mercredi, mai 30, 2007

Playlist Of The Week

J'ai pas beaucoup écris cette semaine mais c'est pas une raison pour arrêter la musique, voici donc ma playlist des sept titres la semaine passée:



1) Dahmane Harrachi - Ya Rabbi Ya Sattar

Mon tube Maghrébin de la semaine vient d'Algérie, on se prépare pour le1er Juin :)




2) Eros Ramazotti - Fuoco nel fuoco


Lui aussi est presque maghrébin! Ma chanson italienne de la semaine




3) Noir Desir & Louise Attaque (Jacques Brel) - Vesoul

Ma chanson française de la semaine, reprise assez réussie de Brel.





4) Michael Jackson - Who is it

هذا مسكين من نهارة اللي عمل هاك الحفلة في تونس وهو سعدو تكبّ، يا حسرة على مايكل
Mon flashback de la semaine






5) DJ Khaled ft Akon, TI, Rick Ross, Fat Joe, Baby & Lil Wayne

Mon verse of the week, la chanson est moyenne, mais Lil Wayne la finit trop fort, attendez la fin!
Check the Lyrics:






6) Eminem feat. B Real - 911

Ma petite folie de la semaine :)






7) 2Pac - Troublesome '96

Mon Tupac de la semaine. Je suis un 2Pac fan 4 Life. RIP







تذكـيـر: بعد غـد يوم التدوين من أجل المغرب الكبير Rappel: dans 2 jours on blogue pour le Maghreb!




Le 1er Juin Je blogue pour le Maghreb Uni

للتذكير فقط، بعد غدوة 1 جوان يوم التدوين من أجل المغرب الكبير. المدونون الذين عبرو عن مساندتهم للفكرة مدعوون لتحرير تدوينة للتعبير عن مطالبهم وموقفهم تجاه الإندماج المغاربي. بالنسبة للمدونين اللي ما عندهمش وقت أهوكا أبداو إكتبوا على بكري، واللي ما عندهمش وقت بالكل يمكنكم الإكتفاء بوضع لوجو الحملة في بوست منفرد يوم الحملة. بارك الله في كل من ساند الفكرة وكل من إعترض عليها، وكيف ما يقولو: من إجتهد وأصاب ... كذا وكذا

المفيد أختارو عنوان البوست على كيفكم، واللي ما عندوش مدونة ويحب يكتب في الموضوع عندو الفوروم على ذمتو

Le 1er Juin Je blogue pour le Maghreb Uni

A titre de rappel: Le 1er Juin ce sera aprés demain et c'est la date que nous avons choisie pour blogger en faveur de l'intégration des pays du Maghreb. Les blogeurs ayant exprimé leur soutien à l'action sont appelés à écrire une note pour exprimer leur point de vue sur le sujet de la façon qui leur convient. Ceux qui n'ont pas le temps pour le faire peuvent se contenter de publier un post avec le logo de l'action, ils pourront s'étendre sur la question plus tard dans la semaine. Merci à tous d'avoir participé à cet effort.

Ceux qui n'ont pas de blog et qui veulent participer peuvent s'exprimer sur le forum créé pour l'occasion.

lundi, mai 28, 2007

مـــبــروووووك بالــجمــلــة


أولا عيد سعيد لكل الأمهات وخاصة أمهات الناس اللي تقرأ مدونتي وأمي أنا معاهم ولو هي ما تقراش البلوغ متاعي، ليهم الكل نهدي أحلى أغنية تغنـّات على الأم حسب رأيي:




من الأولاد للرجال أو "بويز تو مان" أغنية لماما"

BoyzIIMen - A song for mama


الكلمات للي ما يفهملهاش بالسبنيور :)





BRAVO CAB!!

وما ننساش زادة باش نقول مبروك للنادي الرياضي البنزرتي البقاء في الناسيونال وبرافو لمدربها مختار التليلي ولرئيس جمعيتها البكّاي اللّي من كثر ما حمّملي قلبي حلفت باش نمدّلو 5 آلاف نهارة اللي نشوفو، يجعلو لربّي. وحبّيت خاصة نقول ملاّ راحة من حلق الواد والكرم ومن حمام سوسة، زوز جمعيات من ورق حبّو يفرضوهم بالسيف في البطولة، مانيش فاهم كيفاش يحبّو يطيّحوا ولاية كاملة للشرفي باش يخلّيو في الناسيونال زوز حوم (حلق الواد + الكرم) و قرية، سكانهم الكلّ مع بعضهم ما يعبّيوش ستاد زويتن... أما جاب ربي الكورة طلعت بنت أصل والبقلاوة حرقت الأفلام الكل في آخر دقيقة. حبيت نقول زادة ملاّ راحتين بصفة خاصة من هاك الجبري المنفوخ خالد بن ساسي مدرب حمام سوسة اللي شعرو فرطس وباقي مرقّدو بالجال ومهبّط قصّة على خليقتو الحرفة، وأكثر منو هاك الــ... الكبير، البارازيت الأسود رئيس فرع كرة القدم متاع حلق الواد والكرم ، إذهبوا الله لا يرجّعكم


jeudi, mai 24, 2007

Playlist Of The Week

C'est tout moi d'être en retard, allah ghaleb, toujours débordé. Voici donc la playlist des titres que j'ai écouté, découvert ou apprécié pendant la semaine, et comme d'hab' on est dans le mélange total des genres :) Press PLAY to understand:



Jay-Z - Kingdom Come

"I run the streets, the streets don't run me" lui vaut d'être mon Rap US of the week



Memphis Bleek - Get Low

Mon flow of the week, on reste à Brooklyn NY



Joe - All That I Am

Mon flashback soul of the week






Joe Cooker - Let it Be

Mon Classic of the week, lyrics offertes par la maison:)





صباح فخري - خمرة الحب إسقنيها، همّ قلبي تنسني
عيشة لا حب فيها، جدول لا ماء فيه


Mon tube "Kamya Music" of the week :)



دينا حايك - درب الهوا

Mon tube "9atta3li Cha3ri" of the week ;)
(voir le lien pour comprendre)



Tracy Chapman - Be and be not afraid

Un peu moins sexy mais trés efficace pour les nerfs. Mon tube "salli 3annibi" of the week.



mercredi, mai 23, 2007

Action Maghreb: demande d'aideَ



Le 1er Juin Je blogue pour le Maghreb Uni

Je voulais inviter tout ceux qui soutiennent l'action du premier Juin à m'aider à la communiquer au niveau maghrébin pour qu'on puisse avoir le plus de participants possibles. Je vous demande simplement d'aller ICI (une sorte de digg arabophone) et de voter pour l'article en cliquant sur "tharba" à côté du titre. L'idée et de hisser le message au sommet du classement des articles et ainsi faire en sorte qu'un plus grand nombre de personnes puisse le lire et être informée à propos de l'action. Il ne reste que quelques jours avant le 1er Juin, il faut donc se préparer et faire passer le message.

Merci!

lundi, mai 21, 2007

إنشراح النفوس وتمييز المعزة من البركوس في تـقاريـــر دافــوس



بسم الله الرحيم الرحمان و سبحان الذي خلق الأرض والبنيان وقسمها إلى دول وبلدان ووزع عليها عباده من بني الإنسان، فجعل منها الدول المتقدمة والدول الزبالة، وخلق الشعوب الراقية فجعلها في أحسن حالة، وخلق الشعوب الفقيرة المسالة، فجعل كروشها فارغة و وجوهها مذبالة، وجعل من بينهم جميعا الصالحين والحثالة.

أما بعد يا جماعة يا مرحومي الوالدين نحب نحكيلكم على مسألة حيرت بالي وخلاتني ما نعرفش كيفاش نوصف حالي. توة أنا كنت قانع باللي ربّي كتبهولي ومن قبل ما نتولد سطّرهولي. ومن بين الأشياء اللي إقتنعت بيها بطول المدّة هي أنو مقدّر عليّ باش نعيش في البلاد هاذي اللي جاية تحت إيطاليا وفوق إفريقيا، مكتوب رب العالمين باش نحبّها ونقبلها بعيوبها وكل ما فيها، بما أنها هي بلادي وما عنديش ما نغيّر في حكم الله. هي صحيح ماهيش السويد وإلاّ سويسرا، والعيوب متاعها ظاهرة أكثر من محاسنها، أما تعدّي روحها، ماهيش دونية، وكيما يقولوها: شدّ مشومك لا يجيك ما أشوم منـّو، والطماع يبات ساري.

أنا ما نتمنى لبلادي كان كل خيرمهما تكون الظروف، أما زادة بصراحة ماعادش طامع برشة باش نخلط على النهار اللي تولّي بلادي كيف هاك البلدان اللي تحلم بيها الناس، متاع الإيروب ولاّ لاميريك، ياخي آش جابنا ليهم بجاه ربّي؟ يمكن بعد 100 سنة، 700 سنة، يمكن، أما توة توّة، ظاهرلي يبطى شوية. القناعة هاذي خلاتني مرتاح البال ومطمان، لدرجة أني وليت نتقلق كيف نسمع واحد من جماعة البوليتيك يحكيلي على اللحاق بركب الدول المتقدمة، ونحسّو يشوط بالقوي، ياخويا قيلنا خلينا رايضين، فاش قام الجري في الفارغ؟ ياخي كورس بسكلاتات هي باش نقعدو نحاوزو في البلدان؟هانا راكشين في بلاصتنا والبلاد اللي تحب تبرطع تبرطع وربي معاها. حاسيلو المفيد، واللي خلاني نكتب البوست هذا، هو أنو الإطمئنان و "الكونفور" النفسي اللي كنت فيه بدا يدخل بعضو ويضيّع مراجعو من نهار اللّي بديت نتبّع في التقارير اللي يعملها منتدى دافوس على تونس.



آه، كيف العادة، فقرة "بوز" باش نعرّفو المفاهيم. آشنوة منتدى دافوس وآشنوة التقارير اللي يعمل فيها؟ منتدى دافوس هذا هو منظمة دولية مستقلة تجمع كبار رجال الأعمال والسياسيين في العالم وتهدف حسب كلامها للمساعدة على التنمية والتقدم في العالم. المنظمة هاذي عندها صيت عالمي كبير وسمعة متميزة بحيث كلمتها مسموعة في العالم الكلّ، وسمّاوها دافوس على خاطرها تعقد منتدى سنوي في سويسرا في بلاصة إسمها دافوس في الجبال السوسرية حيث أقرب فقير يكون على مسافة ما تقلش على الـ50000 كيلومتر. الله أعلم علاش..

المفيد هنا هو أنها منظمة منتدى دافوس الإقتصادي تصدر سنويا تقارير على الوضعية الإقتصادية في العالم وتقوم بترتيب لدول العالم حسب المعايير المختلفة متاع التطور الإقتصادي، وتنجّمو تطمئنو من حيث أنهم الناس هاذوما ماهمش بعابص كبّار في الحساب وعلوم الإقتصاد، بحيث تلقى عندهم ناس متحصلة على جائزة نوبل قاعدين يحسبولك بالضبط قداش من شكارة زبلة يخرجو كل يوم من حي الإنطلاقة، يعني ماهوش كلام فارغ من الناحية العلمية.

باهي تقول إنتي وين المشكل كي هي هكّا؟ المشكل اللي باش يهبلني هو أنها تقارير منتدى دافوس قاعدة تصنّف فينا توة عندها مدّة في تصنيف باهي برشة يشكّك الواحد في روحو، يعني عبارة على جمعية مستانسة تلعب على الشيشة لقات روحها تلعب على الطلوع وهي ما عينهاش. بالله شوفو معايا:

عام 2006، في تصنيف الدول حسب القدرة التنافسية متاع إقتصادها -يعني آشكون الإقتصاد اللي ينجم يتنافس مع البلدان الأخرى ويكسّرلهم خلايقهم في إطار العولمة- تقول إنتي قدّاش جيناعلى 155 بلاد؟ جينا 100؟ 90؟ 80؟ لا، جينا يا سيدي 58، والأغرب من هذا جايين قبل برشة بلدان متقدمة كيف الصين -91- وإيطاليا -70- وتركيا وما نحكيش على البلدان العربية والإفريقية

أخطانا من الترتيب هذا، في ترتيب البلدان في ميدان إستعمال تكنولوجيات المعلومات والإتصال جينا 31 عالميا، والثانين في العرب، وقبل شدّ عندك: الهند، تشيكيا، المغرب ، تركيا و... إيطاليا مرة أخرى اللي جات في المرتبة 45

واللّه شيئ يفرّح تقول إنت؟ هو من ناحية يفرّح يفرّح، أما يا خويا كيف نحنا في هالخير والنعمة، آشبيني عمري ما سمعت بحتى طليان شدّوه على فلوكة جاينا حارق باش يحسّن من وضعيتو؟ كيف نحنا ولّينا خير من الطلاين إمّالا علاش هالميزيريا اللي قاعد نشوف فيها والكيران الصفراء والروايح المنتنة والمهبّلة والطلاّب في الكياسات كيف البطاطا؟ ياخي دافوس هذا جاء وشاف بعينيه وإلاّ قالولو وسمع بوذنيه؟ بصراحة شيئ يهبّل، ياخي توة باش نولّيو متطورين قبل وقتنا بالسيف علينا؟

لهنا، باش نكونو واقعيين وما نفرحوش أكثر من اللازم، لازمنا نحاولو باش نفهمو معنى الترتيب الباهي هذا، وأنا من ناحيتي حاولت باش نتصل بمنظمة منتدى دافوس ونستفسر على الحكاية، ياخي جاوبني واحد إسمو ويليام ولد اللـّبّة صاحب كتاب "قيس قبل ما تغيص و كيّل قبل ما تميّل" وقاللي يا خويا الباهي، بالنسبة للتقرير متاع القدرة التنافسية هاذاكا راهوصارت غلطة في العنوان عملوها في المطبعة، على خاطرو ما يحكيش على القدرة التنافسية متاع الإقتصاد وإنما على قدرة رب العالمين، بحيث حسبنا فيه شكون أكثر الناس اللي عايشة بالقدرة، ياخي لقيناكم من أكثر البلدان اللي ماشية هكّاكة، بقر الله في زرع الله، يهزكم الواد و تقولو العام صابة. أما التقرير متاع التكنولوجيات والإتصال اللي تحكي عليه راهو خاطينا ماهوش متاعنا، الناس تقول عليه تقرير دافوس أما هو راهو تقرير عاملو واحد إسمو الهادي "دغفوس"،
يسكن شيرة جبنيانة ويخدم كاتب عمومي، والناس تقرا التقارير متاعو تستخايلها تقارير دافوس وهي تقارير دغفوس. شكرت سي ويليام على توضيحاتو وقلتلو يسلّملي على أمو اللبّة. كي تجي تشوف أنا كنت شاكك في حاجة كيما هكة من الأول أما الثبات باهي.

على كل حال
، ومهما كان تفسير المسألة، أنا نقترح كي هي هكّا أنّو الترتيب متاع دافوس هذا نستعملوه لحاجة تصلح، مثلا قلت علاش ما نعملوش منّو لافتات كبيرة ونحطّو منها برشة كعبات في وسط البحر، على الأقل خلّي جماعة الحرقة كيف يقراوها في ثنيتهم لإيطاليا يعملو الدورة ويرجعو، علاش ماشين بالله لبلاد أمورها تاعبة وحالها أتعس من حالنا؟ يرجعو لبلادهم على أرواحهم ويتمتعوا بالقدرة التنافسية وبالتكنولوجيات متاع المعلومات ومجتمع المعرفة كيف ما نحنا عاملين اللهم صلي على النبي، آشبينا؟ خمسة والخميس علينا. الحاسيلو كيف ما يقولو ناس زمان: النبي النبي، زيدصلّي عالنبي، وأشطح ربي معاك



samedi, mai 19, 2007

نعم، أنا ضـدّ الحـثالـــةُُ


بالله مادامني متذكـّر، ولو هو موش من المستحبّ باش الواحد يضيع وقتو في الإجابة على الحثالة، ولكن مادامت الناس الكل تسأل فيّا آشكونو المتخلف اللي يبعث في الميساجات فيها كلام من البوست اللي كتبتو على ساركوزي هنا، حبّيت نقول للحيوان هذا أنّو البوست أنا كتبتو في مدونتي ومازال موجود، ومانيش حاشم بيه ومانيش باش نفسّخو، ونزيد نأكّد على أنّي مازلت ضد الحثالة، سواء حثالة فرنسا اللي يحكي عليها ساركوزي أو حثالة تونس في الداخل أو في الخارج، وهو أحسن مثال حي عنها، وضدّ كلّ حثالة من جميع أطياف العالم وبلدانها المختلفة. الحثالة ماهيش كلمة عنصرية يا حمار، لكن الأجناس اللي عندها عقدة نقص وتحسّ أنها أقرب من غيرها أن تكون حثالة المجتمع هي اللي تزعجها كلمة "لاراكاي"، وهي لا تفهم أنّها بتصرفها غير الواعي تؤكد أنّها هي فعلا الحثالة ، وكيما يقول المثل:"المجراب تهمزو مرافقو"

أجدد إذن القول بأني أكره الحثالة وأكره من يحب الحثالة لأنه حثالة. يبقى أنو تعريف الحثالة هو الذي يختلف من إنسان لآخر، وأنا شخصيا عندي تعريف واسع جدّا للحثالة، بحيث لا نربطها لا بالجنس ولا بالجنسية ولا بالدين ولا باللون ولا حتى بالعلم والمركز الإجتماعي، فالحثالة بالنسبة لي هو كل من لا يستحق الإحترام في المجتمع وكل من يعيش وسط البشر بقانون الحيوانات.

وبناءا على ما سبق، فإنّي أدعوه وأمثاله للقيام بحملة تحت شعار "يا حثالة العالم إتـّحدوا"، وبعد ما تتحدو لمّوا بعضكم وإيجاو أضربولي على الطيارة. إنشالله الإجابة متاعي ساعدتـّك يا متخلف على مقاومة العقد النفسية اللّي تعاني منها وخلاتك تحسّ حتى شوية أنك إنسان مهمّ، على الأقل نربح فيك أجر

وبالله السيد المدون اللي مرّر الرسالة النبيلة من باب الرأي والرأي الآخر، نحب نفهم علاش ما خلّيتش الإمكانية للتعليقات على البوست متاعك الهايل يا سي فيصل القاسم؟ حاسيلو إنشالله ربّي يشفي ويخفف على عبادو، خلّي الواحد يسكت خير

:)

حسن التدبير في فتاوى الحمير بين الرضاعة الكبرى و رضاعة الكبير



فتوى غريبة أصدرها أحد أئمـّة جامع الأزهر في مصر أخيرا، بعثهالي مشكور أحد القرّاء وكان قد تحدث عنها موقع قناة العربية وتحدّثت عنها زميلتنا في التدوين نادية "الحديد يزيد" اليوم. الفتوى صدرت عن د.عزت عطية رئيس قسم الحديث بكلية أصول الدين بجامعة الأزهر وهي تقضي بأنّ المرأة التي تعمل في مكان تكون فيه مجبرة على البقاء في خلوة، يعني راس راس، في مكتب أو بيت مغلقة من الداخل، يمكنها تحليل الخلوة بـ... إرضاع الزميل من صدرها الحنين، وبذلك يصير الزميل محرّما، يعني وكأنّه أخوها أو إبنها بالرضاعة، وهكذا يمكن لها أن تبقى معه في الخلوة فتصبح بذلك الخلوة شرعية وحلالا مبينا.

الحكاية أخذت أبعاد كبيرة في مصر، ووصلت للبرلمان حيث إحتجّ عليها عدد من النواب والصحفيين، وقام جدال فقهي بين محلل ومحرّم، وكلات الدنيا بعضها في ترضّعو ما ترضّعوش

أنا من ناحيتي مانيش باش ندخل في الجانب الفقهي، وعلى ما يبدو صاحب الفتوى إستند على أحاديث صحيحة والله أعلم، أما فكّرت في المسألة من ناحية عمليّة: الدكتور يقول أنّو إرضاع الكبير هذا يكون من الثدي مباشرة ويكون خمسة رضعات، يعني على حساب هذا ما يكفي من الحليب باش الراجل يعمل قهوة ديراكت خفيفة، بما أنّ رضعة الكبير طبعا أكبر من رضعة الصغير، طيب لكن المشكل هنا هو في حالة كون المرأة هاذي أو الزميلة ما عندهاش من الأكياس الهوائية الحامية من الحوادث أو "الإيرباق" ما يكفي لسدّ الرمق والعياذ بالله، فكيف يمكن تحقيق عملية إرضاع الكبير في هذه الحالة؟ هل يمكن الإستعانة بالحليب الصناعي المركـّـز؟ وفي هذه الحالة هل يقع إستعمال حليب الأطفال أم أي ماركة حليب في السوق؟ وبما أننا نشرب حليب البقر عموما، هل يمكن أن نعتبر أنفسنا إخوانا بالرضاعة لكلّ عجل يولد على وجه الأرض؟

أسئلة كثيرة من الناحية التطبيقية في حاجة للتوضيح، ولكن تصوّرو أنّو أيّ واحد يرضع من صدر وحدة يولّي يحترمها ويعاملها كيف أختو، والله لو كان صحيح أنا مستعدّ لتطبيق شرع الله، ويا حبّذا لو الناس بكلّها تعامل بعضها معاملة الإخوة، يعني بإحترام ومن غير سوء نيّة، وقتها نقول خلّي الناس ترضع لبعضها ويا سعد من رضع ورضـّع، و لكن أنا وحسب الحالات العملية اللي عايشتها، لاحظت عكس هذا، فالرضاعة غالبا ما تكون مصدر إضافي للمشاكل والكراهية والإشمئزاز، وهي حالات عامة نشوفوها كل يوم في المجتمع من رضاعة متواصلة، لا تتلوها لا أخوّة ولا إحترام.

ففي العديد من البلدان تنتشر ظاهرة الرضاعة الكبرى، وهي أهم وأكثر إنتشارا من رضاعة الكبير لتحليل الخلوة بين الذكور والإناث، فنجد الناس بين راضع ومرضوع في حالة من الرضاعة الأبديّة، حيث نجد فيها خطـّة المرضع الأكبر، وهو شخص يتبنـّى الجميع بالرضاعة، فما من كائن إلاّ وقد أرضعه إن لم يكن عن طيب خاطر فبتدريع الخواطر، ولا يتطلب هذا النوع من الرضاعة أية خلوة شرعية أو غير شرعية، بل يمكن للراضع أن يرضع حتى في غياب المرضوع، وقد سهّلت التكنولوجيات الحديثة من راديو وتـلـفزةهذه العمليات ممـّا حوّل بعض وسائل الإعلام إلى مراكز عالمية للرضاعة، ومع ذلك وبالرغم من كل هذه الرضاعة المنتشرة، فـإنّك لا ترى أي أثر للإحترام ولا للأخوّة بين الناس، بل أنهم في حالات كثيرة يتنافسون على الرضاعة، وكلّ واحد يحبّ يرضع أكثر من خوه، والرضّاعة الكبار في كل بلاد سكّرو الباب في وجه الرضاعة الصغار اللّي حابّين يعملو لأنفسهم مكانة جديدة في عالم الرضيع، أمّا المرضع الكبير فإنّ الأجهزة الرضعيّة متاعو تعبت من كثر العمل المتواصل 24 على 24، خاصة أنّو ما عندوش شكون ياخذ عليه المشعل ويرتـّحوا من أفواج الرضـّاعة اللي تستنـّا باش تمارس حقها المشروع في تحقيق الأخوّة الرضعيّة الوطنية.

يمكن إذا أن نتساءل عن الإضافة اللي جاء بها هذا الإمام من جامعة الأزهر، مادامت الناس كلّها أصلا إخوة بالرضاعة الكبرى قبل الرضاعة الصغرى، وزيادة على هذا فإنه حسب رأيي المتواضع لم تعد هناك حاجة عمليّا لتحليل الخلوة مادامت الدنيا باش تخلى على رؤوس الجميع في أقرب وقت ممكن حسب آخر التوقعات، يعني الخلوة جاية جاية، حاسيلو إفتي وربي معاك




jeudi, mai 17, 2007

... un autre commence!

Notre nouveau sondage d'opinion a été proposé par un lecteur et il est en rapport avec notre action "Blogs pour le Maghreb" du 1er Juin. Le tout est de savoir ce qui motive ceux parmi nous qui supportent l'intégration maghrébine. Vous aurez la possibilité de voter pour plusieures options parmi celles proposées. Voici donc le sondage que je mettrais aussi dans le sidebar du blog:



Un sondage est achevé...


Il s'agit du sondage à propos de la chaine radio MosaiqueFM qui s'est avérée beaucoup moins populaire qu'elle se croit: sur les 358 votants 45,5% pensent que la chaine est "nulle et débile", j'ai été le premier à voter dans ce sens! Seulement 11,7% adorent, alors que 16,8% l'aiment bien, 20,1% pensent que c'est "mieux que rien" et 5,9% sont indifférents. Et voici le résultat en images pour vos yeux zébahis:

!!بالله كان تعرفو شكون يخدم غادي قولولو خلّيهم يفيقو على رواحهم، راهم عملو العار

D'un autre côté ce sondage me rassure sur le fait que les tunisiens ne sont pas encore tous devenus aussi débiles que leurs médias les laisseraient croire!

Oui oui, je sais, c'est jeudi! Playlist of the week quand même!

Le 1er Juin Je blogue pour le Maghreb Uni


Salut à tous, ma playlist de la semaine vient avec un jour de retard, je suis rentré du boulot creuvé hier soir et dans ces cas là je préfère dormir. Alors qu'est ce qu'on a dans la liste?

On commence en arabe:

Ma question existentielle de la semaine:
عشت الحياة ولاّ عاشتني؟


Grace Deeb - Ana 7abbayt

Mon "Yarrani yarrani" of the week ;)


The Bloodhound Gang - Ain't my job (to f** you on your birthday)

Ma petite folie rock de la semaine


Billy Paul - Me and Mrs Jones

Mon classique de la semaine


Dru Hill - What do I do with the love

Mon flashback soul de la semaine


Kray Twinz ft Twista, Lethal B, Gappy Ranks - What we do

Mon Beat de la semaine


Snoop Dogg - Real Talk

Mon WestCoast rap of the week, Snoop is Bizzaack ol' school style
and "Shwarzenegger is a straight up biiiaaaatch!" :)





mercredi, mai 16, 2007

On a un forum pour l'action Maghreb

Pour mieux coordonner et discuter de ce qui doit etre fait d'ici les 2 semaines restantes avant le 1er Juin et comme l'ont suggérés quelques participants, j'ai crée un forum où pourront participer bloggeurs et non bloggeurs. L'adresse est la suivante:


http://maghreb.coolbb.net


Un peu d'organisation n'a jamais fait de mal à personne, non?

lundi, mai 14, 2007

Le 1er Juin Je blogue pour le Maghreb Uni يوم 1 جوان سوف ندوّن للمغرب الكبير (UPDATE)



Le 1er Juin Je blogue pour le Maghreb Uni

Le 1er Juin Je blogue pour le Maghreb Uni

Le 1er Juin Je blogue pour le Maghreb Uni


السلام والإحترام للقراء الكرام

حبيت نشكر كل الناس اللي ساندت فكرة التدوينة للمغرب الكبير، هذا بالإضافة إلى توضيح بعض الأشياء على ضوء التساؤلات اللي طرحها عدد من الإخوان والأخوات المدونين والمدونات مشكورين ومشكورات

أبدأ بشكر خاص لصديقنا مصعب بن رحومة على إنجاز "اللوجو" للحملة، وبالتالي يمكن لكل من يساند الحملة الإكتفاء بوضع اللوجو على مدونته من الآن، كما أطلب من الجميع بكل لطف مساعدتنا في التعريف بالمبادرة التونسية لدى الإخوان المدونين في الجزائر والمغرب وموريطانيا وليبيا، وهو أهم شيء لأن نجاح أو فشل الحملة مرتبط بعدد المدونين المساندين من هذه البلدان. الحملة ليست تونسية بل مغاربية وأنا شخصيا لا يمكنني القيام بهذه المهمة لوحدي

تقدّم عدد من القراء بتساؤلات مشروعة حول جدوى مثل هذه الفكرة ومن الوحدة المغاربية في حد ذاتها، لهذا أقول أنّ الهدف من الحملة هو أولا المطالبة بالمزيد من الإندماج بين بلدان المغرب الكبير، وهو مطلب حسب رأيي يمكن أن يحصل حوله شبه إجماع من الأطراف المختلفة، أما الوحدة السياسية، فهي وإن كانت النتيجة الطبيعية لحركة الإندماج على المدى البعيد، إلاّ أنها يمكن تكون مطلب بعيد المنال إذا نظرنا للأمور بواقعية في الإطار الحالي. أنا شخصيا أطالب بإندماج إقتصادي ينطلق من مشاريع مادية ملموسة على غرار المثال الأوروبي وبأيّة مبادرة واقعية لتقريب الأشقاء في بلدان المغرب الكبير ولفضّ الخلاف بين المغرب والجزائر حول الصحراء الغربية

مع هذا فإنّ كل مشارك في الحملة يوم 1 جوان يبقى حرّا في تقديم وجهة نظره حول المسألة، والأكيد هو أن الإختلاف في الآراء سوف يكون عنصرا إيجابيا في إثراء التفكير الجماعي حول الموضوع

يمكن إذن للمساندين أخذ كود اللوجو من مدونة مصعب وهو لوجو جميل ولو أنّ بعض المتدخلين ناقشو كلمة المغرب العربي وإقترحو تعويضها بالمغرب الكبير، وذلك لعدم إقصاء الأقليات الأخرى أو إعطاء صبغة "عنصرية" للمغرب، وهو كلام معقول حسب رأيي، ولكنها تبقى مسائل ثانوية وشكلية، فالأهم هو إنجاح يوم التدوينة من أجل المغرب الكبير أو العربي أو أي إسم تريدون تسميته، وهو المجال الجغرافي الذي يجمع البلدان الخمسة المذكورة، والأمر يبقى مفتوحا للنقاش على كل حال

ما نزيدش نعاودلكم، نجاح الفكرة يكون بمساهمتكم الكلّ أو لا يكون


Le 1er Juin Je blogue pour le Maghreb Uni

Le 1er Juin Je blogue pour le Maghreb Uni





mercredi, mai 09, 2007

Le 1er Juin Je blogue pour le Maghreb Uni يوم 1 جوان سوف ندوّن للمغرب الكبير



من يريد أن ينضمّ؟
Qui est partant?
Who wants to join in?




كنت أعلنت البارح على فكرة تنظيم حملة تدوينية للدعوة لمغرب عربي أكثر وحدة ،

وبما أنّ عدد من الإخوان والأخوات القراء والمدونين والمدونات تجاوبو مع فكرة تخصيص يوم للمغرب العربي،

وحيث أنّ البعض منهم وافق على إقتراحي ليوم 1 جوان كيوم التدوين من أجل المغرب العربي ،

و حيث أنّ الفكرة الأولية هي قيام كل مدون بتحرير بوست حول موضوع المغرب العربي في اليوم المحدد

فإنه يتعين حسب رأيي القيام بالأمور التالية

أوّلا إيجاد عنوان موحد للحملة

ثانيا إنجاز شعار أو "بانر" يمكن الإكتفاء به لمن يرغب في مساندة الحملة دون تحرير نص حول الموضوع

ثالثا التفكير المشترك في صيغة لإعلام إخواننا في دول المغرب الكبير بالحملة ودعوتهم للإنضمام بأكبر عدد ممكن

رابعا تحديد عدد المشاركين في الحملة ولهذا الرجاء منهم ترك تعليق هنا على هذا البوست ليمكن إحتساب عددهم

خامسا تقديم كل إقتراحات أو معلومات أو رأي يمكن أن يساهم في إنجاح "يوم التدوين من أجل المغرب الكبير" وذلك من خلال التعليقات على نفس هذا البوست لكي يمكن لنا جمع الآراء والنقاش في مكان واحد

وللتذكير، تتمثل الحملة لتنظيم "يوم التدوين من أجل المغرب الكبير" في دعوة مفتوحة لكل المدونين المغاربة بالأساس وحتى العرب وغير العرب من أجل المشاركة يوم 1 جوان 2007 في دعوة جماعية لدول المغرب العربي لتجاوز الخلافات الظرفية التي تعيق حركة الوحدة والإندماج والقيام بخطوات عملية مشتركة ومشاريع تمهّد لإتحاد إقتصادي مغاربي نظرا لما في ذلك من خير للجميع، كما تؤكد هذه المبادرة على وقوف المدونين المشاركين فيها ضد الإرهاب السياسي التي يواجه المنطقة ونبذ العنف والتطرف بكل أنواعه، هذا إلى جانب تقديم ما يرونه من مقترحات وأفكار لتجاوز الوضع الراهن والتقدم نحو مستقبل أفضل للمغرب الكبير

هذه هي الفكرة وأنا في إنتظار مقترحاتكم

روابط :
الدعوة الأولى على مدونة العبدو لله
الدعوة الأولى على المدونة المغاربية

Mise à jour du 15 Mai 2007 تحديث:

Invitation ouverte:

Ce blog est en campagne pour rassembler les bloggeurs maghrébins autour d'une action qui vise à demander une intégration réelle des pays du Maghreb ainsi que le dépassement des conflits qui bloquent ce processus. Notre rendez-vous est pris pour le 1er Juin, chacun écrira une note pour le Grand Maghreb. Il s'agit d'une initiative citoyenne qui sera peut-être le premier pas que les politiciens n'ont pas pu faire. On demande à voir des projets et non plus à entendre des discours. Le Maghreb a beaucoup plus à nous offrir que le terrorisme international.

Vous êtes tous invités à nous rejoindre. Vous trouverez le code pour insérer le logo de l'action sur votre blog ICI, sur le blog de Mosaab.


قام مصعب بن رحومة بإعداد لوجو للحملة، ويمكنكم الحصول على الكود لإضافته لمدوناتكم هـــــــنــــــا

وهذا هو اللوجو المقترح



Le 1er Juin Je blogue pour le Maghreb Uni

Le 1er Juin Je blogue pour le Maghreb Uni

Le 1er Juin Je blogue pour le Maghreb Uni

Le 1er Juin Je blogue pour le Maghreb Uni

Le 1er Juin Je blogue pour le Maghreb Uni

Le 1er Juin Je blogue pour le Maghreb Uni


Un forum a aussi été crée pour mieux coordiner l'action et faire participer bloggeurs et non-bloggeurs à l'action. L'adresse est la suivante:

كما تم إحداث منتدى مغاربي هــــنــــا للنقاش حول الحملة والتنسيق بين المساهمين فيها وتمكين غير المدونين من المشاركة


Thank God it's Wednesday: Playlist of the week:

Mes sept titres phares de la semaine, et ça commence:

سمير لوصيف - ندحيك للي ما ينام الليل

Ma dédicace à l'organisateur du concert de Star Academy de Sfax

Mary J Blidge - Not Gonna Cry

Mon flashback Soul de la semaine

Big Tymers- Get Your Roll On

Mon Flashback hip-hop de la semaine. Paroles offertes!




The Offspring - Spare me the details

Ma petite folie rock de la semaine :) Je vous met les paroles aussi:



Lil Wayne feat. Brisco - IM HOOD

Mon Rap of the Week, signed sealed and delivered by Weezy F Baby. Lyrics here!

Sabah Fakhri - Fok el Nakhal + Al bubul Nagha

Il faut bien se laisser aller à un peu de romantisme des fois non? :) C'est donc mon morceau arabe de la semaine (au fait ce sont deux morceaux en un)


Mon coup de coeur de la semaine:

Une chanson en espagnol que j'ai adoré, j'ai trouvé ça sur un vieux CD "Buddha Bar" mais je ne connais ni le nom de l'artiste ni celui de la chanson. Je suis sûr que quelqu'un parmi vous peut me les trouver!



الخطوة الأولى أحسن من مليون خطاب





الحرب العالمية الثانية قتلت 50 مليون بشر

أوروبا بعد 50 سنة توحّدت ونسات الحرب والأحقاد القديمة بين الدول الأعداء

و نحنا في المغرب العربي عندنا 50 مليون سنة ونحنا وخيّان وأحباب

عندنا 50 ألف سنة من التاريخ والحضارة والثقافة المشتركة

عندنا 50 مليار سبب باش نكونو متوحدين

واليوم، وبعد حوالي 50 سنة من الإستقلال لبلداننا الشقيقة والصديقة

ما عندناش شبكة قطارات مشتركة

ما عندناش طريق سيارة مشتركة

ما عندناش سياسة طاقة مشتركة

ما عندناش حتى مسابقة متاع عدو ريفي مشتركة

علاه؟ بالله فهمونا علاه؟

في الوقت اللي البلدان في العالم قاعدة تتخلّى على المفاهيم البالية متاع السيادة الوطنية المتعصبة وتخدم مع بعضها في إطار جهوي وإقليمي وقاري، نحنا في بلدان المغرب العربي مازلنا نحبو نفـتـفـتو الفتات ونشتـتو الشتات ونتعاركو على الصحراء الغربية، زعمة تابعة للمغرب وإلاّ للجزائر، زعمة نعملولها حكم ذاتي وإلاّ إستفتاء على الإستقلال؟

بالله موش عيب؟ تي هي صحراء يا رسول الله، أعطيوها حتى للجمال تسرح فيها، توة هاذي حكاية؟ تاقف الدنيا على طرف صحراء؟

موش لازم الإنسان يكون مختص في علوم الإقتصاد باش يفهم قدّاش الإتحاد المغاربي هو فائدة كبيرة من الناحية الإقتصادية وينجم يعاون بصفة كبيرة في التقليص من الميزيريا السائدة والبطالة في بلداننا. حسب دراسة قام بها البنك الدولي في تونس والجزائر والمغرب، عدم التوحّد في إطار المغرب العربي قاعد يحرم في الدول المذكورة من ما بين 1 و2 بالمئة من النمو سنويّا، يعني في عوض نسبة 5 بالمئة اللي نعملو فيها في تونس تولّي 6 إذا كان موش سبعة بالمئة، وهالخسارة هاذي ، باش نسهلوها للناس الكل، تساوي حوالي عشرة آلاف موطن شغل قار سنويّا. ظاهرلي ماناش مستغنين عليهم...

المغرب العربي الموحد إقتصاديا على الأقل هو أكثر من ضرورة في الوقت الحاضر، وكيما أوروبا المتحدة بدات بعد الحرب العالمية الثانية بوحدة مابين فرنسا وألمانيا في ميدان ضيق هو الإتفاق على تكوين سلطة عليا لتنظيم قطاعات الحديد والفحم، المغرب العربي لازمو يبدا من مشاريع عملية من النوع هذا، النقل، الطاقة، الفلاحة، الكورة، الحشيش.. يا خويا شوفو منين تبداو، أما أبداو يرحم والديكم

هذا ما يجعلني نفكّر في حاجة يمكن تكون باهية برشة لو كان تلقى إقبال منكم إنتوما المدونين والقراء، علاش ما نقوموش بحملة في المدونات التونسية ندعو فيها إخواننا في المغرب العربي باش ينظمولنا في حملة تدوينية للمطالبة بخطوات جدية وعملية لتحقيق الإتحاد الفعلي ما بين دول المغرب العربي وتجاوز الخلافات السخيفة والعقد النفسية اللي واقفة في طريق المغرب العربي، على الأقل خلّي الناس اللي عندها سلطة القرار
تعرف أن المسألة هاذي عليها إجماع شعبي في مختلف دول المنطقة، ولعلها الخطوة الأولى تكون من عند المدونين المغاربة مادامت السياسة فشلت لحد الآن في تجاوز مرحلة الخطابات والكلام الجميل

هذا مجرد إقتراح نتمنى أنو يلقى تجاوب من عند المدونين والمدونات التوانسة، يمكن التفكير في تحديد يوم من أجل المغرب العربي، كيما عملنا يوم التدوينة البيضاء وكان ناجح نسبيا. يمكن زادة وضع شعار للحملة نحطوه في مدوناتنا، حاسيلو الأمور هاذي نتفاهمو فيها كان تحبو من بعد.

أنا في إنتظار تجاوبكم مع المقترح، خاصة المدونين والمدونات اللي عندهم علاقات مع مدونين معروفين في الجزائر، المغرب، موريطانيا، وحتى ليبيا باش ينشرولنا الدعوة للوخيان في البلدان المغاربية.

هاذي مجرد فكرة جاتني وأنا نكتب في البوست هذا، ما نعرفش عاد آشنوة باش يكون رأيكم، وبارك الله فيكم على كل حال




lundi, mai 07, 2007

La France a enfin des couilles! مبروك لساركوزي


أنا في العادة مانيش مهتم بصفة خاصة بالسياسة في فرنسا، بصراحة يكفيني نعاني كل يوم في البيروقراطية اللي ورثناها عليهم من عهد الإستعمار. الفرنسيس كيما العالم الكل يعرف، عندهم برشة حديث وكلام ونظريات بالبالة، أما في الفعل يوحلو، ويقعدو يحكيو ويتناقشو في الحلول ميتين سنة، حتى كيف يتفاهمو على حل باهي، يبدى فات عليه الفوت وما عادش يصلح، أما مادام التوانسة الكل عندها ما تحكي في الموضوع والحكاية ولاّت تهمّنا بالسيف، مافيها باس نعطي رأيي مع العرب، وهانا نحكيو على كل حال، ما هوش بالفلوس

ساركوزي ربح، والحكاية هاذي كنت متأكد منها قبل حتى ما يشد وزير المالية ومن بعدها الداخلية، موش على خاطرو هو جن ياسر وطيارة ياسر، أما على خاطرو أحسن ما فمّا على الساحة في الوقت الحاضر، هذا شيء يدلّ على الميزيريا الفكرية والسياسية اللي ضربت الفرنسيس: من بعد ما جابو "فولتار" و"مونيسكيو" و"روسو"، عجزو باش يجيبو واحد يصلح يشد رئاسة الجمهورية متاعهم، يحرزلهم الهجرة جابتلهم واحد كيما ساركوزي، كيما جابتلهم ملاعبية كرة القدم متاع الفريق الوطني اللّي ولاّ تقولش عليه إجتماع في الأمم المتحدة.

على كل حال، ساركوزي في الإنتخابات هاذي ما كان ينجم كان يربح. بالله جايبين وحدة ما جات شيء كيما هاك سيقولان رويال، عامين لتالي كانت تبيع في الحمص في المرشي سونترال ويحبوها تربح؟ المرا مسكينة أمورها تاعبة، داخلتها بالحسنى تقول تحز في عركة وباش ترضّي العباد الكلّ وتحلّ المشاكل الكلّ بتوسيع البال والصلاة عالنبي، توة هاذا حديث؟

فرانسا حسب رأيي سعدها ماشي ويتكب، والإنتخابات هاذي كانت آخر فرصة باش يفيقو على رواحهم وياخذو مواقف واضحة من المشاكل اللّي يعانيو فيها من سنين. العالم قاعد يتبدل، والصين من غادي تخدّم في المرابيط متاع الحبوسات والفروخ الصغار، أعطيها بركة تبيع سلعتها بأرخص سوم في أسواق العالم، والفرنسيس قالك ما نحبوش نخدمو أكثر من 35 ساعة في الجمعة، وما نحبوش شكون يطردنا كيف نخدمو خدمة كيف وجوهنا، وكي ما نخدموش تخلصونا وتلوجولنا على خدمة، ما كانش رانا نولّيو "فاشي" ونهزو خشوماتنا، ويمكن حتى ننتحرو، ووقتها تخلّصونا على حادث شغل، وغيرو من الدلال والريق البارد اللي تعرفوه واللي تعلمناه عليهم، أما نحنا عاد حكاية أخرى، الفقر والهيجة

آه ، نسيت، نحنا... ماهو نحنا زادة داخلين في البيعة متاع ساركوزي، كيفاش ما ندخلوش؟ اللّي يقرا المدونات متاعنا في هالمدة متاع إنتخابات فرانسا يقول سيقولان باش تربح عالأقل بـ99 بالمئة من الأصوات، أما خسارة، الجماعة اللي جاو ضد ساركو أكثرهم ما عندهمش صفة الناخب وحق التصويت. أنا شخصيا كان جيت فرانساوي ما نصوت كان لساركوزي، الراجل محراث متاع خدمة وفين يشدّ بلاصة يعمل فيها إضافة والأهم هو أنو عندو الشجاعة، على عكس السياسيين الفرنسيس المعروفين، باش يمشي لجوهر المشاكل وما يقعدش يلف ويدور في الفارغ ويعمل في الحلول الترقيعيـّة (على فكرة، بالله اللّي في يدو جعبة "دونتيفريس" وإلاّ حتى قلب صابون يعطيه لتركيا خلّيها تمضمض بيه على الإتحاد الأوروبي)

الحدث اللّي شدّ إنتباهي أكثر من الإنتخابات اللي كي تجي تشوف ما تعنينيش، هو أنها بعد ما طلعت النتائج متاع الإنتخابات، الحثالة، -أو كيما يقول صديقي ساركو: "لاراكايي"- اللي نصدّرو فيها للعالم خرجت للشارع تكسر في الدنيا وتحرق في الكراهب، علاش؟ على خاطر الفرنسيس إختارو رئيسهم بصفة ديموقراطية وبنسبة مشاركة تاريخية (85 بالمئة) وبفارق واضح على المنافسة متاعو... بجاه ربي فهموني؟ ياخي بالسيف هو الشيئ؟ فرانسا خلـّفتكم ونساتكم؟ ياخي في بلدانكم تعملو هكّا؟ تتبوربو على الحاكم؟ تحتجّو على نتائج الإنتخابات الـ"ديموقراطية"؟

بصراحة، مع كل إحترامي للمهاجرين المحترمين، أنا ماعادش إنّجم نلوم على ساركوزي، الله غالب يا نيكولا ياخويا، ما عرفناش نربّيوهم، فروخ أولاد حرام، يهبطو علينا في الصيف كيف الجراد، البلاد يخمّجوها ويزيدوها إجرام على إجرام وحوادث طرقات وخمج على خمج، بجاه والديك يا ساركو، كان ناوي تتخلّص منهم لا تبعثهملنا لهنا، أهوكا وصّلهم لحدود إيطاليا وسيّبهم خلّي يتبوربو على المافيا والكامورا، وإلاّ طيّش العزى في البحر، آشكون لوّج عليهم؟ نحنا رانا واحلين في كحّة وماناش ناقصين. ياخويا إخدم على روحك وربي يعينك، بلادك وإنتي حر فيها،أما إبكي على همنا نحنا وبرّة، كيف بول الجمل، ديما لتالي





dimanche, mai 06, 2007

دعـــاء لـيلة السـبــت


يا ربّي يا ستار، يا خالق الليل والنهار، والتاكسي والكار، والناس المحترمة والناس اللّي عملت العار.

أنا المدوّن المعروف في بلاد المسفوف،
حيث المحزوق والمرخوف والترهدين والخوف، بلاد الناس اللي تنفخت كيف الحلّوف، وديما تشكي من الظروف

جيتك يا ربي
يا أحسن رب، ميّت بالتعب، نشكي من الكرب، وجوه الخشب، اللي ما يعجبهاش العجب، وما يـشبـّعهاش الذهب.

يا ربي يا أقوى ربّ، راهو شيء يركّب العصب، الناس مرضت بالكلب، ما تسمع كان هب هب، جيتك يا ربي باش ندعي... على اللّي كان السبب

اللي كان السبب واللي في بالي، هو اللي ما يرحمش الصغير والضعيف و الزوّالي، تموت الناس ويقول "وأنا مالي؟"، يعفـّس غيرو ويقول "أعمالي"، في بالو غيرو بوهالي، وهو أكبر بوهالي، ياكل كيف المنشار، ليل مع نهار، لا يشبع ولا يقول عملت العار، ولا تخطر في بالو أفكار، أنو باش يجيه نهار

(أنا نقول وإنتوما قولو ورايا "آمين" ، باهي؟)

يا ربي عرّيه في كلسون وعدّي عليه 500 كميون،

يا ربّي إجبدلو عينيه ونحيلو دين والديه،

يا ربي قصّلو صبع و شطر خشم، بتسترة وإلاّ بجلم، وأعورو بقلم، وقعّدو على "البوتو" اللّي يعلّقو فيه العلم، وهبط عليه الهم، ولا تفرّحو بصغير ولا بوحم، وإحرمو من حاسة الشمّ، ولا ترحملو لا بو ولا جد ولا عمّ

يا رحمان يا رحيم،
إفرشو كيف الكليم، وإلاّ أمسخ دين والديه بهيم، بجاه سيدنا موسى وعيسى وإبراهيم،

يا ربّي فتـفتـلو في ركايبو "المينيسك" وهبّط عليه "الفيسك" وخلّي حياتو في "الرّيسك"،

جيتك بجاه سيدي بلحسن، لاتوكلو عسل ولا سمن، ولا تسمّعو فن، وقرطس بوه في كفن وإدفنو في كدس عفن

يا غفور يا رؤوف،
مشّيه طروف طروف، كيف ما يمشي في العيد الخروف... أما قبلها أعميه خلّي يولّي مكفوف ونركحو فيه بالكفوف،

يا ربي عيّشو على الفول وإجعل ريحتو شايطة بالبول، وسيّب عليه وهو راقد 25 "بيتبول"، راهو فرخ كبّول

يا ربي كبّلو سعد والديه، وأصحابو وأحبابو وإمّاليه، راهو هذا الكلّ وشويّة فيه،
آمين يا رب العالمين

وآخر دعائي أن أستغفر الله لي ولكم والسلام عليكم ورحمة الله وبركاته



samedi, mai 05, 2007

كثـّر من العسل يمساط



هاو علاش فرانسا تكبّ سعدها ولازمها واحد كيف ساركوزي


Lû sur le journal "Le Monde" d'aujourd'hui:

"L’un des suicides chez Renault reconnu comme accident du travail:

Dans une décision du 27 avril, la Caisse primaire d’assurance-maladie des Hautsde-Seine a qualifié comme accident du travail le suicide en octobre 2006 d’un ingénieur de Renault, travaillant au Technocentre de Guyancourt (Yvelines), a indiqué, jeudi 3 mai, l’avocate de la veuve de la victime. Une procédure pour faire reconnaître la « faute inexcusable » de Renault devrait être maintenant engagée."


توة موش بلى هذا؟ الراجل إنتحر يحبّو الشركة تعوّض لعايلتو على حادث شغل؟ مسكينة فرانسا آش تعاني

والله أنا مستغرب كيفاش إستعمرونا هالدغف الهوايش، كان عاطي ربي رانا نحنا نستعمروهم. أنا من رأيي حتى "ساركو" شوية فيهم، هاذم لازمهم واحد كيف اللي عندنا نحنا العرب يمشـّيهم على الطريق المستقيم، بلا دلال بلا ريق بارد...

حاسيلو مشكلة فيها هالدول المتخلّـفة




أنا متضامن مع الحـريّة



أنا كيما قلت في السابق ضد الخوانجية كتيار سياسي بصفة عامة، وضد الإخوان المسلمين متاع مصر بصفة خاصة والمدونين منهم بصفة أخصّ (والسبب هنا) ، هذا ما يمنعش أنـّي ضد إعتقال أي إنسان عبّر عن رأيو بصفة سلمية. لهذا فأنا متضامن مع المدون المصري عبد المنعم محمود وقبله المدون كريم عامر وكل الناس الموجودة في بوفردة حول العالم عموما، وفي العالم العربي خصوصا وفي شمال إفريقيا بصفة أخصّ، من أجل "جرائم" التعبير والكتابة والتفكير والرأي والإستعمالات الأخرى للعقل والقلم والجلغة. ياخويا سيّبو الناس تتكلّم وتعبّر على رأيها، الناس إتخنقت و روحها طلعت، خلّي الناس تـتـنـفــّس على الأقلّ...موش أحسن وإلاّ نقعدو نقاسيو في الإرهاب والتطرف من بعد؟

jeudi, mai 03, 2007

Playlist Of The Week

Hier c'etait mercredi, j'ai oublié de poster ma playlist de la semaine. Voici donc mes sept titres de la semaine:

Keith Washington- U sure love 2 ball

Mon Classic-Soul de la semaine

Dru Hill - How Deep is your love

Mon flashback de la semaine

Stevie Wonder - Master Blaster (Jammin')

Mon Stevie Wonder de la semaine.
(je viens de m'apercevoir qu'il est là depuis trois semaines lui!)

Michael Buble - Feeling Good

Mon coup de coeur de la semaine

Alpha Blondi - Assinie Mafia

Mon coup de geule de la semaine!

The Game - Ol' English

Mon tube de la semaine vient de L.A

Cam'Ron - Wet Wipes

Mon Rap New Yorkais de la semaine

قالـلــو رحــــمـــة


شعارنا الجديـــــد:

التونسي للتونسي... لحــمــة


دعــوة مفـتوحــــة



بسم الله الرحمان الرحيم

تحية طيبة لإخواني المواطنين وأخواتي المواطنات

أما بعد، فإني الممضي أسفله بيغ تراب بوي صاحب هذه المدونة المشهورة والمقالات المأثورة ومستهلك كل المواد المحضورة ، أتوجه بهذه الدعوة المفتوحة، لكل القوى الحية والميتة والمجروحة، من أصحاب الفكر والثقافة والسياسة، والفنانين والتجار والبزناسة، وكل أولاد بلادي الترّاسة

وحيث أني لاحظت أنّ سعدنا المكبوب ماهوش ناوي يقوم، وأنها كثرت علينا البلاوي والهموم، وأن المستقبل يعزف لنا في لحن المزموم.

وحيث أنّ الحالة ما تعجبش والأمور ديما إلتالي والخطوة لقدّام تسبقها تنقيزتين للوراء،

وحيث أنو كثر الريق والتـنوفـيق، والبلاء وقلة الحياء، والبهامة والتسطيكة والبطالة عاملة حالة،

وحيث أنو سعر البترول غلى،
ومرض "السيدا" مازال بلاش دواء،

وحيث أنو الأوزون تنقب والعراق تضرب والحرس الجمهوري هرب

وحيث أنو ربي ما قالش هكّا،

وحيث أنا ما نحبّش هكّا،

وحيث أننا ما تفاهمناش هكّا...


فإني بناءا على ذلك أدعو الجميع للإنضمام إلي في إحياء اليوم الوطني للنديب وذلك في التاريخ الذي يتم الإتفاق عليه لاحقا، وتتمثل هذه الدعوة في تعيين ذكرى سنوية نندبو فيها وجوهنا لمدّة 5 دقائق على الأقـل حزنا على سعدنا المكبوب في هذا العالم المكلوب. ولاداعي من جعل هذا اليوم يوم عطلة أو عيد وطني بحيث يمكن لكل شخص أن يندب حتى في أماكن العمل لعلّ ذلك يعطيه الدفع المعنوي باش يندب بقوة أكثر ويحسّن بالتالي المردودية متاعو في النديب، ولم لا، يصبح النديب هو المنتوج الوطني الأول اللّي نصدّروه للخارج ونزيدو ندعمو دور "المندوبيّات" الجهوية باش الناس تندب في كل الجهات في إطار اللامركزية

كلّ هذه هي مقترحات نقترحها عليكم في إطار تحسين جودة الحياة لأنّ البحوث العلمية أثــبتـت أنّو اللّي يندب وجهو ولو مرّة في العام خير من اللّي يموت بالغزّول


والسلام

بيغ تراب بوي




mardi, mai 01, 2007

ça se passe comme ça chez tunisie-telécoms!


Aprés le poulet qui fait de la danse du ventre voici le service clientèle de Tunisie Telecom qui fait preuve de son profesionnalisme. Malla 7ala fi el krabb!




Mise à jour: Grand merci à AYMENctou qui a remis la vidéo sur Dailymotion aprés avoir été supprimée par son auteur une première fois. Osons dénoncer la racaille!

خرى أكاديمي: إحنا كـمان بنموت فيكـم


عن موقع الجزيرة بتصرّف:
قتل ستة أشخاص وأصيب 12 آخرون بجروح نتيجة تدافع معجبين خلال حفل فني أقامه نجوم برنامج " خرىأكاديمي4" في ساعة متأخرة أمس الاثنين بمسرح الهواء الطلق بمدينة صفاقس في تونس.

وقد جرى التدافع بمدارج مسرح "سيدي منصور" أثناء ظهور النجوم نتج عنه سقوط ستة قتلى وعدد من الجرحى. ونقلت سيارات الإسعاف المصابين لتلقي العلاج، وفُتِح تحقيق قضائي لتحديد أسباب الحادث

وقد عبّر كلّ الحاضرين عن إنبهارهم بالتنظيم المحكم بفضل ما بلغته بلادنا من تطور وخبرة في إحتضان المناسبات الكبرى والتنمية المستديمة والرعاية الموصولة والفواكه الجافة وطاجين الملسوقة

يمكنكم التصويت للنومينيز على الموقع "عفّس خوك دوت كوم" أو الإتصال مباشرة بالرقم المخصص للإسعاف والحماية المدنية للإستماع إلى آخر أغاني نجوم الآكاديمية



آش باش يقول الواحد؟ لاحول ولا قوة إلاّ بالله، شيء يحمم القلب، الله يرحمهم ويخفف على أهلهم ويهلك اللّي كان السبب، إنشالله بركة منظم الحفلة ما طلعش خاسر، هاذاكا اللّي بيه الفايدة، الناس والأرواح تمشي وتجي