dimanche, décembre 03, 2006

َATI: ...Atawwa Tarja3 Inchallah



توّة عندها 3 أيام والكوناكسيون متاع الأنترنات تاخو وتعطي تقريب عند الناس الكلّ. حاسيلو شطر المواقع ماعادش تمشي،والسبب حسب ما فهمت هو مشكلة على مستوى الوكالة التونسية للأنترنات، الله أعلم آشنوّة قاعدين يصلّحو ولاّ يبدّلو. عادة حبيت نقوللهم بالمناسبة ياخويا ربي يعينكم، أما ماذابينا كان تزربو شويّة على خاطر الحكاية بدات تطول والكرويّة اللّي ندفعو فيها ماهيش من الواد. ياخويا فسّرولنا آشنوّة المشكل خلّي نعاونوكم. آشبيه الموتور متاعكم بيّل؟ ولاّ المشكلة متاع تبديل باتري وبوجيّات؟ ولاّ بالكشي الفيلتروات اتمسّخو؟ يا خويا أنا نفهمكم، حتى هي الماكينة عليها برشا دهك. مفيد الهدرة، كان تحبّو نعاونوكم يا خويا قولولنا، أتوّة نلمّو الوخيّان المدوّنين و يد يد نعطيوها دزّة فمّاش ما تخدم ويهديها ربّي. وما عندنا عليكم حتّى مزيّة، راكم محسوب متاعنا

14 commentaires:

Hayy a dit…

Dez, dez!

Sonya a dit…

looooooooool :)) irrrrrrr

Anonyme a dit…

Hani nesstanna mechira lokhra bech nejbed ken elzem ! :))Wahla hadhi , nchallah tettsareh !

Big Trap Boy a dit…

C'est l'opération 404 bachée sur la blogosphére tunisienne!! loool

Anonyme a dit…

QUELLE MERDOUILLE ...!

Mira a dit…

famma barcha hallayemet hetheka lweh :D

Big Trap Boy a dit…

ayya béhi, ki famma barka lool

Anonyme a dit…

chkoun andou hek il ghonneya mta3 bousa7a .. hathika illi ismha ya karhbet kamel walla dra chnoua .. femmachi ma tardha a3lina il 404 ou ta5tef .. ca fait trop haka wahna 3 jours m3aw9in !

Anonyme a dit…

حتى انتوما قدّاش تتشكاو وتتبكاو
انتوما كي القطوس ي**ك ويعيّط
بالحرام غالطة الأ تي أي تعملكم في انترنت
ولاشي توا حق مكتسب ؟؟ دخل كاري ولا ملاّك ؟
الأ تي اي ناس ملاح وقاعدين يخدموا في خدمة جبارة ربي يكون في عونهم الحق يقال مش مقصرين


أي تي اي ماني خوكم هاني جيت معاكم وساندتكم امان خليوني ندخل للبلوج بتاعي
:$ :">
:P :P :P :D :D

Skan! a dit…

Yaaaa Trappa !! ti chbik et3ayyét men ghadi ?
Mak ouékél , chéréb , 3andek 7a99 cappoucin ou zouz souaguér ? ouel monta5abb el ouatani fi fourma lel match ejjey !! ouel CIA mta3 saddem a9oua mel CIA mta3 amarikya !!

Donc ettakka 3ala rou7ek ou 3aouenna (hom) besskét !!

Anonyme a dit…

waaaaaaaaaaaaaaaaaa3,ça fait deux jours et plus que j'ai plus accès, à mon blog..ellotf, ti mezelt kif 9olt bessmelleh!!

ama ma nitssawarsh elli la7keya mel l'ati baaaaaaaaaaaze- se3a houma ness tayba ou Rabbi i5allihoum ou apparemment el oumour "5arja 3an nita9hom", ti 7assilou B_T_B seyyeb ejme3a ye5dmou 3la rwe7hom ouenti shey ma 3ajbek! :)))

Anonyme a dit…

Louled 3anna eb zayed 5edma!
mak ta3rfou, el paquiet il koll infiltriou fiha, kthor 3lina eddahk hallayamet, we'serveur ma 3adech 3inou!
w en + mak ta3ref il materiel 3la 9addou! donc chwayya sabr, inrakk7ou oumourna w hakkaka ennes il koll far7ana w tounesna dima labes! ;o)

bribech a dit…

dommage mais la situation est plus grave ke vous pensez.... dima dezinha fi dhohka nahna il twensa...adh7ak ou achtah ou El Rab ma3akom...wela il mowatinine fil kharij yansshou bil sabr on dirait kils sont concernes bil connection fi tunis wela bi machakilha!!!! lai presse et bientot lai internet.... isolement totale du monde exterieure..... darbik darbik yai trap khali yzidou yacht7ou.....

Anonyme a dit…

za3ma la7kéya mé 3andhéch 3lé9a...bhék ill far5 jdid....Psiphon???

W_B