفشّ غيضك فيه، وخاصة وهو الأهمّ، باش يتحقق العدل اللي هو من الأشياء اللي الناس الكلّ تحبّها. العنف عندو دور كبير في تسيير العالم وإستمرار البشرية: شوفو أمريكا مثلا، لو كان ما جاتش تستعمل في العنف زعمة تقعد بلاد متطورة وقويّة كيما هكّا؟ العنف ظاهرة صحيّة يا ناس، أضرب وربّي معاك، إمّالا وينك؟ تي هو البشر يتولد بالعنف، تلقاه عمرو مازال ما بداش في الدنيا وهو يرفس في كرش أمّو، ومن بعد عاد كي باش يهبط من كرشها، ما هو مسكينة يحلّ فيها فاتاريّة ويخلّي دموماتها شرتـلـّة

أنا نحب نرجعوا لمفاهيمنا التقليدية اللي نسيناها في جرّة الغرب اللي يحبـّنا نطلعوا يرحم عمّي تحت شعار السلم والتحضّر، نحبّ نرجعوا لمفاهيم بدينا نفقدوها للأسف في مجتمعنا، كيف البونية والمشطة والمقصّ، إيه نعم، المقص اللي يجيب واحد مفروش، يا حسرة عليه، آشكون مازال يعرف يعطي مقصّ ولاّ شلبوق على قاعدة بالله؟ يزّيونا بلا ريق متاع حقوق الإنسان و"فيناس" زايدة، ياخي الإنسان ما ياكلش المشطة؟ ياكل ويزيد ياكل. أضرب العزى خلّي يتربّى، ذوّقو بالعصا، باللي يجي في يديك أعطيه ما تخمّمش ياسر. يا سيدي أنا ماني زعيم في المبادرات التدوينية، تحبّوشي الصحفي هذا نعملولو نهيـّر نبعثولو فيه مجموعة باهية من المدونين الضرّابجيّة الهايلين يهبطولو للجريدة متاعو يشدّو يفشّخوه بالضرب حتى لين يحلف يدّو ما عادش يحطّها على ستيلو؟ شنوة المشكل؟

لا؟ ما تحبّوش؟ باهي ياخويا، سيّب علينا من الضرب، يا خويا سبّوه، هذا أضعف الإيمان بصراحة، تي هو جورج وصوف وما أدراك يقولها ويغنّي فيها: "سبّهم، لا تلوم عليهم ولا تعاتبهم، سبّهم"، زعمة نحنا المدونين باش نفهمولها أكثر من سلطان الطرب؟ اليوم البلوقوصفير لازمها تلعب دورها التاريخي باش أولادنا في المستقبل ما يطلعوش على هالحالة هاذي، يقبلوا السب والصطاكة ويقيّدوها على الحضارة والثقافة. وأنا نقولهالكم ويشهد عليّا ربّي والتاريخ، يا إلا كان ما تسمعوش كلامي ولا كلام جورج وصوف يالاّ ما تقعدو طول حياتكم هكّاكة، اللي يجي يعطيكم الكلاط وإنتوما تتفرّجوا.

أخي القارئ، أختي القارئة، نقولها بكل فخر ونعتـزّ بها أمام الجميع: يحيا الكف، يحيا الداودي، يحيا الخنيفري والسلام عليكم ورحمة الله وبركاته، واللي ما عندو شاهد كذّاب:





ملاحظة: لم يقع الإعتداء بالعنف على أي من القرّاء أو الشخصيات المذكورة خلال تصوير هذه التدوينة


jeudi, juin 14, 2007

Playlist Of The Week:




1) Fabolous feat. Young Jeezy - Do the damn thang






2) George Michael - Fast Love





3) Kyo - Revolutions



4) أليسا - إحترت أشكي



5) عبد الله رويشد مع نوال - أعذريني



6) ماجدة الرومي - ما حدا



7) Snoop Dogg feat. B Real - Vato





mercredi, juin 13, 2007

La Laîcité contre-attaque : تأسيس الجمعية التونسية للدفاع عن العلمانية




بلغني من بعض المواقع أنّو تم الإعلان عن تأسيس الجمعية التونسية للعلمانية من طرف مجموعة من المثقفين والجامعيين ورجال القانون التوانسة وذلك في إنتظار إتمام الإجراءات القانونية للحصول على الترخيص وتولّي الأمور رسمية. بصراحة الخبر هذا فرّحني، خاصة وأنها الجمعية ما عندهاش توجه سياسي حسب المؤسسين متاعها، بل هدفها المعلن هو ثقافي وفكري بالأساس. علاش فرحت تقول إنتي؟ على خاطر بادرة كيما هاذي فكرت فيها شخصيا وفي ضرورة أنهم الناس الواعية بأهمية العلمانية وخاصة بحقيقتها تتحمل مسؤوليتها في بلادنا وتاقف ضد الرجوع إلى الوراء اللي يتسبب فيه الفراغ الفكري والثقافي كيف يتخلط مع البهامة الرّبـّانية والصعوبات الإقتصادية والإجتماعية كيما قاعدين نشوفو في أغلب البلدان العربية باش ما نقولش كلّها، وبما فيها بلادنا العزيزة، أبلد بلاد وأحلى بلاد

العلمانية كلمة يخافوا منها برشة العرب بصفة عامة، حتى أنهم بعض الإخوان في دول الخليج يعايرونا ساعات بالعلمانية، نحنا دول شمال إفريقيا العلمانيين، وكأنها العلمانية سبّة أو تهمة أو جريمة لازمنا نحشموا بيها. الخوف هذا، كيفو كيف معظم أشكال الخوف الأخرى، السبب الأول فيه هو الجهل. مثلا برشة ناس تخاف من الجنّ والعبابث (الأشباح يعني) وكي تجي تشوف قليل ياسر باش تلقى واحد منهم عمل قهوة مع عبّيثة وإلاّ حكى في السينما مع جنّي، ويمكن كان الفرصة توفرت راهم ولاّو أصحاب وعجبوا بعضهم وماعادش لا خوف ولا حكايات فارغة

المفيد قلتلكم الناس في عالمنا اللي ماهوش متطور ياسر ياسر، تعتقد أنها العلمانية هي الإلحاد، يعني الناس العلمانيين هوما الناس اللي ما تؤمنش بوجود أيّ ربّ أو حتى ربروب في الدنيا هاذي، وهو كي تجي تشوف الحكاية هاذي تدخل في الحريات الشخصية، يعني اللي حتى حدّ ماهو ملزوم عليه باش يؤمن أو ما يؤمنش، ماكانش عاد نرجعوا لعهد الفتوحات والغزوات وإجبد سيفك وقابلني. لكن المشكل هو أنّهم بعض الناس، عن جهل أو عن قصد حسب الحالة (الحليلة)، ينشروا في فكرة أنّ العلمانية هي الكفر (بمعنى الإلحاد موش التربريب) وبالتالي ينفـّرو منها الناس اللي ماعندهاش الوعي الكافي (ولا الجندوبي) باش تمشي تلوّج المعنى الصحيح للأشياء

في الحالات هاذي فمّا المدونة متاعي مسكينة قاعدة تعمل في مجهود في إطار حملات رفع الجهالة ومقاومة الحثالة باش تفسّر المسائل هاذي بالفلاّقي للناس ، أما يبقى مجهود ضعيف شوية بالمقارنة مع البلاء الأزرق اللي الواحد يشوف فيه كل يوم في مجتمعنا القمقوم. قلنا عاد يا سيدي العلمانية يرحم والديكم وينوب عليكم ماهيش أنّك تنكر الدين وتقول العالم هذا خلقوه المرمّاجيّة، لا. العلمانية ما تهمّهاش الحكايات هاذي متاع علم الغيب اللّي تدخل في معتقدات كل فرد يختارها على ذوقو. يؤمن بالله، بالمسيح، ببوذا، بالبقر، بالثعالب، هاذي حاجة تعنيه وحدو، وفي الحقيقة من المؤسف والمحزن والمعفـّط جملة وتفصيلا أنّو في عام 2007 مازالت ناس ما إقتنعتش بالكلام هذا وما دخلش لدماغهم، وهاذي هي المعركة الفكرية الأولى للعلمانية، على خاطر بلاش الإقتناع بحرية المعتقد داخل المجتمع يكون زايد باش نمرّوا للفكرة الثانية اللّي هي الجانب العملي للعلمانية

الجانب العملي للعلمانية يتمثل في فصل الدين عن الدولة وعن الشأن العام بصفة عامة، وأنا هنا مقتنع أكثر بفصل الدين عن الدولة، أما بالنسبة للشأن العام فيظهرلي الدين ديما يقعد من المسائل الموجودة بالسيف علينا كإطار عقائدي للمجتمع. إنّجموا ننتقدو برشة أشياء في الدين مثلا، ولكن حتى حدّ ما ينجم يقنعني أنّو في صورة غياب الوازع الديني في تونس اليوم، ومع البطالة والميزيريا، نسبة المجرمين ما تتضاعفش عشرة مرّات على الأقل.

ما نحبّش نهرب على الموضوع أما نعرف اللّي فمّا برشة منكم باش يقولولي على حكاية الوازع الأخلاقي الموجود حتى في غياب الدين عند برشة ناس، لكن للأسف نقوللكم أنهم الفلاسفة من النوع هذا قليل عددهم خاصة في البلدن المتخلفة، وهاذاكة علاش أنا مقتنع أنّو إذا كان ما فمّاش عشرين ألف واحد وضعيّتو الإجتماعية تشجّعو باش يهجم عليّا الليلة ويحاول باش يسرقوني راهو على خاطر قبل الخوف من أنّي نشدّو إنّحّيلو والديه، وقبل الكلب اللي ينبح في الجنينة، وقبل مركز الشرطة اللي في الدورة، قبل هذا الكلّ فمّا الوازع الديني، وهو حاجة هايلة ياسر وأحسن من أقوى سيستام دالارم في الدنيا. الوازع الديني هذا يتمثـّل في الأنبوبة اللي تشعل في وسط دماغ المجرم أو السارق الإفتراضي وحدها وتقولّو راهو كان تمشي تسرق دار "بيغ تراب بوي " راهو ربّي يشوشتك في جهنّم وزيد فلوسك تولّي فلوس حرام ما تثمرش، هذا بالطبيعة بخلاف أنّو كان يطيح فيك ربّي ويشدّك راهو ينحيلك دين والديك ويهزك لمركز الشرطة في الدورة يزيدو يفرهدوك مليح.

هذا الكلّ باش نقول اللي أنا، كيف برشة ناس علمانيين، مانيش ضد الدين وضد دور الدين في المجتمع، على الأقل في الحفاظ على السلم الإجتماعي في الحالات من النوع المذكور وغيرها، ولكن المهم هو أن يبقى الدور متاع الدين في حدود مضبوطة لا يتجاوزها


الحدود هاذي هي طبعا حدود الشأن العام اللي تتدخل فيها الدولة، يعني هذا أنها الدولة رعاها الله لازمها تكون محايدة فيما يتعلق بالدين، فالدولة هي طريقة لتنظيم المجتمع قبل كل شيء، يعني بالرغم أنها عندها الشخصية المعنوية بلغة القانون لكنها ما عندهاش عقيدة خاصة، وهاذاكا علاش ربّي عمرو ما قال راني باش نحاسب الدول نهار القيامة بل قال باش نحاسب البشر كل واحد وحدو.

الناس اللي تحكي على دولة مسلمة ودولة مسيحية ودولة كافرة بكل صراحة نراه كلام فارغ، لا معنى. توة بالله تقولولي دولة دينها الإسلام كيما موجود في دستورنا، إي آش معناها؟ عمركمش شفتو الدولة تتوضّى وماشية تصلّي؟ يجي منّو دولة خارجة من الميضة متاع الجامع مشمّرة سروالها ولابسة قبقاب؟ كلام فارغ، دولة عندها دين، تصوّروها معايا بالله: دول العالم واقفين على الصرات نهار القيامة يستنّاو في الحساب، صفّ للدول المسلمة وصفّ للدول الكافرة، شفتو؟ كلام فارغ.

في النظرة العلمانية الدولة تتعامل مع مواطنين موش مع عقائد ومجموعات دينية. المواطن ينجم يكون من أي دين أو غير منتمي لأي دين، الدولة العلمانية من واجبها تحميه وتحمي معتقداتو مهما كانت الحالة، كما أنّو من واجبها باش تتعامل مع الناس الكلّ نفس المعاملة من غير أي تمييز ما بين دين فلان ودين فلتان. ومادامت الحرية موضوع الساعة في المدونات فإنّها العلمانية هي من بين الشروط اللي تتحقق بها حرية المعتقد المنصوص عليها بمعاهدات حقوق الإنسان وهذا كلّو يدخل في إطار هاذيكا اللي ديما يحكيو عليها، هاني نسيت إسمها... دولة المعجون والمترفسات؟ لا... دولة الصابون والمتشقنسات؟ لا... آه لقيتها: دولة القانون والمؤسسات، هاذيكا هي، ياخويا ماحلا إسمها قدّاشو مذخم، ظاهرلي شاريينو من الكاري دي لاك


حاسيلو عاد قلنا العلمانيةحاجة لازمة بل وأكيدة باش المجتمع يعرف الحرية الحقيقية ولازمة باش الدين يقعد في قدرو ومقامو العالي، يعني أنّو الدين ما يقعش ضحية المصالح متاع السياسي فلان أو المفتي فلتان، موش تدخل فيه السياسة ويولّي اللي يجي يلعب بالأحكام والفتاوى والأحاديث، وكلّ فطشاطة تحبّ تأوّل الدين على كيفها وإلاّ تفرض دينها على الأقليّة وتقمعها وندخلو في باب الصراعات والفتن كيما قاعد يصير في برشة بلدان في العالم، لعلّ أتعسها العراق

لكلّ هذه الأسباب ولغيرها أنا سعيد بالمبادرة متاع تأسيس الجمعية التونسية للدفاع عن العلمانية وإنشالله تاخذ الترخيص وتكون جمعية ناشطة وتعرف تتواصل مع المجتمع، موش تاقف عند المؤتمرات في النزل الفخمة والمحاضرات مابين الزعمة زعمة مثقفين، على خاطر الخطر متاع الإنزلاق في الدين المتسيّس أو السياسة المتديّنة ماشي ويكبر، ومن غادي عاد قصّة وحدة وتلقى روحك في معبوكة مع جماعات الإرهاب والتطرف، ووقتها عاد... آش باش يسلّكها؟ مبادرة تأسيس الجمعية المذكورة هي مبادرة شجاعة وتستحق كل التشجيع، وأنا من ناحيتي نقول لأصحاب الفكرة: كون علماني... وربّي معاك


samedi, juin 09, 2007

تونيزيانا، الفرانسيس ما يحكيوش معانا




طول عمري نقول الجهل مصيبة، حتى لليوم، على خاطر بعد ما سمعت هالتسجيل متاع مكالمات حرفاء تونيزيانا إقتنعت إلّي الجهل ماهوش مصيبة، بالعكس، الجهل شبعة ضحك و جوّ موش نرمال... أما من ناحية أخرى، ولو الحكاية تقتل بالضحك، عيب على جماعة تونيزيانا يسجّلو المكالمات متاع الحرفاء ، هذا إسمو إعتداء على المعطيات الشخصية، وكان واحد منكم يعرف أصحاب المكالمات هاذي يقوللهم راهو ينجمو يشكيو بالشركة وياخذو تعويض باهي، على الأقل يجيبلهم حق دروس تدارك خصوصية في اللغة الفرنسية. حاسيلو أسمعوا وقولولي رايكم في هالتـّحف النادرة



النوميني الأول: الـ "بون آنـي" متاع راس الشهر



النوميني الثاني: "الشـّا" اللي هرب بالفلوس



النوميني الثالث: ريشارجي فوتر كومبيتي



آش قولكم في الجو؟
:))


بين الـنـّضال والنـّذالـة أو كيف نميّز المناضل من الحثالة




بالله قولولي حاجة: توة النضال أنواع وأشكال. فمّا مناضل ياقف قدّام دبابة في ساحة "تيانانمان" في الصين ما يتحركش حتى لين تعفس عليه ويمشي الله أعلم ضحية وإلاّ شهيد متاع النضال وما يسمع بيه حدّ ولا يعرف إسمو حدّ. هذا إسمو مناضل

وفمّا مناضل يعيش في هولاندا وإلاّ في فرانسا، ياخذ في شهرية بالدوفيز ونهار وطولو شادد كمبيوتر وإلاّ يحوّس من مؤتمر لمؤتمر يورّي في خليقتو و يبكي ويشكي، في الوقت اللي العباد في تونس ترمي في رواحها في البحر أعطيها توصل لأوروبا وتقلب وجوهها من هالبلاد. ويزيدك زيادة يحلّ فمّو ويقول على أولاد بلادو اللي بيهم وعليهم وقفافة وجبناء. وهذا زادة إسمو مناضل

بالله سؤال واحد: توة تفاهمنا اللي الأول مناضل والثاني زادة مناضل. أما زعمة بالرّسمي كيف كيف؟؟ هاذي ما يجاوبني عليها كان إسماعيل الحطّاب كيف يقول:

" آش جاب واش جاب واش جاب... آش جاب لبحيرة الكاف وآش جاب لربع سليانة، وآش جاب للراحلة وآش جاب للوطّانة، وآش جاب اللي أمّو في الدار وآش جاب اللي أمو في الجبّانة، وآش جاب اللي لابس صبّاط وآش جاب اللي ساقو حفيانة، وآش جاب اللي لابس سورية وآش جاب اللي جنابو عريانة"

مابين الوديان - الحطاب


:)

بعد الحركة الوطنية إسمحولنا باش نقدمولكم "حركة المناضلين البكّاية" شعارها "لا قراية ولا رباية"، بقدرة ربي شهيّر في "البوفوار" ونهزوكم الكلّ للباطوار، أصبروا علينا شوية بركة رانا مازلنا نتعلّموا في البوليتيك

Un film à voir: Little Miss Sunshine




Qui veut rigoler intélligent? J'ai un film pour vous: Little Miss Sunshine. Cette comédie humaine m'a été recommandée par une experte en la matière, et franchement je me suis régalé! Je me suis dit que je devrais à mon tours la recommander à mes lecteurs.

Je sais maintenant quel genre de grand-pères je veux être!

;)

vendredi, juin 08, 2007

Playlist Of The Week




Encore une fois ma playlist arrive en retard, il faut dire que l'hostilité et la mauvaise humeur reignent sur la blogosphère ces derniers jours. Mais contre la mauvaise humeur il y'a justement la musique. Allez, back to business!



1- Mobb Deep - Put 'em in their place

Ma devise blogosphérique of the week :)







2- Lil Wayne - They still like me

Mon Freestyle of the week, ou je devrais dire mon Lil Wayne of the week



3- Sassy ft Ghetto Romeo - I just wanna kiss you

Mon slow jam of the week



صباح فخري ينقش -4

Mon Sabah Fakhri of the week



5- Cheb Hasni - Mazal Galbi Bidi

Pour rester dans le Maghreb, ma chanson algérienne of the week



6- Douzi - Allez Vas-y

La Maghreb toujours à l'honneur, cette fois c'est le Maroc. J'adore ces rythmes



7- Boyz II Men - Water runs dry




Et on termine en douceur avec mon flashback of the week. Iiiiiiiih Ya 7asra!
:)



mercredi, juin 06, 2007

مغامرات "تانتان" في عالم السياسة تتواصل

الحلقة 725 - "تانتان" ضد المدونات التونسية



والله كنت ساخف على حال البعض وتجنبت باش نكتب في الموضوع كيما عملت نادية "الحديد يزيد" في مدونتها بطريقة ديبلوماسية، من ناحية على خاطرني مانيش ديبلوماسي، ومن ناحية أخرى لأسباب إنسانية بما أنو عيب تعطي لواحد مشطة في خشمو وهو طايح في القاعة، أما زادة القباحة ربّي ما قالش بيها، ولهذا باش نلبس بوط باهي بالرغم من السخانة ونشوط على قوة جهدي. والليّ جابها لـ"ماتريالو" يوسّع بالو...

يوم التدوين للمغرب العربي ما عجبش برشة ناس وهذا من حقهم وحتى حدّ ما غصّب على حدّ باش يشارك حسب علمي. فمّا ناس قالت "لا" للفكرة وأعطات تفسيرها، بارك الله فيهم، وفمّا ناس قالت لا من غير تفسير وبارك الله فيهم، وفمّا ناس قالت لا وقامت تسمّع فينا في الكلام وسكتنا عليهم، ياخي هاو زادو على قدّام ولا حشموا ولا جعروا.

فمّا جماعة يعتبرو رواحهم الناطقين بإسم "تشي غيفارا" على الانترنت قالّك البلوغوسفير كيف عملت حملة المغرب الكبير تساند في الديكتاتورية وتهز في القفة اللي هي بالطبيعة صنعتنا الكلّ في المدونات التونسية، بالطبيعة مادامنا ما خذيناش ترخيص في النضال من عند أصحاب المواقع المحجوبة حاشى صلاّحهم.

اليوم في الفوروم متاع السيد الغضبان علينا واللي ما تنجموش تقراوه من تونس، وكان موش عيب تو نقول ملاّ راحة، نلقى النص التالي ونخلّيكم تقراوه في عقلكم على مدونة صاحبو "الغريب في باريس":

L'union des dictateurs et des bénits oui-oui !




بالله أعطيوني رايكم في هالمناضلين بو دورو... ومن بعد نستغربو كيفاش الأنظمة في البلدان العربية تقعد في الحكم بالثلاثين والأربعين سنة؟ عادي ياسر، مادام فمّا ناس من النوع هذا في المعارضة أنا واحد من الناس كان جيت نحكم راني شديت الكرسي 600 سنة موش عشرة وعشرين.

ما نيش باش نجاوب على السبّ والكلام الشخصي اللي قالو الحيوان هذا على خاطر ما يستحقش باش نعملّو طاولة وكراسي، أما نحب نوضح بعض الأمورللّي مازال ما فهمش:

أولا- المدونة متاعي والمدونات التونسية ماهيش مسؤولة على وضع البلاد وما هيش تنظيم سياسي ولا حتى جمعية مدنية باش نعملولها برنامج يعجب فلان وإلاّ فلتان. المدونة ماهي إلاّ مساحة شخصية يعمل بيها صاحبها اللي يظهرلو، اللّي عجبو عجبو واللّي ما عجبوش الله لا يفكّر بوالديه، جاب ربي ميكروسوفت عملتلكم في كل شباك مربع أحمر فيه قاطع ومقطوع الفوق على اليمين باش علاقتنا بيكم ما تطوالش أكثر من اللازم ونقعدو بالقدر

ثانيا- المدونة متاعي أنا شخصيا ، اللي فيها صور للبيرة والجنس (اللي بالطبيعة ما هيش حاجات مستانسين بها في بلادنا، وخاصة جماعة اليسار يتفجعوا منها برشة) هي اللي عملت حملة جمعت فيها المدونين التوانسة والمغاربة حول موضوع للحوار وللتفكير الجماعي ولا لفرض الرأي الواحد على الجميع، وكانت حملة ناجحة شخنا فيها وعملنا "بون كيف" والبريمة يعمل مجهودو باش "يحوّس يفهم" معانا.

في بالي اللي الناس اللي استانست بالفشل تتقلق من أي حكاية تنجح أما ما فيباليش للدرجة هاذي أموركم تاعبة فكريا قبل ما تكون نفسيّا

ثالثا- مدونتي وأي مدونة أخرى، يا متاع الحرية، هي حرّة، تكتب في اللي تحب، تساند اللي تحبّ، اتطفـّي الضوء على اللي تحبّ، تحقر اللي تحب...أمـــــورهــــــــــــا. بالعربي: نساندو الحكومة، نساندو كريم، نساندو نعيم، نساندو الكورة، نساندو البيرة، نساندو حزب الديك، نساندو شارون، نساندو الكلاب... حاجة تعنينا نحنا بركة، على مزاجنا قال المصراوي، باهي لحديـــــــــــث يا فريــــــــــــــــــــــد؟ أو نورمـــــــــــــااااال

رابعا- يا خويا سبحان الله، تي هو الحاكم، اللي عندو الشرطة والجيش والإدارة والكياسات والمكاتب والجامعات والسبيطارات والستاغ والصوناد و الحماية المدنية عمرو في ثلاثين سنة ما جاء قالّي لازمك تدخل معانا في التجمّع بالسيف عليك، باش تجي إنتي، أقوى حاجة في حياتك "كلافيي" متاع كمبيوتر تقولّي اليوم أدخل معانا للمعارضة بالسيف ما كانش نسمّيوك طحّان؟ ياخويا هاو إمّالا أنا باش ندوّرها بالرسمي تقفيف وتبندير في المدونة متاعي وحاولوا كيفاش تتعرضولي في الدورة إنتوما ونواة وفكرة والبريمة فيكم، وكان فمّا فيكم مناضل كبير يحسّ في روحو عامل عليّا مزيّة يخلّيها عندو وبارك الله فيه، راني ما طلبت مزايا من حتى حد، يعجبكشي توة قلة الحياء هاذي؟

خامسا- بجاه ربي هاللي عامل موقع "فكرة" ويسمّع في المدونين في الكلام قال آشنوة مستواهم ما عجبوش ويحكيو في التفاهات، بالله يعطيني آشنوة الفكرة اللي تصلح اللي جابها واللي ما في بالناش بيها خلّي نستفادو منّو، آه الديموقراطية باهية؟ والله ما فيبالناش. الحريّة لازمة؟ يزّي عاد؟ ما تقول هالكلام؟ والله من فمّك نسمع. إيه وإمبعّد؟ آش نعملو؟ نجيو الكلّنا بحذاك لهولاندا؟ تدبّرلي فيزا خلّي نولّي مناضل محترم كيفك أنا زادة؟ لا؟ ما فمّاش بلاصة معاك؟ يا لطيف، خسارة. هيّا تعرفشي كيفاش إمّالا؟ روح بيع اللوح وتواضع شويّة كيف تحكي مع العالم الثالث يا سي المواطن الـ"فايقلها"، ولاّ عندك "فكرة" ما خير؟

سادسا وأخيرا- إنشالله كلامي ما يجرحش الناس المحترمة اللي في المعارضة على خاطرو ماهوش موجّه ليهم ومن غير ما نعمّمو الأمور، "دايور" منهم شكون أصدقاء شخصيين ومنهم شكون شارك في التدوينة من أجل المغرب الكبير يوم 1 جوان، يا خويا حاشاكم وحاشا قدركم، أما هالهوايش ما حبّوش يحشمو ولازمهم شوية كبس.

من ناحية أخرى ما نفهمش كيفاش واحد بعقلو ويدعي أنو يفهم حتى شوية في السياسة، ينجم يعارض فكرة الإندماج المغاربي، قال شنوة لازم الحرية قبل. ياخي الحرية والإندماج ما ينجموش يصيرو بصفة متوازية؟ وإلا على خاطر فما حاجة خايبة لازمنا نبطّلوا الحاجات الباهية الكل في إنتظار هالحرية اللي الله أعلم بيها جاية وإلاّ لا. هذا تفكير متاع ناس تتعامل مع البلاد من وجهة نظر النقمة على النظام فقط، أما مصلحة البلاد ماهيش حاجة مهمة، إنشالله تخلى على ريوس اللي فيها...

الدعوة للإندماج المغاربي ما كانتش تحت شعار البندير كما توجه لذلك
بعض الحمير، ولكن من منطلق أنها العوائق السياسية وغيرها ما لازمهاش توقفنا على الأهداف اللي نحبّوها لرواحنا ولبلادنا. صحيح هذا يقعد رأي شخصي ويمكن أي واحد يناقشو، أما زادة كان باش يولّي البوليتيك ساحة لتبرطيع المغامرين من نوع "تان-تان" و"سكوبيدو" ورفاقه، ولردود الفعل المراهقة باش ما نقولش الصبيانية، بصراحة الواحد يقول يا خيبة المسعى

- آه بالله قبل ما ننسى ولو هي أمور شكلية وحكاية فارغة، أما مادامو صاحب النص مغروم بالحقوق وحبّ يتقوّى شوية على الفرنساوية متاعو ونحنا عرب ما نفهموش حبيت نقلّو اللي راهو المحامي كيف يؤدي القسم بالسوري يقولولها
"faire serment", mouch "faire serrement"
على خاطر ماهيش بولونة باش يكبسوها يعيش ولدي، وعلى كل حال بارك الله فيك على أخلاقك الرفيعة يا مناضل عقاب الزمان، يا أجمل هديّة ينجم الواحد يهديها لديكتاتور


Extraits de la BD "Tintin ministre", clickez pour agrandir


THE END.

mardi, juin 05, 2007

Maghreb Blogging Day: Liste des participants:يوم التدوين للمغرب الكبير، الأخ الزعيم "بيغ تراب بوي" قائد ثورة غرة جوان يستعرض المشاركات في الحملة


فيما يلي قائمة المشاركات في يوم التدوين المغاربي، ما شاء الله شيء يعمل الكيف! كنت باش نكتب شعار من نوع "يحيا المغرب الكبير" ولكني بعد ما شفت عدد المشاركات وخاصة بعد ما قريت بعضها تأكدت أنو المغرب الكبير باش يحيا رغما عن كل شيء، باش يحيا بينا نحنا أولادو وبناتو، مادامت الأحلام موجودة والإرادة متوفرة لازم باش يستجيب القدر كيما قال أبو القاسم الشابي

Voici les participations que j'ai pu recenser pour le moment, ceux qui n'ont pas été cités sont priés d'envoyer le lien sur les commentaires. Merci à vous tous! J'allais pousser un slogan du genre "Vive le Maghreb" mais je crois qu'outre les slogans, avec nous le Maghreb vivra!

نبداو بالتوانسة:


كفانا ضعفًا وتخلّفا..حان الوقت لنتوحّد!- النسر الأسود

أنا أدوّن من أجل المغرب العربي الكبير - مُصعب بن رُحومة

I have a dream ! Le discours de Luther King Maghrebanisé (Part 2) - Ounormal

Le maghreb des differences ! - Zizou from Djerba

Maghreb Puni - Yellow

Le Maghreb des dictateurs - Hou-Hou Blog

Message de Tonton Jacob - Mon Massir

أنا ...من أجل مغرب ديمقراطيته "كبيرة - Les raisins de la colère

Combien ça coûte ? - Citizen

Je blogue pour le Grand Maghreb - MaktabaNet

L'union fait la force ? pas sûr ... - Chopitos Blog

Pensées du Week-End sur le Maghreb - Etkalem

Je blogue pour mon Maghreb. - Etkalem

Je Blogue pour Nesma TV - Sam's World

A l’attention de Messieurs les saboteurs de l’UMA - Ad honores

Maghreb : I have a dream ! tous les projets commencent par un rêve (part1) - Ounormal

J’ai hésité - Kaiser Blog

MAGHREB FORCE ONE! - Amaryllis

كتاب تفاعل البلوغوسفير مع اكذوبة المغرب العربي الكبير أو كتاب الحداد على الإتحاد - Thysdrus

Le 3ème Mehdi du Maghreb Réuni - Mirage

Un Maghreb... au coeur - Journal Intime

Soyons unis dans la différence - Transit World

Blogger pour le Maghreb? - Karim Benamor

Pour un Maghreb d’amour et de respect - Emma Benji

United Colors of Maghreb - Errances

Rapports Culturels Maghrébins - 7keyet Bouha

شكون عامل توئمة مع شكون - Antikor

Maghreb Uni... dans l'humour! - Mon Massir

الدعوة إلى الوحدة الكبرى - Esskifa

PPF...MAGHREB ARAB.. - Diana MagaZine

Blogging for the "Maghreb" - Islamic Art and Architecture

UN POUR TOUS ET TOUS POUR UN - Les ailes de feu


مقاربة "المغرب الكبير" ضمن إشكاليات مجتمع المدونين - أفكار ليلية

Maghreb .. >"Le marocain est un berger .. l'algérien est un guerrier .. le tunisien est une femme" - Infinity.Blog

Une union, c'est d'abord une volonté - Paroles d'un ex-ipestien

je blogue pour le Grand Maghreb - Attendre et esperer

Le 1 Juin : Ma contribution - Persona non Grata

Pourquoi ça ne décolle pas ? - Citizen

L'UMA..MYTHE OU REALITE? - Diana MagaZine

UMA...HISTORIQUE.. - Diana MagaZine

Je blog pour la liberté au Maghreb - Khanouff

إفريقية: صفحات من التاريخ - طريق للمستقبل - Demain je brule

عناق المغاربة - Diana MagaZine

Aujourd'hui: Je blogue pour le maghreb - Pas perdus

Maghrébin, Parce que je le vaux bien!
- Stupeur!

Etre Maghrebin - Antikor

Je blogue pour l'intégration du Maghreb! - Big Trap Radio

toujours pour le maghreb - TMB


MAGHREBBBBBBBBBBBBBBBBBBBBBBBBBiiiiii
- TMB

MaGhReB uNiiiiiiiiiiiiiiii.......... - TMB

ENCORE... - TMB

De la véracité des clichés Maghrébins.. - L'Antre de la Folie II..

Je blogge pour... - TMB

Je rêve un jour d'un Maghreb - Dj Louka

Le Maghreb: Une opportunité évidente. - Samsoum Blog

Je suis maghrébine... - Blue Angel

Ma Version du Maghreb - Sapere Aude

Je veux mon Grand Maghreb! أريد مغربي الكبير - Extravaganza

Uma invite les colombes aux fenêtres pour la fête de la lumière - Mes folies artistiques

أنا أدوّن من أجل المغرب العربي - Sahara club

انا أدوّن....اذن انا مغاربي - Sahara club

Quel Maghreb je pourrais défendre? - Nadia From Tunis


Maghreb : la Mauritanie un exemple à suivre…
- Cos-Maux-Polis

Ma note sur le Maghreb Uni - Aymen Chakroun

C'était dit pour un Maghreb uni - Angelic

Pour un maghreb uni - Adibs

1 juin entre-aide plutot que l'union - Idées bêtes

Je blogue pour le grand maghreb!!!! - Some thoughts from Tunisia

Je blogue pour le Maghreb - Mokhtar Yahyaoui

لندون من أجل المغرب الكبير - MY Tunisie

Maghreb United - Saison 07/08 - TuniZika

فرض اتحاد المغرب العربي الكبير - مُصعب بن رُحومة

لماذا أريد الإندماج المغاربي؟ - Extravaganza

1 juin - Le carnetier

يوم 1 جوان... التدوين من أجل المغرب العربي - قـلـيـبـي

سنة 2057، رسالة من فرنسوا دوبون - علاش

حدث في مثل هذا اليوم - FREE-RACE

أبو ناظم المرزوقي - الاتحاد المغاربي.. في حكاية من حكايات كليلة ودمنة


المشاركات من بقية الدول المغاربية

Je Blogue pour un Maghreb qui se chante - Oussama Benjelloun

Comment je pouvais pas rater une journée à blogger pour le Maghreb - Zaz

Mon Afrique du Nord à moi - Loula

Maghreb Monamour - Kenza

Maghreb Union Blogging Day - Youssef

Politiquement Correct - At'm

كان يا مكان … المغرب العربي - Hicham

في يوم التدوين لمغربنا الكبير : وحدتنا في زنزانة par Yugurta

Tous pour un Maghreb uni ! - Nabil

Ah le Maghreb... - Amina Talhimet

1 juin : Je blogue pour le Grand MaghrebUni - Amine

1 juin : Je blogue pour le Grand Maghreb Uni - Ahmed Chergaoui

Union du Magreb Arabe - Reda

UMA : geste symbolique de la blogosphère maghrébine - Agora

Le Maghreb des droits de l'homme - en hommage à Sidi Mohamed Ould Cheikh Abdallahi - Ibn Kafka

Maghreb Union - Myrtus

My take on the Maghreb - Maghrebi

Je ne rêve pas d'un Maghreb uni...
- Manal

Un seul et grAnd Pays - Missarchi

Blogging for the Maghreb Union - Taamarbuuta

Tous Pour Un Maghreb Uni - Fadoua

Maghrebin jusqu'à la moelle - Adam Bouhadma

Célébrons le Maghreb - Larbi

المغرب العربي : الحق في الحلم - Dreamer de Tassourt

Le 1er Juin : Bloguons pour le Maghreb
- Lady Zee

في انتظار اشراقة اتحاد المغارب - echonic de محمد أبو ياسمين

Un maghreb* uni par la musique... - Mesk-Ellil

تدويينة مغاربية - admin_word

Maghreb: Le Maghreb Sportif - Le Mythe

Je ne suis plus marocain, je suis maghrébin, Vive le MAGHREB! - Nasser Khelloufi

Union Maghrebine selon Wikipedia en 2025 - Younes Qassimi



هاذم 109، زيدولهم المدونين اللي ساندونا بنشر اللوجو أو الرابط متاع الحملة على مدوناتهم ومنهم على سبيل الذكر لا الحصر


A Moroccan in Washington, DC de Adil Ski

Trying To Make It All Ok de Amel L.

La cité de plomb de Leila Ben Soltane

ZIG ZAG de 3amrouch

Dj BouZz de Dj BouZz

Ovide de Ovide

Yet An Awesome Linux Blog de Rootine

مدونة حلا بزيادة من السعودية

مدونة الكتاب العربي المسموع

مدونة الدرس الأدبي

Hchicha's Blog

Be Free de Abdomed

Almaz

Mcharek

الإستهبالزم de Aardvark EF-111B

tunisiehistoire de Adnen Mansar

Pour faire jaillir la lumière de kmaira

Mouse Hunter de Karim2k

Sans oublier les gens de Maghreb Blog et tout les autes que je n'ai pas mentionné, vous pourrez m'envoyer le lien pour actualiser la liste.



Grandissime MERCI à tous et à l'année prochaine pour la deuxième édition

ألف شكر لجميع المساهمين في إنجاح هذه العملية، لنا موعد العام الجاي للدورة الثانية ليوم التدوين المغاربي

dimanche, juin 03, 2007

ٌRecrutons Imam qualifié!ِ

اليوم خرجت نعمل في دورة في أرض الله الواسعة فمّاش ما نوسّع بالي، ياخي لقيت روحي بالصدفة في جهة البحيرة بحذا المركز التجاري "مربع البحيرة"، قلت برّا نهبط نعمل دورة منّي نتمشّى ومنّي نشوف آش فمّا في المغازات، حاسيلو بعدما عملت طلّة على الفيترينات متاع "الكاغي دو لاك" بديت نشك في روحي:

نطلعش رقدت 25 سنة البارح كيما أهل الكهف وقمت في عام 2032؟ على خاطر الأسوام اللي على الحوايج ماهيش متاع الفلوس اللي نستعمل فيها في ساير الأيام: الدينار متاع عام 2007 يا حسرة عليه، كان يجيبلك دقيقتين حديث في البورطابل اللي يقلّك، و يهبّطك في تاكسي من الباساج لشارع الحبيب بورقيبة، أما في "الكاغي دو لاك" هذا، الدينار لقيتو ماعادش يجيب حتى حق الهواء اللي يتنفـّسو الإنسان في درج من زمان. يا سيدي لواش علينا الحديث، هاني صورتلكم بعض الفيترينات باش تفهمو











حاسيلو من بعد ما كنت خارج باش نتفرهد ، رصّاتلي وقفت قدّام أوّل حمّاص وشريت باكو موشوار (مناديل ورقية) بخمسين دينار باش نمسح بيها دموعي، وزدت خذيت بـ70 دينار قلوب باش نقصّر بيهم العشية . جاب ربّي الحماص طلع يقبل الشيكات

آه نسيت ما قلتلكمش، واحدة من البوتيكات متاع "الكاغي دو لاك" عاملة إعلان باش تنتدب "فوندوزات" يعني بائعات في المغازات هاذي، كان فماش منكم شكون تحب تخدم وتدبّر راسها، أما المشكلة الوحيدة راهو جماعة "الكاغي دو لاك" في الشهاري مازالو يخلّصوا بالدينار متاع عام 2007، موش متاع 2032، يعني كان عملو الباهي توة يعطيوها 250 دينار، يعني يجيبولها كلسيطة كل شهر، تعمل كاريار باهية وقبل ما تخرج للأنتريت بقدرة ربي تحطّ حطّة هبال من عند الـ"كاغي دو لاك"


حاسيلو أنا ماعندي شيء ضد الحوايج الغالية مادام الناس تشري، أما ماذابيّا كان نشوفو حلّ للناس اللي كيفي، اللي قارية باك+58 وتخدم في خدمة شريفة، لا تسرق ولا تاخذ رشوة ولا تسمسر في العباد ولا تقلب في الفيسك ولا في الـسي-آن- آس-آس واللّي شهاريها مازالت متاع عام 2007. ياخويا شوفولنا إمام متفتّح ولبّاس يفهم في الموضة ويعرف "الكاغي كو لاك" خلّي يعمللنا فتوى يحلـّل فيها السرقة والخطفة والقلبة والتحيّل للمسلمين اللي يعيشو في عام 2032 ويخلصوا بالدينار متاع 2007، والله تكون فتوى أحسن من فتوى رضاعة الكبير متاع جامع الأزهر. أنا كان لزم وما لقيت حتى إمام وليدها يفتيلي في السرقة باش نتلزّ نفتي وحدي، وكان لزم باش نفتي في البيرة والزطلة والحرابش متاع الأعصاب باش الفقراء ما تموتش بالغزول والحمصة

أنا متأكد كان جاء فمّا "كاغي دي لاك" في عهد الجاهلية راهو الإسلام حرّم الحوايج وراهي الناس تدور حفاة عراة كما خلقها ربي، أما ظاهرلي دينار قريش كان أقوى برشة من الدينار متاعنا، هذاكة علاش نزلو على القماش نزلة هايلة في عهد الإسلام. لهذا حبيت نقوللكم بجاه ربي ماعادش تلوموا على البنات، أنا واحد من الناس باش نولي زادة ندور عريان على الدزّة هاذي، بالطبيعة في إنتظار فتوى من نوع إسرق وربي معاك



samedi, juin 02, 2007

فـــاصـــل إعـــــلامـــي



بعد الخوضة متاع المغرب الكبير الواحد ينجم يرجع يحكي نورمال، بصراحة فديت من الجديات، توة أنا عامل مدونة باش نتفرهد ونعمل ضحكة على العالم التعيس، ياخي رصاتلي في جرة المغرب الكبير نكتب بالعربية الفصحى تقولش عليّا في البيرو.

حاسيلو بارك الله في الناس اللي ساندو حملة المغرب الكبير، وفي الناس اللي إعترضو على الفكرة بطريقة حضارية، والناس اللي إعترضو بطريقة موش حضارية، حاسيلو بارك الله فيكم الكلّ ماعدى الناس اللي عندهم معايا مشكلة شخصية - ولو أنا ما عندي مشكلة شخصية مع حتى حدّ، على الأقل موش في الإنترنات - هاذوكم ما يفوتوش زوز ولاّ ثلاثة يعرفو أرواحهم، ... عليهم حاشاكم. المفيد توّة هاني دبّرت برشة فلوس في جرة الحملة هاذي ، وباش نبيع البلوغ متاعي بالمزاد العلني، توة فمّا غوغل عطاتني فيه 120 مليون ومازلت نستنّا في ياهووو باش تعطيني عرض آخر اليوم العشية. البوست هذا مجرد فاصل إعلامي باش نعلن إرجاع البانر المخل بالأخلاق الحميدة متاع المدونة واللي عجبو مرحبا واللي ما عجبوش يمشي يعمل دورة ويرجعلي العام الجاي في آخر شهر ماي، بالكشي نعملو حويجة، وأهوكا اللي يحب يشري ويدخل المزاد العلني يتقدم بالعرض متاعو قبل ما تفصع بيه الصحاح

هيّا توّة ليلة "سامدي سوار" ولا فايدة، أعطيني هاك الثقافة الوطنية وأشطح ربي معاك.




:D


نصر الدين في بالمكشوف. دوخة ضحك

للناس اللي ما تفرجوش في بلادة نصر الدين بن مختار في آخر حلقة متاع بالمكشوف، هاو ما فاتكم شيء من هالدوخة ضحك. ملاّ سلعة حاسيلو

:))))

يوم التدوين للمغرب الكبير إنتهى



الساعة منتصف الليل، 1 جوان كان البارح، والحمد لله الحملة حسب ما لاحظت نجحت أكثر بكثير مما كنت أتصور. شكرا لكل المشاركين من مختلف البلدان المغاربية. فعلا شيء يعمل الكيف وكانت فرصة لإكتشاف عدد من المدونات الممتازة عند إخواننا وأخواتنا المغاربة.

يوم الحملة إنتهى وخلصنا منّو والحمد لله، والآن الدعوة مفتوحة للجميع للتفكير في المرحلة القادمة، البعض فكر في إحداث مدونة خاصة لتجميع المقالات العديدة اللي تكتبت، وأنا شخصيا باش نحاول على الأقل نعمل بوست فيه روابط لأكبر عدد ممكن من المساهمات. الباب مفتوح لاقتراحاتكم حول الطريقة اللي ممكن من خلالها مواصلة الإندماج التدويني المغاربي وبارك الله فيكم

vendredi, juin 01, 2007

لماذا أريد الإندماج المغاربي؟



Le 1er Juin Je blogue pour le Maghreb Uni


اليوم يوم إخترناه للتدوين من أجل الدعوة للإندماج المغاربي، وأقول الإندماج المغاربي لأني شخصيا لا أرغب وخاصة لا أعتقد في الوضع الراهن في إمكانية الحديث عن الوحدة السياسية. وأظن أن المهم في هذه الحملة هو التفكيروالحوار الجماعي حول ما يدفعنا للإندماج من جهة، وحول تصورنا لشكل الإندماج المنشود وتطلعاتنا كأفراد وأخيرا حول العوائق الحالية التي تقف أمام تحقيق نتائج فعلية في الإندماج المغاربي

لماذا إذن هذه الرغبة في الإندماج؟ سوف أحاول أن أختصر: الأسباب الحضارية والثقافية والتاريخية واللغوية والدينية ليست بالنسبة لي سوى دعائم أو أسباب تكميلية، وهذا لا يقلل من قيمة هذه العوامل، فهي مثل الإسمنت الذي يشدّ البلدان إلى بعضها ولكن الإسمنت لا يعطي مفعوله إلا بين الحجارة التي رتبناها فوق بعضها البعض لتشييد بناء ما، فهو لا يكفي لوحده لتقريب الأجسام المتباعدة أصلا. العديد من الدول في العالم مثلا تتقاسم هذه العوامل ولا ترى في ذلك سببا للوحدة ولا للإندماج. إسبانيا لن تتوحد مع المكسيك من أجل عيون اللغة الإسبانية، كما أن الإسلام أو المسيحية لا تكفي كعامل مشترك لتوحيد الدول ما لم تكن هناك مصالح تحرّك أصحاب القرار، سواء كان هذا القرار في يد الشعوب في الأنظمة الديموقراطية أو في أيدي الأقلية الحاكمة في الأنظمة الأخرى.

المصلحة، تلك هي الكلمة المفتاح حسب رأيي، وأنا هنا أرغب في توضيح أمر قد يختلط على العموم، فالمقصود بالمصلحة ليس مصلحتنا نحن فقط كبلد صغير من حيث المساحة والموارد الطبيعية، وبوضوح أكثر، نحن لا نريد الإندماج في المغرب الكبير من أجل بترول ليبيا أو غاز الجزائر، نحن لا نتحرك من باب الطمع أو التسوّل، ولكن من باب المصلحة المشتركة. كيف ذلك؟ في الوضع الحالي ماذا نجد؟ تونس والمغرب بلدان شقيقان، العلاقات طيبة والمشاعر متبادلة، ما عدى في كرة القدم طبعا، ولكن على المستوى الإقتصادي المنافسة بين البلدين على أشدها: البلدان يصدران تقريبا نفس المواد (صادرات فلاحية وصادرات قطاع النسيج) لنفس السوق (السوق الأوروبية وبالأساس فرنسا)، لا يمكنني أن أدخل في التفاصيل ولكن البلدين بصفة طبيعية يتخذان كل الإجراءات لجعل منتوج كل بلد أقدر من الآخر على المنافسة وبالأساس على مستوى الأسعار، لاحظو كل مرة يقوم أحد البلدين بتحوير طفيف على مستوى السياسة المالية (نسب الصرف، نسب الفوائد...) كيف أن البلد الآخر يتبعه بنفس الإجراءات تقريبا لتسهيل إمكانيات التصدير لبضاعته. هذا تصرف عادي ومشروع من قبل البلدين في إطار المنافسة النزيهة، ولكن من المستفيد في النهاية من هذا التنافس الأخوي؟ طبعا المستفيد هو السوق الأوروبي الذي يتحصل على ما يريد بأبخس الأثمان في حين تتقلص نسب الربح في الجانب المغاربي. هنا لا يمكن لأحد أن يناقش الفائدة في بعث سياسة تجارية موحدة نستفيد منها جميعا لدى التوريد والتصدير وتصبح قدرتنا على التفاوض أكبر بإرتفاع حجم معاملاتنا المشتركة

هذا مثال والأمثلة عديدة، فالسوق المغاربي المشترك بحوالي 80 مليون مستهلك سوف يكون أحسن هدية للمؤسسات وللنهوض بالقطاعات الإنتاجية: سوق أكبر، إنتاج أكبر، كلفة أقل، إستثمار أكبر، تشغيل أكثر... هذا طبعا دون الحديث على إستقطاب الإستثمار الخارجي الذي سوف يتضاعف بالتأكيد في صورة بعث سوق مغاربي مشترك بهذا الحجم.

خلاصة القول: الإندماج المغاربي يعني: "العجلة تدور". وأنا أتمنى أن يكون للسياسيين في البلدان المنتجة للطاقة في منطقتنا بعد النظر لتبين الفائدة التي تنتظر الجميع، لأنه يبدو أن البعض يقع في حسابات على المدى القصير ويظن أن الأرباح التي يسببها إرتفاع أسعار المحروقات هي غنيمة كفيلة بتحقيق التنمية والإزدهار دون الحاجة إلى الإندماج المغاربي، وهو طبعا خطأ.

نحن الآن في دول تدفعها المصلحة، إلى جانب التاريخ واللغة والدين والحضارة إلى الإندماج. طبعا هناك عوائق وحواجز أمام هذا الإندماج، ولكن هذه الحواجز لا تساوي أبدا الأحلام التي يحملها مشروع المغرب الكبير، خاصة إذا كانت الإرادة موجودة ومشتركة، كما أن تأليف النفوس يبقى أهم خطوة ننطلق بها لتحقيق الخطوات الموالية، وهذه المبادرة من المدونين المغاربة قد تكون الخطوة الأولى في هذا الإتجاه

Je veux mon Grand Maghreb! أريد مغربي الكبير



Le 1er Juin Je blogue pour le Maghreb Uni

Aujourd'hui je ne donnerais pas d'explications, je ne donnerais pas de justifications, je n'avancerais pas tout les chiffres qui montrent à quel point le Grand Maghreb a besoin de s'intégrer. Aujourd'hui, en tant que citoyen tunisien et en tant que maghrébin, je réclame à nos politiciens d'agir dans le sens de l'intégration des pays du Maghreb, et je n'ai aucune envie de débattre sur les appellations, ni sur les minorités, ni sur le Sahara Occidental. Appelez le le grand maghreb, appelez le le Maghreb Arabe, appelez le l'Afrique du nord ou même le Maghreb Yougoslave si vous voulez, je m'en fiche royalement. Je sais juste que nous tunisiens, Algériens, Marocains, Lybiens et Mauritaniens appartenons à quelque chose de commun, quelque chose qui pourrait nous emmener trés loin, quelque chose qui est dans l'intérêt de nous tous.

Je veux voir le Maghreb s'intégrer, je veux voir le Maghreb grandir, je veux le voir prospérer, ensemble, la main dans la main. Avec la volonté et l'adhésion de tous, les choses peuvent et doivent changer. Ceci n'est que le début.

Le 1er Juin Je blogue pour le Maghreb Uni