lundi, octobre 30, 2006

الإبتلاء والإيمان على الآم-آس-آن

هاذي مقتطفات من حوار بيني وبين صديقة من قرّاء المدوّنة نحييها بالمناسبة حبّيت بعد موافقة الأخت حنان ننشرها على المدونة على خاطر الحكاية ضحّكتنا ، قلت ما نبغضكمش في ضحكة، نعرفكم تموتو على التكشيخ. الحوار بدى على التفاؤل والتشاؤم و وإنتهى بالغـيـبـيات واللإبتلاء وحكايات كبيرة ، وهذا آش تقال

hanene dit :

enti moutafe2el wala le esse3a?


Big Trap Boy dit :


hanene dit :

kifi!


Big Trap Boy dit :

je suis par nature pessimiste, meme quand ça va bien je cherche la petite bete


hanene dit :

kifi kifi,nebda nestanna fel khyeb mnin bech yji . Ama l9it 7all lerrou7i, wallah wbdit nemchi fih : Wallit net3arref 3ala nes metfe2lin. 9allek ya3di ettefe2ol. Ena ki fna7ki m3a ensen moutache2em tel9ani nohgtos m3ah, 3ad khallini na3ref nes metfe2la. Mech khir?


Big Trap Boy dit :

Non, moi les optimistes me gonflent, je les trouve cons


hanene dit :

Lé, bel experience ataw twalli trahom mo2mnin!!!!!


Big Trap Boy dit :

bech ? bel bhéma?


hanene dit :

brabbi sob7anou


Big Trap Boy dit :

ech da55el rabbi?


hanene dit :

belli famma 7aja a9wa tkhallihom yosbrou wyetfe2lou


Big Trap Boy dit :

oui famma 7aja, heyya el bhéma


hanene dit :

yekhi el metche2em bech houwwa? El metche2em ma3andouch amal felli bech tet7assen, fi ghodwa koi! Kifi :) , Wel mo2men mayfakkarch hakka, yfakker elli rabi y3awdhou khir idha yosbor 3al ebtile2


Big Trap Boy dit :

la merde ne tarde pas a venir, c ce ke je sais


hanene dit :

:)))) waw!


Big Trap Boy dit :

Dieu a créé la merde et il la balance sur qui il veut. C pas du Iméne ça?


hanene dit :

ebtile2 oui c ca, ama mech kima 9a3ed tra fiha. Mahich dholm hiyya rahi m7abba


Big Trap Boy dit :

ebtilé2 walla ibtilé3 , sammih elli tsammih, c de la merde


hanene dit :

sa3at tebda ebtile3 oui. Ttebl3ek bel7a9, c de la merde kbiiiiiiiiiiiiiiiiiiira zeda, ama yeb9a ebtile2 men rabbi, wenti w9owwet mokhek wa9tha!


Big Trap Boy dit :

tu as lu "le bon dieu et le diable" de J P Sartres? Il parle de ça: el ébtilé2,

entre autres


hanene dit :

man7ebbocuh barcha ena jp sartre, yeser moutache2em, bel7a9,

houwwa yra fi rou7ou realiste, ena nrah msakker 3ala rou7ou, donc .....


Big Trap Boy dit :

je ne suis pas fan de JPS


hanene dit :

:) tant mieu wallah


Big Trap Boy dit :

mais je me suis rappelé de ça, 5ater il y'a un peu de vérité concernant cette question particuliere...


hanene dit :

famm barcha verité, mais la verite kol we7ed kifech yraha


Big Trap Boy dit :

...de ébtilé2, et de sabr

Ech men sabr?

Wé7ed yaba trinou fatftou trouf, et9llou ebtilé2?


hanene dit :

mela ech t7ebni n9ollou? 3ala khater tu es la pour ca


Big Trap Boy dit :

3léch? Rabbi 7abb itestih, iji l7amm mafroum béhi walla lé? looool


hanene dit :

le c pas ca

houwwa elli ta7ki 3lih akid met, tu croi elli bech y7ess houwwa?

t7ess enti plutot elli 9a3detlek fi belek limage


Big Trap Boy dit :

lé mezél 7ayy

labés 3lih


hanene dit :

loool


Big Trap Boy dit :

haw walla kefta tawwa

kefta mo2mna

3allé55er


hanene dit :

looool

ahhhhhhhhh mennek!

wallahi 7ram 3lik wallah

tetma93er 3arrajel

hedheka rabi 7abbou!

...tellement nedh7ak mma jetni, 9aletli ech famma


Big Trap Boy dit :

chnowwa 7abbou? 7abbou m7abba héyla!!


hanene dit :

7abbou ma3netha ekhtarou bech yebtalih

hekkeka hiyya rahi


Big Trap Boy dit :

loool


hanene dit :

rabbi sob7anou y9ouuuuuuuuul

wa2nni khala9toukom lita3boudouuuni

fhemteeeeeeeeeeee? ma tensehech hedhi

donc lezmek temmen elli enti jey mech ziyedet 3adad raw


Big Trap Boy dit :

ayya yezzini mel 7kéyet hévi


hanene dit :

behi ok

n9ossou hayya




vendredi, octobre 27, 2006

أم الدنيا طلعت حاشاكم... يرحم عمّي


ماذا يحدث للعرب؟ هل هي بداية للإنقراض الجماعي لسلالة فاشلة حسب نظرية التطوّر الداروينية؟ والله ما نستغربش بعد ما إطّلعت على الأحداث اللي صارت في مصر -أم الدنيا- بمناسبة العيد. مانخبّيش عليكم، أنا اللّي ماشي في بالي ماعادش فمّا في الدنيا حاجة يمكن تصدمني حسيت بصدمة كبيرة وأنا نقرى في الشيء هذا على عدد من المدونات المصرية

jeudi, octobre 26, 2006

توّة معقول؟ (suite et fin)



يا جماعة لازمني نوضّح حاجة هوني وهي أنّ المسألة في الحالة هاذي بالذات، وخلافا لما جاء في تعليقات بعض الوخيّان والأخوات، ما تتعلقش لا بتطبيق القانون بالأكتاف ولا بالمعارف ولا حتى بقوّة المحامين وقدرتهم على التلاعب بالنصوص القانونية

العيب في الحالة هاذي جاي من القانون نفسه اللّي يسلّط عقوبات متشددة على إستهلاك المخدرات من جهة ويسلّط عقوبات من نفس الدرجة على جرائم أخطر كيما جرائم التشويه، وهو الشيء اللّي خلاّ الجرائم هاذي تكثر في بلادنا، على خاطر المجرم يحسبها ويعرف اللّي العقاب حكاية فارغة بالمقارنة مع الضرر اللّي باش يخلّفو لضحيّتو

القوانين هاذوما الزوز لازمهم يتنقّحو حسب رأيي الخاص، وأنا كنت إقترحت في السابق التخفيف في عقوبة إستهلاك المخدرات الخفيفة، واليوم نقترح التشديد في العقوبات على جرائم التشويه ونرى أنّ عقوبتها ما لازمش تقلّ على الخمسة سنوات سجن إذا كان نحبّو الحثالة هاذي ترتدع وتخاف

توّة معقول؟




توّة معقول؟ واحد يشدّ إنسان يشلّطو؟ بموس ولاّ بلام، يحلّو وجهو؟ يشوهلو خليقتو؟ يفسّدلو منظرو؟ ويمكن حتّى يقضيلو على مستقبلو؟ يدمّرلو حياتو؟ ومن بعد يتحكم بعام حبس في الإبتدائي؟ ويطيّحوهملو لستّة أشهر في اللإستئناف؟ يعدّي منهم ثلاثة وإلاّ أربعة كان طارت؟ وزيد يخرج في الصيف يخدم بوّابجي أو بورتيي في ديسكوتاك يدخّل ويخرّج في العباد ويولّي بقدرو كاينّو مدير بنك، و على آشكون يرضى؟

معقول زادة باش واحد آخر، طالب ولاّ بطّال، وإلاّ عندو مشاكل الله أعلم بيها، غلط تكيّف سيقارو، فيه شويّة زطلة، شيّخو، طيّحلو من الضغط والعصب، ركّحو، دوّخو، فرهدو، نسّاه، بهّمو، ضحّكو، رقّدو... وحدو راسو راس ملايكتو، ما دار بحدّّ، ما قلّق حدّ، ماضرّ حدّ، يتحكم بعام حبس ومليون خطيّة؟ والتعريفة موحّدة في الإبتدائي والإستئناف والتعقيب، يعدّيهم في وسط الأوباش من النوع اللّي حكيت عليه، ومن بعد يخرج يلقى مستقبلو تحطّم وضاع، وحتّى من الديسكوتاك متاع ملاهط-سيتي ما ترضاش بيه يغسل الكيسان؟

معقول نتعاملو معاهم الزوز كيف كيف؟؟ زعمة أما هو أخطر على المجتمع وعلى البلاد؟

أنا نقول... موش معقول

العد التنازلي إنطلق


العد التنازلي إنطلق

...

تابعوه كلّ يوم
...
على الفضائية
...

تونس 7
...
تونس 6
...
تونس 5
...
تونس 4
...
تونس 3
...
تونس 2
...
تونس 1
...
تونس صفر
...

Décollage annulé

El marra ejjéya inchallah!

mardi, octobre 24, 2006

أشطح ربّي معاك



Je vous avais parlé de cette chanson à la fin de l'avant dernier post, alors la voilà:




Elle dure quand même 21 minutes, mais l'essentiel c'est de capter le refrain qui symbolise notre nouvelle vision nationale de l'Islam et de ce que devrait être le rapport du citoyen avec la religion: un rapport basé sur l'ouverture, la rationnalité et la modernité. Les parôles parlent d'elles mêmes:

النبي مولاك، النبي مولاك
سيّيني خنّشطح وبرّى ربّي معاك
...
النبي النبي، والصلاة عالنبي
النبي النبي، والصلاة عالنبي
وبرّى ربّي معاك
وأشطح ربّي معاك
...


هاي الثقافة الوطنية اللّي باش تحمي شبابنا من التطرّف، هاي الهويّة الوطنية اللّي نلوّجو عليها من عهد الإستعمار، أعطيني فولارة خلّي نتحزّم يا ولد، أسمع العلم آش يقول: أشطح ربّي معاك

آآآآه يا قلبي، آش تعاني

ما تنساوش تعملو طلّة على أحلى راديو

lundi, octobre 23, 2006

يهديكم ويرحم والديكم




بالله حبيت نتوجه بكلامي المرة هاذي للوخيّان المعلقين في المدونة متاعي وفي المدونات التونسية بصفة عامة، ونقصد بالذات الجماعة اللّي يدخلو بإسم مستعار وبهوية مجهولة باش يبرّدو على قلوبهم بالسبّان في الدولة والحكومة والحزب الحاكم والشرطة والحرس والديوانة والوالي ورئيس البلدية والعمدة متاع حومتهم.

والله يا جماعة حيرتونا معاكم، وأنا باش نحكي بصراحة ولو كلامي ما يعجبش البعض، على خاطر موش كان أنا تقلقت من الحكاية هاذي. توة نحنا بكلنا توانسة ما شاء الله واعين وقارين ومتثقفين، وبكلنا نعرفو أش قاعد يصير في البلاد من باهي وخايب شوية وخايب ياسر، وحسب ماني قاعد نشوف، و بالرغم من أنّهم أغلبية المدونين اختارو باش يتجنّبو السياسة في مواضيعهم للأسباب اللّي نعرفوها الكل واللّي حكينا فيها ألف مرة في السابق، فإنّو حسب معرفتي ما فمّاش حتى مدوّن من المدوّنين التوانسة حالل المدونة متاعو شعبة وإلاّ طايح يهزّ في القفّة وإلاّ يعمل في الإشهار والبروباقاندا للحاكم ولا لأيّ حزب أو تيّار سياسي بصفة عامة. في الواقع المدوّنين عاملين نوع من المقاطعة للسياسة بصفة عامة، وهذا عند الناس اللّي تفهم، ينجّم يتفهم على أنّو تعبير على موقف معيّن . الموقف هاذا يفرض على الناس الكل الإحترام على خاطر كل إنسان حر في أمورو وحد ماهو عامل مزية على حدّ

المفيد واللّي حبيت نقولو بالمختصر، من فضلكم يا جماعة، ما تحاولوش تستعملو المدونات متاعنا كاينّها شريطة تعلّـقو عليها آش كتب من صابونكم النظيف وإلاّ الوسخ مع الحاكم على خاطر عيب باش تفرض على واحد باش يتبّعك في نضالك السياسي، خاصة كيف تبدى إنتي متخبّي ومجهول الهوية وهو معروف إذا كان موش شخصيّا فمن خلال المدونة متاعو اللّي ما يحبّش يخسرها في جرّة سيادتك

الناس اللّي تعمل في التعليقات هاذي عبارة على معارضة تعيش كيف الطفيليات، تركب على ظهر المواطن وتقولو إررر، عبارة على واحد يجي يعلقلك شعارات متاع معارضة على باب دارك، كان تخليهم تباصي، وكان تنحيهم يقوللك يا طحّان.... يا خويا كيف إنتي هو الراجل وسي الطيب ولاّ سي الأجعب جعببو، برّى أهوكا الحاكم في الشارع، وإلاّ كان ما لقيتوش برّى إمشيلو لبوشوشة وإلاّ للداخليّة سبّو أون ديراكت، أنا متأكد يفرحو بيك ويفرهدوك مليح مليح، جاي تسبّ عندي أنا ماهو لاباس؟ كي قدّر ربّي برّا أعمل مدونة مناضلة كيفك، وفين يسكروهالك حلّ وحدة جديدة، كيما عمل هاك النسر الأسود الله يذكرو بالخير ونزيد نحييّه على الطاير

أما إنتوما كيف تتصرّفو هكّا تخلّيونا في الحرج، يعني يا إمّا نمارسو عليكم القمع والرقابة وانفسّخولكم كلامكم في حين بكلّنا تقريبا ضد الممارسات هاذي اللّي جاية من القرن 16 وما عادش تليق بوقتنا الحالي، وزيد تظهّرونا نحنا كاينّا طحّانة في النازلة ونهزو في القفة لزيد ولاّ لعمر. وإلاّ الحلّ الثاني هو أننا نطفّيو الضوء ونخلّيو التعليق غادي، وحتّى حد ما يضمن من غدوة الواحد تصبح المدونة متاعو مسكّرة وما ينجمش يدخللها من تونس، يولّيش مسكين ياخو طيارة مرة في الجمعة باش يكتب مواضيعو ويبعثهم من الخارج؟ والله كان تخلصولي حق الرحلة أنا ما عندي حتّى مشكلة

يهديكم يزّيونا من هالحكايات الفارغة وشوفو طرق أكثر شجاعة وأكثر إحترام لحرّية الغير باش توصّلو أفكاركم، وكونو متأكّدين اللّي المدوّن راهو ماهوش دوني، و راهو زايد باش تعملو معاه الدّوانة، وراهو السبّان ساهل ياسر، وحتّى كان المدونات التونسية الكلّها بدون إستثناء تولّي تسبّ، وتزيد تجيب معاها المدونات الجزائرية والمغربية ويعملو ندّابة كبيرة بالسّبان، وراسكم لا يحسّهم حدّ ولا يوصلو يبدّلو حاجة، على كل حال هذا رأيي، وهاذي مدوّنتي، وأنا هنا في رزقي اللّي خلاّهولي الوالد، عندي نطام داخلي عملت دين أمّو وحدي من راسي، لا خذيت فيه رأي مجلس النواب ولا مجلس المستشارين ولا المحكمة الإدارية، والنطام هذا يقول اللّي إنّجمو نحكيو في السياسة حتّى للصباح، أما ممنوع باش نبداو نعملو في السياسة، واللّي ما يعرفش الفرق أنا نفسّر لخويا لعزيز، أما اللّي يبدى يتركّك فحينها المقصّ يولّي خدّام، ونبدى نفسّخ فيها على بعضها، وما تخافوش، لا عندي تأنيب الضمير ولا وذني، تقولو ديكتاتور، تقولو طرطور، تقولو عميل، صهيوني، بولوني، ماعلى بالييييش

:)



جاء العيد؟ صحّيتو صحّيتو


تي باهي باهي، عيدكم مبروك ...
هاي بدات الـأس- أم- أس أو الرسائل القصيرة جاية في جرّة بعضها ، هاو عيدك مبارك، هاو عيدك مبروك، هاو سنين دايمة، هاو ربي يدخّلك للجنّة ويفتحها في وجهك، كاينّو ربّي باش يدخلني للجنّة على خاطر الميساج متاعو، هاو لاخر قالّي الشركة التونسية للمشروبات الكحولية تهنيك وتقولك تنجّم تستأنف نشاطك الثقافي العادي، وكل واحد آش يكتب وآش يخرّف

ما فمّا كان واحد بركة هز التاليفون وطلبني، يرحم والديه، بالرغم عندي فوق العام ما شفتوش، الحاسيلو زايد مع أولاد الجنوب، ما زالت الناس ترى بالعشرة

أنا بصراحة ما طلبت حدّ خاطر مقينة عليّا النهارين وشهريتي مازلت ما تتصب كان الجمعة الجاية، يعني حتّى البلعة ما فمّاش، ولهذا الفروخ اللّي باش تجيني طامعة في المهبة، نقوللهم من توّة راهو حكاية زايدة، حتى نلقى شكون يعطيني تو نعطيكم


العيد... ملاّ بيعة مقطّعة... هاو حلو ، هاو حوايج، هاي ميساجات... كل عام نفس العادات والطقوس السخيفة ونحنا ماشين

على الأقل ربحنا نهارين كونجي، شبيك راهو تعبنا ياسر في رمضان، من كثر ما تعبنا قعدنا شهر كامل ما خدمنا شيء


ختاما لهذا الميساج البليد نقوللكم كل عام وأحنى حيّين حيّين حييّن حتّى يجي العام اللّي نشربوها فيه، أما حيين بخير ولاّ حيين بشرّ ولاّ حيين بالزرارق، هاذيكا حاجا أخرى ما انّجّمش نضمنهالك

وكيما تقول الغناية: النبي مولاك النبي مولاك وأشطح ربّي معاك

Pour les amateurs de photos


Je suis tombé sur ce site par hasard (www.deviantart.com), il est un vrai trésor pour les amateurs des art graphiques et de la photo. Il suffit de s'inscrire pour pouvoir admirer des tonnes de photos artistiques de qualité classées par themes. On peut meme partager ses créations, commenter les photos et gérer ses favoris et son groupe d'amis. Le tout se passe en anglais bien sûr. J'ai passé des heures à naviguer sur ce site et je vous le recommende. Je ne vous cache pas ma préférence pour les nus artistiques, mais chacun ses gouts :)

dimanche, octobre 22, 2006

مليون سؤال تحت الهلال


توة بالله فهّموني: لواش البلدان الإسلامية كلّها تتفق ديما على نهار العيد الكبير يعني عيد الإضحى، ولمّا يجي العيد الصغير يعني عيد الفطر تولّي كلّ بلاد عندها هلالها ومفتيها و رؤيتها؟

الجواب يمكن يكون واضح: عيد الإضحى تاريخو مرتبط بالحجّ أي يوم الوقفة في عرفات، والحج يصير في مكة في المملكة العربية السعودية، يعني موش ممكن باش كل بلاد مسلمة تعمل يوم عرفات الخاص بها، وإلاّ تولّي كل بلاد تبني كعبتها الخاصة ويصير الحج على مكانك، في إطار تقريب الخدمات للمواطن وفي انتظار صدور فتوى تجيز الحج عبر الكمبيوتر في رحلة إفتراضية ثلاثية الأبعاد
(en 3D)

هو يقول القايل بالتطور متاع علم الفلك، الأمور هاذي ولاّت بسيطة ويمكن معرفة بداية ونهاية الأشهر القمريّة حتّى بعد مئات السنين، علاش إمّالا مازلنا شادّين في حكاية الرؤية بالعين المجرّدة لهلال العيد وخايفين لا يجي نهار سحاب ما ندلّو شيء، ترصّيلنا صايمين نهار زايد ولاّ مهرودين في نهار كونجي؟


زعمة ربّي اللّي خلق الكون هذا ماهوش مستعرف بعلم الفلك، وإلاّ المسلمين هوما اللّي مازالو ماشين بالفتوى متاع هاك الإمام اللّي قاللهم: هل تتركون بغال الله وتركبون القطار؟


حسب رأيي الخاص الحكاية عندها تفسير آخر: الدول المسلمة بصفة عامة تسعى في المناسبات هاذي باش تكرّس الإنتماء الوطني يعني الإنتماء للبلاد ذاتها على حساب الإنتماء القومي للأمّة الإسلامية أو ما يرمز لإنتماء ثاني بخلاف الإنتماء للوطن-الدّولة إذا صحّ التعبير. هذا التوجّه إذا ثبتت صحّتو يمكن يكون مفهوم، بما أن العديد من الدول المسلمة هي حديثة التكوين نسبيا وأغلبها تم بناؤها على أنقاض الإستعمار وفي محيط إجتماعي مبني على القبائل والعروشات. يعني أن البلدان هاذي في حاجة باش تثبت وجودها واختلافها وتخاف على مواطنيها من المنافسة غير الشرعية اللّي يمكن تمارسها عليهم دول أخرى عندها إمتيازات تاريخية ودينية كيما السعودية اللّي صدّرت التيار الوهابي ، ولاّ إيران اللّي تصدّر في المذهب الشيعي والثورة الإسلامية

الحكاية هاذي تذكّرني بمسألة الحجاب ولاّ اللّباس الطائفي كيما ولاّو يسمّيو فيه عندنا. البلدان ولاّت تتنافس على الإنتماء الحضاري والفكري والعقائدي متاع مواطنيها، وكلّ واحد يفكّ من جهة: الحضارة الغربية تجبد من غادي بالكوكاكولا وهوليوود، والسعودية تجبد من هنا بإقرأ وعمرو خالد والحجّ لمن إستطاع إليه سبيلا، ونحنا نجبدو لينا بالوسائل المتوفّرة: ساعات بالسياسة وساعات بالقانون وساعات بالعصى وساعات بالصحافة ووسائل الإعلام، وهي بكلّها وسائل أثبتت أنها غير ناجحة لحدّ علمي

يقول القايل توّة هاذوما مواطنين تتعارك عليهم الدّول؟ تي سيّب الكازي يتبّع حتّى اليهود، تي ملاّ راحة من وجهو هالمواطن الجاهل المتخلف اللّي فيسع ما يدور في الحياصة ومن كار فيلم أو برنامج في التلفزة يتقلب ويولّي عبد آخر... لكن لا يا سيدي، المنطق هذا ما يمشي بيه حدّ، تعرفوشي علاش؟ على خاطر كان موش عماهم ما نعيشو معاهم، وعلى خاطر كان ما فمّاش عبيد ما فمّاش علاش باش يكون فمّا أسياد، وهذا هو السبب اللّي يخلّي الدول المذكورة تتعامل مع مواطنيها على أساس المثل اللّي يقول: لا نحبّك ولا نصبر عليك

على كلّ حال، أنا هربت شوية على الموضوع كيف العادة، فكرة تجيب فكرة، المفيد جانا العيد ما أحلا العيد في ديارنا، إنتوما طيّبو البقلاوة وكعك الورقة وأنا هاني ماشي نسكر على روحي، وكل عام واحنا بخير

samedi, octobre 21, 2006

الحجاب في تونس: الحلّ الأمثل


الناس ماعندها حديث هالأيام كان على قضية الحجاب في تونس
الناس سيّبت خدمها وأمورها وقعدت كل واحد يعطي في رأيو في الحكاية
جماعة يقولو هاذي حرّية المعتقد والدين وكل واحد حرّ آش يلبس وآش يعرّي
وجماعة يقولو هاذاكا آش قال ربّي ولازمنا نعملوه مهما كان الثمن
والدولة والحزب يقولو هذا رداء طائفي وما يلبسوه كان الناس الطّافين، وزيد ماهوش متاعنا، يعني ماهوش من التراث والتقاليد التونسية،والناس اللّي يلبسو فيه يحبّو يرجّعو المرأة إلى حالة العبودية والتخلّف اللّي ما صدّقنا لربّي خرّجناها منها

عادة أنا قلت ما فيهاش، نداء الواجب يعيّطلي باش ننقذ البلاد من هالمشكلة العويصة

الحل المناسب للأطراف الكل هو في إيجاد نسخة جديدة للحجاب تتماشى مع ثوابت تراثنا الأصيل ومع نظرتنا المستقبلية للمرأة التونسية الحرة المستقلة والمتساوية مع الراجل في الواجبات و...الواجبات

الموديل الجديد للحجاب يتميز بأنّو يلبّس نساء ورجال بنفس الطريقة، وزيد جاي من وحي التراث العربي الأصيل، هذا بالإضافة إلى تماشيه مع روح العصر والموضة الشبابية، يعني ما يقلقش الشباب كيما السفساري والملية وغيرها من الحوايج اللّي تتباع في المتاحف

نخليكم مع بعض الصور للموديل الجديد مع الأمل أنكم كلكم تصبحو لابسينو من غدوة، وكيما يقولو فيها: الرجوع لربّي والله يبقي علينا الستر


Le port du voile en Tunisie: La solution enfin trouvée:



vendredi, octobre 20, 2006

هاو الفنّ ولاّ لوّح



نزولا عند رغبة الجمهور قمت بزيادة بعض التحف الفنية من أغاني موسيقى المزود العريقة على مدونتي الموسيقية

وهذا مثال على ابداعات المزاودية فيه كلمات معبرة جدا جدا من لطفي جرمانة تقول

آش لزّك يا قلبي هكّا
على السّاس المايل تتّكّى


وما دام الجمهور طالب البومزيود نحنا تحت الطلب







الجديد الجديد على البلوقو-بوصفّير

حبيت نبشّر الوخيان بمولود جديد في عالم المدونات التونسية، وبحكم معرفتي بصاحبها إنجّم نضمنلكم في هالمدونة هاذي اللّي باش تكون حاجة ممّو، هيّا أعطيونا تصفيقة وتزغريطة على ولد بلاد وعلى مدونتو الجديدة تنهيدة

يا خويا لا ينهّدك ولا يبيّتك وحدك، وراك تتدلل يا مودير

jeudi, octobre 19, 2006

أبيات للشاعر المصري نجيب سرور


فالمفروض
أنّ الشعب يبايع قيصر
والمفروض أنّك يا قيصر زاهد
لا تطمع في تاج أو ملك
والمفروض
أن الشعب سيهدي التاج إليك
و"سيفرضه" عليك
أنت الزاهد
والمفروض - بيني وبينك
أن الشعب سيفعل هذا رغما عنه
إن لم يكن عن طيب خاطر
فسترغمه أنت على أن يختارك
رغما عنك

mercredi, octobre 18, 2006

صحيفة الشرق الأوسط تتحدث عن المدوناتَ


هذا مقال أصدرته "الشرق الأوسط" حول ظاهرة المدونات في العالم العربي

الظاهرة المدوناتية قاعدة تأخذ في صيت كبير في بلدان عربية عديدة، لكن رغم كل شيء مازالت في بلادنا حكر على حلقة صغيرة ومغلقة من حيث المدونين ومن حيث المواضيع المتناولة وحتى من حيث القرّاء

هل من وسيلة حسب رأي الوخيان المدونين باش مدوناتنا التونسية تأخذ مكانها عند القارىء التونسي؟

وفين المشكل حسب رأيكم؟

Bouza

Des fois je me demande si nous tunisiens, n'avons pas été frappés par une sorte d'épidémie invisible et inconnue de la médecine moderne.


Tout le monde s'indigne devant les images de la misère de certaines familles tunisiennes diffusées par Hannibal TV, mais dans un autre contexte, tout le monde trouve normal certains aspect de la dégringolade collective de notre pays.

Les soirées "ramadhanesques" (je déteste ce mot, ça sonne tellement merdique!) se suivent mais ne se ressemblent pas pour tout le monde. Au "Spoon" à "La villa Didon" sur les collines de Carthage, on sert de la Bouza à 120 Dinars le Litre, et il y'a plein de gens pour acheter ça!

Je vous rappelle que la bouza est un dessert tunisien dont les ingrédients sont normalement les suivants:

1 boite de lait concentré sucré
250 g de noisettes
1.2 Litre de lait
3 bonnes cuillerées d’amidon

Est-ce une histoire de vice? Est-ce que les gens sont devenus fous? Est-ce qu'on fait de la bouza à la cocaïne? Est-ce que les pauvres existent vraiment dans ce pays? Est-ce que ce monde est sérieux (comme dirait Francis Cabrel)?

Moi je n'y comprend rien. Ce qui est sûr c'est que cette bouza "ticket noir" doit faire un effet spécial sur ceux qui la bouffent à ce prix, je me demande même si je ne pourrais pas en trouver au marché noir à un moindre prix, apparamment tchayya5 mouch normal, vous connaissez pas quelqu'un qui travaille au Free-Shop pour qu'il m'en ramène un peu?

Rabbi yostorna el koll ou barra, l'écart qui se creuse aujourd'hui entre les classes sociales risque de devenir une cassure et de nous mener vers des jours pas trés heureux.

Enfin, restons optimistes et disons que c'est "une autre manifestation du développement du niveau de vie qu'a atteint le citoyen tunisien dans le pays des miracles économiques et sociaux"...




lundi, octobre 16, 2006

Prisonnier




Prisonnier d'une cellule, d'un pénitentier

Prisonnier d'un pays, d'une société

Prisonnier de ma tête, de ma mentalité

Prisonnier de ma faiblesse, de mon humanité

Prisonnier de mon envie de libérté

Je suis prisonnier partout où je vais

Je suis prisonnier, tout comme tu es.


dimanche, octobre 15, 2006

La femme idéale finalement trouvée



Qui veut jouer? On peut même jouer à plusieurs, branchez vos manettes :)

mercredi, octobre 11, 2006

المرقوم: أقرصني يا داود كان مازلت نعاود


الليلة مشيت لأول مرّة في رمضان لقهوة المرقوم في المنار أنا وصديق مغروم بالريق البارد. قال شنوّة المرقوم حافلة في رمضان.

باش ما نكذبش عليكم هي في الحقيقة وحسب ما شفت حافلة، أما بالملاهط بودورو، تقولش الواحد دخل لوكر دعارة، والوجوه بصفة عامة ما تعجبش، وزيد عاملين عوّادة صوتها يطرّش الوثنين كيما أغلبية القهاوي في رمضان، حاسيلو ما فماش علاش باش تكون البلاصة هاذي خير من غيرها.

أما المشكلة الكبيرة اللّي خلاتني نحلف على البلاصة هاذي فهي أنّهم جماعة المرقوم مازالو يعملو في
البيع المشروط، يعني ما نبيعلك حاجة كان ما تشري معاها حاجة أخرى، وهاذي ممارسة ممنوعة بالقانون وفيها خطية وحتى عقوبة جزائية للناس اللّي يعملوها، وزيد المدة هاذي صارت حملة على القهاوي اللّي تعمل في البيع المشروط، ومن المفروض أننا في دولة القانون نطبقو القانون على الناس الكل، موش واحد سنّة وواحد فرض.

في المرقوم جانا القهواجي خرّيج أوكسفورد قلنالو جيب شيشة وشرب ماقيمتو عشرة دينارات أو أكثر، ياخي قاللنا آش تاخذو حلو؟ قلنالو ما نحبّوش حلو
قاللنا لازم، قلتلو موش لازم، وما فماش لازم، وممنوع لازم، على خاطر لازم يعني بيع مشروط، قالي لا موش بيع مشروط على خاطر صحن الحلو في عوض
l'entrée
يعني الدخول...
مازال كان قهواجي باش يعلمني القانون، قلتلو ماناش باش ناخذو حلو، قالي ما نسربيكمش، قلتلو موش لازم ، خلّي عندك وقمنا خرجنا بعد شوية
يعني توة الواحد باش يدفع 5 آلاف زايدة على خاطرو دخل بحذا هاك الكمشة جرابع الخماج؟ عاد ماني نمشي للكارتي طول خير؟
أنا كنت إنجّم نكبّش ونبلبزها بالطرق السلمية والقانونية وحتى العرعورية، أما القعدة من أصلها ما عجبتنيش، قلت نمشي لمرّاكش في حي النصر، على الأقل الوجوه أنظف والموسيقى أريض ولا يتمنيك عليّا ولد مادام غرس الله، ونحس روحي كيف هالحيوانات اللّي تعيش بقر الله في زرع الله

وللتذكير هذا هو نص القانون

قانون عدد 64 لسنة 1991 مؤرخ في 29 جويلية 1991 يتعلق بالمنافسة والأسعار

باسم الشعب،

وبعد موافقة مجلس النواب،

يصدر رئيس الجمهورية القانون الآتي نصه
...

الفصل 24 - يحجر الامتناع عن بيع مواد أو منتوجات للمستهلك أو إسداء خدمات له طالما أن طلباته لا تكتسي صبغة غير عادية أو أن المنتوجات أو الخدمات موضوع تلك الطلبات لا تخضع لتراتيب خاصة.

كما يحجر اشتراط البيع باشتراء كمية مفروضة أو بالإشتراء في الوقت نفسه مواد أو منتوجات أو خدمات أخرى ويحجر كذلك اشتراط إسداء خدمة بإسداء خدمة أخرى أو باشتراء مادة أو منتوج.

dimanche, octobre 08, 2006

The Cancer State

Goul Ya M3ammar Goul !!




Aprés son fameux "Tozz Fi Amrica" qui est devenu un peu démodé, Kaddhafi sort sa nouvelle trouvaille: "Tozz Fi l'Arbitre".
Inchallah labés ou barra!






Il doit en fumer de la bonne lui!

Gangsta Rap on Big Trap Radio






Big Trap Boy keeps his ears to the streets and brings you the best of the hip hop scene! Tune up to Big Trap Radio to check it out!

oui, je fais un peu de pub pour mon radio blog, et alors? :)

Ceux qui apprécient le hip-hop et le gangsta rap sont servis cette semaine avec une sélection du meilleur de la scene New Yorkaise. Les fans de mosaique FM peuvent toujours essayer, on ne sait jamais :)

Gangsta Biiitch!

samedi, octobre 07, 2006

ملاّ منظر أحرف


بجاه ربي توّا هذا وجه يحطّوهولنا في وقت شقان الفطر؟ يولّيش الواحد يسكر التلفزة في المغرب خير؟ قناة حنبعل المنبوزة من الأرقام اللّي خرّجتهم شركة سيقما على نسب المشاهدة متاعهم ما لقات كان هالعلّة اللّكزة الماسط الباسل الثقيل الأحول محمد العوني باش يقطع الشاهية على الناس ويعيّفهم في حياتهم بالمسلسل للمتخلّفين ذهنيّا المايسترو

من وقتاش هالكاراكوز هذا ولاّ ممثل وإلاّ فكاهي باش يعطيوه حصّة في الوقت اللّي تبدى الناس الكلّ قدّام التلفزة؟ تي هذا يتعدّى بعد نصّ الليل وياسر فيه

بصراحة أخطى لطفي بندقة في حنبعل وهاكا بوراس اللّي تعدّي فيه تونس 7، البرامج الباقية بكلّها الشكارة والبحر

ما يكفيش فلوس اللإشهار وزيد نخلّصولهم في فاتورة مع فاتورة الستاق-بالنسبة للإذاعة والتلفزة التونسية- وباقي تلفزتنا لتالي ليس القدّام

ومن بعد يقولو شبيها الناس ما تتفرّجش فينا

vendredi, octobre 06, 2006

أبيات لنزار قباني




لو أحد يمنحني الأمان
لو كنت أستطيع أن أقابل السلطان
قلت له: يا سيدي السلطان
كلابك المفترسات مزقت ردائي
ومخبروك دائما ورائي
أنوفهم ورائي
كالقدر المحتوم كالقضاء
يستجوبون زوجتي
ويكتبون عندهم أسماء أصدقائي
يا حضرة السلطان

نزار قباني

أبيات لمحمود درويش



أفق رصاصي تناثر في الأفق
طرق من الصدف المدوّر
لا طرق ...
...
ومن المحيط إلى الجحيم
من الجحيم إلى الخليج
ومن اليمين
إلى اليمين
إلى الوسط
شاهدت مشنقة فقط
شاهدت مشنقة بحبل واحد
من أجل
مليوني عنق

محمود درويش

mercredi, octobre 04, 2006

الاتحاد العام للطلبة مع المحامين ضد الطلبة؟


نظن أنّهم أغلبية التوانسة سمعو بالمشكلة اللّي قامت مابين هيأة المحامين ووزارة العدل واللّي كان موضوعها بالأساس إحداث معهد أعلى للمحامات، يعني بالعربي أنّ الواحد باش يولّي محامي ما عادش يكفيه باش يعمل مرحلة ثالثة في الحقوق ويدخل متربّص عند محامي، اليوم بالقانون الجديد ولاّ الطالب هو بيدو لازمو يمشي يعدّي مناظرة شوف ينجح فيها شوف لا، باش من بعد يزيد يمشي يعمل تكوين في المعهد الأعلى للمحامات

السادة المحامين قلبو الدنيا على خاطر يحبّو الوزارة تعطيهم أكثر حريّة في الإشراف على المعهد هذا، وقالو اللّي الوزارة تحبّ تسيّس المهنة متاعهم، يعني خايفين لا الوزارة تولّي تعمل مراقبة على الناس اللّي يحبّو يولّيو محامين وتصفّيهم، يعني الجماعة اللّي يعملو في البوليتيك والمعارضة تسكّر عليهم الباب وتقوللهم يبطى في الهبطة، أرجع غدوة

الوزارة من ناحيتها عطات أسبابها وتفسيرها وقالت أنا زادة ما يساعدنيش نعمل المعهد ونصرف عليه باش من بعد نسيّب كل شيء للسادة المحامين باش يولّي الماء مسيّب على البطّيخ وكلّ محامي يجيب ولدو ولاّ قريبو يردّو محامي بالوراثة كيما يعملو العرب في العادة، وإلاّ باش هيأة المحامين تسكّر اللّعب في وجه الشباب المتخرّج جديد من الجامعة وتقولّو "ولد من؟" يبطى شويّة، أرجع العام الجاي

في الحقيقة، وإذا كان نبعدو شويّة على أمور السياسة اللّي خلاّت المحامين والوزارة موش أحباب، حكاية المعهد هاذي كانو المحامين طالبينها من قبل، واللإختلاف بينهم وبين الوزارة هو على التفاصيل موش على المبدأ، على خاطر الحاجة الأساسية اللّي باش تصير هي أنّ الدّخول للمحامات باش يولّي أصعب على الناس المتخرجين من كليات الحقوق بالآلاف كل عام واللّي يعانيو من البطالة والميزيريا، والسادة المحامين ما يساعدهمش كل عام وعدد المحامين يزيد يكبر، على خاطر هوما زادة قالّك نعانيو من البطالة والميزيريا، والخدمة شويّة والمحامين ياسر، يعني الخبزة اللي باش يقسموها عشرين، يقسموها ثلاثة من ناس خير.

السادة المحامين ما يحبّوش يقولو الكلام هذا جهار، خاطر عيب الواحد يخرج في مظاهرة ويطلب باش يقطع خبزة غيرو اللّي قاري كيفو ولاّ يمكن أكثر منّو، على خاطر قبل في عهد الغفلة، كان أي واحد عندو أستاذية في الحقوق يدخل طول باش محامي، موش كيما توّة: باك +6 وما يقبلوكش. عادة أهوكا الأساتذة المحامين كيف يحكيو يقولو نحبّو توحيد المدخل وهوما يقصدو نحبّو تضييق المدخل للمحاماة ولاّ حتّى تسكير المدخل بالسّيمان والياجور ونخدمو نحنا وغيرنا الشكارة والبحر

حاسيلو الموضوع كبير وكل طرف عندو فيه وجهة نظر من منطلق مصلحتو وتصوّرو للأمور. أما الحاجة الوحيدة الأكيدة والواضحة ولا فيها شك ولا كلام هي أنّ الطرف اللّي تحشالو ـ أو اللّي باش يتحمّل أكبر الأضرار هو الطلبة المرسمين في مختلف كليات الحقوق وخاصة منهم اللّي يعملو في ماجيسيرعلى أمل الدخول للمحاماة واللّي باش ترصّيلهم في التسلّل، ما يكفيش الماستار ولاّ كيف رخصة الشراب، ما يقبلوك إلاّ ما وجهك يولّي في قفاك، وزيد باش يولّي لا يبلّ ولا يعلّ، ما يدخّلش حتّى للسّتاد. كانش عاد كان ناوين الناس الكل باش يردّوهم أساتذة جامعيين، ووقتها الأساتذة القدم هوما اللّي يقولولهم: ولد من؟ يبطى شويّة، برّى روّح وما عادش ترجع

باش نرجع للموضوع، حبّيت نذكّر بحاجات بسيطة وواضحة الناس الكل نساتها ولاّ عاملة رواحها نساتها:
أوّلا بالنسبة للمحامين اللّي يحبّو يقسمو الكعكة مابيناتهم نقول اللّي المحاماة هي مهنة حرّة، كيف الطب والهندسة، والمهن الحرة هاذي تخضع لمبدأ المنافسة كيفها كيف التجارة، والمنافسة تعني اللعب محلول والبقاء للأفضل، المحامي الناجح ربّي يزيدو والمحامي الفاشل يخلّي المكان لغيرو، موش يمشي يبكي للوزارة باش تحرم غيرو من الفرصة وما تخلّيهش يجرّب حظّو باش سيادتو يقعد يخدم

ثانيا وهو الأمرّ، الطلبة اللّي باش يكونو الخاسر الأول، هوما زادة عندهم هيأة من المفروض تدافع على مصالحهم، l'UGET ألا وهي الاتحاد العام للطلبة .
الاتحاد متاع الطلبة لاهي حسب ما سمعت في مشاكل أخرى، هاي مقاطعة إسرائيل، هاي إمبريالية أمريكا، ونهار الكل يعلّقو في تصاور تشي قيفارا وفيدال كاسترو تقولش يعملو في إشهار لفاضل متاع الهافانا، وهاي مسيرة باش يساندو العراق ويسبّو الحاكم عالفازة، في حين أنّو حتّى واحد منهم ما حلّ فمّو في حكاية مصيرية كيف هاذي وداخلة في مسؤوليتهم كنقابة تمثل الطلبة التونسيين، موش الكوبيين ولاّ الفينيزويليين

تقولو إنتوما وليدات صغار؟ ما زالو ما يعرفوش؟ ما يفهموش؟ ما ظاهرليش، على خاطر بالنسبة لي أنا الحكاية عندها أسباب أخرى. الاتحاد متاع الطلبة المعروف بالإيجات معروف زادة بعلاقتو القريبة بالمعارضة اليسارية ، وفمّا شكون يقول أنها هي اللّي تحرّك في الخيوط وتستعمل في الطلبة لأهداف معينة. أنا المعلومة هاذي ماعنديش عليها أدلّة ويمكن تكون غالطة، أما كيف نشوف أنّو إتحاد الطلبة في القضيّة هاذي جاي مع المحامين وضد مصلحة الطلبة، على خاطر المحامين اللّي عملو البلبزة الكبيرة هوما زادة من المعارضة اليسارية ، نقول سبحان الله.

توّة يا رسول الله، الط...، عفوا، القفّة للسلطة إينجّم الواحد يفهمها على أساس المصالح وكل واحد كيفاش يقضي قضيتو، أما بصراحة الط... للمعارضة هاذا ما لقيتلو حتّى تفسير وما ريتو في حتّى بلاد. حاسيلو مسكين الزوّالي مشى في العفس

mardi, octobre 03, 2006

كاريكاتور خالد بن يحي في "الصريح": قمّة النذالة الصحفيّة


اليوم جات قدّامي عن طريق الصدفة هاك الشوليقة اللّي يقولولها جريدة الصريح اللّي ما لقات من دون الأخبار الوطنية والعالمية حتّى خبر أهم من إنسحاب المدرب خالد بن يحي من الترجي الرياضي التونسي باش تحطّو كأكبر عنوان على صفحتها الأولى.

الأهم من هذا، واللّي خلاّني نكتب في الموضوع، هو أن الشوليقة، عفوا: الجريدة المذكورة نشرت على صفحتها الأولى كاريكاتير بالألوان على كبر الصفحة فيه تصويرة سي خالد بن يحي لابس جبـّة ويحطّ في البخور في كانون وبجانبو بلاكة أو علامة مكتوب عليها "عـرّاف"، يعني دقّاز ولاّ مشعوذ

المشكلة هنا ماهيش أنّو سي بن يحي شخصيّة هامة ياسر وما يلزمش يحكيو عليها بسخرية، تي هو الرسول محمد ص عملولو كاريكاتير، خلّي كوارجي ولاّ مدرّب. المشكلة هي أن الصحافة متاعنا تتعامل مع الأحداث والأشخاص بمعايير مختلفة، وبالتالي تتمنيك على الناس اللّي مازالت تقرا الجرايد وتستخف بعقولهم باش هي تبيع سلعتها وتصفّي حساباتها.

كيفاش؟ الحكاية ساهلة ياسر: شبينا مثلا ما شفناهاش هالكاريكاتير على الصفحة الأولى لمّا سي روجي لومار خرّجنا مسخرة من كاس العالم بنسور قرطاج متاعو؟ شبيها الكاريكاتير والضمار متاع جماعة الصريح ما سيّبوهش على جماعة المنتخب والملايين اللّي ياخذ فيهم هالممرن الفرانساوي اللّي عدّو كان باش ينحّي سروالو ويعرّي على التوانسة الكلّ، بصحافتهم وجامعتهم؟

ما ولّيتو رجال كان على خالد بن يحي؟ جاب ربّي الرّاجل خرج هازز الدوبلي، أما إبكيو على حالكم قاعدين كان تهزّو في حاجات أخرى، لا حشمة ولا جعرة ولا تكسبو ريحة الضمير يا حـمير

lundi, octobre 02, 2006

dimanche, octobre 01, 2006

La Blogosphère Tunisienne et "Ceux dont on ne parle jamais"


Le débat qui a eu lieu dans la blogosphère tunisienne suite aux déclaration de certains blogeurs expatriés l'accusant en gros d'être une communauté de lèche-culs et d'irrésponsables à cause de son non engagement dans les sujets de politique interne, m'a donné envie de m'exprimer un peu sur le sujet sur mon blog.

Il est vrai que le nombre de blogs à connotation politique est assez rare et que la majorité des gens préférent écrire sur des sujets perso ou des trucs "politiquement corrects", mais il ne faut pas s'acharner sur les bloggeurs tunisiens pour autant, ni essayer de les comparer à des pays comme l'Egypte, où l'espace de débat public est malgrés tout, bien plus ouvert et dévelppé que chez nous.

Je crois aussi que la blogosphère tunisienne n'est pas assez connue ni lue par le public tunisien pour prétendre à un certain poid ou une réelle influence sur la scéne publique.

Certains ont dit que le problème réside dans la catégorie sociale dont est issue la plupart des bloggeurs tunisiens, qui est assez aisée par rapport à la majorité des tunisiens qui ne peuvent pas s'offrir une connexion internet de façon continue, ce serait donc une sorte de groupe de fils à papa coupés de la réalité du pays. Cette idées n'est pas tout à fait fausse, mais elle n'est pas tout à fait vraie non plus car tout les bloggers ne sont pas dans la même situation. De même, je crois que ce petit problème, s'il existe, sera automatiquement résolu dans le futur dès que les prix de l'ADSL deviendront plus abordables pour le grand public.

Reste que nous les bloggeurs tunisiens blogant depuis la tunisie devrions avoir un rôle plus constructif dans l'avancement de l'état des choses sur la voie de l'ouverture du débat public. Si l'autocensure est compréhensible de la part d'un journaliste qui doit se soumettre aux exigences de son rédacteur en chef, nous bloggeurs et blogeuses, sommes tous des rédacteurs en chef dans notre espace. Il est de notre rôle d'élargir graduellement les limites du "politiquement correct", sans pour autant chercher à créer la polémique ou le conflit avec l'ordre établi. Les blogeurs peuvent être les pionniers d'une ouverture de la réflexion collective et du débat sur la "chose publique". Il pourraient même casser le tabou de la "chose politique", mais il faut d'abord s'y connaitre, sinon s'y intérésser, pour pouvoir en parler.

La politique et les blogs tunisiens, c'est un peu à l'image de la Tunisie en général: ça ressemble vachement au film "The village" de M.Night Shaymalan.

Pour ceux qui n'ont pas encore vu ce chef d'oeuvre, voici un bref résumé: C'est l'histoire d'un village, perdu au beau milieu de la forêt. La petite communauté retranchée vit dans l'effrayante certitude que des créatures habitent les bois entourant le village. Les créatures sont appelées "Ceux dont on ne parle jamais" par les villageois. Cette force maléfique est si menaçante que personne n'ose s'aventurer au-delà des dernières maisons, et encore moins pénétrer dans les bois...

Qui veut prendre le risque et s'aventurer dans les bois de ceux dont on ne parle jamais sur la blogoshère? Qui veut porter "la mauvaise couleur" qui attire ces créatures? Qui veut voir son blog afficher "Not found 404" à la prochaine connexion?

Je pense que beaucoup de cette crainte et cette phobie du politique est basée sur des mythes qu'on peut facilement dépasser avec un peu de compréhension et de modération de toutes les parties concernées. On ne fait pas bouger les choses en allant vers les extrêmes.


La blogosphère tunisienne est encore en phase de recherche de soi, il faudra du temps et l'effort de chacun pour qu'elle prenne du poid sur une scène nationale qui a justement besoin d'idées. Il faudrait que tout le monde y mette du sien pour que l'échange d'idées continue dans le bon sens. On verra alors que les bois autour du village ne sont pas si dangeureux que ça! Mais au milieu de tout celà, qui est habilité à dire aux gens ce qu'ils devraient écrire et ce qu'ils devraient penser? C'est quand même fou d'entendre des gens qui défendent les droits de l'homme d'une part et qui se prennent pour des sur-hommes ou des superbloggers qui dictent aux autres bloggers la façon dont ils sont supposés entretenir leur blog, qui n'est enfin de compte qu'un espace personnel qu'on se permet de partager avec qui veut se donner la peine de le lire.

دقلة النور أو دقلة النار؟



من المعروف أن شهر رمضان هو الشهر اللّي يكثر فيه استهلاك التوانسة على دقلة النور، وهي نوعية التمور عالية الجودة اللّي تختص بها واحات الجنوب التونسي في مناطق الجريد ونفزاوة . دقلة النور هي حاجة داخلة في تقاليدنا الغذائية الرمضانية، والعديد من التوانسة تعوّدو ما يشقّو فطرهم كان على كعبة تمر باللبن ولاّ بالزبدة

بصراحة لمّا سمعت اللّي كيلو الدقلة في رمضان وصل لـ5 دينارات تصدمت على خاطر شيء موش معقول باش تولّي دقلة النور منتوج متاع رفاهة ما يخلط عليها كان اللّي لاباس عليه، أمّا الزوّالي يشوف بعينو ويموت بقلبو في شهر الرحمة، اللّي قريب يولّي شهر الشماتة

أنا مانيش مع تدخّل الدولة للتحكم في الأسعار أو ضبطها، بالعكس أنا مع حرية الأسعار وترك المجال للسوق الحر باش يعدّل الأسعار حسب العرض والطّلب، لكن الناس اللّي عندهم فكرة على الميدان يعرفو اللّي هالأسعار هاذي متسببين فيها مجموعة صغيرة من المضاربين والتجار الكبار، واللّي تتمثل خدمتهم في الحشية المستديمة:

- أوّلا للفلاّح اللّي ما عندوش فلوس باش يشري فريقوات أي مخازن تبريد يخبّي فيها الدقلة متاعو حتّى لرمضان، ويلقى نفسو مجبور باش يبيعها بلاش فلوس، حتّى أنها الدقلة وصلت تتباع في مواسم الجني بـ400 و 500 مليم الكيلو

- ثانيا للمستهلك غير الواعي اللّي قدّ ما الحاجة تغلى قد ما تولّيلو عسل ويشريها بأيّ سعر

الخطير في الحكاية هو ما قالوهولي بعض الناس المطّلعين وهو أن البعض من التجار الكبار اللّي حكيت عليهم يستغلّو في علاقتهم المتميزة مع البنوك باش ما تعطيش قروضات للفلاح اللّي يحب يعمل مخازن تبريد، باش يقعد الفلاح الصغير ديما صبعو تحت أنياب تجار الجملة وما يبيع كان عن طريقهم

المعلومة هاذي تبقى في حاجة للتأكيد، وأنا شخصيّا ما انّجم لا ننفيها ولا نأكّدها، أما الأسعار الحاليّة للدقلة في بلاد الدقلة تخلّيني نقول اللّي العظمة ما قالت طق إلاّ ما فيها شقّ، وزادة نذكّر اللّي السوق الحرّ والإقتصاد الحرّ ما يعنيش حريّة مجموعة من الناس على حساب مجموعة أخرى، يعني ناس تتعب وتخدم في الواحات باش الفلوس تمشي في جيوب السمسارة