mercredi, octobre 11, 2006

المرقوم: أقرصني يا داود كان مازلت نعاود


الليلة مشيت لأول مرّة في رمضان لقهوة المرقوم في المنار أنا وصديق مغروم بالريق البارد. قال شنوّة المرقوم حافلة في رمضان.

باش ما نكذبش عليكم هي في الحقيقة وحسب ما شفت حافلة، أما بالملاهط بودورو، تقولش الواحد دخل لوكر دعارة، والوجوه بصفة عامة ما تعجبش، وزيد عاملين عوّادة صوتها يطرّش الوثنين كيما أغلبية القهاوي في رمضان، حاسيلو ما فماش علاش باش تكون البلاصة هاذي خير من غيرها.

أما المشكلة الكبيرة اللّي خلاتني نحلف على البلاصة هاذي فهي أنّهم جماعة المرقوم مازالو يعملو في
البيع المشروط، يعني ما نبيعلك حاجة كان ما تشري معاها حاجة أخرى، وهاذي ممارسة ممنوعة بالقانون وفيها خطية وحتى عقوبة جزائية للناس اللّي يعملوها، وزيد المدة هاذي صارت حملة على القهاوي اللّي تعمل في البيع المشروط، ومن المفروض أننا في دولة القانون نطبقو القانون على الناس الكل، موش واحد سنّة وواحد فرض.

في المرقوم جانا القهواجي خرّيج أوكسفورد قلنالو جيب شيشة وشرب ماقيمتو عشرة دينارات أو أكثر، ياخي قاللنا آش تاخذو حلو؟ قلنالو ما نحبّوش حلو
قاللنا لازم، قلتلو موش لازم، وما فماش لازم، وممنوع لازم، على خاطر لازم يعني بيع مشروط، قالي لا موش بيع مشروط على خاطر صحن الحلو في عوض
l'entrée
يعني الدخول...
مازال كان قهواجي باش يعلمني القانون، قلتلو ماناش باش ناخذو حلو، قالي ما نسربيكمش، قلتلو موش لازم ، خلّي عندك وقمنا خرجنا بعد شوية
يعني توة الواحد باش يدفع 5 آلاف زايدة على خاطرو دخل بحذا هاك الكمشة جرابع الخماج؟ عاد ماني نمشي للكارتي طول خير؟
أنا كنت إنجّم نكبّش ونبلبزها بالطرق السلمية والقانونية وحتى العرعورية، أما القعدة من أصلها ما عجبتنيش، قلت نمشي لمرّاكش في حي النصر، على الأقل الوجوه أنظف والموسيقى أريض ولا يتمنيك عليّا ولد مادام غرس الله، ونحس روحي كيف هالحيوانات اللّي تعيش بقر الله في زرع الله

وللتذكير هذا هو نص القانون

قانون عدد 64 لسنة 1991 مؤرخ في 29 جويلية 1991 يتعلق بالمنافسة والأسعار

باسم الشعب،

وبعد موافقة مجلس النواب،

يصدر رئيس الجمهورية القانون الآتي نصه
...

الفصل 24 - يحجر الامتناع عن بيع مواد أو منتوجات للمستهلك أو إسداء خدمات له طالما أن طلباته لا تكتسي صبغة غير عادية أو أن المنتوجات أو الخدمات موضوع تلك الطلبات لا تخضع لتراتيب خاصة.

كما يحجر اشتراط البيع باشتراء كمية مفروضة أو بالإشتراء في الوقت نفسه مواد أو منتوجات أو خدمات أخرى ويحجر كذلك اشتراط إسداء خدمة بإسداء خدمة أخرى أو باشتراء مادة أو منتوج.

12 commentaires:

Nasnoussa a dit…

ya3tiik essa77a 7aassilou, hedheya ech ennajjem n9ollek.

Anonyme a dit…

ما تعبش روحك ,رخص ها القهاوي هاذي ما يعطوها كان لفلان وفلتان او لواحد عندو معارف
وهاذوما خويا ما تمشيش عليهم القوانين هاذي

Monsieur Untel a dit…

tu as eu une réaction très civique car si seulement les tunisiens protestaient devant ces manquements quotidiens à la loi et ne se la bouclaient pas comme des moutons de panurge le pays irait un peu mieux.

SNAWSI a dit…

Tu sais , ki eti7 eb serveur rok3oteu s7i7a, ma3andek ma ta3mellou, a7san 7aja 3amelt ha ki rawa7t ala kh5ater finalement "it wasn't a decent place" ;)

Anonyme a dit…

C bien de faire face à ces pratiques abusives...bien que la majorité obéit, ferme sa gueule et paye w ma na3rich 3léh, peut être "kroz" yésser, yomkon 7ichma? walla visss!!!
éna wa7id minnés fi situation kima hévi na3mil kima big trap walla akthér zid yébda m3aya sa7bi ka3ba 3ar3our (3zouza w chadit séré9)..
@BigTrapBoy
té7iyéti 3la maw9fik ichoujé3..ya3ti éssa7a wil marra éjjéya atr7ilna mawdou3 esserveurét illi ifoukou ilpourboir w lé service lé tabsima...win challa nwaslou il kifé7 fi sébil tandhim wa ta9nin il9hawi ittounsiya fé imma annasr aw al mawt azou2m!
Ama 7louwa itta7an lilmoubidét ;))

Naddo_O a dit…

merci pour le sourire matinal !

à part ça, si tout le monde faisait comme toi,les gérants de ce genre d'endroits cesseraient de prendre les gens pour des cons. C'est grave comme la culture de la consommation dépasse toutes les limites non seulement les limites légales, mais même les limites du respect.

Unknown a dit…

wallai farhadtli 3ala 9albi hassbe7.

Anonyme a dit…

c'est des 7acharat, ni plus ni moins!
pour l'histoire des mlahets, je trouve que c'est bien, parcequ'on saura ou se servir, aumoins ils les rassemblent dans un meme endroit ;o)).
un karti à la 2006.

Anonyme a dit…

ehi_ehi:p

ya3tik essa7a, w ken jew enness lkol haka, rahi edenya(y7eb y9oul nos poches) b5ir...

ama si dija na3rfouk tguedd rou7ek bettoro9 lkol 5assaten al3ar3ouriya:p baaaaaaaaaaaaaaaaaaze!

Anonyme a dit…

A part une minorité de consommateurs, la majorité va se faire baiser au nom de "3malna 9ahwa". esserverettes t9oulech elwe7ed yotlob 3and'hom. ti 7atta elli yèotlob matnajjamch ta3mallou hakkeka. en + a7na ma3andnech la culture de la consommation, tal9ana habtine 3la rousna wdezz 3la hani na3mel fi 9ahwa !!

psynaj a dit…

ca me rappelle l'autre fois moi et mon mari on est partit diner à hollywood à el manar c'est le meme proprio, on est déjà partit quand ca venait juste de réouvrir et s'était tout simplement excellent, mais cette fois on s'est vraiment moqué de nos gueules! c'est ça la restauration tunisienne quand c'esst nouveau c'est excellent: la bouffe, le service et après ...

Lobs a dit…

typique!
ena g eu droit a un cafe suedois au lieu de cafe au lait, au prix de 2 dinars de plus. 9al chnowa mafammech cafe au lait. ti billehi les ingredients du cafe suedois (cafe plus lait plus chocolat en poudre (comprendre nesquik, ou equivalent) houma akthar mil les ingredients du cafe au lait!
hedhi so3bet alih bich yifhemha esserveur. illi howa de toute facon, c pas tellement sa faute, car il obeit pour un salaire de misere a un gerant arriviste et radin de merde.
et puis mouch i9ollek, mlle ma 3andnech cafe au lait 3anna cafe suedois et vous aurez a payer 2 dinars de plus. (abbai rahom thlethalef ou thmanyamye 3ala 9ahwa 7lib!)le!
fellekher emeddlek l'addition, fi wost carnet en cuir (9immet essnobisme), ou yo930d yoghzer less9aff, itallef fina.
ena ma fhimt chay, 7abbit nfassarlou ce qui est cite ci dessus, loulyed mchamma3 meskin. 7assilou 9otlou rani menich mkhallsa, et puis 9otlou fazet el bi3 el machrout ( ki ds ce k, ne s'applique pas, mais vu qu'il comprend pas que 2<3, il pouvait pas voir la difference le maghboun). houwa sma3 ekil kilma, ou keyinni 9otlou "flex". w maffammech minha hedhi, ou mahouch bi3 machrout, ou blabla. et voila, meme si ca sonne superwoman, j'ai demande a parler au gerant, ki etait a l'aut bout du comptoir et qui avait tout vu et entendu, et le type il lui fait un signe de la tete, genre fokk a3lina menha hal marj hedhi, et puis voila! j'ai pas eu a payer 2 dinars de plus pour 0,5 grammes de chocolat en poudre.

resist!