samedi, janvier 06, 2007

مـن الـعــلّـوش لـلـكــرتــوش



السلام والإحترام للسادة والسيّدات قرّاء المدوّنة الكرام، أمّا بعد هذه التحيّة، واللغة المضروبة الخشبيّة، ننتقلو بيكم إلى صلب الموضوع، وإلى هذا الخبر اللّي لا فهمناه لا مخلوق ولا مصنوع. قالّك يا سيدي بعد ما كلينا العلّوش، البلاد قام فيها الكرتوش. إي نعم كرتوش موش فوشيك والحكاية جدّ وماهيش تفدليك، في قلب الضاحية الجنوبية، من حمام الأنف لبرج السدرية ، ومن سليمان للجبال والوديان، عشنا وشفنا يا الأولاد الكرتوش يخيّط في البلاد!

ماعدى البلاغ الرسمي، اللّي ما عطى كان الرسمي في الرسمي، واللّه أعلم كانو يحكي بالرسمي، الصحافة عملت روحها مقيّلة ولاّ موش لاهية، وجماعة الإشاعات كي العادة خدمو خدمة باهية، قالّك يا سيدي الهمهاما ولاّت الكوسوفو، وناس تقول عصابة وناس إرهاب وناس كوموندو ، و النبّارة نساو حكايات صدّام والكورة، وما عاد الحديث كان على جبل بوقرنين و جماعة تورا بورا. ماكم تعرفو في بلادنا حتّى شيء ما يتخبّى، أما زادة في أغلب الوقت الحبّة تولّي قبّة، والأخبار في إذاعة "قالو" توصل شطرها من وحي الخيال ، وربعها من مصادر غير موثوقة، ويزيد كلّ بطّال في كلّ قهوة يشمّر على ذراعو، ويعطي المساهمة الشخصية متاعو، يعني في النهاية صعيب باش تفرز الصحيح من البلّوط، وتولّي الحكاية خرافة كيما خرافة بوشلّوط.

حاسيلو آش باش نقوللكم يا مرحومي الوالدين؟ أنا زادة عندي مصادر متاع معلومات كيفي كيف الناس الكلّ ويمكن أحسن شويّة على اللّي صار، أما ما إنّجّم نقول لي وليكم كان أستر يا ستّار. توّة نحنا بلاد توريستيك و معروفة في العالم أنّها ديما سيمباتيك، وكيما تعرفو في الدنيا هاذي اللّي يسمّيك يغنيك واللّي يحكي بيك كلام كيما هذا يقضي عليك وينحّيلك جدّ والديك. عادة إنتي يا خويا لواش عليك تجيب البلاء لينا وليك وتقطع في رزق أمّاليك؟ حتى كي تشوفو الكرتوش بعينيك، إبتسم وقول "إنّه فوشيك، ولعب وتفدليك"، وأشطح ربّي معاك هاو جاك الجينيريك
!

19 commentaires:

Slaim a dit…

tu devras ecrire du theatre toi, 5/5

wiblogui rabi m3ak!

JOURNALISTE ARABE a dit…
Ce commentaire a été supprimé par un administrateur du blog.
Big Trap Boy a dit…

Sorry journaliste arabe:
أنا ضدّ ترويج الأخبار هاذي اللّي تنجّم تضرّ إقتصاد البلاد وتقطع أرزاق عائلات تونسية هي عائلاتنا، وذلك بغرض التشفّي من النظام الحاكم أو تصفية حسابات سياسية معاه، خاصة وأنّ الخبر المنشور فيه الكثير من المبالغة المقصودة والتسييس. النّاس شادّة ديارها من السبعة متاع العشية على خاطر الدنيا باردة، موش مالخوف والرعب، سامحني أما ما إنّجّمش نخلّي الكلام هذا على المدوّنة

Anonyme a dit…

للجبال والوديان" واللّه فكّرتني في غناية اسماعيل الحطّاب. أمّا التّرشيق اللّي سمعناه راهو ملفوشيك
والبنّي بنّي اللّي تضربوا علحيط يقوم يغنّي اللّي اولاد الهمهاما استعملوه و خاصّة اللّي عندهم الكرابيل المستعمل في حجر السّكك متاع الشّيمينو. وعلي خاطر الجو في الضّاحية الجنوبيّة مغمّق بدخّان الزّطلة اللّي تدور دوّخ الفروخ و ولاّو يسخايبوه عيد صغير موش كبير
أمّا قوّات لأمن هذوكم راهم خرجو يلوجوا علي سحابة سي العربي الّلي راحت و يعتيهم الصّحّة خرجوا الكلّ يبرّحوا ريتوش سحابةوسحابة كحلة سحابة سي العربي ها هاي.
أما أمّي تراكي راهي ناس ملاح... وربّي معانا

24Faubourg a dit…

chfamma, chbikom, echsarr???:)

Anonyme a dit…

Je pense elli yelzem n5alliw hal post to7fa :-)

Anonyme a dit…

désolé, moi j'ai pas pu résister à la tentation d'écrite TOUTES les rumeurs :D, mais bon, ce post je vais le référencer comme source aussi ;))

sangoura a dit…

franchement j'adore lire tes posts et belhak tu devrais ecrire du theatre toi :)

Anonyme a dit…

Je ne sais pas comment cela se passe chez vous, mais dans mon pays, "normalland" ma 3andnech la3b eddoud ...el fouchik wil ettarchi9 ..lé lé ..ma nesta3rfouch bla3b 7anni 7anni ! chez nous el kartouch 7ayy ..rassek walla rass el biss ..jet fik ..tu sors du jeux !ou 9atlan el dhib wla faj3anou ! mais tout cela avec le sourire ...ou fi ittar el tfadlik ..hakka 7atta ken un touriste ijji el Normalland ou yekel rassou ..9ball ma ymout n9ouloulou "nfadlkou m3aak ou sama7na !"

BTB, comme disent les autres il faut que tu ecrives pour le théatre mais surtout pour le cinéma ;)

Mira a dit…

ena men bériz nesma3 fih el kartouch :P

autre ;) a dit…

moi je dirais plutot qu'il ecrive pour le theatre, et je suis prete meme de m'occuper de la mise en scéne ;)!!
pour le cinéma , on joue surtout sur l'image,par contre le théatre demande un bon texte! B.T.B posséde déja un style d'ecriture assez particulier,il y a du dramatique dans son style d'ecriture,ça peut etre adapter au theatre tunisien!pourquoi pas, surtout qu'on a pas assez de dramaturges tunisiens! nous devons l'encourager ! il est temps de développer ce don ya BTB!
tasfi9a ala B.B

bribech a dit…

hahaha tka3britlik yai El Nahdi...ooops je voulais dire BTB ;)

Anonyme a dit…

1. El 7asel zayed m3ak ya big trap boy wa7dek fit ta3li9 bdem khfif walaou ken el maoudhou3 khtir.
2. je vote pour toi et je ferai campagne pour que les autres fassent de même.
3. j'ai remarqué que toi aussi tu te trouves obligé de supprimer quelques commentaires par ce qu'ils sont tout simplement nuls. Alorsd je te proposes de lire le texte suivant (c'est le dernier article que j'ai posté dans mon blog) :
Suite à quelques commentaires que j'ai trouvé de très mauvais goût, j'aimerais proposer ma (wa a3oudhou billah min kilmet ana) version des dix commandements pour être un bon blogger. Celui qui veut en faire les siennes est le bienvenu :

1. Des insultes tu t’abstiendras
2. De l’arrogance point tu ne feras
3. De l’autosuffisance jamais tu ne manifesteras
4. Tes interlocuteurs jamais tu ne sous-estimeras
5. De la morale tu te soucieras
6. Aucune atteinte à autrui tu ne porteras
7. Du langage SMS tu n’abuseras
8. Les règles du jeu tu respecteras
9. Gratitude aux autres tu montreras
10. Faire des commentaires désobligeants tu éviteras

P.S : je trouve que tu as du genie, tu dois penser à editer ce que tu ecris (idha 3atak el ati...)

JOURNALISTE ARABE a dit…

alors mon cher tu censures maintenant et tu parles de liberté ,-)

Big Trap Boy a dit…

@ journaliste arabe:

ياخويا كان إنتي صحافي أكيد راك تعرف اللّي لازم شويّة مسؤوليّة وأخلاقيّات في تبليغ الأخبار، على كل حال على أنترنات تنجّم تكتب اللّي تحبّ عليه من غير ما يعسّ عليك حدّ، أما أنا زادة من حقّي نتصرّف في المدونة متاعي والكلام اللي يظهرلي ما يلزمنيش نساهم في نشرو، وعلى كل حال أنا فسّرتلك علاش الخبر متاعك فسّختو في التعليق السابق

sans rancune.

journaliste arabe a dit…

OK sans rancune je respecte ton choix allez bon vent

Big Trap Boy a dit…

thanx

Original Prankster a dit…

labess, dima labess, el hamdoullah, labess,

ou achtah rabbi ma3ak ...
ouel fahem ....

Anonyme a dit…

Sur le commentaire de Takkou, j'ai lu : idha 3atak et ati... il ya une erreur de conugaison : idha 3atatek el ati...
excusez moi, je viens de comprendre ce que Takkou voulait dire...
Mais el ati n'est pas el ati de l'internet fi tounes...
-> ya mouwaten, barra ekhdem 3la rou7ek.