mercredi, novembre 01, 2006

شعرة سيّدنا علي




من الكلمات المتداولة عندنا، واللّي تعبّر حسب رأيي المتواضع على التخلّف والبلاهة السائدة في عالمنا التعيس، كلمة تتقال للتعبير على الرجولة والنعرة العربية الأصيلة وشيء من التعصّب الوراثي، ألا وهي شعرة سيّدنا علي

حسب النظريّة هاذي، فمّا عند كل راجل عربي بالذات، شعرة من شعرات سيدنا علي عليه السلام، والشعرة هاذي تبدى راقدة راقدة حتّى يجيها وقت وتتحيّر، ووقتها الراجل العربي هذا، اللّي كان ياكل في السطاكة وراسو اللّوطة، يتقلب و يولّي سيد الرّجال، فان دام على حالو، وخاصة إذا كان تعلّق الأمر بالعرض متاعو،
يعني بالموجيرّة، سواء أمّو ولاّ أختو ولاّ المادام ولاّ حتّى صاحبتو أو بنت حومتو أو أيّ وحدة من الجنس اللطيف

حكاية الشعرة هاذي حيرتني، خاصة أنّو ما فمّا حتّى مصدر يقوللنا على المكان اللّي تطلع فيه، هل أنّها تطلع فوق الراس مع الشعر العادي؟ هل عندها نفس اللون؟ هل هي شعرة رطبة أو مكعرشة؟ هل تطلع في الضبابط؟ هل هي السبب في الروائح الكريهة في الميترو؟ هل تطلع في أماكن أخرى أكثر حساسية؟ هل أنّو اللي يحجّمها حرام ولاّ حلال؟ وكيف تتحجّم على وجه الخطأ تعاود تطلع؟ أسئلة كثيرة في حاجة للجواب

وزيد ما فهمتش هالشعرة هاذي كيفاش تتعدّى من جيل إلى جيل، هل هي أمور وراثية؟ في الحالة هاذي يلزمنا نتساءلو كيفاش وصلت جينات سيدنا علي للرجال متاعنا في حين ما فمّاش علاقة متاع نسب في الوسط. أم أنّو سيدنا علي كان كلّما يحجّم شعرو يلمّو في مكان معيّن، وقبل ما يموت أو يترفع كيما يعتقدو الشيعة- قاللهم هاذا شعري وزّعوه على الأجيال القادمة من رجال المسلمين بمقدار شعرة واحدة لكلّ رجل؟ في الحالة هاذي لازم سيدنا علي عليه السلام يكون مشعار بصفة غريبة، وهذا أمر مستبعد لأنّ علماء الإسلام ما حكاوش على حتّى واحد من الصحابة الكرام من كثر ماهو مغوّف ولاّ يتشبّه لوحش الثلج

وأكثر من هذا، ممكن باش نتساءلو على علاقة شعرة سيدنا علي بسيف سيدنا علي، وهو السيف بوراسين المشهور واللي ضرب بيه سيدنا علي قمة جبل بوقرنين وخلاّها على الشكل المعروفة بيه حاليّا، وهاذي بكلّها حقائق علمية أثبتتها البحوث الجيولوجية المعاصرة، ويمكنكم تسألو أي واحد ولد حمّام الأنف يعطيكم الوثائق والحجج الرسمية على صحّة كلامي الجيّدة

حاسيلو ما أحلاكم يا رجال العرب كيف تتحيّرلكم شعرة سيدنا علي، أما خسارة، هالأيامات ما عادتش تتحيّر برشة، موش عارف علاش، زعمة رقّدتوها بالجال ولاّ إستانستو بالسطاكة؟ ولاّ العيب في النساء اللّي ما عادوش يعرفو يحيّروهالكم؟

على كلّ حال باهي كيف نعرفو اللّي ما قعدّلنا من الرجولية... كان الشّعر



17 commentaires:

Anonyme a dit…

شكرا على طرحك لهذا الموضوع
أين هذه الشعرة و أين رجولة البعض بدون تعميم فالواحد تشوفو في الشارع هاز كتافو قول عليه بطل و زوجته أو صديقته أو خطيبته أو… أو… قرابة%99 بدنها عاري بالطبع فارح بيها على خاطرها أجمل من الأخريات
أقول و أكرر أن العيب ليس في النساء أيها الأخ بل في الرجال فأستفيقوا من سباتكم
عن ابن عمر رضي الله عنه: " ثلاثة قد حرم الله عليهم الجنة : مدمن الخمر والعاق والديوث الذي يقر في أهله الخبث "والديوث هو القليل الغَيْرة على أَهله ، وله عند العرب عدة مسميات القُمْعُوثُ ، والكَشْخانُ ، والصَّقُّور ، والأَلْيَسُ ، والخُنْذُع والرُّكاكةَ . في الحديث أيضاً :(لا يَقْبَلُ اللهُ من الصَّقُّور يوم القيامة صَرْفاً ولا عَدْلاً.

Sansouna a dit…

très beau post...:-)
Ca m'a fait bp marrer...:-)
A mon humble avis il ne s'agit nullement de pilosité, mais de valeurs qu'on est en train de perdre (ou qu'on a jamais eu peut-être) et on est là comme d'habitude à justifier la connerie à coups de cheveux et de poil....

Anonyme a dit…

توة فهمت علاش ايقولو هاك الحاجة طلعت قرعة؛ معناها ما فيها حتى شعرة؛ لا شعرة علي و لا والو
@anonyme وسع بالك

bribech a dit…

Hahahahaha very funny, hata hkeyet jbal bouguarnine mich normal :)
Wena n9oul alech le peuple du moyen orient, surtout l'iran, mghawfine mich normal... lezim harboulna bich3ar il kolo, hata houma chiia wou forss....

Anonyme a dit…

la reponse mta3 anonyme a9wa 7atta men l poste original :D :D kifech? dayouth :D:D

Anonyme a dit…

"على كلّ حال باهي كيف نعرفو اللّي ما قعدّلنا من الرجولية... كان الشّعر" et te voilà encore ya big-trap entrain 2 virer sur le vrai débat en "imposant" tes propres termes, faut pas ridiculiser le débat sinon tu peux bosser au cirque, cha3ret sayyedna 3li ya si errajjel ya3ni errojla bloughet el guejmi, wnetmanna ennek ta3ref errojla 3la 5aterha s3iba, mani 3ad fottek bel klem, wa9telli dhayya3na cha3ret sayyedna 3lin walla errasmi madhayya3nehech ama 3malnelha dharba sokker, wallina kima tchouf west lebled nhar essebt la3chiyya matfarra9 mel antha medhkar, whawka 7oms wezbib wrabbi yba99i 3lina essetr.3ad 7abbit nabda bejomltek eli kammalt biha spot bech n9ollek elli kol we7ed ya7ki 3ala rou7ou akahawwa, wenti fehemni wena fehmek. juste 7abbit nochkor rou7i elli lahhemtlek le sujet de cha3ret sayyedna 3li (wrod belek tefhemni bel ghalet).

Big Trap Boy a dit…

@ Dragunov:
إنتي ظاهر فيك واحد من المشعارين بزايد، أما خسارة، شعرة سيدنا علي المغروم بيها طلعتلك شعرة مقلوبة وفي بلاصة حساسة ياسر، بحيث ما عادش تنجّم تقعد على... راحتك، وهذا ظاهرلي هو اللّي دخّلك بعضك وخلاّك تستخايل في روحك طارق ابن زياد اللّي باش يفتح شارع الحبيب بورقيبة ويخلّصو من براثن الكفّار

بالنسبة للشعرة المقلوبة ننصحك تمشي للحجّام، على خاطر كان باش تقعد هكّا تبعول فيها وحدك تنجم تعملّك إلتهاب، هذا بخلاف الخطر إذا كان استانست بالتبعويل الزايد في الأماكن الحسّاسة، ترصّيلكشي تدور مع الجماعة في اللاّفيني كلّ سامدي سوار؟

أهوكة شوف حجام ولد حومة، حتى كان هكا ولا هكا باقي الأقربون أولى بالمعروف يا... خروف

هيّا قول بعععع توة نسامحك

هاهاها

Anonyme a dit…

@Big trap , c'est tiré par quatre cheveux ton histoire ! je regarderais jbal bougarnine autrement ! tu sais qu'il y a quelques années tout a pris feu ?

bribech a dit…

ewwwwwwwwwww 9alik jib il 3ilm min mokh il fakroun... ken choft il language mte3ik khir yai DRAGUNOV yai mta3 il mostawa el ra9i. Dekhil frindssi fi om ou okht il sayed ken hata jit ta3rafhom... 3ib 3lik yai mo2min inchalah rabi yostrik kifma titmana minou.... entre temp bara a3mil taba3 sokor halli bih fomok wen nharik zeda... bara hayka offre special 2 en 1.

Anonyme a dit…

Hello all, je crois elli natharyat cha3ret 3li tal3 beha 5ouna BTDog elli wa9telli jebdoulou sa7ebtou elli tmajed fih wet3awed fi koll sujet y7ottou hbel wjan wselet rigtou :D

Big Trap Boy a dit…

@ 5raounov:

ما كتنش نستنّى منك في جواب آخر: الجبورة اللي كيفك ديما هكا، كيف يشربها وما يلقى ما يجاوب يدورها سبان وتشوليح، حاسيلو ما أحلاه الإيمان متاعك وأخلاقك الإسلامية، يا متاع الرجولية

هاهاها

Anonyme a dit…

Très très très très intéressant ! ;-)
J’ai adoré la manière avec laquelle tu présentes une vérité ! Pure et dure !
Où sont les hommes ?? Les vrais ! Les virils !!
Je crois que cette cha3ra est partie avec les shampoings fréquents que les femmes accordent à ces hommes soumis (un shampoing typiquement tunisien).
Maintenant dans nos rues, on voit deux extrémités : des hommes fssalla fi bednou ou tefcha fi mokhou ou ALORS des hommes efféminé. Non ?? Je me trompe ??
Il y a aussi les « medaynin » des jeunes filles qui portent le voile et qui sont parées de bijoux attirants, de couleurs hyper voyantes et de tenue moulante et qui bras dessus bras dessous avec leurs HOMMES « meddayen lui aussi » se tripotent dans la rue.
Et tout ce qu’on fait nous c’est discuter d’un poil imaginaire : a3mel erriha kima kolt ya BTB.

Anonyme a dit…

@ bgtrp
ti chbik to7t elmostéwé habet yesser halmarra, mouch 3weydek trod hakka, en + Dragunov 3affat ye5i hak wallit enti kifou, ech mda5lek enti feddine bech ta7ki 3al imène wrabbi weddenya, ya weldi a7ki 3la 9ad jormek wfi des sujet tnajjem tna9ech'hom sinon haw si Dragunov jé balbezz 3lina elbolg tawwa hakka ye3jbek! louken majewebtouch raw sakker fommou enneten. taffih wa5tak mejjboura sinon ywalli 3andou el7a9 ki y9ollek "ma7lek ki tarja3 lmaslek!!". 7aja o5ra fazet sa7ebtek mchal9a yesser, rakka7 ella3b enti wyeha.
le monde est un endroit très beau qui vaut la peine qu'on se batte pour lui.

bribech a dit…

@nejma: je suis tt a fait d'accord avec toi kon tu parles des femmes ki portent le hijab avec les bijoux et le maquillage. Ena je penses kil n'y a de milieu a cette histoire, yai medayna yai lai. le but des bijoux et du maquillage et de rendre la femme encore plus attirante, plus belle koi, wel hijab mich tosstir mai khla9 rabi. mich 7ichmet hazit jebitha bech tghati rassha ou 3arat il be9a :) Ey ta9dhi ou Lai ta9dhi... mich yomken.
Sinon kon tu dis: "des hommes fssalla fi bednou ou tefcha fi mokhou ou ALORS des hommes efféminé. Non ?? Je me trompe ??" moi je penses ke SI tu te trompes, fama barcha rjel ou 3lihom liklem, bdanethom behin ou mokh hom khir, haw wehid minhom 9a3id yjewib fik ;)
Take care everyone and enjoy the weekend.

Anonyme a dit…
Ce commentaire a été supprimé par un administrateur du blog.
Big Trap Boy a dit…

Ya 5ragounov, apparamment enti ta7ra9t wennés el koll houni 3arfouk jabri ou emmassé5, je crois lézmek tbaddal el pseudo mte3ek walla tchouf la3ba o5ra a part el blog héva 5ater ici, ecchlayék elli kifek ne sont pas les bienvenus, ayya cherr tawwa!

Anonyme a dit…

Salut, je sais que tu es sûrement pris … juste une chose a préciser... allah ghaleb anna zedda 3andi eddouda mta3 eta3li9. J’apprécie beaucoup ton blog et j’en lis chaque jour ce que j’ai raté de tes articles.
J’ai lu l’article à propos de « cha3rat Ali » et j’ai là-dessus ma propre vision sur l’affaire me basant sur des réalités historiques

En effet je sais qu’après que le prophète Mahomet eu coupé ses cheveux (sûrement après son 7ajj ..Puisque un des trucs à faire au hajj c’est de couper ses cheveux...Mais ça j’en suis pas sur ! ) Y a eu quelques uns de ses amis qui ont pris un poil. Parmi ces gens il y a le célèbre stratagème et capitaine Khaled Ibn el Walid (qui connaissant le personnage était loin d’être superstitieux) qui lors de l’un de ses plus grands combats a porté ce poil sur lui. Ce combat était un grand triomphe pour les musulmans (sûrement pour le courage des combattants et non par une magie du poil !).

Un autre ami du prophète qui avait un poil de lui était Abou Hourayra … son ami qui a enregistré le plus grand nombre de paroles du prophète et qui a perdu le poil le jour de la mort de Othman . Abou Hourayra ce jour là ne dira pas « oh malheur …3raftou nhar mchoum min fazaat echa3ra illi mchat » ...il disait « aujourd’hui mon malheur est double … les gens n’ont perdu que le chikh … moi j’ai perdu le chikh et le poil du prophète».

Tout cela pour dire que ces gens là était plus intelligents que les superstitions … mais puisque l’humain est de nature msattak ...avec le temps, y en a qui ont lié ces événements à des superstitions- bien sur- transformé par les chiites en « cha3rat Ali » … et n’oublie pas que les fatimides sont resté assez longtemps en règne en Tunisie pour que ses légendes soient ancrés dans l’imaginaire collectif tunisien.

Tout ce que je souhaite c’est que Lotfi el Bahri, héros de votre quiz de l’animateur de l’année ne reste pas trop longtemps à la télévision nationale au risque de voir cette même légende se transformer pour le culte de « Cha3ret sidi Lotfi » qu’on doit chercher dans le Bougarnin de l’anatomie humaine !

Merci de m’avoir lu !

Wiss