يا جماعة لازمني نوضّح حاجة هوني وهي أنّ المسألة في الحالة هاذي بالذات، وخلافا لما جاء في تعليقات بعض الوخيّان والأخوات، ما تتعلقش لا بتطبيق القانون بالأكتاف ولا بالمعارف ولا حتى بقوّة المحامين وقدرتهم على التلاعب بالنصوص القانونية
العيب في الحالة هاذي جاي من القانون نفسه اللّي يسلّط عقوبات متشددة على إستهلاك المخدرات من جهة ويسلّط عقوبات من نفس الدرجة على جرائم أخطر كيما جرائم التشويه، وهو الشيء اللّي خلاّ الجرائم هاذي تكثر في بلادنا، على خاطر المجرم يحسبها ويعرف اللّي العقاب حكاية فارغة بالمقارنة مع الضرر اللّي باش يخلّفو لضحيّتو
القوانين هاذوما الزوز لازمهم يتنقّحو حسب رأيي الخاص، وأنا كنت إقترحت في السابق التخفيف في عقوبة إستهلاك المخدرات الخفيفة، واليوم نقترح التشديد في العقوبات على جرائم التشويه ونرى أنّ عقوبتها ما لازمش تقلّ على الخمسة سنوات سجن إذا كان نحبّو الحثالة هاذي ترتدع وتخاف
7 commentaires:
dit donc tu n'arrêtes pas avec les coups de gueule toi ces temps ci, qu'est ce qui se passe???? :-)
je sais que le monde est injuste et que l'3waj est à tous les coins de rue, mais t'en ai au 6ème coup de gueule en l'espace 4 jours!!!...
allez une pensée positive....;-)
Totalement d'accord, pour les deux cas
أهلا بالمعلّم
:-)
كلّ عام وانتِ حيّ بخير يا خويا
كنت غاطس شويّةالمدّة اللي فاتت..وهاني جيت نعمل في طلّة على أعزّ مدوّن تونسي..بدون أدنى مجاملة
باقيها، في ما يخصّ الموضوع اللي تحدّثت فيه..موافقك على طول الخطّ
;-)
* اسمع ، راني مازلت نستنّى فيهاالقهوة اللي باش تخلّصها عليّ
;-p
أهلا بالنسر الباهي، والله متذكّرك بالخير يا خويا، وموش مشكل كي غبت علينا مادامك غاطس في اللاّمور أو الحب للعنكوش
أكاهو، راك كبرت وباش تظفر الشيب...لوول
حاسيلو أنا فرحان برشة بزيارتك والقهوة خالصة ما تخافش
إستنّا منّي تاليفون عن قريب
أما بالنسبة للموضوع، الله خير كان ولد الهمهاما ما يكونش موافق على الحكاية هاذي...لوول
;)
يا ب_ت_ب فهمناك اما مالاجابات متاع الوخيان تنجم تفهم....الي الكلنا متفاهمين زادة الي القانون في بلادنا ما عندو حتى قيمة... و ما يحسبو حد.... تشرب قهوة انت و النسر يعديوهالكم... دعارة... تقتل روح يعملولك خطية على خاطر ماكش حاطط حزام الامان وقت الي قتلتو....
Ce que je vais dire va peut être choquer certains parmi vous mais, essayez au moins d'y réfléchir à tête reposé!
Si les principes de l'islam étaient respectés, lemchallet walla lemchallta (l'agressé(e)) pouvait choisir entre deux solutions :
1- elchalat yetchallet kima challet eldha7eya
2- elchallaet yadfa3 khteya kbira!!
en tout cas je suis pour le fait d'augmenter les peines pour ces connards! khater lamoudha tawa : het sakek la enchalltek!
@ Weld Bled:
looool, ma fibélich ennésr walla yé5dem 3ala rou7ou... En tout cas rabbi i3in koll moumés, euh, 3afwan, koll moumen:))
Enregistrer un commentaire