كيف كل عام في الوقت هذا رجعولنا، وكلّ عشيّة يملاو السماء بطيرانهم الإستعراضي وبلوحات مرتجلة ولكنّها غاية في النظام والدقّة. برشة ناس تكرههم على خاطرهم ياكلولنا كعبات الزيتون اللّي نطيّحو بيها في البسكولة متاع العجز التجاري، وزادة على الحسّ والوسخ اللّي يعملوه فوق رؤوس المواطنين، بالأخصّ في شارع الحبيب بورقيبة اللّي يستعمروه ويستعملو الأشجار متاعو كبيت نوم، وقدّاش من مرّة يسيّبوها على راس مواطن كيف حالي ولاّ على حوايجو، يولّي ما يلقى ما يقول، يقول بورت بونور* وديما يمشي.
بالرغم من هذا أنا نعمل عليهم كيف كي نشوفهم يشطحو في السماء في وقت المغرب، ونعتبرهم كيف التنشيط الثقافي البلّوشي والطبيعي، هذا من ناحية، ومن ناحية أخرى الجوّ اللّي يعملوه يرجّعني سنين لتالي، على خاطر وجودهم في السماء كلّ عام في نفس الفترة خلاّهم كيف الماركة المسجّلة أو الشاهد على الخريف في تونس على مدى السنين.
عصافر الزيتون تجينا كلّ عام تعدّي أيّامات وتمشي، وحتى حدّ ما سألها علاش ما حبّتش تقعد، علاش كل عام ترجعلنا وكلّ عام تخلّينا وتسافر. أنا سألت نفسي علاش وجاوبت نفسي كيف المهبول. علاش تحبّو عصافر الزيتون تقعد؟ عصافر الزيتون عندها قرون وهي تحاول باش تعلّمنا قيمة النظام والحركة الجماعية المنسجمة، ونحنا مازلنا شادّين صحيح في أخطى راسي وأضرب، وفي شاشية هذا على رأس هذا، وفي منطق الهمجيّة والقوّة والأنانيّة.
عصافر الزيتون عصافر تعلّمت تنظّم رواحها وتعيش و تتحرّك مع بعضها، وعمرك ما تشوف منها واحد شادد عصى على خوه باش يتبّعو بالسّيف ويطيّر العصافر الكلّ على كيفو... أما نحنا على مراد الله، مازلنا ما نعرفوش نتعدّاو في تقاطع طرقات إذا كان ما فمّاش بوليس يعدّينا...
عصافر الزيتون ما تنجّمش تتفاهم معانا، نحنا بلاد متاع عصافر سطح، وما يفهمنا ويعيش مرتاح معانا كان الطّاووس، على خاطرو فشلام ومنفوخ وعصافر السطح تقدّرو وتخاف منّو وتطمع باش تولّي كيفو. أمّا عصافر الزيتون نكرهوها، على خاطر تاكل الزيتون وتوسّخ شارع الحبيب بورقيبة، وخاصّة على خاطرها ترمز لحاجات نسينا طعمها ولونها. هاذاكا علاش زياراتها ما تطوّلش، وفيسع تقلق منّا وتطير.
نخلّيكم مع بعض الكلمات كتبهالكم واحد من عصافر الزيتون اللّي قصدو ربّي وخلاّوهالنا واسعة وعريضة:
خلقت طليقا كطيف النسيم
وحرا كنور الضحى في سمـاه
تغرد كالطير أين اندفعت
وتشدو بما شاء وحي الإلـــه
وتمرح بين ورود الحياة
وتنــعم بالنــــور أنّى تراه
* porte bonheur
5 commentaires:
منطق الهمجيّة والقوّة والأنانيّة, واللّه يرحم فمّك في هالجملة و ربّي يكثّر من أمثالك علي المدوّنة. واللّه يرحم أبو القاسم اللّي طوّا ستّين سنة ما جاش خوه عاملين كيما عصافر السّطح يطلّوا ويهربوا.ربّي يستر و برّا
غرّد ففي قلبي إليك موّدة
لأكن مودّة طائر مأسور
هجرته أسراب الحمائمم،و إنبرت
لعذابه جنّيةالدّيجور
غرّد و لا ترهب يمينية إنّني
مثل الطيور بمهجتي و ضميري
لكن لقد هاض التراب ملامعي
فلبثت مثل البلبل المكسور
مناجاة عصفور... لابو قاسم الشابّي
Certes, On a besoin d’un espace encore plus vaste pour pouvoir voler au delà des terrasses !!
Mais en attendant on pourra voler virtuellement !!
Il faut se sentir libre, pour pouvoir voler et retrouver ces valeur « instinctifs » (ordre respect tolérance et harmonie)
En attendant, on essaye au moins de sortir de notre propre prison et enlever le lourd plumage coloré et superficielle du paon !! Cette apparence lourde ne fait qu’accentuer la force de pesanteur… elle ne tire toujours vers le bas !!
Pour avoir la peau d’un oiseau (nos pas la tété d’un oiseau ;) il faut surtout sortir de notre propre enfermement !! accepter la différence … aimer les autres aimer le monde !!
je te jure sur la tête de moi, que j'ai du mal a retrenir mes larmes, pour deux causes,
la premiere cause génére des larmes de tristesse vu notre realiter,
la dexieme cause me remplis les yeux de larme de bonheur, vu qu'il y'a espoir, et cet espoir et dans nous même, c'est a l'homme de changer, le monde ne change pas, l'avenu habib bourguiba resteras une avenu, la corse ne va pas changer de place, mais c'est a nous de changer, et de voir comment faire evoluer les chose. chacun de nous est abou kacem echabbi, nous sommes tous millitant, nous devons changer en nous, devenir des personnes honette, et pousser les autres a l'être, a se faire respecter et respecter l'autre. des valeurs simple, mais.......
je dis que nous avons boucoup a apprendre, de la nature, et des autres. La nature, cette organisation anarchique, si coherente, et si organisé.
je vous laisse, j'ai des larmes a essuyer, et des lesions a soigner.
kadha saghaka allahou yabnal woujoud
wa al9atka fil kawni hadhil 7aya
fa malaka tardha bidholli el 9ouyoud
wa ta7ni liman kabbalouka el jibah?
@BTB: chapeau bas BTB pour ton interprétation.
L'autre jour chui passée par l'avenu et je me suis posé la question débile de combien d'oiseau était réuni dans le ciel..j'ai adoré leur mouvement et leur champ..j'ai rit en voyent la réaction de gesn de peur d'accueilir un de ces portes bonheur comme tu dit.
Je ne manquerais pas de reprendre ton interprétation à ma mère et mon grand père qui adorent ces oiseaux.
@Havy: Rappelle moi de te faire écouter Yassinya de Ness Elghiwane, qd tu sera là! Il ya une métaphore avec l'oiseau volant en liberté , mais Graaaveee!!
Enregistrer un commentaire