mardi, avril 29, 2008

الكورة والجهويّات، و معز إدريس و"الزوز حوم" و"الولاية".. زعمة قالها ولاّ ما قالهاش؟؟

قبل ما نعلّق على "الإشاعة إلّي تداولها الشارع الرياضي" وإلّي تلقاو لمحة عليها في المقال التالي لجريدة "الشروق" حبّيت نستفسر ونثبّت كان فمّا واحد من قرّاء المدوّنة سمع بوذنيه التصريح إلّي قال فيه معز إدريس (رئيس نادي النجم الرياضي الساحلي) أنّهم "زوز حوم" (يعني الترجّي بباب سويقة والإفريقي بباب الجديد) ما يغلبوش ولاية كاملة (النجم الساحلي وسوسة). الحكاية كان تصحّ تستحقّ كشطة على قياس رأس سي معزّ، وهو على كلّ حال، سواء قالها أو ما قالهاش، من أكثر الناس حظوظا للفوز بلقب أكثر رئيس جمعيّة ملايكتو ثقيلة في تاريخ الرياضة التونسيّة.

معز إدريس المرّة إلّي فاتت سمعتو أعطى تصريحين: واحد للأحد الرياضي والآخر من غدوة في موزاييك وجّه فيهم الدعوة "للسلط العليا" باش يبنيو في سوسة ملعب على غرار "درّة المتوسّط" متاع رادس بعد ما النجم شارك في بطولة العالم للأندية. هو المطلب في حدّ ذاتو ينجّم يكون مشروع، ولو أنا شخصيّا نخيّر أنّها الجمعيّات إلّي عندها برشة فلوس ما تجيش تساسي في "السلط العليا" باش تصرف عليها من فلوس العشرة ملاين توانسة إلّي منهم برشة بطّالة وفقراء، أما إلّي شدّ إنتباهي وقتها هو عبارة إستعملها هالكاتابلازما الرِّمز في التصريحين الإثنين، ألا وهي كلمة "العهد السعيد". وما نعرفش إذا كان هذا إجتهاد من سي معزّ إدريس أو أنّو إصطلاح جديد، على خاطر المعمول بيه في الساحة توّة هو "العهد الجديد" موش "العهد السعيد" هاذي إلّي يعاود فيها ويكرّر. ما فهمتش علاش أما يظهرلي فيه سي معزّ إدريس ما عادش يعتبر "العهد الجديد" جديد بما فيه الكفاية على حسب تقييمه هو الخاص وبالتالي قال خلّي نلقالو إسم جديد أحلى وأجدّ من "الجديد". الله يهديه !

توّة النجم الساحلي من المعروف أنّي ما نحبّهاش برشة كجمعيّة متاع كورة، أما الأمور كيف تفوت الإطار هذا وتدخل في جهويّات متاع ناس متخلّفة يولّي تقوعير وتجوبير ما يليقش على الأقل بفلوس سي معزّ إدريس.

الخطر متاع الحكايات هاذي ظهر في برشة مناسبات من قبل، وعلى ما يبدو مازال ماشي على قدّام، ولعلّ إلّي تفرّجوا في "سويعة سبور" على حنّبعل البارح (واللي كارها تتسمّى "سهريّة سبور" على خاطر البرنامج يدوم تقريبا خمسة سوايع بمعدّل ريبورتاج بتسعين دقيقة لكلّ مقابلة تقول كاس العالم يكوّرو عليه موش ماتش من القسم الثالث في درا أما دشرة !)، قلت إلّي تفرّجوا راهم شافوا هاك الحرب الأهليّة إلّي قامت بعد ماتش تعادل صفر-صفر ما بين الفحص ومكثر، وكيفاش قريب تولّي قطاع غزّة بالقنابل المسيلة للدموع في الملعب وخارجه، والحجر والدمومات والكراهب والتجهيزات المكسّرة (على فكرة عجبني واحد من جمهور مكثر كسّرولو بلاّر كرهبة من نوع "فولسفاقن بولو 3" ياخي جاء قدّام الكاميرا يبكي قالّك "شاريها البارح بـ19 مليون"، وهي كان تجيبلو 7 ملاين شقف وسلعة راهو بوه باي ! هههه).

حسب رأيي وحسب ما شفت المأساة هاذي كان من الأسباب متاعها رئيس جمعيّة الفحص إلّي هبط للميدان من أوّل الماتش وبدى "يستفلم" بالكسوة والمرايات إلّي متسلّفهم ولاّ كاريهم، وهو على ما يبدو شخص عايق من نوع هاك الفصايل المغرومة بالكورة إلّي ينظّفوا رواحهم شويّة من البرّة ويجيبوها شويّة طحين وصبّة باش يوصلوا رؤساء جمعيّات صغيرة في بعض الدشر. حاسيلو والحمد لله الشخص هذا حلّولوا وجهو بعد الماتش كجزاء لأفعالو التعيسة وروّح بهاك الكسوة والكرافات إلّي متسلّفهم مبقّعين بالدمومات، في إنتظار أنّو تتمّ إنشالله مقاضاته بتهمة تعريض أرواح الناس للخطر، على خاطر فعلا ربّي ستر وما طاحتش أرواح (ظاهرلي في حالات كيما هاذي قانون مكافحة الإرهاب ينجّم يتمّ توظيفه لأغراض حميدة ونبيلة باش يحطّو الأشكال هاذي في الحبس حتّى كان ما لقاولهمش نصوص تجرّمهم بصفة صريحة في بقيّة القوانين) !

في إنتظار أنّها جمعيّة النجم الساحلي تحدث خطّة الناطق الرسمي بإسم الجمعيّة ويعيّنو فيها إنسان رزين بعقلو موش رزين بملايكتو، وخفيف الظلّ ويعرف يتكلّم، وفي إنتظار النهار السعيد إلّي يكتفي فيه سي معزّ إدريس بدور اللي يمضي الشيكات ويسكّر جلغتو ويعفينا من وجهو الأحرف في التلفزة، نتمنّى أنّو فعلا يطلع ما قالش الحماقة هاذي متاع "زوز حوم"، خاصّة وأنّو سبق باش إرتكب حماقة أخرى كيف حبّ يخلّي ملاعبيّتو يعملوا دورة شرفيّة بكأس إفريقيا في ستاد المنـزه قدّام جمهور الإفريقي، ونهارتها سمعت من مصادر موثوقة حاضرة على عين المكان أنّ "سي معزّ" كلى شلبوق حار من عون أمن الله يرحم والديه ويبارك في يديه، على خاطر كانت باش تصير كارثة أخرى كان موش الأمن تدخّل ومنع ملاعبيّة النجم باش يمشيو لجمهور الإفريقي بالكأس إلّي تكسّرت نهارتها.

إنشالله الكورة تقعد كورة وما تدخلش فيها أمور أخرى متاع عباد ناقمة على بعضها وعلى الوضع العام، في حين أنو المنطق والواقع يبيّنوا أنّهم برشة ناس من أحباء النجم الساحلي ما عندهم حتى علاقة بالأمور الأخرى إلّي خارجة على الكورة واللي تخلّي الناس يمكن تكرههم على أساس جهويّات وحساسيّات أخرى.

في ما يلي المقال إلّي يحكي أكثر على "الإشاعة" في إنتظار نثبّتوا منها كاني بالحق "إشاعة" وإلاّ لا:

الشروق:

شغلت الشارع الرياضي: ما حكاية إشاعة «زوز حوم ما يغلبوش ولاية»؟

تناقل الشارع الرياضي في الآونة الأخيرة إشاعة مفادها أن معز ادريس رئيس النجم الساحلي قد قال على أمواج إذاعة موزاييك أنه لا يمكن «لزوز حوم (والقصد باب الجديد وباب سويقة... أي النادي الافريقي والترجي التونسي) أن «يغلبوا ولاية» (والقصد هنا النجم الساحلي باعتباره يمثل ولاية سوسة).
غير أن هذا الذي تردّد لا يعدو ان يكون سوى مجرد إشاعة فمعز ادريس لم يتكلم على أمواج إذاعة موزاييك كما أنه نفى لنا نفيا قاطعا أن خاض في هذا الموضوع أو لمح أو أشار اليه في أي مكان أو زمان.
وكانت ذات الاشاعة أقحمت في «الموضوع» سليم شيبوب الرئيس السابق للترجي.
والواضح أن هذه الاشاعة قد انتشرت في الشارع الرياضي انتشار النار في الهشيم وراح الكل يسأل ويستفسر ويفسر. ولأنها منذ البداية والى النهاية مجرّد إشاعة الا أن اطلاقها في هذا الوقت بالذات يدعو الى طرح أكثر من سؤال. وأول الأسئلة وأكثرها إلحاحا أي علاقة لهذه الاشاعة بلقاء الدربي المرتقب خاصة وأن نتيجته مهما كانت سوف تفتح الباب ولأيام عديدة لتأويلات وحكايات ليس فقط بين جماهير الغريمين التقليديين النادي الافريقي والترجي التونسي وإنما كذلك بالنجم الساحلي باعتباره المتراهن الأبرز على لقب البطولة الوطنية لكرة القدم.
والإشاعة ذاتها قد حيكت بشكل ظاهره يسيئ الى رئيس النجم في أعين جماهير الترجي التونسي والنادي الافريقي وفي باطنه «خبث» رهيب يبث الحقد والكراهية بين جماهير أنديتنا.

57 commentaires:

Anonyme a dit…

دوّحي دوّحي يا حنّانة دوّحي

Ignescence a dit…

Bienvenue au tiers monde. 1 million de chômeurs, mais, on trouve plus important à discuter dans nos journaux.

M16 a dit…

@ ignescence
Ce que tu dit est vrai;
A voir http://www.saylartn.blogspot.com/

osbéna a dit…

ما كنتش نتصورك تاخو بالإشاعات وجرائد بودورو ومسلم عليك البوليس الي أعطى الكف لسي معز :مازالت الرجال

Anonyme a dit…

salut btb,je suis un très fidèle lecteur des tes posts,je n'en ai raté aucun d'ailleurs,mais là j'en ai pu m'en empecher de te critiquer sur le sujet de Driss,car comment un homme comme vous,éclairé et cultivé comme vous l'etes,puisse tomber dans la propagation de rumeurs infondées ayant pour but de semer la haine,le mépris et le clivage dans le sport et par transposition à travers les régions du pays.Driss n'a jamais fait de tels commentaire et je trouve que vous avez manqué d'objectivité(mettre à part votre mépris envers driss et l'étoile!!) car vous auriez du blamer ceux qui ont inventé cette histoire!!Amicalement.
PS:votre blog est très sympa,c'est ma bouffée d'oxygène sur la blogosphère,bonne ontinuation !

tikaaa a dit…

moi je dis ... en tout cas ... malla ra7a men chiboub
vraiemnt hetheka ghalleb 3leya.

c'est vrai que Idris est sur la bonne voie pour lui succeder, mais il y a un long chemin a faire pour qu'il devienne comme lui...

le club africain aussi a failli avoir son propre "chiboub" mais je ne sais pas qulle intervention divine ou " --bidine" le CA a echappe' a un destin de gloire merdique... blech menha khir

rabbi iostor le football (et pas seulement le foot) men el G3AR elli 3and'hom flous

عاشور الناجي a dit…

يا تراب بعقلك ولا هبلت ؟


و الناس بعقلها ولا هبلت


إشاعة و خطيرة و تكذيب و كاينه شقال

!!!!!

ماهم بالحق زوز حوم الزوز فرق متاع النزوح متاعكم


و سيادتك كيف تقول دشرة عالفحص ميسالش ؟


و كيف تكتب تدوينة كيما هاذي موش جهويات زعمه

!!!!!

الجنازة حامية و الميت كلب لا خير لا خير


ميسالش يا بيغ وراس خويا على خاطر نحبك ما نحبكش تهط لمستوى حديث الحوم و الكرة

Anonyme a dit…

j'aime bien ce que tu écris mais je te reproche plein de choses:
**3lèch Makther et Elfahs t9oul 3lihom "dachra"? c pas du racisme ça? c'est pas du mépris à des tunsiens comme toi dignes de respect? za3ma inti kèn jit wild Makther t7ib y9oulou 3la blèdik hakka?
**3lèh l'étoile ma ta3milch tawra charafia au Menzah? ils sont pas tunisiens? ye5i elmenzeh est reservée à l'EST et CA?
**je ne suis fan d'aucune équipe, par contre je soutiens tous ceux qui honorent la Tunisie, entre autre l'etoile du sahel, et je méprise ceux qui se prétendent "tunisois", "baldiya".. "ib3id 3lih rahou grande équipe"
brabbi yezzina, ye5i femma koura mta3 7wem w koura mta3 tunisois!
imen

Unknown a dit…

j'ai lu une ITW de "Ragheb Alema" disant que l'ESS représentait toute une région contrairement à l'EST et le CA qui représentait un quartier.

Ca il l'a dit mais sous quelle forme ? comment ça a été interprete et rapporte par le journaliste .. j'ai oublié!

Mais il reste important de ne pas sortir le texte de son contexte .. et faire ressortir cette histoire maintenant est loin d'être de l'innocence : les medias pro CA veulent donner un coup de pouce à leur équipe par n'importe quel moyen, quitte à "hazen it7in" à l'EST :)) pathétique !

Et en plus, l'histoire de "Ragheb Alema" date de Décembre dernier ...

Big Trap Boy a dit…

بالله توضيح صغير، راهي التدوينة هاذي ماهيش باش نأكّد على صحّة الإشاعة أو باش نأخذ بالإشاعات والجرايد بودورو كيما قالو الوخيّان ولكن فقط باش نثبّت كان الحكاية إشاعة أو ماهيش إشاعة بما أنّي
justement
ما عنديش ثقة في الأخبار إلّي تنشرها الجرايد بودورو، يعني أنا قلت كان فمّا شكون سمع الكلام هذا بوذنيه يقوللنا، ما كانش باش نأخذو بقرينة البراءة بما أنّو سي إدريس مهما كانت ملايكتو ثقيلة فإنه يبقى بريء حتى تثبت إدانته

فقط لا غير

Big Trap Boy a dit…

سامحوني ياخي كلمة دشرة عيب ولاّ أنا إلّي إخترعتها؟؟؟؟؟؟

دشرة حسب ما نعرف والله أعلم تعني قرية ريفيّة صغيرة

قرية ريفيّة صغيرة ماهيش كلمة خايبة راهو، إلاّ إذا كان ناخذوها من منطلق عقد نفسيّة وتنقيص من قيمة الدشر بصفة عامة، وياريت أنا واحد من الناس جيت عندي فلاحة في بعض الدشر راني لاباس عليّا وفخور بدشرتي

يزّيونا بلا إفتعال الأزمات كيما يقول الفقمة
هههه

Big Trap Boy a dit…

@ Mils:

أنا بيدي سمعت من مصدر آخر أنّو التصريح هذا صار قبل الدربي الأول

Big Trap Boy a dit…

@ imen:

السواحلية توانسة على راسي وعيني يا للاّ والمنزه متاع الناس الكلّ، أما كيف تبدى إنتي نهار آخر رئيسة جمعيّة متاع كورة ويبدى جمهور الفريق الآخر باش يقيم فيها حرب على دورة شرفيّة إعتبروها إستفزازيّة يكون من الأحسن أنّك تتقي مولاك وتقصّ فتيل المشاكل، موش تمشي تفكّ في الكاس وتمدّها للملاعبيّة باش يمشيو بيها لفيراج الإفريقي بالسيف على البوليسيّة

ظاهرلي الشلبوق كلاه في حقّو في الحالة هاذي

titof a dit…

والله يرحم والديه معز برد لي عل القلب متاعي
زوز حوم ههههههه
لمو بعضكم وأعملو جمعية

Anonyme a dit…

بيغ
هكّة توّة كان يسكرو الدشر الرحبة بركة توة تصير ازمة في البلاد ونعلمك الفحص كان ما تعرفهاش "مع انى نشك" أكبر ملى تتخيل وماعادش تخبي عين الشمس بالغربال وليدي دشرة عندها مدلول متاع جهويات كيف مقوعر وجودر ومن ورى البلايك وجاى من الهيه عندها نفس الوقع متاع كلمة "ناقرو" كى تقولها لاسود المهم وليدى يرحم والديك حتى انتى خليك مترفّع على المستوى هذا نعرفك فسرت اما ما نجمتش نخليها في قلبي باش نقعد ديما نحبك ونقرالك

Ignescence a dit…

SVP est ce que vous pouvez arrêter les dérapages et les chamaillades!
On parle d'un phénomène de société qu'est les rumeurs!
En tunisie, le foot ball occupe 80% des programmes télé, 95% des discussions et 99% des interrets. Si on lui accorde en plus de l'importance en fondant des rumeurs autour de ce sport, là on n'est pas loin de le rendre l'Opium de notre peuple!

tikaaa a dit…

question ... est ce que el mal3ab essoussi et hammam soussa sont des filieres de l'etoiles???

عاشور الناجي a dit…

@Ignescence

mais c'est l'opium du peuple effectivement, avec la religion bien sûr,

tu appelles des gens qui pensent du foot ball à 80 % du temps voir plus, et font de ça la priorité absolu de leur existence un peuple ?? !!

tous ces programmes TV, ces journaux à 80% de pages "sportives" qui ne parlent que de foot, et ce "peuple" au bord d'une guerre civile à cause d'une équipe de foot, ou d'une qualification...

même la remarque de big, chalbou9, virage du CA, comme si le CA a acheté ce virage, et que ce stade n'est pas un stade tunisien, mais propriété privée d'une équipe qu'il ne faut sur tout ps qualifié de 7ouma, alors que dachra à propos du fa7s c'est c'est pas grave...

et tu appelles ça un peuple ...

Elyes a dit…

@ignescence: heu...pas loin?
Le Football est "Opium du Peuple" officiel depuis 1956 et même avant puisque Bourguiba a été président d'honneur de l'Espérance dans les années 30... ;-)

Sinon je rejoins ce qu'a dit btb, dachra n'est pas une insulte en soit. Sauf pour les citadins que nous sommes horrifiés par cette expression que sent bon la campagne (vous savez ce trucs à droite et à gauche de la route quand on sort d'une ville pour aller à une autre).

Big Trap Boy a dit…

يا عاشور يهديك

فيراج الإفريقي موش معناها المكان إلّي يقعد فيه جمهور الإفريقي ولكن جمهور الإفريقي بيدو

أما حكاية دشرة ففسّرتها وما نراهاش محقرانيّة، الله غالب أنا ما عنديش مركّبات في الأمور هاذي ونسمّي الأشياء بإسمها بدون أفكار مسبقة

أما بالنسبة لل
parallèle
إلّي عملتو بين الفحص دشرة والإفريقي حومة، ماهوش صحيح أوّلا على خاطر فهمتك آش نقصد بدشرة (قرية ريفيّة صغيرة) ومن جهة أخرى أنّو الكلام كيف يقولو رئيس جمعيّة كبيرة (إذا كان قالو) عندو خطورة ونأكّد على خطورة، أكبر من وقت إلّي أيّ واحد يطيّش كلمة حتى وإن كانت عندها صبغة جهويّة وعنصريّة

على فكرة عندنا في تونس برشة ناس بلديّة وجبورة وقعار وهوكش في نفس الوقت، يعني زايد باش ندخّلو رواحنا في المتاهات هاذي

tikaaa a dit…

il faut se mefier des G3AR elli 3and'hom flous.... ce sont les plus dangereux...
POUVOIR et B'HEMA forment un melonge plus nefaste qu'une bombe H chimique bacteriologique, a l'uranium enrichi a fragmentation.

rabbi iostorna

عاشور الناجي a dit…

شوف يا بيغ احنا دخلنا دخلنا لها المتاهات

و بما أنا توانسة و نموتوا عالشبوك و الحكايات الفارغة خل نقول كلمتين ميسالش رغم أنه الجنازة حامي و الميت كلب


لكن أولا مكثر أو الفحص ماهمش دشر كيما بوحجر مثلا ماهياش دشرة


سكان أي مدينة كبيرة ديما يعتبروا رواحهم بلدية و يعتبروا سكان التخوم أو القرى المحيطة عرب و عرب هنا تتقال كتحقير ما نغطيوش عين الشمس بالغربال تي هوما سكان بوحجر الي تعتبر في سوسة دشرة حاسبين رواحهم بلدية على عرب الموقف بثلاثة نقط فوق القاف


موش الجريدة

:))


بحيث يا بيغ مع أن دشرة و عرب في حد ذاتهم موش سبة لكن سياق الكلام و ثقافتنا تخليهم أكثر من سبة ساعات و يزيني توه من التكعرير لا تقول جريدي

قل لي جريدي هنا ميش سبة وجهويات
:P

Big Trap Boy a dit…

هههه

باش ما نكذبش عليك ما نعرفش لا مكثر ولا الفحص، وزيد كيف ترجع للبوست الموضعين إلّي استعملت فيهم كلمة دشرة مانيش نحكي مباشرة على المكثر ولا على الفحص بل نحكي في صيغة التعميم، ولكن هذا ما يمنعش أنّها بالنسبة لي مناطق فلاحيّة ويمكن زادة تكون دشرة إذا نقارنوها بصفاقس مثلا، كيما منّوبة مثلا أو غيرها تنجم تكون دشرة مقارنة بنيويورك
ههههه

ما هو ربّي يقول الأعمال بالنيّات، وأنا على كلّ حال نيّتي باهية، ومن إجتهد ولم يصب فله أجر واحد
أجر واحد فيه البركة
:))

Anonyme a dit…

Le premier "Journaliste" soit disant qui a publié cette connerie est bien un conard.
L'article a été publié dans un numéro d'alchourouk par "Duifellah", Abdou de mosaique.
J'accuse deux personnes d'avoir créer cette boulette :
1- Le dit Abdou, Un "Journaliste"
2- Et Mr Slim Rabaaoui, le redacteur en chef sport à alchourouk, car il a autorisé ce conard de publier l'article.

Qeulles conneries de Mosaique, de Jawhara FM, de Bel Makchouf et des ces journalistes de merde.

BTB, fais attention à ces pièges mon ami. Nous existons pour et à travers la tunisie.

Fontomas a dit…
Ce commentaire a été supprimé par l'auteur.
Fontomas a dit…

Je lis ton blog depuis longtemps, je dois dire que j'aime bien, mais mon petit pote tu te plante complètement.
Et je vais t'expliquer pourquoi :
-Mr Idriss est un pur politicien et ne fera jamais une bourde pareille.
-C bien de dénoncer le régionalisme, mais y prendre part ça devient du n'importe quoi, dire que tu es contre le fanatisme et en même temps écrire des termes tels que "dachra" quand même TRAP c pas de ton niveau!!!!
-J'ai rien contre le fait que tu caricaturise Idriss ou autre (même si je suis un tifosi de l'étoile) mais moi j'ai pas le réflexe "tunisien" de l'agression après la critique. En y pensant OBJECTIVEMENT, tu crois vraiment qu'il a dit une connerie pareille? sincèrement c ridicule.
Je voudrais féliciter celui qui a sorti cette rumeur parce que c'est un génie en plus il a apparemment un réseau de diffusion plus fort que CNN ou elJazeera (lol :p). Je crois qu'il y a des gens qui n'attendaient que cette offrande pour faire leur show, y a qu'à regarder le timing de cette frasque (par ce que s'en est une mon cher), et dire que je croyais que tu étais de ceux qui combattaient le "3waj" de notre chère Tunisie. Tu me déçois sincèrement TRAP!!!
Mais bon je suis pas là pour te dicter quoi écrire ou quoi dire, c'est juste une impression "objective" (quoi que!!) de quelqu'un qui est ulcéré par le "3waj" qu'il voit 24/7 (7jours sur 7, 24 h sur 24)...
A bon entendeur Merci.

Big Trap Boy a dit…

@ fantomas:

pur politicien yékil chalbou9 men 3and bouliss, ça me ferait réfléchir à deux fois moi avant de le confirmer :))

Mais sinon je crois que j'ai répondu à tes questions dans mes commentaires précédents, surtout pour ce qui est du mot "dachra"

Bloton a dit…

Je suis tt à fait d'accord que Moez Eddriss est un grand cataplasme, lèche botte et un grand bahness. Je crois qu'il n'est pas fait pour les déclarations. Mais il faut reconnaître que c'est l'un des meilleurs dirigeants en Tunisie, il mène son équipe avec un grand professionnalisme, il a pris des bonnes décisions surtout concernant le recrutement des joueurs, il arrive toujours à trouver des bonnes pioches. Et en général, quand on est meilleur que les autres, on peut se permettre des commentaires de provocations, regarder par exemple Aulas en ligue 1. Je crois donc qu'il faut pas prendre très au sérieux de tels commentaires, après tout arsenal, chelsea et tant de grandes équipes ne sont à la base que des houems...

Anonyme a dit…

Tawa t7ibbou tcha3louha, we7id ita77i wle5ir izakki 7atta louken jée bilbehi.
Bech nibdew mitfehmine millouel, ena manich se7li mais n7eb letoile car c'est une equipe qui joue du football moderne, wma tal3abch 3ala a3sab el mounefiss kima 9a3dine ettal3ou fil 7keyet mte3kom, wall ki manajjmouch rwe7hom lo5rine wallew itall3ou fil icha3at.
C'est du n'importe quoi, wna9ess inti zeda mitma93ir 5atir sa3at iwassel ila ma lée yo7madou 3o9beh.
Barra rabbi m3ak

Bloton a dit…

Je suis tt à fait d'accord que Moez Eddriss est un grand cataplasme, lèche botte et un grand bahness. Je crois qu'il n'est pas fait pour les déclarations. Mais il faut reconnaître que c'est l'un des meilleurs dirigeants en Tunisie, il mène son équipe avec un grand professionnalisme, il a pris des bonnes décisions surtout concernant le recrutement des joueurs, il arrive toujours à trouver des bonnes pioches. Et en général, quand on est meilleur que les autres, on peut se permettre des commentaires de provocations, regarder par exemple Aulas en ligue 1. Je crois donc qu'il faut pas prendre très au sérieux de tels commentaires, après tout arsenal, chelsea et tant de grandes équipes ne sont à la base que des houems...

princefulgore a dit…

Chnowa " Moez Eddriss est un grand cataplasme, lèche botte et un grand bahness." !!!!!! C'est quoi sa ? ah fhemt, t7ebbouh chalwech wtha7ak witaya7 9adrou fi tafehet kima ell ya7kiw fihom whaw dar minna haw sabb hetha, yezziw brabbi mil klam el maset, errajel ma 3mallelkom chay wbe9i thezzou wtonfdhou, sa c'est du pure rasisme et " Bienvenue au tiers monde. "

Big Trap Boy a dit…

@ princefulgore:

وراسك وراس قدرك لاهو
rasisme
:)

Bloton a dit…

@princefulgore: kima oukoulou oukoft fi waylon lelmousallin. Mais c'est pas grave. En tout cas, il faut dire que Moez Edriss est un homme d'affaire avant d'être président de l'étoile et comme tous les hommes d'affaires en Tunisie, il reste sous le merci de sa majesté. Mais franchement, même si j'aime l'étoile, je vois qu'il en fait trop. Fel finale mta3 champions league, il était à deux doigts de dire que sa majesté kharrej Echarmiti rass a rass...

Big Trap Boy a dit…

@ bloton:

ههههه

بليدة منّك فازة راس راس

ههههه

Fontomas a dit…

@Bloton: c ce qui se fait par les hommes qui veulent faire de la politique en tunisie, il faut rendre grâce à sa majesté, c mesquin mais c comme ça.
@TRAP: l'histoire du chalbou9 c à mettre dans le même sac que celle de "wilya et zouz 7wim" pûre intox, montre moi une seule image affirmant ce que tu prétend!!
C fou comment dans ce pays on prend les dires des gens pour argent comptant!!!!

Big Trap Boy a dit…

لا يا فانتوماس، هاذي ما قريتهاش في الشروق وإنّما سمعتها من شهود عيان من الثقات، كانش لا إنتي حاضر بنفسك نهارتها وتابعت المشهد كامل من أوّلو لآخرو، وعلى كلّ حال موش مشكل، ولد المرا غالب ومغلوب، أما بركة ينقّص علينا من ضرب البندير واللغة الخشبيّة، ولو هو ماهوش الوحيد، أما عندو عزف فردي على البندير طيّح على الجموع الكلّ

:)

princefulgore a dit…

Sa c'est bien dit fantomas, et en plus j'ai pas dit le contraire pour son prestige et sa majesté, mais nous devons gardé nos oppignionts a nous même w man cabrouch ennfouss willi yerba7 sa77a lih et que sa reste fil entourage mta3 el foot bien sur.

princefulgore a dit…

LOOL wallahi 7ram elli ta3mlou fih walaw anni na3rif elli 3andkom el 7a9 mais hani n7awil bech ndefa3 wbarra........

Big Trap Boy a dit…

يا ولدي بالطبيعة راهو ديما الناس الكلّ وخيّان والكلّ توانسة، صحيح الإيتوال يعطيها **** ساعة ساعة ميسالش، أما نبقاو ديما بلاد وحدة

:))

princefulgore a dit…

Aywah wallina lehna n9oulou fi klem ma ye3jebch wtawa 3raft elli enti 9a3id titkallim bmanta9 les rasistes wyadhnoubi ken enti tounsi a 100% aya youfa liklem 5ater bech nodo5lou fi ma3ami3 5ayba barcha annistou wrabbi m3akom.

Anonyme a dit…

الله يعينكم يا رجال (و يا نسا زادا). يا بيغ، سارلي مدة ملّي تغرمت بمدونتك.وهذا اول تعليق ندلي بيه، "جسبير" ينفع. و من روائع الصدف، ليوم و أنا نحوس ف"الأ فينير" الحبيب بورقيبة و سارح بافكاري في تأثير الكورة السلبي على مجتمعنا الساذج و "الأنفلوانسابل" برشة، جلبت إنتباهي جريدة إسمها "الوطن". الحق متاع ربي ما عمري ما قريتها، وليت شريتها و لسان حالي يقول "توة هاذي عملة الواحد يعملها قدام وزارة الداخلية بالذات!" و الله أعلم علاه خممت هكّا. الحاصل، هالجريدة طلعت متاع الإتحاد الديمقراطي الوحدوي، و طلعت هدترها "بَوّ". يمكن المقال الوحيد إلّي يصلح هوا إلّي يقول "في زمن العولمة: هل اصبحت كرة القدم افيون الشعوب؟". و كمل طلعت للدار، حلّيت التلفزة (ما عندي كان "تونس تص**ت"، "حنبغل"، 21، و إطاليا)، نلقا هذكا ثقيل ال**: حسام ال يطيرهالي، صانع هذكا معرّ (بالذوق العام المتواضع). و بالطبيعة بيغ، بعد سهرية سبور، لازمها تقييلة سبور، بهيشي!! الحاصل سكّرت نجري، قبل ما تلعب عليّا الدوخة و مشيت نجري للحاسوب و أنا ندعي باش بيغ تراب بوي يسبّ عروش إلّي شادّين الكورة و خاصة الرهوط متاع "حنبغل" (حاشا حنبعل إلّي هوا من القلائل العضماء التوانسة من هالحثالة). بيغ، معملين عليك باش تنصرنا على المرتزقة من جنود "حنبغل" و العلوج من رعاع تونس تصب**ت. و شكرا

Big Trap Boy a dit…

@ princefulgore:

يا ولدي نفدلكو، تي أرجع آشبيك نغّار؟؟
:))

Anonyme a dit…

S'il y a un sujet sensible en Tunisie c'est celui là ....Il faut faire très attention .... le foot est en train de diviser le pays , je pèse bien mes mots ....

Anonyme a dit…

Salut tout le monde,

Enfin vous avez un témoin: Je me rappelle très bien de Mr Edriss sur 7annyba3l Tivi declarer, suite à la "bonne" performance de l'* durant la coupe du monde au Japan, que l'* est une grande équipe, elle represente toute une région (جهة) et non pas une cité (حي).

Sinon concernant "dachra", personellement je sens que c'est péjoratif... surtout lorsqu'on vient de cette dachra là!

Autre chose, Je doûte fort que Mr idrisse puisse être gifflé, je doûte encore plus que ce soit fait en public!! Je ne dis pas ça par amour à si Edriss, au contraire bien que je sois fan de l'* celà ne me fait ni chaud ni froid que Mr idriss se fait tabasser le قنفلاش comme tu le dis.

Voilà c tt!
votre ami:

مولاي الحاج محمد المغربي "الحقيقي"

princefulgore a dit…

Non wallahi manich نغّار comme tu di mais sa ce fais pas que quelqu'un insulte une equipe et surtout qu'on aime, autre chose " moi aussi je m'enfiche que edriss yekil tre7a mais la c'est l'honneur de l'e**** qui est en jeu c'est tout.

علاش a dit…

برشة ناس من أحباء النجم الساحلي ما عندهم حتى علاقة بالأمور الأخرى إلّي خارجة على الكورة واللي تخلّي الناس يمكن تكرههم على أساس جهويّات وحساسيّات أخرى.

نذكرك يا بيغ أنه 99% من السواحلية ما عندعهم حتى علاقة بالسياسة (لوكان تقصد الشيء هذا) و ماهمش مستفادين منها أكثر من أنسان يسكن في تونس الكبرى و أنه ثمة حوم راقية في سوسة مثلا ما فيهاش كياس وقتلي هذا ما ريتو في حتى حومة في تونس.
مع انو صحيح ما تنجمش تقارن الوضع بالجهات الداخلية.
تحياتي

Anonyme a dit…

الزح يا باد في بالي انجي للبلوق متاعك باش نتفادى التعتيم و غسل الدماغ الكروي

Anonyme a dit…

salam,
ana awal mara nji fih lil blog mta3ek tawa mizel kif 9ali 3lih sa7bi ,b ssara7 sdamtni bha l'article dhaher fik schizophrène comme la majorité dé Tunisiens minek ta7ki 3al jihawiyét winti 9a3et tzid féha bil article mta3ek hétha ili baki ,brass omek 3a9dek si moez driss 3ijbek mala il bakay idir ,walla za7fola 3ijbek mant9ou kifech ysseb fil ness,walla chiboub chkan 3amel fil koura bon il baccouch il jdid ma najmouch inloumouh tant ke howa baccouch ,brabbi si moez chnowa 3malek bech t9oul 3lih ha likem il zeft yé5i 7assdinou 3ala 5attrou jeune wé haz lé titres ili ye7lmou behom lib9iya kif wa7ed yé5dem 3ala rou7ou bdhamir wé y9oul il 7a9 ywalli catapalsme wé wé ...ti hiya il icha3a héthi il m5arjinha il bakaya ma39oula barcha wé logique wallah karou 9alha bil 7a9 ,wé brabbi fassarli 7ata inti m3a9dinik il swa7liya wallah m3a i7tirami lkol il cha3b il tounsi zayed il jabri yo93ed 7yétou il kol jabri

3ib walla 3ib

L'étoile unique fierté de la Tunisie

Big Trap Boy a dit…

للمعلّق الأخير

الموضوع إلّي جاي تحكي فيه تنجّم تلقى آشكون يناقشك حولو في احد منتديات الكورة، موش هنا

:)

Anonyme a dit…

franchement, yesser originale fazet zouz hwem :) quelque soit chkoun qalha. Ti echnia el koura sinon des petites provocations comme ça ou madamna rabhin khallina chaykhin aalikom après tout il s'agit bien de zouz hwem non ? :) malla faza top

Anonyme a dit…

salut btb, je suis parmi les lecteurs les plus fidèle à tes posts...mais en lisant cet article ma vision envers ta extraordinaire stratégie d'analyse et de critique des chose a vraiment changé. ton commentaire a manqué d'objectivité et de réalisme et a reflété d'une manière très flagrante ton mépris envers l'étoile et les swahlia.., enfin tu aurais dû critiquer ceux qui ont pensé à propager cette mensonge. alors rabbi m3ak, et tu sais : L'etoile et Le hadj moez edrriss sont plus grand pour être critiqué par un jabri d'el3assima kifek enti, barra fi9 3la rouhek ya weldi, enhar elkol etnabbar pour rien... stp poser la question : ET APRES, ataw takhra fihhhhhhh.

Big Trap Boy a dit…

@ dernier anonyme:

ظاهرلي إنتي هو إلّي قاعد تحكي لهنا بمنطق عنصريّة جهويّة و"نحنا ضدّ الآخرين" وكانك على الحاج بندير متاعك الله يباركلك فيه ويكثّرلك من أمثالو

هههه

Anonyme a dit…

Stp Big trab khra, regarde par la fenêtre de ton misérable bureau, et tu vas te rendre compte que le train vous as dépassé ( enti wejboura mta3 le CLIB )
C normal que tu penses comme ça envers Sidek edriis pake jamais vous rêvez de réaliser même le 1/3 de ce qu'il a fait...
nous avons rivaliser avec L' EST 10 ans de suite, et rien n'est passé entre nous, mais avec le CA de merde, 2 ans seulement, nous avons vu fthayahkom de toutes les couleurs... Aya barra a si big trab kachta, a3mlou kachata... enti w si Ydiri 3aglek ziwana, w si elweslati bkaaaa....

Anonyme a dit…

Ya Trap

9alha wella ma 9alhech !?!!

Serieusement tout le monde devrait s'en foutre, comme ils devraient s'en foutre de ce championnat de merde qu'est le championnat Tunisien ( 3 passes de suite est un miracle).

Le foot devrait etre le dernier des soucis d'un peuple, sans travail, ni avenir.

Serveur terrasse a dit…

قالها أو تخراولو فيه الناس الكل !! باب جديد و باب سويقة زوز حوم ! ومعفطين برشة زادة !!

Anonyme a dit…

pas question d'essayer même de dire que l'EST et CA représentent "zouz 7wem" pour la simple raison que si vous vérifier dans toute la tunisie tout le monde a choisis une équipe que ce soit l'EST ou le CA. En fait je n'ai jamais vu quelqu'un de gabès, Jendouba, Kairouan ou autre région dans toute la tunisie qui dit qu'il est Fan de l'ESS ou autre équipe a part l'EST ou le CA.
En plus, si on vérifie seule les swé7lia sont interressé par l'ESS ce qui est pas le cas avec l'EST et le CA.
A propos du "Dawra charafia" elli 7abbou ya3mlouha fel manzah je crois pas que les "swé7lia" bon je vais dire les étoilistes acceptent que l'EST ou le CA feront ça dans leurs terrains et devant leurs supporteurs!!!

Icarus a dit…

Berjoulya ma 93adli ken bech n9adem le titre elli mezzel ne9sek yè BTB; welli houa edourou "diamond", 3la 5ater l'bhema ki tji min 3bèd "b39alha" wé tebda ta7ki fi mawadhi3 tefha ba3d l'afkar el bèhia... wallahi yè rajel 3ib 3lik rak 5ir min hekka... 5saret errjèl oubarra