samedi, décembre 30, 2006

Je veux partir en Suède!!


cliquez sur l'image pour l'élargir.

Regardez les! ils sont beaux, ils sont souriants, ils sont sympathiques, ils sont dynamiques, ils sont plus ou moins jeunes et ils travaillent dur pour vous rendre les plus heureux possibles, enfin ça dépend, il faut être suédois d'abords!

Les charmants personnages dont vous voyez le portrait ici ne sont pas les héros d'une série télévisée, non, ils sont les ministres du gouvernement Suédois. J'ai presque envie de les serrer dans mes bras et de les embrasser, tellement ils sont adorables!

Ce qui est sûr c'est qu'ils font leur travail trés bien: La Suède est un pays d'une dizaine de millions d'habitants, sans ressources naturelles exceptionnelles, et qui n'a jamais été une puissance coloniale. Pourtant, c'est l'un des tout meilleurs pays du monde en matière de développement humain, économique et social et de qualité de vie. ça vous rappelle pas d'un endroit que vous connaissez par hasard??

La Suède était un exemple que Bourguiba voulait suivre pour le développement de la Tunisie à l'aube de l'indépendance, avec un Etat puissant qui encadre la vie economique et une politique axée sur le développement social. 50 ans aprés, où en sommes nous? Je crois que la comparaison est devenue inappropriée tellement ces gens se sont vite hissés à un autre niveau de développement. Les raisons? Je n'en sais pas plus que cette photo!!

S'il vous plait, y'a pas quelqu'un qui peut m'aider à aller vivre là-bas?

P.S: En plus quand je serais suédois tout le monde sera obligé de m'appeler "Ya Swidi" :))


عــلالــــش بــلا حـــدود


مسكين،

جاي معانا نحنا؟ يقلّق فينا، ما يعرفناش آشكون؟ في بالو نلعبو معاه؟ ما يعرفناش في الأمور هاذي ما نفدلكوش؟ اللعب لا والرحمة لا، ما قالولوش؟

أهوكا جات في راسو، خلّيناه عبرة لمن يعتبر، نـحّينالو جدّ والديه الكلب، مشّيناه تروف، كلينالو القلب متاعو، مصارنو جبدناهملو، كبدتو شويناهالو، دمّو سيّحناهولو. الحكاية الكلّ درجين من زمان، ما أكثرش، وبعثناه للعالم الآخر

آما هو العلّوش اللّي مازال يحلّ فمّو معانا؟ تي شبيك، رانا بلاد المليون علّوش موش لعب، الروح عندنا كي الذبّانة.

العيد الكبير يعجبني على حاجة وحدة: البلاد تفرغ أكثر حتّى من العيد الصغير، تولّي تعمل الكيف، وسط البلاد يولّي كاينّك تحوّس في سويسرا، تقولش نسكّرو المحطّات متاع الترينو واللواجات باش اللي مشى ما عادش يرجع. بصراحة ماهيش جهويّات أو ريجيوناليزم كيما تقولو، أما العاصمة ما عاد فيها ما يعيش الواحد من كثر ما تعبّات بالعباد، والشيء باقي على قدّام.

المفيد، اليوم العراق فاز بجائزة أغلى علّوش في العالم: الضحيّة العام هذا تكلّفت آلاف الموتى والجرحى والمشرّدين، ومليارات سلاح و بترول وسياسة وفضائح لا يورّيها لحبيّب، أما في الآخر طلعت لحمة شارفة وماسطة، حتّى كوكوت ما تطيّبهاش. على الأقلّ هالملفّ المحنون تسكّر، بالباهي ولاّ بالخايب. أما قعدت كان حاجة وحدة خايف منها: إنشالله بركة جريدة الشروق في الطبعة متاع غدوة ما تجيبلناش حكاية أخرى وتقوللك راهو مازال يتـنـفـّس وإلاّ مازال باش يحارب الأمريكان من العالم الآخر. نتصوّر الحكاية في عوض "جيش صدّام يدكّ المارينز"،
باش تولّي "شبح صدّام يقصف الجيش الأمريكي بالكيمياوي". ماني نعرفهم ما يحشموش، الله يقصف أعمارهم ويدكّهم تحت ترينو. قولو آمين

قبل ما نختم هالبوست الإحتفالي حبّيت نقترح على وزارة الفلاحة أنّها العام الجاي تجيبلنا علالش مواكبين لمجتمع المعرفة والمعلومات، يعني في عوض نقعدو نشوفو في حجم المرّارة متاع العلّوش باش نعرفو العام الجاي باش يكون فيه الدزّة وإلاّ عام ميزيريا كيف اللّي قبلو، أهوكا يعملولنا في وسط المرّارة شيك فيه قيمة الميزانية متاع العام الكامل بالتدقيق، باش المواطن يعرف بالضبط قدّاش يصرف من هنا للعيد الجاي، ونشكرهم بالمسبّق.

حاسيلو حبّيت في الختام نقوللكم عيدكم مبروك وسنين دايمة، وكلّ عام ونحنا بانديّة على العلالش، مادام البشر ما لقيناش معاهم حلّ

مظلومة يا دنيا

يسعدني باش نقدّملكم غناية ماهيش جديدة من عالم البومزيود، الغناية تعبّر على شيء من الإنحطاط في الذوق والإعتداء على الجسم السليم، أما زادة ما إنّجّمش ننكر أنّها كلماتها فيها برشة كلام معقول، وتعكس مشاعري المنحطّة تجاه المجتمع الدولي ومنظمة الأمم المتحدة والحيوانات المهددة بالإنقراض وخاصة البرمائيّة منها. حاسيلو ما تحاولوش باش تفهموني اليوم، خلّي الأستاذ عبد الرزّاق قليو يحكيلكم

مظلومة يا دنيا، ردّوه فيك العيب
الكذب ياسر والغدر ياسر، يا دنيا شيء عجيب



ومادامكم قعدتو عاقلين في النهارين اللّي تقصّتلي فيهم الأنترنات، نزيد نعطيكم الريميكس على إيقاع الفزّاني المرتاح


والله عجايب يا ناس
ما بقاتش همّة ولا إحساس
من الخوف الحق نخبّوه
والمظلوم نزيدو نبكّوه
والحرّ علاش نذلّوه
قدّام عينينا ينداس
والله عجايب يا ناس
مظلومة يا دنيا

Pensée du jour (3)

Il faut de tout pour faire un monde, mais il suffit de quelques merdeux pour en faire un monde merdique!

mardi, décembre 26, 2006

عـــدنــا

بعد الراحة لمدة 24 ساعة لازمنا نرجعو لسابق أعمالنا ، وكيما تعرفو الدنيا ما تاقفش

حبّيت نحيّي جمهور المدونين وقرّاء المدوّنات على المستوى الراقي اللّي عبّر بيه على موقفو، من غير أفلام أوتسييس للحكاية، والله حاجة باهية وتعمل الكيف.

هو صحيح أنا جيت ضدّ حجب المدوّنات كمبدأ، يعني أنّو موش معقول باش ناقفو ضد حريّة الرأي والتعبير اللّي هي من حقّ كلّ بشر، أما بصراحة ساعات الواحد يطيح بمدوّنة يقول ماصاب يسكّرو أمّها اليوم قبل غدوة.

حاسيلو موش لازم ندخلو في التفاصيل وتولّي حكاية، أما
حبّيت نـأكّد على أنّو المدوّن عليه زادة مسؤولية أخلاقية قبل كل شيء باش ما يروّجش معلومات مالحيط ويبدى يملّس كيما جات جات، على خاطر فمّا ناس تصدّق اللّي تقراه من غير ما تفكّر ياسر، وهذا شيء يعطي حجّة للناس اللّي تشجّع على السونسير

المدوّنين التوانسة بما أظهروه من مستوى حضاري في أغلبهم ماهمش في حاجة لشكون يراقبهم ويعلّمهم آش يكتبو وآش ما يكتبوش. وإنشالله ديما لاباس

dimanche, décembre 24, 2006

هاو جاء البيّوضي




هيّا توّا بيّتو الحسّ 24 ساعة، السكوت والنبوت واللّي يبوستي يموت، لا موزيكا ولا كتيبة، ولا صوت كلافيي ولا حتّى تشطيبة. المدوّنة هاذي منبوزة، وكيما خواتها ماهيش مفروزة، يا تسيّبولنا المدوّنات الرهينة، يا نعملو كيما عملو والدينا. آش عملو والدينا؟ خلّي توّة نهار الثلاثاء نقوللكم. أمّا توّة خلّيوني نمارس حقّي في تسكير جلغتي على بركة الله

Lenny Williams - Cause I Love You


Et on continue avec la musique!

Cette fois avec un superbe ce morceau de old school soul... Man, how good is this! Une des plus belles chansons d'amour de tout les temps.



P.S: Je mettrais les liens pour ceux qui veulent télécharger ces chansons plus tard.

Aaliyah - I Miss You


Aalyah, qui s'est éteinte à l'âge de 22 ans suite à un accident d'avion en 2001, était déja une chanteuse ,star de la musique Rn'B, actrice, danseuse, mannequin... bref, elle avait toutes les qualités du monde... Une si belle voix dans une si belle femme. La mort fût plus rapide, mais avec des morceaux comme celui-ci, je suis sûr qu'elle chante au paradis en ce moment. Rest In Peace baby girl, the world will Miss You.



ExTraVaGaNzA Radio




J'annonce (3ala barakat elléh!) aujourd'hui la fusion de mes deux grandes compagnies: ExTraVaGaNzA et Big Trap Radio ne feront désormais qu'un seul blog! ça veut dire quoi? Simplement que je vais poster ma musique préférée et autres fichiers audio sur ce blog. Pourquoi? Parceque mon compte chez odeo.com a été supprimé pour avoir violé quelques droits d'auteurs :)) et toute la musique que j'ai mis sur l'autre blog est inaccessible. Et puis quoi encore? L'autre raison c'est parceque mon autre blog a beaucoup moins de visites que celui-ci alors qu'il y'avait du materiel assez intéressant. Comment? Je vais commencé à rapatrier les vieux titres sur Big Trap Radio ici, et j'ajouterais proaablement quelques nouveautés. Conséquences pour vous? Vous devrez vous taper quelques titres d'excellente musique, pas forcément à votre goût, mais rien ne vous obligera à l'écouter. De toute façon ceux qui sont venus sur mon blog musical savent que j'ai des gouts assez variés pour qu'il y'en aie pour tout le monde.

Allez un avant goût avec une nouveauté: Ludacris répond à T.I avec "War with God", la rivalité pour le titre de meilleur rappeur du South a donné quelques excellents morceaux, celui-ci est pas mal du tout!


Lundi je poste plus blanc que blanc



Action Blank Post

Vous voulez poster blanc et montrer votre solidarité avec Samsoum contre la censure? Voilà une bonne idée! Mais vous pouvez faire encore mieux: Un post plus blanc que blanc, pour soutenir encore plus fort les blogs censurés. Postez plus blanc que blanc: Lavez votre blog avec le nouvel OMO!

Extraits d'un sketch de Coluche:
Ah ! Il est bien le nouvel Omo ! C'est celui qui lave encore plus blanc que blanc !
Moi, j'avais l'ancien Omo qui lavait plus blanc et il lavait déjà bien hein !
Mais maintenant il y a le nouvel Omo qui lave encore plus blanc !
Moi j'ose plus changer de lessive, j'ai peur que ça devienne transparent après !
J'ai déjà l'air con avec des rayures, hein ? Ils rigolent en plus !
Bon. Parce que j'suis allé voir M Omo et j'y ai dit :
"Dites donc, je m'excuse de vous déranger pendant le repas..."
Parce qu'il était à table avec des enzymes à lui... Alors il était là... J'y ai dit :
- Je m'excuse de vous déranger, Monsieur Omo... Le nouvel Omo, est ce qu'il lave plus blanc que l'ancien Omo ?
- Heu... il lave plus blanc, le nouvel Omo !

- Mais l'ancien Omo, il lave... moins blanc alors ?
- Non, l'ancien Omo, Il lave... blanc !

- Ah bon... Parce que moi, heu, blanc, je sais ce que c'est comme couleur c'est blanc. Moins blanc que blanc, je m'doute. ça doit être gris clair ! Mais plus blanc que blanc j'vois pas... Qu'est-ce que c'est comme couleur ?
- C'est nouveau, ça vient de sortir !

- Ah bon, on peut pas discuter alors ?...

Et à Voltaire enfin de rajouter:

"C’est le propre des censures violentes d’accréditer les opinions qu’elles attaquent."

Cartoons Algériens: Pas mal!

J'ai trouvé ces caricatures sur le site du quotidien algérien "Liberté" et je les ai trouvé excellentes. Disons qu'ils osent aborder plusieurs sujets encore tabous chez nous.

J'avoue que j'ai été agréablement surpris par la qualité, la pertinence et l'indépendance de ce journal, preuve qu'il n'y'a pas que les marocains qui nous ont dépassé dans le domaine de la presse dans la zone du Maghreb, mais bon, ça c'est plus un secrêt pour personne!








samedi, décembre 23, 2006

Et pendant ce temps de l'autre côté...

2006, année record pour les exportations d'armes israéliennes

JERUSALEM (Reuters) - Les exportations d'armes par Israël ont atteint un niveau record en 2006, a annoncé dimanche une responsable du ministère de la Défense, alors que l'on s'attendait à ce qu'elles souffrent des revers essuyés par l'armée israélienne au Liban.

Selon des experts étrangers, ce conflit de 34 jours lors duquel Israël a écarté les miliciens du Hezbollah de la frontière libano-israélienne sans pour autant le neutraliser,(...) risquait de ternir la réputation des armes israéliennes, et notamment des systèmes de détection aériens.

Mais le ministère de la Défense a déclaré que fin novembre 2006, Israël avait enregistré pour 4,1 milliards de dollars de commandes en provenance de l'étranger, dépassant un précédent record - 4,02 milliards de dollars - établi pendant la même période en 2002. D'après le magazine spécialisé américain Defense News, les exportations israéliennes représentent 10% des ventes d'armes mondiales, faisant de l'Etat juif le quatrième fournisseur d'armes derrière les Etats-Unis, la Russie et la France.
حتّى نحنا العرب زادة ما قصّرناش: في 2006، بعنا برشة... ريح... للمراكب

Chapeau!


Chapeau bas! Je ne peux dire autre chose à propos de ce grand monsieur pour l'exceptionnel effort qu'il fait en faveur de la cause des plus faibles. J'ai eu l'occasion d'écouter une interview de Mr George Clooney -superstar hollywoodienne de profession et activiste humanitaire dans ses jours de fériés- sur Al Jazeera à propos de son engagement pour la cause des victimes du conflit au Darfour, et je peux vous garantir qu'il ne le faisait pas pour embéllir son image ou se faire du "marketing humanitaire" comme le font certaines stars. Sinon il aurait joué vachement bien la comédie et se serait bien foutu de ma gueule!

C'est vraiment la marque d'un grand homme quand quelqu'un a tout ce dont les autres rêvent et qu'il trouve le temps de faire quelque chose de "bien" pour les autres. Clooney aurait pu passer sa vie à vivre dans de super chateaux, à conduire des super bolides et à se taper des super nanas. Un peu ce que je fais quoi! Mais au lieu de ça il a fait la sienne la cause des victimes civiles du conflit du Darfour et a fait le voyage sur le terrain, pour ensuite déplorer à l'ONU même le manque d'action de la communauté internationale pour venir en aide aux populations qui souffrent de véritables drames humanitaires.

Si seulement quelques uns des "princes", "émirs" et personnalités arabes "similaires" pouvaient prendre une petite leçon de ce qu'a fait ce monsieur, peut-être, peut-être que certaines personnes souffriraient beaucoup moins dans ce monde.

Hélas, tout le monde n'a pas le même coeur ni le même sens des priorités!

Pour l'info: Le conflit au Darfour a fait plus de 200.000 morts et 2,5 millions de déplacés depuis 2003. Le gouvernement soudanais est accusé de soutenir les milices janjaweed dans le massacre des populations noires du Darfour.

vendredi, décembre 22, 2006

Réforme!




Sans commentaires!
:))

Lieu: Bab el Khadhra, Tunis

Rectificatif : Je ne suis pas facho!

Je vois suite aux réactions de certains lecteurs à mon dernier post que je me suis un peu fait mal comprendre quant à ma position concernant l'action "Post Blanc" initiée par quelques bloggeurs tunisiens contre la censure des blogs. C'est vrai que j'ai parlé avec un peu d'humour de la question mais c'etait juste pour ne pas en pleurer, parceque comme vous savez "kothr el hamm...", 7asilou!

C'est vrai que plusieures fois j'ai lu moi-même des tas de conneries sur quelques blogs que je ne citerais pas, et que plusieures personnes s'aventurent parfois sur des champs sur lesquels ils sont peu informés ou mal informés et qu'ils diffusent ainsi des informations, des rumeurs ou des idées qui peuvent induire en erreur; mais je ne crois pas que la censure puisse être un remède contre celà. C'est toujours au lecteur de vérifier les sources de son information et de ne pas prendre tout ce qui se dit ou s'écrit sur les blogs pour des vérités toutes faites.

Je crois qu'au moment où les plus hautes autorités de l'Etat appellent à plus d'ouverture et de tolérance, il serait imprudent pour les responsables du contrôle de l'internet de nager contre le courant, mais bon, chacun fait son travail comme bon lui semble!

Je voulais dire que je soutiens cette réaction tout à fait légitime de la blogosphére tunisienne contre la censure des trois blogs qui ne sont même pas à vocation militante. Je suis de toute évidence pour la libérté d'expression sur les blogs et ailleurs. Je posterais blanc ce lundi, non pas parceque je pense que celà changera quelque chose, mais juste pour dire que nous ne sommes plus au seizième siècle, au cas où certains l'auraient oublié!

jeudi, décembre 21, 2006

حانوت مسكّر، ولا كرية مشومة

الجماعة المدوّنين قاعدين يحضّرو في عمليّة إحتجاجية عالية المستوى ضدّ ما يسمّى بالرقابة أو السونسير اللّي وقعت على بعض المدوّنات الشقيقة والصديقة، وحسب ما فهمت العملية باش تتم نهار اللإثنين هذا: كلّ مدوّن باش يعمل بوست أبيض للتعبير على إحتجاجو على حجب المدونات اللّي باتت ما صبحت، والدوام لله على كلّ حال.

أنا واحد مالناس باش نتوحّشهم الوخيّان، خاصة سمسوم، والله كان ناس طيّبة والبوليتيك خاطيه، الله غالب دارو بيه أولاد الحرام، وماكم تعرفو، الخلطة بلطة والجرب يعدي، كرّو عليه وصبّو بيه، تي حتّى تحليلو نظيف، ما طلع فيه كان 2 قرامات سياسة وأغلبها عالمية. الله يهدي اللي كان السبب.

عادة قلتلكم المدوّنين اللّي منعو بجلدهم ناوين يخوّضوها ويعملولنا بلبلة وتشويش في الطريق الرقمي العام، عادة قلت إننبّه الجماعة المسهولين على بكري باش يمنعو هالعمليات المنافية للنظام العام، ويزيدو يسكّرو علينا ما تبقّى من مظاهر الشغب على الشبكة العنكبوتية، خلّي نقعد فيها وحدي، راسي راسهم، ماكانش ياخويا يولّي التدوين هذا عمليّة منظّمة، موش اللّي يجي يحكي اللي يخطر في بالو، ويمكن حتى يسرّب أفكار ومعلومات غالطة من شأنها تؤثر على الرأي العام تأثير سلبي وتزرع مشاعر غير وطنية في أذهان الشبيبة.

عادة قلت أنا علاش ما نعملوش في كلّ حومة دار التدوين، كيما دار الشباب، واللّي عندو ما يكتب يتفضّل يكتب جهار في النهار ويعرّف بنفسو وبالمصادر اللّي جاب منها حكاياتو ويصحّح على كلّ بوست في البلدية بالتعريف باللإمضاء باش يتحمّل مسؤولية كلامو، موش خير؟

بصراحة أنا مانيش باش نشارك في حكاية البوست الأبيض، كان تحبّو نعملو المدوّنة البيضاء نمشي معاكم، يعني نفسّخو علينا هالمدوّنات الكلّ على مرّة ونرجعو كيما كنا أحباب الناس الكلّ. كي تجي تشوف هو الرّيق هذا ماهوش متاعنا، وظاهرلي زادة عاملينو اليهود بالعاني باش العرب تاكل بعضها بالتقطيع والترييش. توّة مشكلة هي كان فمّا رقابة؟ ماهو لازم واحد يعسّ زادة، موش سيّب الماء عالبطّيخ. هاني أنا مثلا، كان ما يبداش شكون يعسّ عليّا ندخل بعضي ونطيح مانك، يا خويا آشكون ضامن؟ نهار نشرب كاسين زايدين ونقوم نهزّ ونسبط وحدي من غير ما يفيّقني حدّ، إمّالا باش التونسي للتونسي رحمة؟ ماهو كيف يجيه يفيّقو على روحو، و يقولّو يا فلان راك قاعد تعمل في العيب وما يطلعشي عليك.

أنا مع الرقابة ومع السونسير ياخويا، تي لواش عليكم؟ من أيّامات اللّي كنت نقرا في اللّيسي كان أحسن واحد يعجبني في الإدارة هو النّاظر يعني الـ censeur – عمّك الشادلي الله يذكرو بالخير- لواش اليوم تحبّوني نستغنى على شدولة على خاطر جرد مدوّنة؟ ينعن بوه هالأنترنات اللي باش يعمللنا الدوانة مع شدولة.

يا سي الشادلي، الله لا ينحيك علينا ولا يحرمنا منّك، رانا بلاش بيك... ماعادش توانسة!! وسامحني كان غلطت بكلمة هكّا ولاّ هكّا الليلة، واللّه لا نقصد شيء، ماك تعرفني خوك صاحب محنة ونستهلك كان المحلّي، إحسبني كيف ولدك وإدعي ربّي يهدينا ويهديك، وعلى كلّ حال أنا نفهم فيك.

mercredi, décembre 20, 2006

Enfin de bonnes nouvelles!

Depuis le temps que je pousse des coups de gueule, je vais enfin annoncer une bonne nouvelle: On va enfin avoir droit à de la bonne bière! Lisez plutôt:

AMSTERDAM (Reuters) - Jean-François van Boxmeer, le P-DG du brasseur néerlandais Heineken a annoncé l'acquisition d'une part de 49,9% de l'entreprise tunisienne Société de production et de distribution des boissons (SPDB).

Heineken a précisé dans un communiqué que la coentreprise investirait dans la construction d'une nouvelle brasserie et distribuerait en Tunisie la marque Heineken ainsi que des marques locales.

L'investissement initial total se monte à 27 millions d'euros, financé par un emprunt et des fonds propres. La part achetée par Heineken correspond à environ six millions d'euros.

Le marché de la bière en Tunisie est actuellement estimé à un million d'hectolitres et devrait croître encore. Mais en raison de restrictions sur les importations, la Heineken n'est pour l'instant disponible que dans les magasins duty free.


Je ne suis pas vraiment un fan de la bière Heineken, mais ce qui est sûr c'est que cette acquisition apportera une amélioration considérable de la qualité des bières et autres boissons produites par la compagnie. Vive la mondialisation!

Pensée du jour (2)



Si je n'ai rien à dire, quoi de mieux à faire que de fermer ma gueule?

samedi, décembre 16, 2006

Syriana Live Reality Show


اليوم ألغى طوني بلير رئيس الوزراء البريطاني التحقيق اللّي كان جاري حول قضية رشاوي دفعها الأنقليز لمسؤوليين سعوديين كبار لإتمام صفقات يشتري بمقتضاها السعوديون معدّات عسكرية من الشركة البريطانية.

إلغاء التحقيق جاء كمحاولة لفكّ الأزمة مابين البلدين ولتجنّب إدانة تكون محرجة جدّا للطرف السعودي وتأكّد بالحجّة والبرهان ما يتداوله الكثير من الناس من إشاعات حول صفقات وهمية وأسلحة غير صالحة للإستعمال يقع شراؤها بمليارات الدولارات من المال العام.

حاسيلو ماهوش جديد على بلاد بوكشطة، والسعودية ماهيش البلاد الوحيدة في الجهة اللّي تصير فيها الفضائح من هذا النوع. ولكن قرار طوني بلير بتوقيف التحقيق بعد الضغوط السعودية والتهديد بتحويل الصفقة للفرنسيين، ولإن كانت النية منّو هي إبعاد الشبهات على السعوديين، فهو يمثّل في الواقع إدانة غير مباشرة للطرفين: السعودي والبريطاني، فالحرص السعودي على توقيف التحقيق بأي ثمن هو دليل ثابت على أنهم خايفين من كشف المستور وأنّ الدخان كان بالفعل تحته نار، وأما من جانب البريطانيين فهذا القرار هو بمثابة المهزلة بالنسبة لدولة تعتبر نفسها شريكة في نشر الحرية والديمقراطية في الشرق الأوسط، ويبين كذلك أنه بالنسبة للسيد بلير، العلاقة مع العرب تقتصر على معاملات ومصالح تجارية لا قيمة فيها للأخلاق ولا لإحترام الشعوب والحرية والحقوق، وهذا زادة ماهوش جديد علينا من طوني الرّهدان

حبيت في الختام نقول للناس اللّي عندها بزايد فلوس في الخليج والسعودية بالتحديد، يا إخواننا ليه الخسارة؟ سلاح بمليارات الدولارات باش ترموه في المخازن والمستودعات، موش أحسن لو تجيبو تستثمروه عندنا؟ يا خويا آش تحبّو نجيبولكم؟ كان على الصحراء موجودة، كان على الجو موجود، جيبو فلوسكم وأعملو عندنا مشاريع تربّحكم وتشغّل الناس اللّي باش تموت من البطالة، يعطيكم سخطة آش عندكم فلوس ومازلتو حتى لتوّة ما تعلمتوش كيفاش تسرقو! والباهي فاش، من بعد يطلعلك الأمير فرهود بن كشرود في حصّة كابيتال على الأم6 * يحكي على مشاريعو وإستثماراتو في أمريكا وفي باريس، ويحبّ يطلّع نفسو راجل أعمال ناجح ويفهملها في البيزنس، وزيد يتبرّع منها للأعمال الخيرية ويهدي منها كسكروتات للحجّاج ويعمل منها قنوات فضائية تعطي للناس دروس ومواعظ في الدين ومكارم الأخلاق وهي بكلّها فلوس البترول اللي شراو بيها فوشيك فسّاي وحطّوها في جيوبهم وجيوب الأنقليز والأمريكان

* l'émission "Capital" sur M6

Jouez au Dictateur!


Vous avez toujours rêvé de devenir dictateur dans un pays du tiers-monde? Ce jeu est pour vous!!

Le principe est simple: votre peuple est ce troupeau de moutons que vous gardez avec grande attention, mais pour préserver l'ordre vous devrez tirer le plus rapidement possible sur tout les moutons qui essaieront de s'échapper du troupeau. Vous disposez donc de flèches tranquillisantes qui ont le pouvoir d'endormir les bêtes qui essaient de se révolter. Attention a ne pas tirer en l'air sinon votre score sera pénalisé (vous ne disposez que de 5 fléches, pour tirer appuiez sur la flèche au centre de l'écran).

AmuseZ vous bien et dites moi qui de vous a été le meilleur dictateur!

(Pour commencer le jeu, appuiyez sur "Go")

jeudi, décembre 14, 2006

الجنس واليهود


ظاهرلي ما فمّاش عقدة نعانيو منها نحنا العرب كـيما الزوز عقد هاذي: الجنس واليهود! لو كان نلقى طبيب نفساني واحد، ولاّ حتى طبيب روحاني ولاّ دقّازة تفكّلنا هالعقدتين الزوز، نتصوّر مشاكلنا الكلّ تتحلّ في ربع ساعة.

بالنسبة للساكس أخطانا منّو المرّة هاذي، خلّي كيف نعمل مدوّنة للّي عمرهم يفوت الـ18 سنة. خلّينا في اليهود. توّة صحيح اليهود شاخو علينا، فكّولنا البلاد وقتلو العباد، وعندهم توّة قريب خمسين سنة وهوما يعطيو فينا في السطاكة، أما يا خويا زادة ماهوش معقول باش تولّي درجة الكره متاعنا لليهود أكبر حتّى من قدرتنا على التفكير وتخديم المخّ.

اللّي قاعد نلاحظ فيه شخصيّا في البلدان العربية الكلّ هو أنّها الناس مسحورة بكره اليهود، يكرهوهم أكثر ملّي يحبّو رواحهم. ولاّت الحكاية واضحة للناس الكلّ: أيّ واحد يحبّ يربح شعبية الناس - وهنا نتكلّم بالأساس على السياسيين - يقوم يسب في اليهود ويلعن في أمريكا اللّي تساند في اليهود. الناس تصفّق طول، موش كان يبدى الشيطان بيدو هو اللّي يتكلّم. ماعادش يهمّ البرامج السياسية والأفكار والمستقبل متاع البلاد والعباد، المفيد ياقف بوكشطة ويبدى يسب في لي جويف، وقتها تهيج الجماهير وتعمّر راسها وتعمل كيف بالعزة والكرامة متاع عام الحرب: "إيه يرحم والديه، هاي الرجال ولاّ لوّح، سبّ اليهودي سبّ، الله لا تفكّر بيه ولد الحرام!!"

توّة أنا ما قلتش يا ناس حبّو الناس، واليهود أولاد عمّنا وما صار شيء. أما قاعد نقول راهي الأمور ما تجيش بالطريقة هاذي. إسرائيل في الوقت الحالي هي عدو للفلسطينيين بالأساس وللبلدان العربية الأخرى بالتيليكوموند. بلاد عدوانية وإستعمارية وسرطانيّة. أما المشكل حسب رأيي الأكبر من إسرائيل هو التخلّف العربي اللّي منّو فيه زيتو يقليه، يعني لا دخل فيه لإسرائيل ولا لعزرائيل. ماذابيّا كان نهار نشوف العرب تسبّ في الجهل بنفس الحماس اللّي تسبّ بيه اليهود، ماذا بيّا نشوفهم يسبّو الديكتاتورية والفساد المالي والإقتصاد البدائي والفقر والتخلّف العلمي والتكنولوجي والصناعي والسياسي والإجتماعي والثقافي بنفس الحماس اللّي يصفقو بيه لبو كشطة اللّي يسبّ في اليهود والأمريكان. للأسف الشديد، نحنا أمّة العرب - إذا كنّا نمثّلو أمّة من أصلو- نسينا العدو متاعنا الحقيقي وقعدنا عايشين في حروب خسرناها من عام ... الحرب!!

En parlant de fonctionnaires



Je me suis rappelé de cette blague:

Savez vous pourquoi les fonctionnaires n'attrapent jamais le SIDA?

Facile: parcequ'ils sont composés de 70% de branleurs et de 30% de lèche-culs!
:))



عيني على الإدارة



هيّا سيدي قلنا السلام عليكم ومرحبا بيكم. بالله سامحوني يا جماعة إذا كان ما تلهيتـش بالمدوّنة الأيّامات هاذي، ماكم تعرفو جاي رأس العام والخدمة دزّت، حاسيلو ماعليناش. اليوم وبعد أخذ وردّ مع نفسي المتواضعة قرّرت باش نحكي في موضوع إقترحو عليّا صديق من القرّاء ألا وهو الإدارة التونسيّة، ويبدو أنّو الصديق المذكور يعاني مجموعة من المشاكل النفسيّة يقول أنّ للإدارة التونسية دور كبير فيها. حاسيلو الموضوع مهمّ برشة ويعني كلّ تونسي، أما أنا كنت متردّد باش نحكي فيه بما أنّي ما نحبّش نكون قاضي وطرف في الحكاية. على كل حال أنا كيف العادة باش نتكلم بصفتي الشخصية وكلامي ما يمثّلني كان أنا.

حاسيلو آش باش نقوللكم؟ والله مسكينة الإدارة، دار عليها الزمان وولاّت الناس الكلّ تذمّ فيها وتحبّ تصلّحلها، بعد ما قرّاتكم وداواتكم وخدمتكم خمسين سنة، ولاّت تسمع في الكلام، وحتّى الصحافة اللّي ما تسوى شيء ولاّت تحلّ في فمّها وتقول الإدارة بيها والإدارة عليها، وهلمّ جرّا من هاكة الرسائل البليدة متاع الميزيريا: هاذي باعثة لوزير الشؤون الإجتماعية قالتلك زوجي معاق وطالبة إعانة لتربية أولادها الخمسة (تقولشي هو اللّي قاللها أبدى فرّخ وجيب فريق متاع كرة السلّة إنتي وراجلك المعاق) والآخر قالّك نحبّ رخصة متاع دخاخني والآخر يبكي قالّك المحكمة حكمت لفائدتي والإدارة ما نفّـذتليش، والآخر يشكي من البلديّة كيفاش ما خلاّتوش والولاية كيفاش ما عطاتوش وما غير ذلك من الذمّ المتواصل والبكاء.

أنا بصراحة وبغضّ النظر على الإعتبارات الكلّ نحبّ الإدارة، وكيف الفيلسوف الألماني هيقل، نعتبر العمل في القطاع العام وبالتالي خدمة الصالح العام مهمّة نبيلة كيفها كيف الطبّ أو المحامات، بل وحتّى أكثر على خاطر اللّي يخدم في الوظيفة العمومية بنزاهة ما يصوّرش منها ربع اللّي يصوّرو الطبيب أو المحامي. ولهذا فإنّو العمل في القطاع العام بالنسبة لي أنا هو أقرب حاجة تنجّم تكون للعمل الأخلاقي النبيل في عالم ولاّت فيه المادّة والمصلحة الخاصة هي أساس المعاملات بين البشر.

أما ماكم تعرفو زادة وما يخفاش عليكم اللّي مابين الخير والشرّ ما فمّا كان خطوة يعملها الإنسان باش يهبط من أحسن تقويم إلى أسفل السافلين. وهذا للأسف ما نشاهدوه في حالات متعددة في واقعنا اليومي. والأسباب اللّي تخلّي الموظف يعمل هالقفزة النوعية من كونه يخدم في الصالح العام إلى أنّو يولّي نقمة على البلاد والعباد هي نفس الأسباب اللّي تخلّي البشر يغلط ويتعدّى على غيرو في جميع مجالات الحياة، يعني إمّا الإغراءات أو الحاجة أو قلّة الوعي أو غيرها من مسائل تتعلّق بالجوانب التنظيمية.

برشة ناس ولاّت تشكي من الرشوة، وهي ظاهرة موجودة عندنا كيما في أكثر البلدان تطور وتقدّم، صحيح الدرجات تختلف من بلاد لبلاد، وفمّا ناس تسمّيها جعالة، وناس تسميها قهوة، وناس تقوللها ماكلة، بمعنى فلان ياكل، وفلان وكّل فلان باش سلّكهالو. يعني الموظف مسكين يولّي يعسّ على لسانو، يقول ماشي نفطر موش ماشي ناكل، ترصّيلوشي في حلّ وأربط على كلمة طايشة؟ يا خويا اللّي يشكي من الحكايات هاذي ما عليه كان ما يعطيش الرشاوي، ياخي كان ما جاتش الناس توكّل كيفاش باش الناس الأخرى تاكل؟ المشكلة حسب رأيي هي أنّو المواطن في أغلب الحالات يحب يخالف القانون ويولّي يلوّج على الطرق الملتوية باش يقضي أمورو، والموظف اللّي باش يتعامل معاه هو زادة متربّي في نفس العقليّة، وزيد أمورو الماديّة تاعبة، ويلقى الإغراءات قدّامو، قدّاش منها النزاهة والمصلحة العامة؟ ماهو بشر زادة هو!! صحيح ولاّ غالط؟

نجيو توّة للناس اللّي تتشكّى من البيروقراطية وطول الإجراءات والتعطيل في الإدارات، ومن أرجع غدوة ومازال في كونجي ومازالت ما حضرتش وغيرها من الحكايات اللي تخلّي الإنسان يضيّع برشة وقت وهو يستنّى ولاّ من بلاصة لبلاصة باش يطلّع ورقة. الناس هاذوما حبّيت نقوللهم راهو الدنيا فيها الموت، والسرعة ياسر موش باهية. يمكن عند الناس اللّي تعيش في بلدان متقدّمة تولّي باهية، أما نحنا مستانسين بالمستنّية، و هذا ودونو ما وراناش حاجة كبيرة باش نجريو عليها، يا خويا كي تحضر الورقة تحضر، شويّة صبر! إمّالا آش باش تعملو في نهار الحشر كيف تاقفو تستنّاو في نهار يدوم "خمسين ألف سنة ممّا تعدّون"؟* تراه قولو لا ما يساعدناش وما ناقفوش؟ ما جات كان على الإدارة القباحة وطول اللسان؟ قولولي أما هي الإدارة اللّي خلاّتكم واقفين خمسين ألف سنة تستنّاو في طريقكم؟ ظاهرلي إمّالا ماهوش مشكل كان صبرتو شويّة واستنّيتو جمعتين ولاّ شهرين ولاّ حتّى عامين على تطليع وريقة. آش كان عليه؟

أخيرا حبّيت نقول للنّاس اللّي تحكي عالإدارة بالخايب ما تنساوش اللّي الإدارة راهو ما بينها وبينكم كان الصلاة على النبي، يعني لا تنتخبوها ولا تبدّلوها ولا عندكم عليها مزيّة، الإدارة ماهي إلاّ أداة تستعملها السلطة التنفيذية -يعني الحكومة- باش تنفّـــذ بيها سياسياتها ، كيما النجّار يستعمل المنشار والمطرقة والمسامر وغيرها باش يصنع طاولة ولاّ كرسي، وهذا في بلدان العالم الكلّ، ولهذا حسب رأيي، ننصح اللّي عندو مشكلة يمشي يحكي مع السلطة التنفيذية متاعو ويقوللها علاش وكيفاش، موش يعلّق كلّ شيء على ظهر الإدارة، يعني عبارة على واحد طلع الكرسي متاعو معوّج ياخي سيّب النجّار وقام يسبّ في المملسة ويعارك في المنشار ويلعن في الكاغط الأحرش...

---------

(*) بالنسبة للّي ما يعرفوش، نهار الحشر يعني النهار اللّي يقومو فيه الموتى وياقفو يستنّاو في طريقهم باش يتحاسبو قدّام ربّي ويعرفو كان داخلين للجنّة ولاّ كان طلعتّلهم قرعة وباش يتعدّاو للشّوّاية .

mercredi, décembre 13, 2006

كان ياما كان، لـبـنان

كان ياما كان، في قريب الزمان، بلاد إسمها لبنان، كانت لبنان أوّل بلاد تشتعل فيها شمعة الحريّة في وسط صحراء العربان، ولأوّل مرّة رأى العالم على الأرض العربية بلادا تسير نحو بناء دولة تقوم على الحريّة والديمقراطية. ولكنّ الحلم لم يتواصل لمدّة طويلة، لأنّ قوى الظلام وعصابات الخفافيش اجتمعت لتطفئ النور الخفيف المنبعث من الشمعة اللبنانية. وقد كان ذلك أمرا منتظرا، لأنّ سلالة مصّاصي الدماء وسلالة الظلاميين هي في النهاية سلالة واحدة، تخشى الأنوار وتعشق العمل في ظلام الكهوف أو الدهاليز، ولأنها ترفض أن تنتظر حتى ترى الشمعة اللبنانية تتحول إلى قنديل يضيء على الجوار، ومن هناك إلى منارة للحريّة في بلاد العربان عشاق الجاهلية. لهذه الأسباب أخرج العربان أقدم كتبهم الصفراء وخطاباتهم المسمومة ومنطقهم الأعوج، وإجتمعو خلف آخر عمامة تغطّي غباءهم الجماعي يرددون شعارات رددها آباؤهم وأجدادهم منذ بداية الزمان: تسقط أمريكا، تسقط إسرائيل، تسقط الحكومة المنتخبة، تسقط الديمقراطية، تسقط الحريّة وتعيش الجاهلية العربية الإسلامية، تعيش تعيش تعيش... ولكن إلى متى؟؟

ملاحظة: نعرف اللّي العديد من القرّاء باش يعارضوا كلامي وهذا من حقهم، وأنا نحترم رأيهم، أما هذا هو رأيي ومافيها باس كان يحترموه وما ندخلوش في جدال بيزنطي.

Sex, lies and Politics

نصر الله: سنيورتي أحلى من سنيورتكم



Merci à Chanfara pour m'avoir envoyé cette photo;)

mardi, décembre 12, 2006

Angleterre: Mais qui bute les putes?َ

Un tueur en série est entrain de faire des ravages dans la petite ville anglaise d'Ipswich. Aujourd'hui Mardi, deux nouveaux corps ont été retrouvés nus dans un petit cours d'eau, portant le total des prostituées tuées en l'espace d'une dizaine de jours à 5.


photos des 5 victimes

L'enquête de la police n'a toujours pas identifié le meurtirier qui demeure en libérté. Il est normal donc que les prostituées de la ville d'Ipswich se sentent menacées. Selon un article de presse, la police est intervenue pour les rassurer:

"La police avait également prévu d'envoyer mardi soir des équipes pour tenter de rassurer les prostituées travaillant encore à Ipswich, dont certaines ont déclaré qu'elles ne sortaient plus sans une brique dans leur sac."

Je voulais à cette occasion saluer toutes celles qui exercent ce travail si dur et si risqué chez nous et qui ne sont malheureusement pas reconnues à leur juste valeur. Mesdames mesdemoiselles, merci pour tout ce que vous faites pour nous, et surtout pour toutes ces entrées de devises qu'on n'aurait jamais eu sans votre participation: vous êtes notre pétrole national, et c'est pas pour autant qu'on va vous brûler! Au contraire, vous méritez toute notre protection et notre reconnaissance.

Pour revenir à cette histoire de tueur en série, la meilleure c'est qu'un homme d'affaires de la ville d'Ipswich a proposé une récompense de 50.000 livres (74.000 euros) à quiconque fournirait des informations permettant la capture du ou des tueurs... A mon avis il devait être un trés fidéle client!!


samedi, décembre 09, 2006

Pensée du jour




Si le football est la la drogue des peuples, notre championnat serait alors... un sachet de colle!

عصافير الزيتون

كيف كل عام في الوقت هذا رجعولنا، وكلّ عشيّة يملاو السماء بطيرانهم الإستعراضي وبلوحات مرتجلة ولكنّها غاية في النظام والدقّة. برشة ناس تكرههم على خاطرهم ياكلولنا كعبات الزيتون اللّي نطيّحو بيها في البسكولة متاع العجز التجاري، وزادة على الحسّ والوسخ اللّي يعملوه فوق رؤوس المواطنين، بالأخصّ في شارع الحبيب بورقيبة اللّي يستعمروه ويستعملو الأشجار متاعو كبيت نوم، وقدّاش من مرّة يسيّبوها على راس مواطن كيف حالي ولاّ على حوايجو، يولّي ما يلقى ما يقول، يقول بورت بونور* وديما يمشي.

بالرغم من هذا أنا نعمل عليهم كيف كي نشوفهم يشطحو في السماء في وقت المغرب، ونعتبرهم كيف التنشيط الثقافي البلّوشي والطبيعي، هذا من ناحية، ومن ناحية أخرى الجوّ اللّي يعملوه يرجّعني سنين لتالي، على خاطر وجودهم في السماء كلّ عام في نفس الفترة خلاّهم كيف الماركة المسجّلة أو الشاهد على الخريف في تونس على مدى السنين.

عصافر الزيتون تجينا كلّ عام تعدّي أيّامات وتمشي، وحتى حدّ ما سألها علاش ما حبّتش تقعد، علاش كل عام ترجعلنا وكلّ عام تخلّينا وتسافر. أنا سألت نفسي علاش وجاوبت نفسي كيف المهبول. علاش تحبّو عصافر الزيتون تقعد؟ عصافر الزيتون عندها قرون وهي تحاول باش تعلّمنا قيمة النظام والحركة الجماعية المنسجمة، ونحنا مازلنا شادّين صحيح في أخطى راسي وأضرب، وفي شاشية هذا على رأس هذا، وفي منطق الهمجيّة والقوّة والأنانيّة.

عصافر الزيتون عصافر تعلّمت تنظّم رواحها وتعيش و تتحرّك مع بعضها، وعمرك ما تشوف منها واحد شادد عصى على خوه باش يتبّعو بالسّيف ويطيّر العصافر الكلّ على كيفو... أما نحنا على مراد الله، مازلنا ما نعرفوش نتعدّاو في تقاطع طرقات إذا كان ما فمّاش بوليس يعدّينا...

عصافر الزيتون ما تنجّمش تتفاهم معانا، نحنا بلاد متاع عصافر سطح، وما يفهمنا ويعيش مرتاح معانا كان الطّاووس، على خاطرو فشلام ومنفوخ وعصافر السطح تقدّرو وتخاف منّو وتطمع باش تولّي كيفو. أمّا عصافر الزيتون نكرهوها، على خاطر تاكل الزيتون وتوسّخ شارع الحبيب بورقيبة، وخاصّة على خاطرها ترمز لحاجات نسينا طعمها ولونها. هاذاكا علاش زياراتها ما تطوّلش، وفيسع تقلق منّا وتطير.

نخلّيكم مع بعض الكلمات كتبهالكم واحد من عصافر الزيتون اللّي قصدو ربّي وخلاّوهالنا واسعة وعريضة:

خلقت طليقا كطيف النسيم

وحرا كنور الضحى في سمـاه

تغرد كالطير أين اندفعت

وتشدو بما شاء وحي الإلـــه

وتمرح بين ورود الحياة

وتنــعم بالنــــور أنّى تراه


...هيّا ماكم تعرفو البقيّة؟ أنّستو

* porte bonheur

mercredi, décembre 06, 2006

Mea CuLpa


Je voulais dire un grand merci à tout les lecteurs qui n'arrêtent pas de m'écrire pour témoigner de leur appréciation du "travail" que je fais sur ce blog. C'est vraiment touchant de voir les gens apprécier ce qu'on écris. Mais je voulais surtout m'excuser de ne pas pouvoir répondre à tout les mails ou messages sur msn. Il faudrait que je fasse du blogging mon travail à plein temps pour pouvoir profiter de l'apport de chacun des lecteurs. Mais je vous rassure, je lis chaque mail, chaque message et j'apprécie beaucoup votre feed back et vos suggestions; ça me motive pour la suite et ça me pousse à bien penser ce que j'écris ici.

Je ne peux que me réjouir du succés de ce blog que j'ai commencé il y'a à peine quelques mois avec pour unique intention de rassembler mes pensées perdues dans l'ocean du quotidien.

J'essaierais toujours de garder la même approche, de rester aussi objectif que je peux et de me vacciner contre le snobisme intéllectuel qui pourrit notre pseudo-élite. Je ne crois pas que les lecteurs viennent ici pour rigoler uniquement, c'est pour moi une évidence, sinon je ne verrais aucun intérêt à continuer ce que je fais. J'essaie d'apporter quelque chose de nouveau, de constructif, tout en essayant de ne pas être aussi chiant que ceux qui prétendent faire ce genre de choses.

Enfin j'ai eu une discussion assez acide avec une trés chère amie aujourd'hui à cause d'un malentendu et je voulais m'excuser pour ça aussi. MetallicNaddou tu es toujours une amie du blog. On se passe pas de tes commentaires ici et même pas de ton "klouf", ya 7ajj Klouf la blogosphere. :)))

One Love.

Vive le factice !!

Apparamment ça avance à grands pas du côté de la recherche scientifique et de l'innovation chez nous. Regardez plutôt ce que j'ai trouvé aujourd'hui:



De la "Assidét Zgougou" ( Le dessert traditionnel tunisien qu'on prépare le jour de l'anniversaire du prophéte) dans un emballage de Yaourt! Vraiment impréssionant, même si le gout n'est pas extra, ça pourrait toutefois vous éviter de perdre votre temps à préparer le zgougou vous mêmes.

Pendant qu'on y est, je propose de pousser la recherche encore plus loin, et puisque la fête de l'Aid est pour bientôt, on pourrait -au lieu d'égorger un pauvre animal- opter pour un de ces moutons gonflables:


Les avantages sont en effet multiples: ça ne coûte pas cher, ça ne fais pas de bruit, ça ne sâlit pas, et vous pouvez même vous l'envoyer si vous êtes un célibataire en manque d'affection! Que demander de mieux?

Avec un peu de "méchoui" et de Salade "Méchouia" surgelés vous aurez l'impression de passer un véritable Aid comme au bon vieux temps, tout en restant "in" et "high-tech" et en préservant votre énergie pour la bal3a du réveillon. (eh oui, cette année ça coincidera avec le jour de l'aid!)

Vive le factice !!

mardi, décembre 05, 2006

Big Trap In Love


Ma chérie, on se connait à peine, et je ne t'ai vue qu'à travers l'écran (certes LCD) de mon ordinateur portable. Mais cette sensation qui m'a envahit depuis la première fois où je t'ai vue est devenue trop forte pour pouvoir la garder au fond de moi. Comment ne pas t'aimer? Tu es si belle, si moderne, et sportive en plus! Je suis obsédé par toi, par ta beauté, par ton look, par ton style, par ton caractère si unique. Tes courbes me font tourner la tête, et même si je sais qu'un long chemin nous sépare et que beaucoup essayeront de t'avoir avant moi, je ne peux retenir cette envie qui me hante de te voir en vrai, de te toucher, d'être à l'intérieur de toi et d'entendre le son de tes gémissements. Sois à moi; donne moi une chance de t'aimer pour de vrai et je ferais de toi mon bijou, mon précieux, mon unique compagnon de route.

Je l'avoue ici devant tout le monde: Je suis sous ton charme et je crois même que je t'aime plus fort que toute autre chose dans ce monde. J'espère que tu ne le prendras pas mal, mais j'ai envie de partager ce sentiment avec tout le monde et de le crier sur tout les murs, c'est pourquoi j'ai décidé de mettre ta photo ici sur mon blog, pour que tout le monde apprécie la beauté du grand amour de Big Trap Boy.

Je t'adore!

(Pour les autres lecteurs, pas de commentaires déplacés SVP!!)

الجهل مصيبة






هيّا سيدي هاي رجعت الكوناكسيون، قولو الأ تي آي خايبة معاكم؟

هيّا على الفازة أعملو نظرة على هالفيديو القصير وقولولي آش رايكم في النابغة هذا

dimanche, décembre 03, 2006

َATI: ...Atawwa Tarja3 Inchallah



توّة عندها 3 أيام والكوناكسيون متاع الأنترنات تاخو وتعطي تقريب عند الناس الكلّ. حاسيلو شطر المواقع ماعادش تمشي،والسبب حسب ما فهمت هو مشكلة على مستوى الوكالة التونسية للأنترنات، الله أعلم آشنوّة قاعدين يصلّحو ولاّ يبدّلو. عادة حبيت نقوللهم بالمناسبة ياخويا ربي يعينكم، أما ماذابينا كان تزربو شويّة على خاطر الحكاية بدات تطول والكرويّة اللّي ندفعو فيها ماهيش من الواد. ياخويا فسّرولنا آشنوّة المشكل خلّي نعاونوكم. آشبيه الموتور متاعكم بيّل؟ ولاّ المشكلة متاع تبديل باتري وبوجيّات؟ ولاّ بالكشي الفيلتروات اتمسّخو؟ يا خويا أنا نفهمكم، حتى هي الماكينة عليها برشا دهك. مفيد الهدرة، كان تحبّو نعاونوكم يا خويا قولولنا، أتوّة نلمّو الوخيّان المدوّنين و يد يد نعطيوها دزّة فمّاش ما تخدم ويهديها ربّي. وما عندنا عليكم حتّى مزيّة، راكم محسوب متاعنا

صحافة شرشبيل و جمهور السّنافـر





اسمحولي باش نقدّملكم السيد شرشبيل، المشعوذ البغيض اللّي باع القصر متاعو في غابة السنافر وجاء يخدم رئيس تحرير في جريدة "الصريح". كيفاش جاتني المعلومة؟ ساهل ياسر، شوفو قدّاش من إعلان متاع دقّاز ومشعوذ وسحّار وعرّاف وشوّاف وحكيم روحاني في عدد نهار الجمعة 1 ديسمبر من الجريدة المذكورة




ياخي نحنا شعب متخلّف للدرجة هاذي؟ توّة معقول الإشهارات هاذي الكلّ في جريدة واحدة
؟ ياخي الناس للدرجة هاذي تؤمن بالشعوذة والخرافات متاع عام ككّح وإلاّ الصحافة هي المتخلّفة وتحبّ تكمّل تخلّط العباد عليها؟ هاذا مجتمعنا العصري المتفتّح المتثقّف وين وصل؟ هاذا مجتمع المعرفة اللّي داخلين بيه على العولمة وناوين باش نتنافسو مع اليابان وأوروبا وغيرهم؟ والله نحنا كان نكمّلو هكّا لا إنّجّمو نتنافسو حتّى مع قرية السّنافر موش مع البلدان المتقدّمة. موش شيء يحشّم هذا؟

بالله كان فمّا ناس كبار ماذا بيّا يقولولي إذا كان في الخمسينات أو الستينات وقت اللّي كان الشعب جاهل وكانت الدقّازات تدور في كلّ بلاصة، كانتشي الصحافة تحطّ في إعلانات من النوع هذا؟ ما ظاهرلي

هيّا إمّالا سنفرو بحياتكم وخلّيني نسنفر بحياتي، ومادام شرشبيل وراكم أشطحو وربّي معاكم



samedi, décembre 02, 2006

وزير الثقافة يفسّر أسباب منع مسرحية خمسون




برشة كلام تقال على مسرحية الفاضل الجعايبي "خمسون" اللي تم منع عرضها في تونس.

نهار الخميس، وفي إطار مناقشة ميزانية الدولة، طرح بعض النواب على وزير الثقافة السؤال حول سبب منع عرض المسرحية، وبغض النظر على الأجوبة اللّي قدمها الوزير، يمكن نقولو اللّي طرح السؤال في مجلس النواب في حد ذاتو يمثّل حاجة باهية و تطوّر في طريقة التعامل مع الملفات هاذي.

الوزير أعطى أجوبة يمكن تكون مقنعة ويمكن لا. تنجّمو تقراو المقال وتعملو رأيكم وحدكم كيما الأولاد الكبار.

أما كان تحبّو تعرفو رأيي إستنّاو حتى نولّي وزير الثقافة ، وقتها تلقاوني لابسلكم المريول هاذا، باش لا تسألوني ولا نسألكم، وأشطح ربّي معاك